тиаго силва – Kurir.mk

Челси без столбот на одбраната неколку недели

Бошко Тасиќ — Wed, 01 Mar 2023 05:22:15 +0000

Фудбалерот на Челси Тиаго Силва би можел да паузира најмалку шест недели поради повреда на лигаментите на коленото. Англискиот гигант ја потврди информацијата за повредата на својот искусен дефанзивец, но не објави колку долго ќе мора да мирува. Инаку, Силва се повреди на лондонското дерби со Тотенхем кој е што Челзи го загуби со 2-0. „По повредата на коленото во првото полувреме против Тотенхем, Тиаго беше подложен на скенирања при неговото враќање во клупскиот тренинг центар во понеделникот. Резултатите од скенирањето потврдија повреда на лигаментите и тој сега ќе оди на рехабилитација со медицинскиот тим на клубот за да се врати на терените што е можно поскоро“, се наведува во соопштението на Челзи.

Тиаго Силва останува на „Стемфорд бриџ“ до 2024 година

Бошко Тасиќ — Sat, 11 Feb 2023 08:47:10 +0000

Дефанзивецот на Челси, Тијаго Силва, потпиша нов договор со клубот. Неговиот претходен договор беше до летото, но се договори со челниците да го продолжат за уште 12 месеци до јуни 2024 година. Иако има 38 години, Тијаго Силва останува главен столб во одбраната на лондончани. Оваа сезона има 24 настапи во сите натпреварувања. Ќе продолжи да му биде на располагање на Грем Потер и следната сезона и ќе се бори со Беноа Бадијашил, Весли Фофана и Тревор Шалоба за место во стартните единаесетмина.

Тиаго Силва: Селекторот на Србија покажа непочитување кон нас

Ристе Здравков — Fri, 25 Nov 2022 09:17:53 +0000

Искусниот стопер на бразилската фудбалска репрезентација Тиаго Силва, по мечот со Србија изјавил дека го навредила изјавата на селекторот на Србија Драган Стојковиќ за квалитетот на одбраната на Бразил. „Не сакам многу да зборувам, да бидам контроверзен, но нивниот тренер рече ’ќе играат со четворица напаѓачи, ќе има ли некој во одбрана?’. Ова е недостиг на почит. Не бараме никој да се плаши од нас. Но, респект треба да има. Да го анализирате нашиот тим, ќе видите дека примивме многу малку голови, без разлика дали игравме со тројца или четворица во последната линија“, вели Тиаго. „Не сакам премногу да зборувам за нашите противници, бидејќи сите ги почитуваме. Но, мислам дека тој не не почитуваше, особено одбранбениот дел. Мислам дека знае кои се Маркињос, Данило, Алекс Сандро, Тиаго Силва“, заврши дефанзивецот на Челзи.

ПСЖ му понуди нов договор на Силва, кога тој веќе замина во Челзи

Дарко Андоновски — Mon, 31 Aug 2020 08:35:20 +0000

Пари Сен-Жермен се обиде да го продолжи договорот со дефанзивецот Тиаго Силва, пренесува „Ел Мундо Депортиво“, повикувајќи се на агентот на фудбалерот Пауло Тонието. Сепак, парижаните се свртеа кон 35-годишниот дефанзивец предоцна, кога тој веќе се пресели во Челси. – Леонардо (спортски директор на ПСЖ) му се јави на Тијаго и му кажа дека може да остане уште една година. Но, Силва веќе се согласи на договор со Челси, па немаше враќање назад, рече Тонието. Тијаго Силва потпиша договор со Челси на една година со опција за продолжување уште една. Како дел од ПСЖ, тој играше од 2012 до 2020 година.

Тиаго Силва: Мојот агент преговара со повеќе клубови, ништо досега не е потпишано

Ристе Здравков — Mon, 24 Aug 2020 12:27:33 +0000

Бразилскиот репрезентативец, Тиаго Силва демантираше дека има потпишано договор со Челси или со Фиорентина двата клуба кои се издвојуват како негова следна дестинација. Силва по поразот од Баерн Минхен во финалето од ЛШ посочи дека нема сеуште донесено одлука каде ќе ја продолжи кариерата. „Ова беше мојот последен натпреавр за ПСЖ. Среќен сум за овие осум години. Дадов се што имам, но сега е време да барам нов клуб. Мојот агент преговара со повеќе клубови, ништо досега не е потпишано. Утре или задутре, ќе треба да седнам да ги разгледам сите понуди и да одлучам што е најдобро за мене и за моето семејство.“ – изјави Тиаго Силва.

