тијаго силва – Kurir.mk

Тиаго Силва: Не успеав да станам светски првак како играч, можеби ќе бидам во некоја друга улога

Ивана Ефремовски — Fri, 09 Dec 2022 19:48:24 +0000

Тијаго Силва, исто како и другите членови на бразилската фудбалска репрезентација, е многу разочаран по вечерашната елиминација од Хрватска во четвртфиналето на Светското првенство 2022. Силва го играше последниот Мундијал во кариерата и не успеа да додје до посакуваниот трофеј. -За жал, како играч нема да можам да го подигнам овој пехар. Кој знае, можеби подоцна, во друга улога, изјави капитенот на бразилската репрезентација во интервју за „ТВ Глобо“. Бразилците загубија од Хрватска на пенали (1:1, 2:4). -Моравме да постигнеме повеќе голови, без разлика на противникот. Хрватска е одлична репрезентација. Не сме навикнати на вакви контранапади. Мислам дека игравме неорганизирано, додаде Силва. (МИА)

Силва: Голем клуб како Милан не игра два лоши натпревари по ред

Магдалена Андонова — Tue, 11 Oct 2022 12:22:17 +0000

Фудбалерот на Челзи, Тијаго Силва ги искажа своите очекувања во пресрет на натпреварот со Милан од четвртото коло во Лигата на шампионите. Двете екипи вечер од 21 часот ќе се сретнат во Милано. Пред седум шест дена, во 3. коло лондонскиот тим победи на домашен терен со резултат 3:0. – Не мислам дека Милан не е доволно силен. Имаа лош натпревар минатата недела, тоа се случува, но таквите големи клубови не си дозволуваат два лоши натпревари по ред. Одиграа одлично против Јувентус во саботата и ќе се обидат да приредат уште еден одличен натпревар. Можам само да ги предупредам нашите соиграчи дека ќе мораме многу да се потрудиме бидејќи играњето на „Сан Сиро“ против Милан е секогаш исклучително тешко, изјави Бразилецот, кој во минатото играше за „росонерите“. По три кола во Е-групата, Води Салцбург со пет бодови, Челзи и Милан имаат по четири, Динамо Загреб е последен со три бода. (МИА)

100. натпревар за Тијаго Силва во дресот на Бразил

Ивона Петрова — Mon, 11 Oct 2021 07:47:18 +0000

Репрезентацијата на Бразил синоќа во квалификацискиот циклус за Светското првенство 2022 одигра нерешено 0:0 против Колумбија. За дефанзивецот на „кариоките“ Тијаго Силва, овој натпревар беше јубилејни, 100. во националниот тим. Во текот на стоте натпревари, 37-годишниот Силва постигна седум гола, направи три асистенции и заработи 12 жолти картони. Мечот во Баранкилја е прво реми за Бразилците во 10 кола. Тие со 28 бода се први на табелата во групата Јужна Америка, додека Колумбија со 15 поени – е петта.

Тијаго Силва се согласи на двегодишен договор со Челзи

Дарко Андоновски — Mon, 24 Aug 2020 17:01:45 +0000

Дефанзивецот на Пари Сен-Жермен, Тијаго Силва наскоро ќе ги смени клубовите. Бразилецот реши да ја продолжи кариерата во Премиер лигата. Тој ќе потпише двегодишен договор со Челзи, пренесуваат британските медиуми. Соработката е веќе договорена, остануваат само мали детали. Денес Силва треба да разговара со тренерот на „сините“ Френк Лампард. Претходно во италијанските медиуми беше објавено дека Силва се согласил на договор со Фиорентина.

