тибет – Kurir.mk

Хорор на Тибет, најмалку 28 загинати во лавина

Ивона Петрова — Sat, 21 Jan 2023 10:39:09 +0000

Најмалку 28 лица загинаа во лавина во градот Нингчи во југозападниот регион на Тибет, јавува Ројтерс повикувајќи се на извештај на кинеските медиуми. Спасувачката акција на местото е завршена, а локалните власти распоредија вкупно 1.348 луѓе и 236 делови опрема за ископување на 7,5-километарскиот премин, објави во петокот кинеската новинска агенција Ксинхуа. Пронајдени се 53 преживеани, од кои пет се тешко повредени, објави Глобал тајмс, цитирајќи претставник на локалната власт во западниот кинески регион. Лавината, предизвикана од силни ветрови и топење, се случи на дел од стрмниот пат во областа Доксонг Ла планина во округот Мејнлинг во вторникот.

Во лавина во Тибет загинаа 20 лица

Тале Кристо — Fri, 20 Jan 2023 11:15:51 +0000

Најмалку 20 лица загинаа во лавина во градот Нингчи во Тибет, а осум лица сè уште се водат како исчезнати, јавија локалните медиуми. Пронајдени се 53 преживеани, од кои пет се тешко повредени, јави Глобал Тајмс, цитирајќи претставник на локалната власт во западниот кинески регион. Лавината се случила на дел од патот меѓу селото Паи во округот Мејнлинг и излезот од тунелот Доксонг Ла во округот Медог околу 20 часот во вторникот.

Пет тибетски вежби за сила, меморија и добар сон

Ристе Здравков — Tue, 19 Oct 2021 13:01:58 +0000

Овие неколку вежби се едноставни, а важни за секој од нас. Тие помагаат за подобрена меморија, сон, зголемена концентрација и фокус, намалена болка во зглобовите и мускулите и подобар баланс. Ако се борите со флексибилноста и генерална мобилност, овие неколку вежби ќе ви помогнат да се чувствувате подобро. Тие се познати како пет тибетски обреди, а потребни ви се само 10 минути во текот на денот.

Силен земјотрес регистриран во Тибет

Магдалена Андонова — Tue, 28 Jul 2020 09:08:39 +0000

Американскиот Институт за геологија соопшти дека во Тибет синоќа е регистриран силен земјотрес со интензитет од 6,3 степени според Рихтеровата скала. Епицентарот на земјотресот бил на длабочина од 10 километри во слабо населено подрачје. Се уште нема информации за евентуални жртви и причинета материјална штета. (МИА)

Стар тибетски тест со само 3 прашања кој открива многу за вас

Ристе Здравков — Sun, 26 Jul 2020 14:56:31 +0000

Исклучете ја логиката, опуштете се и обидете се да одговорите на овие три прашања, со кои си игра нашата потсвест. Исто така, обидете се да не размислувате премногу за одговорите – само кажете го она што прво ви паѓа на ум. Можете исто така да ги запишете одговорите. На крајот на тестот, ќе научите нешто важно за себе. 1. Замислете дека пет животни стојат пред вас. Ставете ги по редот што сакате: крава, тигар, овци, коњ, свиња. 2. Опишете го секој термин во списокот подолу со само една придавка: Кучето е… Мачката е… Стаорецот е… Кафето е… Морето е… 3. Запомнете ги петте луѓе што се важни за вас. Изберете боја за секој од нив од списокот подолу. Можете да изберете само една боја за секоја личност. Жолта Портокал Црвено Бела Зелена Ајде да ги погледнеме резултатите сега 1. Одговорите на првото прашање се формираат според кои се нашите приоритети во животот: Кравата укажува на кариера. Тигарот е чувство на самопочит. Овците претставуваат љубов. Коњот го претставува семејството. Свињата е пари. 2. Одговорите на второто прашање можат да откријат како го гледате животот на несвесно ниво: Описот што го напишавте кај кучето, покажува како ја гледате вашата личност. Како ја опишувате мачката, симболизира личноста на вашиот партнер. Описот што го имате кај стаорецот претставува како ги гледате непријателите. Описот на кафето, го покажува вашиот став кон сексот. Вашиот опис на морето го опишува вашиот живот. 3. Боите се одредуваат според вашиот став кон луѓето што сте ги одбрале: Жолтата е за луѓе што никогаш нема да ги заборавите и кои имаат (или имале) големо влијание врз вашиот живот. Портокаловата е за личноста што ја сметате за вистински пријател. Црвената е за личноста што ја сакате со целото срце. Белата е за личноста што ја сметате за сродна душа. Зелената е за личноста што ќе ја паметите до крајот на животот. П.С. Тестот се смета за точен во 97% од случаите.

Неколку илјади животни настрадаа во снежна бура на Тибет

Ристе Здравков — Sat, 09 Feb 2019 12:32:12 +0000

Во снежна бура на Тибет настрадаа неколку илјади животни, а на локалнте патишта падна снег до 45 сантиметри, јавија кинеските медиуми. Локалните власти испратија ветеринари во оваа област, како и лекови и храна за животните. Селата се наоѓаат на висина од преку 5.000 метри и работниците од надлежните служби се обидуваат да ги расчистат патиштата за да се обезбеди снабдувањето. Напорите за расчистување се отежнати од силни ветрови и ѓубришта. Жителите на селата на Тибет одгледуваат стока, најмногу овци и кози и на тој начин опстануваат во тешките природни услови.

Околу 6.000 луѓе евакуирани во Тибет поради одрон во река

Ивона Петрова — Thu, 18 Oct 2018 08:01:17 +0000

Околу 6.000 лица се евакуирани во Тибет по одрон што ја блокираше една од најголемите реки во регионот, објавија кинеските официјални претставници. Дел од карпа се урна во длабока клисура низ кој се тече реката Јарлунг Цанго, во близина на едно село. Засега нема информации за жртви или повредени. МИА