тиквешко – Kurir.mk

Традицијата продолжува: Џоломарите бркаат лоши духови во Тиквешко

Магдалена Андонова — Fri, 14 Jan 2022 10:44:53 +0000

Џоломарите или маскираните мажи, традиционално на овој ден со ритуал бркаат лоши духови и прават место за доброто и бериќетот. Така е секоја година во повеќе села во Тиквешко, Бегниште, Ресава, Дреново, Сопот, Корешница и други. Весна Ѓорѓиева, директор на Музеј и галеријата Кавадарци, појасни дека џоломарството е тесно поврзано со чествувањето на празникот Стара Нова Година, познат како Василица, кој традиционално со сите обичаи се одбележува во Тиквешијата. Tоме Крстевски, виш кустос етнолог при Музејот, потсети дека во џоломарската игра учествуваат неколкумина мажи со кожувчиња, качулки, бради, исцрнети лица со саѓи, кои прават врева со стапови и клопотарци и на тој начин го бркаат лошото од домовите на тиквешани. – Во периодот од Коледе до Водици, за време на 12 некрстени денови, следена е традицијата, особено на празнувањата и обредите за Стара Нова Година или позната како Василица, на 14 јануари, додаде Крстевски. (МИА)

Двајца ученици, дете и негувателка од градинка и двајца здравствени работници позитивни на коронавирус во Тиквешко

Дарко Андоновски — Fri, 20 Nov 2020 13:45:13 +0000

Двајца ученици, дете и негувателка од градинка и двајца здравствени работници позитивни на коронавирус во Тиквешко, во изолација се 42 ученика, тројца наставници, 19 деца од претшколска возраст и три негувателки и една воспитувачка, за МИА потврди доктор Ристе Јовановски, специјалист епидемиолог при кавадаречкиот Центар за јавно здравје. Во Кавадарци има 31, Росоман 3, Неготино 14 и Демир Капија двајца новозаболени лица. Сите се на возраст од 2 до 78 години.

Рекордни бројки на новозаразени со коронавирус и во тиквешко, меѓу нив и 3-годишно дете

Ивана Ефремовски — Sun, 18 Oct 2020 11:24:58 +0000

Рекордни 20 новозаболени КОВИД случаи се потврдени во тиквешко во последните 24 часа. Како што информира за МИА доктор Ристе Јовановски, специјалист епидемиолог од кавадаречкиот Центар за јавно здравје, од потврдени се 15 нови случаи во Кавадарци, три во Неготино и два во Демир Капија, на возраст од три до 72 години, од двата пола. -Сите се со симптоми, двајца на возраст од 63 и 47 години се хоспитализирани во болница. Петмина претходно имале контакт со заболено лице, другите не знаат каде се заразиле, рече докторот, според кој, заболена е и една медицинска сестра. Меѓу новозаболените има и едно тригодишно дете од градинка, па затоа во изолација се воспитувачка, негувателка и 13 дечиња од неговата група. Денеска ќе се дезинфицираат просториите во градинката.

Два случаја позитивни на коронавирус денеска во Тиквешко

Магдалена Андонова — Sun, 23 Aug 2020 11:41:16 +0000

Два случаја позитивни на коронавирус се регистрирани денеска во Тиквешко. Се работи за дваесетгодишна росоманка и 47-годишен неготинец. Двајцата не знаеле од каде се заразиле, за МИА потврди доктор Ристе Јовановски, специјалист епидемиолог при кавадаречкиот Центар за јавно здравје. Новозаболените биле со лесна клиничка слика и на домашно лекување. Се утврдуваат нивните контакти, со цел нивна изолација.

