тиква – Kurir.mk

Рецепт за чоколадни мафини од тиква

Ивона Петрова — Tue, 24 Oct 2023 17:29:10 +0000

Совршена комбинација на состојки. Состојки: – 300 гр пире од тиква – 220 гр брашно - 100 гр сечкано чоколадо – 100 гр шеќер – 120 мл масло – 60 мл млеко - 2 јајца - 1 лажичка цимет - 1 лажичка прашок за пециво – 1 лажичка сода бикарбона - прстофат сол Подготовка: Во сад ставете ги брашното, прашокот за пециво, сода бикарбоната, циметот и солта, измешајте и оставете ги на страна. Во друг сад прво додадете шеќер, јајца, масло и пирето од тиква, па мешајте додека не се соединат сите состојки. Додајте ја подготвената смеса од суви состојки во влажната и матете со блендер додека не добиете мазна и хомогена смеса. Додадете го чоколадото и промешајте. Вклучете ја рерната на 180 степени. Во калап за мафини ставете ги корпите и рамномерно наполнете ги додека не се потроши целата смеса. По желба одозгора можете да ставите уште малку чоколадо. Калапот се става во загреана рерна и се пече околу 20 минути.

Божица на есента: Тиквата е многу вкусна и здрава, еве за што ќе ви помогне

Ивана Ефремовски — Fri, 20 Oct 2023 15:44:55 +0000

Тиквата е божица на есента, многу е вкусна, се комбинира со различни видови храна, а помага и за многу болести. Полна е со витамин А, Е и К, бета каротен и антиоксиданси. Тиквата ја чува кожата здрава и свежа, помага за борба со инфекции во телото, како и за кандида. Помага за осип, вагинални инфекции и други женски проблеми. Делува против цревни паразити и се препорачува и за детски глисти.

ДА ЗАМИРИСА ЦЕЛ ДОМ! Ништо подобро од меки кроасани со тиква – ќе уживате во секој залак!

Ристе Здравков — Mon, 30 Jan 2023 10:30:36 +0000

Лиснато тесто, тиква, цимет и уште неколку состојки ќе бидат доволни за да направите совршен појадок. Доколку се прашувате што би можеле да направите за појадок, овие одлични кроасани со тиква ќе бидат одличен избор за вас: Состојки: два блока лиснато тесто две помали тикви четвртина чаша шеќер во прав лажичка екстракт од ванила малку цимет малку морско оревче четвртина чаша мелени ореви Подготовка: Исечете ги тиквите на половина, извадете ги семките, исечете ги на парчиња и наредете ги на тава обложена со хартија за печење. Печете во рерна на 180 степени околу 50 минути, додека убаво омекне, па извадете и оладете. Отстранете ја кората, а остатокот ставете го во блендер. Додадете ги шеќерот, ванилата, зачините и оревите и сè добро измешајте. Лиснатото тесто развлечете го на тенки кругови и исечете го на триаголници. Наполнете со тиква и свиткајте, па наредете на плех. Печете во рерна на 200 степени додека тестото не порумени. Пријатно!

Овој вкус веднаш ќе го засакате: Направете палачинки од тиква

Ивана Ефремовски — Thu, 22 Dec 2022 19:08:57 +0000

Ова се едноставни палачинки со тиква, чиј вкус веднаш ќе го засакате. Потребни состојки: 2 јајца 2 шолји брашно 1 шолја пире од тиква 3 големи лажици масло 4 големи лажици шеќер Малку сол 1 шолја млеко 2 мали лажици прашок за пециво Начин на подготовка: 1) Изматете ги јајцата во сад, а потоа додајте шеќер, сол, масло и пире од тиква. Измешајте убаво со лажица или миксер. 2) Измешајте го брашното со прашок за пециво, а потоа додајте го млекото во смесата. 3) Додадете го во смесата, убаво измешајте. 4) Загрејте го тавчето и додадете доволно од смесата за палачинки. Вкусот е прекрасен. Можете да ги послужите со јаворов сируп, џем, крем или чоколадо, тиква и ореви.

Мед од тиква: Домашен мелем и чудо за имунитет

Ивана Ефремовски — Mon, 28 Nov 2022 14:54:18 +0000

Можеби никогаш не сте слушнале за мед од тиква, но оваа вкусна храна е толку здрава за телото, што би ја јаделе секој ден. Поради високата содржина на витамини и каротин, овој мед го зајакнува имунитетот. Благодарение на својот благ лаксатив и диуретик ефект, е одличен избор за хронични проблеми со запек и разни болести на дебелото црево. Но листата на неговите позитивни ефекти врз организмот не завршува тука. Тој е особено ефективен во лачењето на жолчката и црниот дроб и бубрезите, но и добар избор за луѓе со висок холестерол. Се смета за природен лек за уринарниот тракт. Како да се направи мед од тиква? Исечете го врвот на зрелата тиква и извадете ги семињата и растителните влакна. Во дупката која сте ја направиле, сипете мед или кафеав шеќер и покријте ја со исечениот врв на тиквата. Оставете го десет дена на ладно место. Во овој период, шеќерот во тиквата ќе се стопи. Најдобро е медот да го чувате во фрижидер во чиста стаклена тегла со капак, не повеќе од еден месец. Со цел да се зачува подолго, може да се вари додека не стане густо, но во овој случај ќе загуби дел од корисните состојки. Можете да јадете од него по две до три лажици дневно или да го користите за во чај.