Фиорентина му на Тијаго Силва четири милиони евра годишно

Тале Кристо — Thu, 20 Aug 2020 10:20:25 +0000

Дефанзивецот Тијаго Силва може да ја продолжи кариерата во Фиорентина. Италијанскиот клуб му нуди на 35-годишниот Бразилец договор со плата од четири милиони евра годишно, пренесува „La Gazzetta dello Sport“. Договорот на Силва со ПСЖ истекува по крајот на оваа сезона. Францускиот клуб нема да го обнови договорот на капитенот. Во сезоната 2019/20, Силва одигра 34 натпревари за ПСЖ, даде еден гол и забележа една асистенција.

Тијаго Силва го продолжи договорот со ПСЖ до крајот на сезоната

Тале Кристо — Tue, 30 Jun 2020 06:35:08 +0000

Неколку фудбалери на ПСЖ, чии договори истекуваат денес, ги продолжија договорите со францускиот клуб до вистинскиот крај на тековната сезона. Помеѓу нив е и дефанзивецот Тијаго Силва. – Голманот Серхио Рико, дефанзивецот Тиаго Силва и напаѓачот Ерик Максим Шупо-Мотинг, остануваат во тимот до завршувањето на сезоната, објави францускиот шампион. Сепак, ништо не се зборува за статусот на напаѓачот Единсон Кавани. На играчот му истекува договор со парижаните, а Уругваецот отворено изјави дека има намера да го напушти клубот. За потсетување, француската Лига 1 заврши пред предвиденото, а ПСЖ беше прогласен за шампион. Сепак, францускиот клуб го очекува продолжувањето на сезоната во Лигата на шампионите.

Тијаго Силва бара плата од 10 милиони евра годишно

Тале Кристо — Fri, 19 Jun 2020 16:43:52 +0000

Дефанзивецот Тиаго Силва сака да добие договор што ќе му гарантира плата од 10 милиони евра годишно, пренесува Goal.com. Според изворот, Фиорентина и Евертон се заинтересирани за 35-годишен Бразилец, чиј договор со ПСЖ важи до крајот на јуни годинава, но клубовите се „плашат“ од финансиските барањата на фудбалерот. Се соопштува дека Фиорентина е подготвена да му плати на играчот само 5,5 милиони евра. Во сезоната 2019/20, Тијаго Силва одигра 30 натпревари за ПСЖ, има еден гол и една асистенција

Анчелоти го повикува Тијаго Силва во Евертон

Тале Кристо — Wed, 10 Jun 2020 07:11:39 +0000

Дефанзивецот на Пари Сен-Жермен, Тијаго Силва може да ја продолжи кариерата во Англија. Според „Ле 10 Спорт“, главниот тренер на Евертон, Карло Анчелоти сака да го види искусниот Бразилец во својот тим. Клубот е подготвен да му понуди двегодишен договорот на играчот, на кој ова лето му завршува истекува обврската за соработка со парижаните. Арсенал, Милан, Барселона и Манчестер јунајтед исто така покажуваат интерес за Силва.

Фенербахче е заинтересиран за Тијаго Силва

Ивона Петрова — Tue, 02 Jun 2020 06:22:03 +0000

Дефанзивецот на Пари Сен-Жермен, Тијаго Силва може да ја продолжи кариерата во Турција. Според турскиот портал „Фотомач“, Фенербахче е заинтересиран за 35-годишен Бразилец, чиј договор со парижаните завршува во јули. Во сезоната 2019/20, Силва одигра 30 натпревари за ПСG, има 1 гол и 1 асистенција. Бразилецот настапува за ПСЖ од летото 2012 година.

Силва пред продолжување на договорот со ПСЖ

Ивона Петрова — Thu, 14 May 2020 10:31:50 +0000

Одбранбениот фудбалер Тијаго Силва може да го продолжи договорот со Пари Сен-Жермен, објавија француските медиуми. Триесет и петгодишниот Бразилец е подготвен да потпише договор за период од една година со можност за обновување на уште 12 месеци. Клубот очекува да се договори со Силва за намалување на платата од 14 милиони евра годишно. Се тврди дека страните се блиски до договор. Сегашниот договор на играчот со ПСЖ истекува на 30 јуни 2020 година.