тихомир костадинов – Kurir.mk

„Ја попитав и не ме пошљака“: Костадинов на оригинален начин ја запроси девојката (ФОТО+ВИДЕО)

Катерина Бојаџиева — Mon, 11 Jul 2022 08:11:25 +0000

Македонскиот репрезентативец Тихомир Костадинов ја однесе девојка му на концерт на „Колдплеј“ во Варшава, Полска, каде што и настапува за Пјаст Гливице. За време на еден од хитовите на славниот бенд, ја запроси на трибина, а веста ја соопшти со најактуелната шега овие денови. Тој на социјалните мрежи објави фотографија со прстенот на која стои: „Ја попитав и не ме пошљака“.

View this post on Instagram

A post shared by Tiho Kostadinov (@tihokostadinov10)

Лоша вест за Благоја Милевски: Костадинов поради повредата нема да може да игра наредните 6 месеци

Магдалена Андонова — Thu, 14 Apr 2022 13:51:36 +0000

Полскиот фудбалски прволигаш Пјаст Гливице потврди денеска дека повредата на Тихомир Костадинов е од сериозен карактер и македонскиот репрезентативец ќе паузира најмалку шест месеци. – Тихомир се подготвува за оперативен зафат што ќе му биде извршен идната недела, по што ќе следува рехабилитација од пауза од најмалку шест месеци, соопшти клупскиот лекар на полскиот прволигаш. Костадинов се повреди во саботата на првенствениот натпревар против Лечна, откако влезе на теренот на стартот на второто полувреме, а принудно беше заменет во 77 минута. Медицинските прегледи утврдија дека станува збор за кинење на вкрстените лигаменти на десното колено, поради што Костадинов нема да му биде на располагање на селекторот Благоја Милевски за стартот на Лигата на нации и јунските дуели против Бугарија, Гибралтар и Грузија. (МИА)

Голем пех за селекторот Милевски: Костадинов ги скина лигаментите на коленото

Ристе Здравков — Mon, 11 Apr 2022 12:36:42 +0000

Македонскиот фудбалски репрезентативец Тихомир Костадинов доживеа тешка повреда на лигаментите на коленото на саботниот натпревар за својот тим Пјаст во полскиот шампионат против Лечна. Костадинов влезе во игра на стартот од второто полувреме, но во 77 минута беше заменет поради згобиената тешка повреда на лигаментите. Лекарските прегледи покажаа дека неопходна е операција поради што Костадинов го чека пауза од најмалку шест месеци. Повредата на фудбалерот на Пјаст е голем удар и за селекторот на македонската репрезентација Благоја Милевски, бидејќи Костадинов е неизоставен дел на националниот тим. Повредата значи дека Костадинов ќе го прескокне новото издание на Лигата на нации кои започнува во јуни и ќе трае до септември, а „црвено-жолтите“ ќе играат со Бугарија, Грузија и Гибралтар.

Костадинов откри што им порачал Милевски на фудбалерите пред мечот во Палермо

Ристе Здравков — Sun, 27 Mar 2022 09:40:02 +0000

Португалија со Кристијано Роналдо е последната пречка на Македонија за пласман на Светското првенство. Македонските репрезентативци го елиминираа актуелниот, а денеска патуваат за Порто каде во вторник ќе имаат пресметка со поранешниот европски првак. Тихомир Костадинов и Елиф Елмас ја „одлежаа“ суспензијата и сега се во строј за дуелот против Португалците. Играчот за врска откри и што им порачал селекторот Милевски на фудбалерите пред дуелот со Италија во Палермо. „Многу добро паметам што кажа селекторот пред мечот со Италија. Да уживаме во големата претстава, но и да не се откажуваме и да веруваме до крај, без разлика на резултатот. Говор имаше и капитенот Стефан Ристовски, како и другите поискусни репрезентативци. Сега не очекува Португалија и ќе ни биде потребен истиот пристап, желбата, енергијата. Знаеме дека нема да биде лесно, Португалија е силна репрезентација. Но, и ние веруваме во нашите сили“, изјави Тихомир Костадинов. Фудбалската репрезентација на Македонија попладнево со чартер лет патува за Порто.

Тихомир Костадинов потпиша за Пјаст Гливице

Ристе Здравков — Thu, 23 Dec 2021 13:56:55 +0000

Македонскиот репрезентативец Тихомир Костадинов и официјално е нов член на полскиот прволигап Пјаст Гливице. Тој потпиша договор со новиот клуб до 2025 година, откако ја заврши одисејата во Ружомберок. „Одлуката беше лесна. Доаѓањето тука е чекор напред за мене во кариерата. Пјаст е голем клуб, а полската Екстракласа е квалитетна лига и едвај чекам да стартувам во работа и да се наметнам. Се надевам дека ќе донесам нов квалитет во тимот со мојата игра“, изјави Костадинов. Тој е веќе стандарден член на фудбалската репрезентација на Македонија, настапи и на Европското првенство каде се наметна со своите игри.

