Тиери Бретон – Kurir.mk

Бретон: Украина во моментов не може да влезе во НАТО поради војната

Тале Кристо — Thu, 06 Oct 2022 11:02:50 +0000

Украина не може да влезе во НАТО додека има војна на нејзина територија, објави денеска европскиот комесар за единствен пазар Тиери Бретон. „Украинскиот претседател Володимир Зеленски побара членство во НАТО, но, како што знаете, за да влезе во Северноатлантскиот договор, земјата не смее да има воени операции на своја територија, додека Украина е земја во војна, така што очигледно е дека ова во моментов е невозможно“, изјави Бретон за француската телевизија БФМ. Тој ја опиша оваа ситуација како „политички демарш“ и изјави дека украинското барање е „симболично“. Украинскиот претседател Володимир Зеленски во септември објави дека Украина поднела апликација за членство во НАТО, по забрзана процедура.

Бретон: Рекордно ниво на инфлација во светот првпат од почетокот на векот

Ивона Петрова — Thu, 26 May 2022 11:08:22 +0000

Порастот на инфлацијата е глобален и достигна рекордно ниво од почетокот на 21. век, предупреди еврокомесарот за внатрешен пазар Тиери Бретон во интервју за францускиот информативен канал ЛЦИ (LCI). – Првпат од почетокот на векот гледаме такво ниво на инфлација. Тоа е глобален феномен, посилен во САД, отколку во Европа, истакна Бретон. Како што тој додаде, последен пат слична инфлација имало пред 40 години, во 80-те години на минатиот век. Еврокомесарот забележа оти инфлацијата почнала да се зголемува уште пред конфликтот во Украина. – Пандемијата на коронавирусот, забрзувањето на економското закрепнување, цените на енергијата, суровините и ретките метали – како резултат на овие фактори, инфлацискиот тренд беше силен уште пред почетокот на украинскиот конфликт. Инфлацијата е особено распространета во САД и многу тешко е да се контролира, смета Бретон. Еден од начините за ограничување, според него, е да се зголемат банкарските камати, што веќе се случува во САД. Просечната годишна стапка на инфлација во светот веќе е 7,4 отсто, според францускиот портал Статиста (Statista). Но, во некои земји процентот на инфлација може да биде значително повисок, поради локални фактори. Вкупната стапка на инфлација во речиси 80 земји може да се движи од пет до 10 отсто во текот на годината, пишува Статиста.

Бретон: ЕУ ги повика Гугл и ЈуТјуб да ја забранат руската воена пропаганда

Ивона Петрова — Mon, 28 Feb 2022 07:35:34 +0000

Alphabet Inc. и YouTube треба да ги забранат корисниците кои поттикнуваат воена пропаганда како дел од мерките за запирање на дезинформациите по руската инвазија на Украина, им порача вчера на извршните директори на двете компании еврокомесарот за внатрешен пазар, Тиери Бретон. Гугл на Алфабет во саботата им забранија на руската државна медиумска куќа RT и другите ТВ канали да примаат пари за реклами на нивните веб-страници, апликации и видеа на ЈуТјуб, слично на потегот на Фејсбук по инвазијата на Украина. Во видео повик со извршниот директор на Алфабет, Сундар Пичаи, и извршната директорка на ЈуТјуб, Сузан Војчицки, еврокомесарот Бретон каж дека двете компании треба да одат понатаму. -Слободата на изразување не ја покрива воената пропаганда. Предолго, содржините од Раша Тудеј и другите руски државни медиуми се засилуваат со алгоритми и се предлагаат како „препорачана содржина“ на луѓето кои никогаш не ја побарале, рече Бретон во изјавата. -Воената пропаганда никогаш не треба да биде препорачана содржина. Згора на тоа, таа воопшто не треба да има место на онлајн платформите. Сметам дека технолошката индустрија ќе преземе итни и ефективни мерки за борба против дезинформациите, додаде тој. Во видео повикот учествуваше и потпретседателката на Европската комисија Вера Јоурова. Гугл соопшти дека веќе презел чекори без преседан за да ги спречи дезинформациите за Украина. -Како што им кажавме на еврокомесарите, нашите тимови продолжуваат да ја следат ситуацијата 24 часа на ден и се подготвени да преземат натамошни активности, изјави портпаролот на Гугл.