Во Тиквешко 10 нови случаи на коронавирус, 8 во Кавадарци и 2 во Неготино

Магдалена Андонова — Sun, 02 Aug 2020 11:24:26 +0000

Десет нови случаи на коронавирус се регистрирани во Тиквешко, осум во Кавадарци и двајца во Неготино, за МИА денеска потврди доктор Ристе Јовановски, специјалист епидемиолог при кавадаречкиот Центар за јавно здравје. Новозаболените се на возраст од 17 до 63 години, повеќето од женски пол. Некои од нив претходно биле во контакт со позитивен на Ковид-19, а некои не знаеле од каде го добиле вирусот. Сите се со полесна клиничка слика, не се знае само за една личност, која е евидентирана како позитивна, а засега не одговарала на телефонските повици. (МИА)

Пријавени два физички напада викендов во Тиквешко

Дарко Андоновски — Mon, 27 Jul 2020 10:55:15 +0000

Два физички напади се случиле викендов во Тиквешко, едниот нападнат бил вработен во болница, информираше денеска Верољуб Додевски, портпарол на СВР Велес. Во Полициската станица Неготино вчера во 16:30 часот било пријавено дека на паркинг простор пред базен во Неготино, Г.Т.(24) бил физички нападнат од Б.К.(30). По целосно документирање на случајот ќе биде поднесена соодветна пријава, соопшти Додевски. Во Полициската станица Кавадарци завчера во 21.30 часот било пријавено дека 24 годишник, вработен во болницата во Кавадарци, бил физички нападнат од Т.Ј.(24). Напаѓачот бил лишен од слобода и по целосно документирање на случајот ќе биде поднесена соодветна пријава.

Докторка пријавила сомнеж за извршен полов напад врз шестгодишно дете во Тиквешко

Магдалена Андонова — Wed, 22 Jul 2020 13:05:41 +0000

Докторка пријавила сомнеж за извршен полов напад врз шестгодишно дете во Тиквешко, дознава МИА. Заради заштита на детето, нема да објавиме за која општина станува збор. Од МВР го потврдија случајот за агенцијата. -Вчера, докторка од приватна здравствена ординација пријавила дека на преглед кај неа било донесено дете на шестгодишна возраст, за кое се сомнева дека врз него има извршено полов напад, стои во одговорот на нашето прашање. Се преземаат мерки за расчистување на случајот. (МИА)

Два пожара за кратко време во тиквешко

Ивана Ефремовски — Tue, 04 Feb 2020 19:12:51 +0000

За кратко време попладнево во Тиквешко избувнале два пожара, потврдија од Територијалната противпожарна единица од Кавадарци. -Едниот од пожарите избувнал во росоманско Паликура поради невнимание при горење на лозови прачки по резидба на винови лози. Затоа апелираме до земјоделците да внимаваат кога ги кројат лозјата, затоа што иако сеуште не е дојден верскиот празник „Свети Трифун” како заштитник на лозарите, на терен интензивно се крои и се гори отпад од лозовите насади’, изјави за МИА командирот на ТППЕ Александар Чадамов. Пожарникарите се уште се на терен и на ридот Љубаш, кој кавадарчани го сметаат за бели дробови на Кавадарци, односно пожар има и над манастирот.

Непознати сторители насилно влегле во три викендички во тиквешко

Ристе Здравков — Sat, 29 Dec 2018 08:59:38 +0000

Непознати сторители насилно влегле во три викендички деновиве во Тиквешко, потврди за МИА портпаролот на СВР Велес, Верољуб Додевски. – Се работи за две викендички кај росоманското село Сирково и една кај Тиквешко Езеро. Според првичните согледувања, во два од објектите била причинета помала материјална штета, а во една од викендиците било пријавено оштетување од околу петстотини евра, појасни Додевски. Тој нагласи дека се утврдува висината на материјалната штета и интензивно се трага по оние кои насилно влегле во викендичките.

Започна бербата на трпезно грозје во Тиквешко

Даниел Василев — Thu, 05 Jul 2018 10:59:52 +0000

Започна бербата на најраните сорти трпезно грозје во Тиквешко. Претседателката на националната Федерација на фармери, Васе Мојсовска информираше за МИА дека во моментов се берат сортите „прима“ и „ранка”, а за некој ден ќе стартува и бербата на „кармен” и „кардинал”. Трајче Кулев, претседател на Здружението „Напредни лозари”, соопшти дека се работи на утврдување на количините грозје произведени оваа реколта, а се преговара и околу цените за винското грозје, чија берба следува во наредниот период. Марика Ристиќ од неготинското село Тимјаник денеска ги набра првите количини десертно грозје „ранка бела” од својот лозов насад и ги продаде во Росоман за триесет денари по килограм. Рече дека очекувала повисока цена за своето производство. МИА