тихомир николов – Kurir.mk

Николов: Бесплатен оброк за сите деца од прво до четврто одделение, нова детска градинка, мини трговски центар, базени за вода за пиење во Росоман

Тале Кристо — Sat, 09 Oct 2021 16:24:56 +0000

Тихомир Николов, кандидатот за градоначалник од ВМРО-ДПМНЕ за општина Росоман, на денешниот митинг во Росоман, истакна дека срцето на Тиквештијата мора да се движи напред и да се создаде иднина за граѓаните на Росоман, тој наброи дека ќе се инвестира во сите населени места во општината со конкретни проекти. Пред нас се уште едни избори, за нас најзначајни, затоа што од овие локални избори зависи иднината на општина Росоман, рече Николов. Николов ги наброи проектите кои ги ветува пред граѓаните на Росоман и тоа: -Изградба на нов базен за вода за пиење, независно од Лукар за потребите на жителите на општина Росоман; -Безплатен оброк за секој ученик од I-vo до IV-то одделение; - Изградба на нова детска градинка за 40 деца во Росоман; -Изградба на мини трговски центар и мини парк во централното подрачје на Росоман на местото викано Плочата; -Реновирање на домот на културата со нови седишта ново современо озвучување и 3Д Кино; -Изградба на атмосферска канализација и нова фекална канализација во долниот дел на Росоман; -Целосно преземање на ФК Росоман 83 и останатите спортови и обезбедени финансии од општинскиот буџет; - Реконструкција на улиците во Росоман: Пере Тошев , Никола Карев, Илинденска, Стерио Несторов, Пролетерска , Цандо Кузманов, Страшо Пинџур, 11 Октомври и Гоце Делчев; -Во Паликура е предвидено проширување на патот Росоман-Паликура, уредување на просторот околу црквата, ископ на нов бунар за вода, како и одводнување на повеќе места; -Во Крушевица е предвидено доградба на фекална канализација и изградба на резервоар за вода; -Во Рибарци е предвидена реконструкција на улици и одводнување на природни води; - Во Сирково освен асфалтирање на улици и изградба на тротоари ќе се пренамени и парното греење во училиштето кое ќе биде на пелети, а предвидено е и адаптирање на простории за детска градинка. - Во Манастирец проширување на патот од Манастирец до регионалниот пат Росоман-Кавадарци изградба на улици и тротоари, детски игралишта, реконструкција на базен за вода за пиење; -Во Трстеник е предвидена реконструкција на мостот, главната улица, реконструкција на базен за вода и изградба на соблекувална на ФК ,,Единство“ , како и реконструкција на детски игралишта; -Во Камен Дол – реконструкција и проширување на патишта и уредување на централното подрачје , како и доизградба на главниот водовод; -Во Дебриште – реконструкција на водоводна мрежа, поплочување на патишта, доизградба на фекална канализација; -Во Мрзен е предвидена реконструкција на патот до црквата и изградба на базен за вода; Во сите населени места ќе биде заменето уличното осветлување со нови штедливи светилки – посочи Николов. Тој истакна дека на овие избори се одлучува дали ќе се движиме во вистинска насока како развиена, напредна, добро уредена општина во срцето на Тиквешијата, со спортски и културни активности или ќе продолжиме како во последниве години кога во 21 век се соочуваме со рестрикции на вода за пиење, неасфалтирани улици, немање фекална и атмосферска канализација во сите населени места на општината, вели Николов. Тој посочи дека секој граѓанин и секое населено место, заслужуваат почит, како и дека време е да се обединиме за заедничка иднина, време е да се донесат промени во Росоман. За се’ ова да биде возможно, заокружете број 7 за Градоначалник на општина Росоман и број 7 за Советничката листа на Коалицијата „За обнова на Македонија“, предводена од ВМРО-ДПМНЕ затоа што од сите нас зависи дали сакаме да живееме подобро и кава иднина ќе изградиме за нашите деца – истакна Николов на митингот во Росоман.

Николов: Заедно со жителите на општината Росоман ќе создадеме подобра општина за живеење

Магдалена Андонова — Sat, 21 Aug 2021 15:50:52 +0000

Росоман овие четири години со оваа досегашна заспана локална власт наликуваше на се, но на општина НЕ. Жителите на општина Росоман чувствуваа како да не постои општина Росоман. Мрзливоста и закотвеноста овие четири години на досегашната локалната администрација и градоначалникот во неговата удобна фотелја кој освен произведување на фамилијарни решенија и вработување на негови блиски членови во семејството и најблиските соработници наједноставно го отсликува поимот непотизам во општина Росоман, изјави на денешната прес конференција, Тихомир Николов, кандидат на ВМРО-ДПМНЕ за градоначалник на општина Росоман. - Откако постои општина Росоман во овие четири години важи за најнефункционална и најнетранспарентна општина во Република Македонија, за што ќе зборуваме многу повеќе во периодот кој што претстои, но затоа ние со нашите проекти кои ги имаме во програмата, со деноноќно работење заедно со жителите на Росоман и околните населени села, ќе се потрудиме и ветуваме дека Росоман заслужува подобро. Росоман има капацитет да биде една од поубавите општини во Република Македонија. Сакам на кратко да издвојам барем неколку клучни проекти од нашата програма кои се многу важни за Росоман и околните населени места: · Изградба на базен за вода и решавање на деценискиот проблем на општината околу водоснабдувањето, прашање кое во 21 век воопшто не треба да го ставиме како тема на разговор и одамна требаше да биде решено, но за нас тоа ќе биде најважен и еден од најприоритетните проекти. · Изградба на атмосферска канализација. · Реконструкција на тротоари и улици во општина Росоман: улиците „Пролетерска“, „Никола Карев“,„Гоце Делчев“,„Илинденска“, „Пере Тошев“, „Стерјо Несторовски“, „Цандо Кузманов“,„Партизанска“,„Страшо Пинџур“,„11-ти Октомври“. · И реконструкција на улици и тротоари и проширување на локални патишта кои што водат до с. Манастирец , с. Сирково, с. Паликура, с. Трстеник , с. Камен Дол, с. Рибарци, с. Дебриште , с. Мрзен и на многу други локации во општината каде што ќе биде потребно. · Изградба на пешачка и велосипедска патека со комплетно осветлување, и места за одмор и рекреација по течението на „Црна Река“. · Изградба на мини трговски центар во Росоман и мини парк во централно подрачје во Росоман на местото викано „Плочата“, појасни тој. Николов потенцираше дкеа уште многу други проекти кои ќе ги презентира во наредниот период, а за кои што ќе се бори заедно со жителите на општина Росоман, истите да бидат реализирани. - Да заедно со жителите на општина Росоман затоа што тие се моторот на општината кој што ја води напред, затоа што ние постоиме за да ги сервисираме проблемите на жителите на општина Росоман, затоа што заслужуваат многу подобра општина и локална власт од оваа заспана и 4 години нефункционална власт во Росоман, додаде кандидатот за градоначалник.