Тиаго Алкантара – Kurir.mk

Фенер испратиле понуда до Тијаго Алкантара

Ристе Здравков — Tue, 04 Jul 2023 07:35:40 +0000

Ливерпул прави целосна реконструкција во редот за врска. Во клубот веќе пристигнаа Алексис Мекалистер и Доминик Собослај, а се очекува во наредните денови да потпишат со уште еден играч, најверојатно тоа ќе биде Лавија од Саутемптон. Тројца нови играчи во редот за врска, значи дека Тијаго Алкантара ќе го напушти клубот. Поранешниот шпански репрезентативец, речиси цела сезона беше повреден. Медиумите во Турција тврдат дека Алкантара влегол во преговори со Фенербахче. Турскиот великан му понудил тригодишен договор.

Алкантара ќе пропушти шест недели поради повреда

Ивона Петрова — Tue, 09 Aug 2022 07:25:10 +0000

Играчот од средниот ред на Ливерпул, Тиаго Алкантара ќе биде надвор од тимот поради повреда на тетивата. Според „The athletic“, 31-годишниот Шпанец заработил повреда на тетивата на саботниот натпревар против Фулам (2:2). Тој беше заменет во 51. минута од средбата. Прогнозите на лекарите се дека Алкантара нема да може да игра до шест недели. Тиаго се очекува да биде надвор од терените до средината на септември, што значи дека ќе ги пропушти натпреварите од Премиер лигата против Кристал Палас, Манчестер јунајтед, Бурнмаут, Њукасл, Евертон и Волвс.

Клоп останува без клучен фудбалер во наредните шест седмици

Бошко Тасиќ — Tue, 09 Aug 2022 06:59:47 +0000

Јирген Клоп немаше воопшто позитивен впечаток од првото издание на неговиот тим во Премиер лигата и ремито остварено на гостувањето кај Фулам, односно нагласи дека единствено добро од тој меч е резултатот 2:2. Освоениот бод на „Кревин Котиџ“ е премал залак за шампионските амбиции на „црвените“, кои новата сезона ја започнаа со неколку повреди, а сега малерот продолжува и по компплетирањето на првото коло. Тиаго Алкантара не го доигра мечот со Фулам, а за жал, деталните лекарски прегледи покажале дека мускулната повреда е од посериозен карактер. Според последните вести од Англија, Алкантара има истегнување од потежок степен на заднажата ложа, поради што ќе отсуствува во период од шест седмици.

Асенсио, Фати и Алкантара се вратија во националниот тим

Бошко Тасиќ — Tue, 24 May 2022 06:52:03 +0000

Селекторот на Шпанија, Луис Енрике, го објави списокот на играчи за четири натпревари во Лигата на нации во јуни. На списокот од 25 играчи се најде и фудбалерот на Барселона, Ансу Фати, кој поради повреди нема играно за националниот тим од натпреварот од Лигата на нации против Украина во октомври 2020 година. Во репрезентацијата се врати и напаѓачот на Реал Мадрид, Марко Асенсио, кој последен пат за Шпанија играше во ноември 2020 година, односно во поразот од Германија со 6-0 во Лигата на нации. Играчот од средниот ред на Ливерпул, Тиаго Алкантара беше повикан во националниот тим за прв пат по Европското првенство минатата година. Тијаго се повреди на последниот натпревар на Ливерпул во Премиер лигата, но Енрике изјави дека повредата не изгледа сериозно. На списокот на Енрике се најде и Серхио Бускетс кој го пропушти последниот собир поради повреда, додека поради повреди ќе отсуствуваат Педри, Микел Ојарзабал, Џереми Пина, Џерар Морено, Давид де Хеа. Шпанската фудбалска репрезентација, која минатата година загуби од Франција во финалето на Лигата на нации, првиот натпревар од групата 2 ќе го одигра во Севиља на 2.јуни против Португалија.

