Таткото на Авичи за смртта на својот син: Ова е неговата теорија

Ивана Ефремовски — Thu, 04 Jul 2019 14:41:38 +0000

Ди Џеј Авичи, со вистинско име Тим Берглинг, починал кон крајот на април 2018-та на 29 години. Неговиот татко Клас Берглинг проговорил за трагичниот случај. Во интервју за CNN, Клас смртта на синот ја споредил со сообраќајна несреќа. -Според нашата теорија, тој не планирал да умре, тоа повеќе било како сообраќајна несреќа. Многу работи му се случија и насобраа, а тоа го довело надвор од контрола, рекол Берлинг. Неговото тело било пронајдено во Оман, каде што летувал. Неодамна излегол документарецот "Avicii: True Stories", во кој се прикажува неговата макотрпна борба со зависноста со таблетите и анксиозноста, од кои никогаш не успеал да се ослободи. Авичи престанал да настапува уште во 2016-та година поради проблеми со анксиозност и зависност од дрога и алкохол. Исто така се борел со акутно воспаление на штитната жлезда, кое му било дијагностицирано поради прекумерно консумирање на алкохол, а поради тоа морал да ги отстрани жолчката и слепото црево. "Се ме болеше, но сеедно му ги дадоа тие лекови и ми кажаа дека од нив ќе ми биде подобро. Беа како хероин, но не ми помагаа. Претпоставив дека лекарите си ја знаат работата", рекол Авичи во документарниот филм на "Netflix". Авичи поради болки во штитната жлезда, кои траеле и по четири месеци, консумирал коктел од лекови, меѓу кои и "Percocet", лекарство кое предизвикува зависност. "Почнав да пијам по 20 апчиња на ден, а ми кажаа дека не предизвикуваат зависност. Уште бев анксиозен, но повторно почнав со настапи", рекол своевремено диџејот.

Нема повеќе информации за Авичи во овој тежок момент: Семејството е во шок, се почитува нивната приватност

Катерина Бојаџиева — Fri, 20 Apr 2018 20:50:23 +0000

Шведскиот ди-џеј Тим Берглинг, попознат по неговото уметничко име Авичи, почина денеска на возраст од 28 години. Како што кусо соопшти неговиот претставник, Авичи бил пронајден мртов во главниот град на Оман, Мускат. - Со огромна тага соопштуваме за заминувањето на Тим Берглинг, попознат како Авичи. Семејството е во шок и ве молиме да ја почитувате нивната приватност. Нема да издаваме повеќе соопштенија во овој тежок момент, истакна неговиот портпарол. Авичи еден од пионерите на современиот музички жарн ЕДМ (Electronic Dance Movement). Тој освои две МТВ награди и е една Билборд награда, а два пати беше номиниран и за Греми.

Тим Берглинг – Kurir.mk

Таткото на Авичи за смртта на својот син: Ова е неговата теорија

Нема повеќе информации за Авичи во овој тежок момент: Семејството е во шок, се почитува нивната приватност