Сопругата на Силва: Тијаго е приврзан за ПСЖ, ние сакаме да останеме во Париз

Тале Кристо — Sun, 10 May 2020 20:19:53 +0000

Изабела Силва, сопруга на дефанзивецот на Пари Сен-Жермен, Тиаго Силва, зборуваше за иднината на нејзиниот сопруг. – Тијаго е многу приврзан кон ПСЖ, навивачите на клубот и Франција. Без оглед дали неговата авантура во ПСЖ ќе продолжи или не, ние ќе се вратиме во Париз за да ги видиме повторно нашите пријатели. Но, би било убаво да останеме овде. Го сакаме овој клуб, град, земја. Нашите деца пораснаа овде, ние би сакале да го продолжиме животот во Париз, изјави Изабела Силва за „Goal.com“. За потсетување, тековниот договор на Бразилецот со ПСЖ истекува на 30 јуни 2020 година.

„БОМБА“ од Италија: Тиаго Силва се враќа во Милан!

Ристе Здравков — Wed, 31 Oct 2018 13:33:20 +0000

После повредата на Матиа Калдара приоритет на Милан во зимскиот преоден рок ќе биде доведување на дефанзивец. Калдара кој ова лето пристигна на „Сан Сиро“ како големо засилување заработи повреда на ахиловата тетива и му следи пауза од неколку месеци. Поради тоа „росонерите“ со сигурност ќе донесат нов дефанзивец во јануари, а последните информации од Италија тврдат дека би можело да се случи сензационално враќање на Тиаго Силва. 34-годишниот Бразилец оваа сезона не е незаменлив во ПСЖ, а и самиот никогаш не крие дека би сакал еден ден да се врати во Милан. Тој е во одлични односи со спортскиот директор Леонардо и наводно му дал зелено светло за трансферот. Доколку не успеат да го договорат овој трансфер „росонерите“ ќе се насочат кон Стефан Савиќ од Атлетико и Мехди Бенатиа од Јувентус.

Тиаго Силва сака да стане тренер

Дарко Андоновски — Tue, 09 Oct 2018 07:05:22 +0000

Одбранбениот фудбалер на пари Сен Жермен, Тиаго Силва призна дека би сакал да стане тренер. Сепак, 34-годишниот Бразилец не знае кога ќе ја заврши кариерата. - Не знам кога ќе престанам да играм, не можам да кажам. Друга улога во ПСЖ? Би сакал да станам тренер по завршувањето на кариерата. Ова е она што најмногу би сакал во моментот, изјави Силва. Триесет и четири годишниот Бразилец професионалната кариера ја почна во РС Фуцебол во 2002 година. Оттогаш играше и за Хувентуд, Порто Б, Динамо Москва, Флуминезе, Милан и ПСЖ. Во националниот тим Силва е од 2008 година.

Силва го тестираше својот нов соиграч, а тој покажа дека годините се само бројка: Погледнете како Буфон спаси чист автогол (ВИДЕО)

Матеја Петровски — Mon, 13 Aug 2018 09:43:24 +0000

40 годишниот Џанлуиџи Буфон, кој ова лето од Јувентус премина во ПСЖ, на првиот натпревар против Каен, во своето лигашко деби за новиот клуб, покажа дека годините за него се навистина само бројка. Со одлична одбрана на потенцијален автогол во 44 минута, покажа дека се уште не е за фрлање. ПСЖ уверливо славеше против Каен со 3:0, а една од најголемите закани кој голот на Буфон беше неговиот соиграч Тиаго Силва. Имено, дефанзивецот на ПСЖ со глава се обиде да ја врати топката кон својот голман, што го натера Буфон добро да се истегне и да ја сочува својата мрежа.

Thiago Silva tries to sneak one past Gigi Buffon #PSG #psgsmc pic.twitter.com/zMWVQSDVMW
— Jonah Takalua (@Destaquito2) August 12, 2018

Можеби само сакаше да ги тестира способностите на својот нов соиграч, а со ваква врвна реакција, Џиџи сигурно го помина и тој тест. Буфон во ПСЖ пристигна пред нешто повеќе од еден месец. Откако помина 17 година и 656 настапи за Јувентус, тој одлучи кариерата да ја продолжи во Франција. Ова му беше прв официјален натпревар за парискиот клуб во домашното првенство, а ако вака продолжи, ПСЖ сигурно лесно ќе ја одбрани титулата во првенството.