Урбаните моторџии во недела повторно низ илиците на Скопје за подигање свеста за машкото здравје

Магдалена Андонова — Fri, 21 May 2021 05:42:49 +0000

Во недела низ скопските улици повторно ќе продефилираат урбаните моторџии како дел од глобалното хуманитарно движење „The Distinguished Gentleman’s Ride“ во обид да ја подигнат свеста за машкото здравје и машките болести. За разлика од лани кога поради пандемијата имаше индивидуално возење под слоганот „Ride solo together“, годинава организацијата предвидува т.н. „нова нормална” изведба со почитување на сите протоколи за заштита од Ковид-19. Годинава, ќе бидат вклучени околу 100 моторџии облечени во фини костими со своите класични мотоцикли. – Блескавоста на прекрасните мотоцикли и шармот на „дотераните” моторџии и оваа година ќе бидат задолжителен фолклор на Скопската парада, овојпат се разбира затскриени под задолжителните заштитни маски, со цел да се одржат добропознатите тематски постулати на овој настан – ширење на свеста кај машката популација и собирање на средства за борба против ракот на простата и машките самоубиства. И овојпат остануваме посветени на хуманитарната цел, заедно со сиот сјај кој го носи настанот, вели во изјава за МИА Игор Стефановски, еден од организаторите. Додава дека е чест и обврска да се биде дел од едно вакво глобално хуманитарно движење чија цел е да се соберат средства за борба против ракот на простатата. – Вреди да се спомене достигнувањето на глобално ниво, кое во изминативе 10 години за борба против ракот на простата собра повеќе од 27.5 милиони долари со над 340.000 учесници во повеќе од 107 држави во светот. Секако, и Скопското издание има свој придонес во овие бројки од 2016 година, вели Стефановски. Новина е и новиот датум за одржување на настанот, кој од вообичаениот септемвриски термин е поместен на 23 мај. (МИА)

Движењето „The Distinguished Gentleman’s Ride“ собра шест милиони долари, Скопје дел од него

Ивона Петрова — Wed, 03 Oct 2018 06:58:55 +0000

Шест милиони долари се собрани како донации во рамки на движењето „The Distinguished Gentleman’s Ride“ кое годинава обедини 110.000 моторциклисти од 630 градови во 100 држави. Средствата се наменети за подигнување на свеста за машкото здравје и се донирани во Мовембер фондацијата која ги доделува онаму кадешто се најпотребни. И Скопје во неделата трета година по ред беше дел од ова движење, а Скопјани имаа можност низ градските улици да видат 150 елегантно облечени моторциклисти со укинатни мотори. Почетокот на настанот беше на плоштадот Мајка Тереза пред Македонската Опера и Балет, а парадното возење ги опфати речиси сите улици од централното градско подрачје. Собрани беа 2.242 долари. За прв пат оваа година партнер на настанот во организацискиот дел беше Градот Скопје и самиот настан со своите веќе три успешни организации полека, но сигурно влегува во мапата на културните градски случувања

The Distinguished Gentleman’s Ride – Kurir.mk

Урбаните моторџии во недела повторно низ илиците на Скопје за подигање свеста за машкото здравје

Движењето „The Distinguished Gentleman’s Ride“ собра шест милиони долари, Скопје дел од него