Никој не ја опиша разликата помеѓу Ливерпул и Реал како Анри

Ристе Здравков — Wed, 22 Feb 2023 09:00:59 +0000

Немаше најава дека кралскиот клуб ќе постигне пет гола во мрежата на Ливерпул во првиот осминафинален натпревар во Лигата на шампионите, но уште еднаш покажаа зошто се најдобриот тим на денешницата. Ливерпул имаше два гола предност по првите 15 минути игра. Кралевите се вратија до крајот на првиот дел, а во продолжение приредија целосен пресврт. Различните реакции по голманските грешки се разликата помеѓу Ливерпул и Реал Мадрид, барем според мислењето на Анри. „Алисон направи грешка и Ливерпул не му помогна, додека сите во Реал му помагаа на Куртоа“, изјави Анри. Во преостанатиот дел од мечот психолошкиот моментум беше на страната на кралевите, кои постигнаа уште три гола и целосно го уништија поранешниот шампион на Англија. „Ова е крај на една ера во Ливерпул“, беше заклучокот на Анри по навистина неочекуваниот и тежок пораз од „црвените“. Во последните неколку години Ливерпул загуби две финалиња во Лигата на шампионите од Реал, а вечерашниот пораз сигурно уште повеќе ќе ги потресе црвените.

Анри пред отказ во Монако, Жардим ќе се врати во тимот

Ристе Здравков — Thu, 24 Jan 2019 11:01:24 +0000

Тјери Анри ги поминува последните денови на тренерската позиција во Монако. Тој е многу блиску до отказ поради слаби резултати, објави „Мирор“. Предводени од Анри, фудбалерите на Монако успеаја да победат на само два од 12 натпревара. Според пишувањата во медиумите, раководството на тимот од кнежевството ја разгледува опцијата да го врати Леонардо Жардим кој беше сменет токму од Анри. Монако е на 19.место во француската Лига 1 со само три победи, шест нерешени и дури 12 порази, односно 15 освоени бода. Првиот тим пред Монако кој е надвор од зоната на испаѓање има 18 бода.

тијери анри – Kurir.mk

Никој не ја опиша разликата помеѓу Ливерпул и Реал како Анри

Анри пред отказ во Монако, Жардим ќе се врати во тимот