Чави во Барселона враќа уште еден поранеше играч

Бошко Тасиќ — Sun, 14 Nov 2021 08:33:26 +0000

Веднаш по враќањето во Барселона новиот стратег на Каталонците Чави во тимот го врати и Дани Алвес, ветеран со кој освоија многу трофеи Новиот предводник на Барселона не сака да запре тука. Следна мета на Шпанецот е уште еден негов поранешен соиграч, Тиаго Алкантара. Фудбалерот за врска во 2013 година по повик на Пеп Гвардиола замина од Барселона и прејде во Баерн Минхен, а од минатата настапува во Ливерпул. Тиаго не се наметна премногу во тимот на Клоп и често е резерва. Факт е дека играта која ја негува Чави и ќе се обиде да ја наметне во Барса повеќе му одговара, па според шпански „АС“ кам-бекот е реален и многу лесно може да биде исполнет.

Баерн веднаш се договори со друг играч

Ивана Ефремовски — Thu, 17 Sep 2020 13:45:06 +0000

Неколку часа откако Баерн (Минхен) се согласи со Ливерпул да го продаде Тиаго Алкантара, германскиот клуб постигна договор за привлекување нов играч. „Скај Спорт Германија“ открива дека шампионот во Лигата на шампионите се договорил со десниот дефанзивец Сержињо Дест од Ајакс. 19-годишникот ја прифати понудата за договор во следните пет сезони. Сепак, потешкиот дел допрва доаѓа – двата клуба да се договорат за сумата на трансферот. Според информациите од Ајакс, тие сакаат 30 милиони евра, што, сепак, се чини премногу за Германците. Првичната понуда на Баерн беше 10 милиони евра, но беше одбиена. Дест е роден во Холандија од мајка Холанѓанка и татко Американец. Сепак, тој избра да игра за репрезентацијата на САД. (МИА)

Баерн бара за Тијаго двојно повеќе отколку што Ливерпул сака да плати

Тале Кристо — Thu, 16 Jul 2020 06:59:26 +0000

Раководството на Баерн Минхен е подготвено да се раздели со играчот од фудбалерот од средниот ред Тиаго Алкантара, пренесува „Билд“. Според изворот, минхенскиот клуб сака да добие 40 милиони евра за 29-годишниот Шпанец. Главен главниот кандидат за играчот е Ливерпул, но премиерлигашот не е подготвен да плати повеќе од 20 милиони евра. Во сезоната 2019/20, Тијаго одигра 36 натпревари за Баерн, има три гола и две асистенции.

Баерн близу до продолжување на договорот со Алкантара

Тале Кристо — Tue, 05 May 2020 15:14:40 +0000

Тимот на Баерн Минхен е близу до потпишување нов договор со sвездата Тијаго Алкантара, пренесе „Спорт Билд“. Двете страни постигнаа договор и се очекува оваа недела вестите треба да бидат официјално објавени. Шпанецот има договор само за уште една сезона, но истиот ќе биде продолжен. Тијаго е веќе седум години на „Алијанц Арената“, откако беше привлечен од Барселона. Неодамна, Баерн ги продолжи договорите со Томас Милер и Алфонсо Дејвис. Баварците се надеваат дека ќе го сторат истото со капитените Мануел Ноер и Давид Алаба, чии договори се до летото 2021 година.

Алкантара е близу до продолжување на договорот со Баерн

Дарко Андоновски — Mon, 06 Apr 2020 08:34:02 +0000

Играчот од средниот ред Тиаго Алкантара, најверојатно, ќе склучи нов договор со Баерн. Дваесет и осумгодишниот фудбалер е близу до продолжување на соработката со германскиот шампион, а двете страни треба да се договорат само за мали детали, објави „Кикер“ повикувајќи се на информација добиена од баварскиот клуб. Тековниот договор на Тијаго со Баерн важи до јуни 2021 година.

Алкантара надвор од теренот неколку седмици

Ристе Здравков — Thu, 01 Nov 2018 09:10:12 +0000

Фудбалерот на Баерн Минхен, Тиаго Алкантара нема да може да игра следните неколку недели поради повреда на десната нога. – Тиаго се соочува пауза од неколку седмици. Шпанскиот интернационалец го повреди лигаментот во десниот скочен зглоб на натпреварот од купот против Радингхаузен. Тоа е дијагнозата од страна на клупскиот доктор Ханс-Вилхелм Милер-Волфхарт, соопштено е на клупскиот сајт на баварците. Алкантара одигра 14 од 15-те натпревари на Баерн оваа сезона.