ТФТ – Kurir.mk

ТФТ повторно го совлада Работнички

Бошко Тасиќ — Fri, 03 Mar 2023 20:37:23 +0000

Драматична завршница на дерби дуелот меѓу ТФТ и Работнички во репризата од четвртфиналето во Купот на Македонија. Победник од оваа пресметка излезе ТФТ кој славеше со 92-89 по продолжение со рамките на 16 коло во Првата лига. За тимот од Тафталиџе ова беше 11 триумф, додека за најтрофејниот осми пораз. Костоски постигна 25 поени, зад него беше Батрик со 16. Кај Работнички, Џелетовиќ имаше 20 поени и 9 скока.

Шенчур го оддалечи ТФТ од плејофот во АБА 2

Тале Кристо — Wed, 25 Jan 2023 07:48:38 +0000

Кошаркарите на ТФТ синоќа загубија од Шенчур со 91:74 на првиот натпревар на турнирот во Бања Лука. Досега Шенчур немаше ниту една победа во регионалната АБА 2 лига. По осум одиграни натпрвари, ТФТ има скор од две победи и шест порази. Во наредното, 9. коло, клубот од скопско Тафталиџе ќе се соочи со Широки. Овој натпревар е закажан за утре од 15.часот, исто така во слата „Борик“ во Бања Лука. Вториот македонски претставник, Пелистер, денес ќе го одигра својот натпревар од ова осмо коло во АБА 2 лигата. Од 15 часот, битолчани за противник го имаат сараевски Спарс. Пелистер досега има четири победи и три порази.

Костоски го предводеше ТФТ до првата победа во АБА2-лигата

Тале Кристо — Tue, 20 Dec 2022 07:46:13 +0000

Освојувачот на Купот на Македонија, тимот на ТФТ синоќа во Златибор ја забележа дебитанската победа во регионалната кошаркарска АБА2-лига. Совладана беше екипата на Подгорица со 95:93 по продолжение. Најзаслужен за триумфот на ТФТ беше поранешниот репрезентативец Александар Костоски кој мечот го заврши со 28 победи, девет асистенции и пет скокови. Тимот од Тафталиџе досега одигра шест натпревари во АБА2 и дојде до првата победа, додека црногорскиот претставник го запиша четвртиот пораз во 6. коло. Втората македонска екипа во АБА2, битолски Пелистер утре од 15 часот се среќава со Борац од Бања Лука.

ТФТ убедлив против Струмица,ФМП го совлада Куманово

Бошко Тасиќ — Sat, 10 Dec 2022 20:46:58 +0000

Кошаркарите на ТФТ Скопје триумфираа на гостувањето кај Струмица со убедливи 111-84, додека Академија ФМП ја врза втората победа по ред откако беше подобра од Куманово со 102-83. Најдобар во победничкиот тим беше Страхил Николов со 18 поени, додека на спротивната страна блесна Ранко Мамузиќ со 22 поени. Академија ФМП ја запиша третата победа сезонава по девет натпревари, откако вечерва го уништи Куманово со 102-83. Кумановци издржаа само во првиот дел и имаа негатива од 44-49, но во второто полувреме гостинскиот состав ја наметна својата игра и без мака стигна до нов триумф. Неверојатен во победата на Академија ФМП беше Смит Меквин со 26 поени, 11 скокови и 10 асистенции, додека кај кумановци најдобар беше Јанески со 23 поени и 10 скока.

Крка го совлада ТФТ, прв пораз и за Пелистер во АБА2-лигата

Бошко Тасиќ — Wed, 23 Nov 2022 19:11:32 +0000

Македонскиот тим Пелистер го запиша првиот пораз во АБА2-лигата, откако загуби на гостувањето кај Широки бријег со 73-83, додека ТФТ Скопје беше поразен и по четврти пат во натпреварувањето, и тоа овој пат од Крка со 83-93. Најдобар во победничкиот тим беше Брзоја со 27 поени, додека кај Пелистер блесна Хаџифејзовиќ со 20 поени. Најефикасен во тимот на Крка беше Спан со 13 поени, три скокови и една асистенција, додека Андерсон постигна 20 поени и шест скокови за ТФТ.

МЗТ Скопје го преслуша ТФТ

Бошко Тасиќ — Thu, 06 Oct 2022 21:22:48 +0000

МЗТ Скопје го совлада ТФТ на отворањето на сезоната во домашната кошаркарска лига. Ова беше пресметка на освојувачот на Купот против актуелниот шампион. МЗТ повторно беше подобар, со 74:60. Крстевски и Кефи беа најефикасни со по 13 реализации, а Војдан Стојановски запиша 10 поени кај победникот. Во спротивниот табор по 12 реализираше „трилинот“ Ташовски-Стојановски-Андерсон. Пред една недела МЗТ Скопје го совлада ТФТ со 100:82 во пресметката за пехарот во Суперкупот.