Важни придобивки од консумирање на тиква

Магдалена Андонова — Tue, 22 Nov 2022 10:06:41 +0000

Тиквата важи за здрава храна. Има нискокалорична содржина и може да биде одлична основа и за супи, салати и печива. Во истовреме, содржи и доста протеини и јаглени хидрати. Диететските влакна, на пр., се неопходни за добро варење, како и за здравјето на цревната микрофлора. Стручњаците за исхрана препорачуваат најмалку 30 видови влакна неделно во исхраната. Така, одличен избор за проширување на овој список би била тиквата. Исто така, влакната во тиквата во комбинација со други корисни материи во неа, придонесуваат за здравјето и на кардиоваскуларниот систем. Тиквата содржи витамини А, Ц, Е, К, од групата Б, како и минерали – железо, магнезиум, калиум, калциум, фосфор. Семките од тиква се едни од најполезните во однос на содржината на цинк – само 30 грама семки ќе покријат речиси 70 отсто од дневната потреба на телото. А пак, 100 грама тиква содржи третина од дневната потреба за витамин А. Овие материи се неопходни за видот, убавата кожа и секако – имунитетот. Во есенско-зимскиот период особено се потребни калиум, калциум, магнезиум, а тиквата е богата и со еден друг многу важен елемент – силициумот. Високата содржина на фолна киселина овозможува тиквата да се препорача за консумирање и во бременоста. Погоден е за луѓе кои имаат проблеми со сиистемот за варење. Нема контраиндикации за употреба од дијабетичари, напротив. Лекарите нагласуваат оти семките немаат несакано дејство, му помагаат на црниот дроб и го намалуваат холестеролот. (МИА)

За подобро варење и сјајна кожа: Како маслото од тиква влијае на здравјето?

Ристе Здравков — Tue, 15 Nov 2022 14:18:53 +0000

Маслото од тиква се произведува на ниски температури. После бербата, семките се чистат и се складираат. Во текот на преработката, мора да се испржат неколку минути за да се добие масло. Од згмечените топли семки по природен пат, без хемиски додатоци, под висок притисок со добива масло (ладно цедено). Зошто е здраво маслото од тиква? Маслото од тиква е особено богато со витамините А, Е, Ц и К. Свежото масло содржи повеќе од 60% незаситени масни киселини. Исто така содржи и витамини од Б групата, омега 6 и 9 минерали (фосфор, калциум, магнезиум, калиум) и траги од елементите жезено, цинк и манган. Содржи и лецитин и салицилна киселина. Како влијае маслото од тиква врз здравјето Лечењето со масло од тиква дава најдобри резултати кај следните здравствени проблеми: -Регулира проблем со зголемена простата -Лечи инфекции на каналите за мокрача кај мажите и жените -Го подобрува квантитетот и квалитетот на спермата -Го регулира холестеролот -Помага при кардиоваскуларни заболувања -Помага кај синдромот на иритирани црева како и цревни паразити -Го подобрува имунолошкиот систем -Позитивно влијае на видот -Позитивно влијае на расположението -Помага при изгореници и кожни заболувања -Позитивно делува врз тенот кај децата -Помага при опаѓање на косата Употреба на маслото од тиква за козметички цели маслото од тиква често се користи во фармацевстката индустрија во препаратите за нега и лечење на кожа. Благодарение на своите инфламаторни својства, маслото од тиква помага при борбата против акните. А со оглед на тоа што го сузбива хормонот дихидротестостерон, многумина го сметаат како адут во борбата против ќелавоста.

Сочна, блага и богата: Мека ШТРУДЛА СО ТИКВА и цимет која им успева на сите

Ристе Здравков — Mon, 14 Nov 2022 21:28:11 +0000

Има многу начини како да ја искористите тиквата во кујната – таа е идеална состојка за многу јадења, од солена до слатка, одлична е во супа, но сепак најубава како сочен фил во колачи! Иако правењето штрудла понекогаш може да изгледа како многу работа, оваа верзија ќе ви се допадне бидејќи е брза, а резултатот е десерт за паметење. Состојки: За кората: 600 грама брашно половина коцка квасец 350 милилитри топла вода 6 лажици масло 3 лажици шеќер прстофат сол За полнење: 1,5 килограми тиква 3 лажици презла 300 грама шеќер цимет по вкус За посипување: шеќер во прав по вкус Подготовка: Тиквата убаво измијте ја, исчистете ја и изрендајте ја што поситно. Потоа додадете околу 150 грама шеќер и ставете го на тивок оган, така што тиквата го ослободува сокот додека шеќерот се раствора. Потоа промешајте, додадете го преостанатиот шеќер и оставете го да се растопи со повремено мешање. Извадете и оставете да се излади, па додадете цимет и презла, повторно измешајте и оставете го на страна. Во сад издробете една коцка квасец, истурете шеќер и малку топла вода и добро промешајте, па оставете го пет минути да се „активира“. Потоа додадете брашно, масло, вода и сол, па месете додека не добиете еластично тесто. Додадете брашно по потреба. Потоа поделете на три дела за да добиете три штрудли. Со сукало расукајте ги парчињата да не биде многу тенко, не повеќе од 4 милиметри, па размачкајте го филот од тиква. Завиткајте и печете околу 50 минути, во рерна загреана на 180 степени. Откако ќе се испече, оставете ја штрудлата да се излади, па посипете со шеќер во прав и исечете.