Ќе се избришат картоните и суспензијата на Елиф Елмас и Тихомир Костадинов?

Бошко Тасиќ — Fri, 19 Nov 2021 16:38:56 +0000

Македонскиот фудбалски репрезентативец Елиф Елмас би можел да настапи за Македонија во полуфиналето од баражот за СП 2022, откако беше обелоденето дека е покрената иницијатива за бришење на картоните со завршницата на квалификациските групи за пласман на Мундијалот. Како што е веќе познато, македонскиот ас со жолтиот картон на последниот меч со Исланд активираше суспензија од еден натпревар, што би значело дека тој ќе го пропушти полуфиналето од баражот. Тв-куќата ЕСПН во прилогот наменет за претстојниот бараж обелодени дека веќе е покрената иницијатива за бришење на картоните од квалификациите, што би значело дека сите фудбалери како Елмас од 12-те селекции учеснички ќе можат да настапат, за репрезентациите во најсилен состав да водат битка за пласман на СП 2022 во Катар. Баражот за пласман на мундијалот ќе биде под „капата“ на ФИФА, што е добра вест бидејќи актуелната суспензија е според моментните пропозиции на УЕФА, нешто што светската куќа на фудбалот би можела да го промени. „Дел од националните асоцијации кои се пласираа во баражот за СП 2022 го посочија проблемот. Ова е натпреварување на ФИФА и оваа институција одлучува за правилата. УЕФА собра мислење од дванаесетте федерации на учесниците во плеј-офот, по што ќе го проследи до ФИФА“, пренесува „ЕСПН“. Покрај Елмас, од исти причини поради суспензија полуфиналето треба да го пропушти и Костадинов, па јасно е зошто селекторот Милевски и целокупната македонска спортска јавност со нетрпение ќе очекува дали ФИФА ќе ги „избрише“ картоните и ќе даде зелено светло за нашата репрезентација комплетна да влезе во историскиот меч.

Костадинов: Не треба да се прави голема еуфорија

Бошко Тасиќ — Fri, 12 Nov 2021 22:29:41 +0000

Македонскиот фудбалски репрезентативец Тихомир Костадинов по мечот рече дека не треба да се крева голема еуфорија, со оглед на тоа што работата не е завршена. „Ерменија е добра домашна екипа, па затоа ни беше тешко. Мора да бидеме задоволни од резултатот, особено од ефикасноста. Одигравме добар натпревар и заслужено победивме.Дуелот со Исланд е клучен за нас. Овој тим веруваше до крај дека ќе одлучуваме сами за нашиот конечен пласман. Имавме среќа што Исланд ремизира кај Романија. Не треба да се прави голема еуфорија, треба да влеземе во овој меч како и на сите останати. Треба да ги исполниме сите задачи на селекторот. Се надеваме на полн стадион и одлична атмосфера. Ќе го дадеме својот максимум за да го направиме тој последен чекор“, рече играчот за врска на нашата репрезентација.

Костадинов: Ги знаеме нашите квалитети, на противниците ќе им биде тешко

Дарко Андоновски — Wed, 09 Jun 2021 13:07:38 +0000

Тихомир Костадинов, фудбалерот од средниот ред на македонската репрезентација вели дека нашата селекција има квалитет и ќе се обиде да го покаже тоа на секој натпревар. – Последните два контролни натпревара на националната арена, посебно мечот со Казахстан се одлична увертира за претстојното првенство. Овие две недели ги искористивме на најдобар можен начин што подобро да се подготвиме за натпреварот против Австрија. Секој меч на ова првенство ќе биде тежок, ова за нас претставува огромен предизвик, бидејќи ни е прво Европско. Ги знаеме нашите квалитети, подготвени сме, ќе атакуваме на победа на секој натпревар. Најмногу жалам што нема да бидат исполнети целосно стадионите, но имајќи ја предвид целата ситуација последните година и пол, добро е и ова што ќе имаме одреден процент на публика. Се надеваме на голема поддршка од нашите навивачи и знаеме дека ќе не бодрат на целото првенство. Оваа репрезентација има голем напредок во однос на последната пресметка со Австрија. Расте самодовербата кај нас играчите, селекторот и целиот стручен тим. Ни одговара тоа што не сметаат за аутсајдери на ова првенство, тоа нас ни оди во прилог, опуштени сме, не чувстуваме никаков притисок. Оваа репрезентација поседува квалитет, на секоја репрезентација ќе и биде тешко да игра против нас, изјави Костадинов на денешната пес-конференција. Македонската репрезентација првиот натпревар на ЕП ќе го има на 13 јуни во Букурешт против Австрија. Во групата Ц се и селекциите на Украина и на Холандија.