ЕВЕ КАКО ЌЕ ИЗГЛЕДААТ КОВИД ПАСОШИТЕ: Европскиот комесар го презентираше здравствениот сертификат (ВИДЕО)

Тале Кристо — Sun, 28 Mar 2021 18:45:01 +0000

Европскиот комесар за единствен пазар, Тиери Бретон денеска во интервју за неколку француски медиуми го презентираше европскиот здравствен сертификат за вакцинација против ковид-19, притоа истакнувајќи дека „европскиот здравствен сертификат“ ќе им биде достапен на граѓаните од 15 јуни, но додаде дека нема да биде задолжителен. – Знаеме како ќе изгледа идниот здравствен сертификат, што ќе биде достапен од 15 јуни. Тоа ќе биде документ со информации за вакцинација и развиени антитела против ковид-19, истакна Бретон. Тој додаде дека сертификатот ќе биде достапен во дигитална или хартиена верзија, а ќе биде издаван од министерствата за здравство на земјите-членки на Европска Унија. „Ковид пасошот” ќе содржи информации за државјанството, видот на примената вакцината и за развиени антителата. Бретон наведе дека иако сертификатот нама да биде задолжителен ќе биде европскиот здравствен препорачан за авионските патувања, учество на важни настан или за влез на јавно место. Во отсуство на таков документ, неопходен ќе биде негативен ПЦР тест. Бретон наведе и дека забрзувањето на испораката на вакцини ќе и овозможи на Европа да го види „светлото на крајот од тунелот”. – Сега имаме 52 фабрики во Европа кои работат 24 часа на ден, седум дена во неделата за производство на вакцини против ковид-19, посочи Бретон. Тој додаде дека Европа има капацитет да ги произведе и да испорача 360 милиони дози вакцини до крајот на вториот квартал и 420 милиони дози потребни за постигнување колективен имунитет до средината на јули.

🗣️ Bonjour et bienvenue dans #LeGrandJury de @ThierryBreton. N'hésitez pas à poser vos questions au commissaire européen au Marché intérieur, en charge des vaccins ⤵️
— Le Grand Jury (@LeGrandJury) March 28, 2021

A quoi ressemblera le certificat sanitaire ? @ThierryBreton le présente dans #LeGrandJury. Un document validé par les 27 #coronavirus pic.twitter.com/f1Auuqyo8I
— Le Grand Jury (@LeGrandJury) March 28, 2021

Бретон: ЕУ може да стекне колективен имунитет до средината на јули

Ивона Петрова — Mon, 22 Mar 2021 07:03:08 +0000

Еврокомесарот за единствен пазар, Тиери Бретон, изјави дека Европа до средината на јули може да постигне колективен имунитет на коронавирусот, воедно најававувајќи го и зголемувањето на испораките на вакцини до земјите членки. -Да го земеме симболичниот датум – 14 јули, дотогаш би можеле да постигнеме имунитет на европско ниво, рече Бретон за францускиот канал ТФ1. Патем, 14 јули е национален празник во Франција, Денот на падот на Бастилја. Бретон додаде дека постои само едно решение за надминување на епидемијата, а тоа е вакцинацијата. -Вакцините пристигнуваат и ќе ги имаме“, додаде еврокомесарот, наведувајќи дека од март до јуни ќе бидат доставени 300 до 350 милиони дози на вакцини против коронавирусот. Според него, 55 фабрики во Европа веќе произведуваат вакцини против Ковид-19

Бретон: ЕУ вложува во вселенските истражувања

Магдалена Андонова — Mon, 29 Jun 2020 09:00:46 +0000

Европскиот комесар за внатрешен пазар Тиери Бретон најави дека во следниот буџет на Европска Унија ќе бидат одвоени 16 милијарди евра за вселенски истражувања. – ЕУ ќе вложи повеќе пари во лансирање на ракети, сателитската комуникација и истражување на Вселената, со цел да ги зачува своите успеси во Вселената и да биде во чекор со американските и кинеските амбиции, изјави еврокомесарот за внатрешен пазар Бретон. Во изминатите децении ЕУ се обидуваше да изгради независен пристап за Вселената, како што се ракетите Аријана или сателитот Галилео, што е „ривал“ на ГСП. Најновото појавување на американскиот конкурент „Спејс икс“ и неговите ракети за повеќекратна употреба, како и брзиот напредок на Кина, вклучително и првото слетување на темната страна на Месечината, ги поттикнува европските амбиции. – Вселената е една од силните точки на Европа и даваме средства за нејзино забрзување, истакна Бретон, под чија надлежност е и вселенскиот сектор. ЕУ првпат ќе потпише договор на една милијарда евра со „Аријанаспејс“. (МИА)

Тиери Бретон нов кандидат на Франција за европски комесар

Ивона Петрова — Thu, 24 Oct 2019 09:06:21 +0000

Франција го предложи Тиери Бретон за свој кандидат за европски комесар за индустрија, соопшти денеска Канцеларијата на претседателот Емануел Макрон. Првиот избор на Париз за функцијата еврокомесар беше Силвија Гулар, која, на незадоволство од Франција, не доби поддршка од Европскиот парламент. Бретон е директор во технолошката групација „Атос“ од 2009 година и поранешен министер за финансии во владата на поранешниот француски претседател Жак Ширак. – Тој е човек од акција кој ги знае индустриските проблеми одвнатре и кој, познавајќи ги институциите во Брисел, нема да има бирократски пристап кон европските теми, што е важно за претседателот, изјави официјален претставник на Елисејската палата. Секоја членка на ЕУ именува по еден кандидат за ЕК, а нивниот избор мора да биде потврден од Европскиот парламент.