Тиемуе Бакајоко – Kurir.mk

Бакајоко близу до враќање во Милан

Магдалена Андонова — Sun, 23 Aug 2020 12:14:16 +0000

Милан се приближува кон обезбедување нов заем за играчот од средниот ред на Челси, Тиемуе Бакајоко, објавија Џанлука Ди Марцио и Фабрицио Романо. По долги преговори меѓу двата клуба поради категоричната позиција на тимот од Лондон да го продаваат играчот трајно, во последните часови ситуацијата се смени. „Сините“ сега се подготвени да ја задоволат желбата на „росонерите“ за отстапување со опција за купување, а целата операција ќе изнесува 30-32 милиони евра. За Бакајоко, преселбата во Милан е приоритет, и покрај интересот за него од англиските тимови. Тој чека трпеливо и нема да биде проблем да ги договори неговите лични услови. Французинот веќе помина едногодишен заем кај гигантите од Милано во сезоната 2018/19 година, кога одигра 31 натпревар. (MИА)

Челзи го испрати Бакајоко во Милан

Ивона Петрова — Wed, 08 Aug 2018 17:42:24 +0000

Челзи и Милан постигнаа договор за трансферот на играчот од средниот ред, Тиемуе Бакајоко. Францускиот фудбалер ќе игра на позајмица кај „Росонерите“ следната сезона. Во договорот помеѓу двата клуба има клаузула која го обврзува Милан да ги откупи наредното лето правата на Бакајоко за сума од 30 милиони фунти. Минатото лето, „Сините“ го купија полудефанзивецот за 35 милиони фунти од Монако. Дваесет и тригодишниот фудбалер не успеа да се наметне во составот на Антонио Конте минатата сезона, а исто така не влезе во плановите на новиот менаџер на Челзи, Маурицио Сари. Тимот од Лондон се пред обезбедување на услугите на Матео Ковачиќ, кој беше привлечен на изнајмување од Реал Мадрид до крајот на сезоната со опција за постојан трансфер на Хрватот на „Стемфорд Бриџ“.