ОВИЕ есенски намирници лечат настинка и ги чистат токсините од телото

Ивана Ефремовски — Wed, 02 Nov 2022 13:52:55 +0000

Јаболки Тие помагаат при намалување на нивото на лошиот холестерол и се богати со кверцетин, антиоксиданс кој овозможуваа подобар доток на кислород во белите дробови. Исто така, тие се и одличен извор на витамин Ц, кој помага за зајакнување на имунитетот и во борбата со настинките. Јаболка со средна големина содржи околу 14 проценти од препорачаните дневни дози за витамин Ц и околу 100 калории, а нашето тело троши околу 120 калории за да ја свари. Освен тоа, ова овошје е одлично и за појадок бидејќи го придвижува целиот метаболизам. Карфиол Слично како и јаболките, карфиолот изобилува со витамин Ц. Се смета дека една порција содржи околу 77 проценти од препорачаната дневна доза. Карфиолот е богат со антиоксиданси кои ги отстрануваат брчките, но и фитонутритиенти кои го намалуваат ризикот за добивање на рак на белите дробови. Токму поради оваа карактеристика карфиолот им се препорачува на пушачите. Калинки Ова овошје поради фактот дека изобилува со витамин Ц, фолна киселина и витамините А и Е, како и калиум, уште се нарекува и суперовошје. Во сокот од калинка има три важни полифеноли кои се моќни антиоксиданси поради кои тој е помоќен и од брусницата, зелениот чај и црното вино. Калинката има и антибактериски својства, штити од појава на дијабетес и рак, и помага во борбата со депресијата. Освен тоа, таа помага и за побрзо топење на мастите и ги ублажува симптомите на остеоартритис. Тиква Ова е одлична намирница за сите кои ги мачи алергија. Тиквата изобилува со витамин Ц кој го намалува нивото на хистаминот, и цинк, како и витамин А, кои го зајакнуваат имунитетот. Исто така, таа го блокира настанувањето на слободните радикали и со тоа ги штити ДНК ќелиите од предвремено стареење и мутации, а особено им се препорачува на луѓето кои имаат болести на желудникот и цревата. Кељ Овој зеленчук изобилува со витамини А, Ц и Е, како и магнезиум и каротеноиди кои го зајакнуваат имунитетот и помагаат во изградбата на црвста коса. Кељот ги чисти токсините од организмот, што е неопходно за добро здравје. Исто така, тој помага при кивавица и кашлица кај луѓето кои патат од поленски алергии. Мандарини Тие содржат двојно повеќе витамин Ц од портокалите и изобилуваат со фолна киселина и бета каротен кои се неопходни за добро варење. Мандарините се одличен извор на пектини кои спречуваат апсорбција на холестеролот на ѕидовите на крвните садови, а со самото тоа го спречуваат и ризикот за појава на дебелина. Пектинот е воедно задолжен и за регулација на шеќерот во крвта, што значи дека мандарините делуваат поволно на гладта и не предизвикуваат постојано чувство на глад.

Лесен есенски пилинг од тиква за одлични резултати

Магдалена Андонова — Thu, 27 Oct 2022 07:47:23 +0000

Есента носи многу вкусни плодови, а еден од нив е дефинитивно тиквата, која можете да ја користите на различни начини. Веројатно веќе сте имале можност да направите вкусни јадења од тиква, но овојпат не станува збор за јадење, туку за грижата за убавина на вашето тело. Погледнете како да направите лесен есенски пилинг за тело од тиква. Потребни состојки: 250 грама кафеав шеќер 200 грама мелено кафе 1-2 лажици зачин од тиква или пире од варена тиква (ако немате зачин од тиква, направете го со мешање на овие состојки по ваш вкус: морско оревче, ѓумбир, каранфилче и цимет) 450 милилитри масло по ваш избор – ленено масло, масло од семе од грозје или маслиново масло Начин на подготовка: Истурете го шеќерот во сад и измешајте со дрвена лажица за да го скршите на помали парчиња. Потоа додајте ги меленото кафе и зачинот од тиква. Измешајте рамномерно пред да додадете масло. Додајте го маслото и мешајте додека не се соедини смесата. Истурете го пилингот во стаклена тегла и можете да го користите веднаш или да го чувате во фрижидер за понатамошна употреба. Примена: Нанесете мала количина пилинг на чиста влажна кожа по телото и истријте добро. Оставете да дејствува околу 15 минути и потоа исплакнете темелно.