тиери анри – Kurir.mk

Легендарниот Тиери Анри стана селектор во татковината

Бошко Тасиќ — Wed, 23 Aug 2023 03:58:48 +0000

Тиери Анри, легендарниот фудбалер на Арсенал и Барселона е именуван за нов селектор на младата француска репрезентација. Договорот е потпишан до крајот на Европското првенство до 21 година, чиј домаќин за две лета ќе биде Словачка. Квалификациите за тоа натпреварување веќе започнаа, а првиот натпревар Франција го игра на 11 септември против Словенија во Копер. Четири дена претходно ќе ѝгостува на Данска во контролен натпревар во Нанси..

Анри го знае проблемот на Меси во ПСЖ: Мора да направат промена на една позиција

Ристе Здравков — Tue, 26 Oct 2021 10:28:42 +0000

Легендата на „топчиите“, Тиери Анри, смета дека Аргентинецот Лео Меси, мора да игра во средината, а не по десно крило и дека тоа е еден од проблемите во ПСЖ. Меси во Лига 1 има одиграно 4 натпревари, а на теренот има минато вкупно 280 минути. Сепак, во четири меча не успеа да постигне гол, ани асистенција, но тоа го стори во ЛШ, каде постигна три гола. ПСЖ во последниот лигашки меч одигра нерешено против Марсеј нагости, а на прашање од новинарите, зошто Меси нема добар скор на почетокот во Лига 1, Анри одговори. „Тој е изолиран од тимот, топката му е сепак премалку во нозете. Не сакам да кажам дека е тажен, но тој е изолиран од играта. Јасно е дека на десната страна има проблеми. Мораат да најдат подобар начин за Меси, Нејмар и Мбапе играат перфектно и заедно. Тој треба да игра во средината, сакам да го видам таму“, истакна Анри.

ВИДЕО: Анри клечеше за 8:46 минути

Магдалена Андонова — Fri, 10 Jul 2020 09:04:12 +0000

Поранешниот француски фудбалер Тиери Анри се вклучи во борбата на Афроамериканците за расната еднаквост во Соединетите Американски држави. Како тренер на Монтреал Импакт, Анри клечеше 8 минути и 46 секунди во натпревар во МЛС лигата. https://twitter.com/TSN_Sports/status/1281385214535774208 На тој начин му оддаде почит на Џорџ Флојд, Афроамериканец, кој почина пред месец дена, откако полицаец му држеше колено на врат скоро 9 минути. (МИА)

Анри: Ливерпул може да ја заврши сезоната без пораз

Ивона Петрова — Mon, 30 Dec 2019 10:54:33 +0000

Поранешниот капитен на Арсенал, Тиери Анри смета дека Ливерпул ќе стане шампион на Англија во сезоната 2019/20 и може да ги помине сите 38 натпревари без пораз. Во моментов, тимот на Јурген Клоп има 1 реми и 18 победи на 19 натпревари. – Мислам дека оваа екипа може да оди без пораз и останува прашањето дали ќе се најде екипа која ќе ги победи. Мислам дека прашањето околу тоа кој ќе го освои трофејот е затворено, бидејќи тие оваа сезона се многу посилни од сите други, изјави Анри. Арсенал со Анри во составот е последниот клуб ја одигра цела сезона во Премиер лигата без пораз. Тоа се случи во сезоната 2003/04 година.

Фудбалери на Монако: Анри се однесуваше арогантно со нас

Дарко Андоновски — Fri, 25 Jan 2019 14:39:52 +0000

Станаа познати деталите за тензиите меѓу Тиери Анри и фудбалерите на Монако. Од раководството на тимот од Кнежеството изразија незадоволство од работата на Французинот, особено со неговите методи на комуникација. – По еден од натпреварите Анри викна кон еден играч: „Ти чиниш 10 милиони евра?“ Го чуја и други и реагираа негативно на тоа. Тренерот не комуницираше добро со тимот, беше арогантен и не ги слушаше мислењата на другите“, изјави човек од раководството на Монако за goal.com. Шефовите на Монако одлучија да го суспендираат Анри и тој веќе нема да го тренира тимот. Се очекува на функцијата да се врати Леонардо Жардим. Тимот од Кнежевството е во зоната за испаѓање во Лига 1.

Анри стартуваше со пораз на чело на Монако

Ивона Петрова — Sun, 21 Oct 2018 08:30:54 +0000

Тиери Анри ја започна со пораз својата кариера како тренер, откако во дебито на чело на Монако, легендата на Арсенал загуби со 1:2 при гостувањето во Стразбур во натпревар од десетото коло на Лига 1. Стразбур го отвори резултатот во 17-тата минута со голот на Адриен Томасон. Во средината на второто полувреме, тимот од Кнежеството остана со човек помалку кога Самуел Грандсир доби директен црвен картон. Во 84-тата Лебо Мотиба удвои за домаќините, а на самиот крај на натпреварот гостите стигнаа до почесен гол, дело на Јури Тилеманс од пенал На овој начин, Монако продолжува со кризата и по заминувањето на претходниот тренер Леонардо Жардим. Екипата забележа четврти последователен пораз и веќе е во зоната за директно испаѓање со само шест бода и само подобрата гол разлика од Гинган го остава тимот малку над дното од табелата. Стразбур, од своја страна, сега е на шестата позиција со 15 бода.

Анри: Фалкао е лидер на Монако

Предраг Кукиќ — Fri, 19 Oct 2018 07:31:00 +0000

Новиот тренер на Монако, Тери Анри се изрази позитивно за колумбиската ѕвезда Радамел Фалкао и призна дека очекува од него да ги поведе соиграчите во следните натпревари. - Фалкао е капитен, лидер и врвен стрелец. Тој е човекот што ги реализираше повеќето голови во текот на сезоната. Радамел е харизматична личност и лидер на тимот, рече Анри. Поранешниот француски репрезентативец ќе дебитира на чело на Монако овој викенд при посетата на тимот од Кнежеството кај Стразбур. Досега, „црвено-белите“ имаат само шест бодови и се наоѓаат во зоната на испаѓање. (МИА)