ТФТ и МЗТ Скопје ја отвораат новата сезона во македонското кошаркарско првенство

Ивона Петрова — Thu, 06 Oct 2022 08:36:39 +0000

Со натпреварот ТФТ – МЗТ Скопје Аеродром, вечер во 19 часот ќе почне сезоната 2022/23 во македонската кошаркарска лига. Натпреварот ќе се игра во салата на СРЦ „Кале“. Екипата од Аеродром ја брани шампионската титула од минатата сезона, додека ТФТ е актуелен освојувач на националниот Куп „Благоја Георгиевски-Буштур“. – Реков и пред некое време, ние сме МЗТ, влегуваме како шампиони и фаворити. Променивме доста од странците, домашниот ростер остана ист. Мислам дека тимот е во слична физиономија како и лани. Одлучивме малку да го подмладиме тимот со годините, затоа и ги направивме промените. Нè чека доста тешка сезона, но целите на МЗТ остануваат исти – да се напаѓа секој домашен трофеј, додека во АБА-лигата ќе се бориме за подобри резултат. ТФТ сигурно е екипа за респект, пред се има добар ростер на домашни играчи и нови странци. Очекувам еден добар дуел. Ние сигурно имаме поголемо искуство затоа што играме со години во континуитет во АБА и АБА, изјави тренерот на МЗТ, Александар Петровиќ. Предводникот на ТФТ, Боро Смилковски смета дека борбеноста и мотивираноста ќе го одлучат победникот. – Овој натпревар доаѓа во еден транзициски период за нас, влегуваме со малку изменет состав, без Донован Доналдсон кој во меѓувреме се пресели во Пелистер, како и се уште без нови имиња во составот кои очекуваме да бидат обелоденети деновиве. Сепак веруваме во она што го имаме, напорно работиме за да бидеме подобри и со сигурност одиме да се натпреваруваме со верба за позитивен резултат на утрешната средба. Имавме прилика да направиме дополнителна анализа на противникот и да коригираме некои од грешките од минатата недела. А со сигурност за очекување е и да имаме подобар пристап – нешто што го ценам како клучен фактор за конечниот исход на натпреварот, смета Смилковски. Останатите средби од премиерното коло од новата сезона ќе се играат претстојниот викенд: Навико Академија ФМП – Кожув Гостивар – Пелистер Струмица – Еуро Никел Куманово – Чаир Работнички – Феникс.

ТФТ го врати во своите редови Лахланд Андерсон

Тале Кристо — Fri, 02 Sep 2022 13:54:51 +0000

Австралискиот кошаркар Лахланд Андерсон повторно ќе го носи дресот на македонскиот прволигаш ТФТ откако денеска договори соработка со скопскиот клуб за кој настапуваше во сезоната 2020/21. Андерсон имаше забележителна сезона во дресот на ТФТ со просек од 17.2 поени по натпревар по што замина во литванското првенство. Австралискиот крилен центар во дресот на ТФТ оваа сезона, покрај настапите во домашното првенство, го очекуваат и натпревари во регионалната АБА 2 лига, а претходно овој месец клубот од скопската населба Тафталиџе ќе биде домаќин на квалификациската група во ФИБА Лигата на шампиони во која се и Лестер Рајдерс од Велика Британија, романски Волунтари и Најнерс Кемниц од Германија.

ТФТ е организатор на квалификациска група од Лигата на шампионите

Бошко Тасиќ — Thu, 28 Jul 2022 20:21:57 +0000

Освојувачот на кошаркарскиот Куп на Македонија, ТФТ ќе организира еден од квалификациските турнири за место во Лигата на шампионите. ФИБА денеска соопшти дека македонскиот тим ќе биде еден од четирите организатори на квалификациските турнири кои треба да ги дадат последните четири учесници во новата сезона од Лигата на шампионите. Натпреварите ќе се играат од 21 до 25 септември во салата „Борис Трајковски“. Ќе играат шест екипи, во елиминациски систем. ТФТ во четвртфиналето игра против германскиот Кемниц, а ако победи во полуфиналето го чека швајцарскиот Фрибург Олимпик кој е привилигиран и е директен полуфиналист. Таква привилегија има и Тофаш од Турција кој во полуфиналето го чека победникот од второто четвертинале кое се игра меѓу Лестер рајдерс и Волунтари. Победникот на турнирот ќе обезбеди место во Лигата на шампионите, поразените имаат право на настап во Евро купот на ФИБА.

ТФТ доведе уште еден Американец во своите редови

Бошко Тасиќ — Sun, 17 Jul 2022 07:19:16 +0000

Освојувачот на Купот на Македонија, ТФТ Скопје го официјализираше трансферот на американскиот кошаркар Тревор Јасински. Тој доаѓа од холандскиот шампионат и тоа од екипата на Лимбург. Јасински во ТФТ ќе го замени Ландриус Хортон кој замина во Шведска. Во тимот пристигнаа и Донован Доналдсон, Трент Батрик, Борјан Стојановски и Дамјан Крстевски.