тим – Kurir.mk

Американската амбасадорка најави, тим за санкции од САД ќе ја сузбива корупцијата во македонското општество

Ристе Здравков — Tue, 06 Dec 2022 13:50:37 +0000

Тим за санкции од Вашингтон е тука да преземе поагресивен пристап кон минатите и сегашните корумпирани актери и да ги разгледа сите можни постапки. Ова преку Фејсбук-страницата на Амбасадата на САД во Скопје, го соопшти американската амбасадорка, Анџела Агелер. Во продолжение од пораката таа упатува строги критики кон состојбите во македонското правосудство. „На правосудниот сектор во Северна Македонија му требаат повеќе истраги, гонење за да се покаже дека никој не е над законот“, напиша амбасадорката Агелер. Амбасадорката претходно изрази критика и при изборот на Ислам Абази за прв човек на Обвинителството за гонење организиран криминал и корупција. Како што беше истакнато, резултатите од изборите на кои гласаа обвинителите биле збунувачки.

ТИМОТ НА СЗО СО НОВИ СОЗНАНИЈА: Ковид-19 циркулирал во Вухан и пред декември 2019

Ивона Петрова — Mon, 15 Feb 2021 10:47:52 +0000

Експертите од Светската здравствена организација кои трагаат по потеклото на коронавирусот во Кина утврдиле дека епидемијата на вирусот од декември 2019, всушност била распространета повеќе отколку што се мислело. Тимот побарал итен пристап доо стотиците илјадни примероци на крв на населението. Шефот на мисијата на СЗО Петер Вен Ембарек за Си-Ен-Ен изјавил дека мисијата открила дека вирусот бил многу повеќе распространет во 2019 година и дека во декември во Вухан постоеле десетина мутации на вирусот. Тимот разговарал и со првиот заболен, барем според тврдењето на официјалните лица, чиновник во 40-тите години кој никаде не патувал, а регистиран е како позитивен пациент на 8 декември. Постепено се појавуваат нови детални податоци кои мисијата на СЗО ги прибирала, а кои би можеле дополнително да ја потвдат загриженоста на одредени научници кои претходно го испитуваа потеклото на коронавирусот, дека тој во Кина бил раширен многу порано пред првиот регистриран официјален случај. Ембарек, кој се вратил во Швајцарија од Вухан, изјавил дека „вирусот бил широко распространет во Вухан во декември, што е ново откритие“. Специјалистот на СЗО за безбедност на храна истакнал дека кинеските научници претставиле 174 случаи на коронавирус во и од околината на Вухан од декември 2019 година. Од тие, 100 се потврдени со лабораториско тестирање, а останатите 74 со клиничка дијагноза на симптомите. Ембарек истакнал дека тимот на СЗО од 17 научници и 17 кинески експерти го проширил генетскиот материјал на вирусот кој бил проучуван и благодарение на тоа, за првпат откриени се 13 различни ггенетски секвенци на САРС КОВ-2 вирусот во декември 2019 година. Овие секвенци, ако се споредат со пошироките податоци од цела Кина во 2019 година би можеле да дадат добри насоки за географијата и тајмингот на епидемијата пред декември, Промените во генетскиот код кај вирусот се вообичаени. Ембарек одбил да заклучи дека 13-те мутации значи дека вирусот се појавил пред декември, но откривањето на колку соеви наведува на помислата дека вирусот циркулирал повеќе од еден месец, а генетскиот материјал кој тимот на СЗО го собрал е прв физички доказ за оваа теорија. Ембарек истакнал и дека кинеските научници на неговиот им им дале анализа на 92 случаи од октомври и ноември 2019 година, за кои се мисли дека биле позитивни на коронавирус. Тимот на СЗО побарал истите да бидат тестирани на антитела во јануари годината. Само 67 прифатиле да се тестираат и сите биле негативни. Ембарек вели дека со понатамошни тестови треба да се утврди дали антителата може да останат една година во телото на пациентот.

„МОЖЕ ДА ТРАЕ НЕКОЛКУ ГОДИНИ“ – научник на СЗО испрати порака до светот и многумина ги остави во шок

Магдалена Андонова — Fri, 05 Feb 2021 18:01:50 +0000

Доминик Двајер, член на тимот на Светската здравствена организација (СЗО) кој го посети кинескиот Вухан, каде што за прв пат беше регистриран коронавирусот, денес изјави дека е изненаден од комплексноста на откривањето на потеклото на пандемијата и посочи дека научниците имаат години наназад истражување напред, пренесува Ројтерс. Микробиологот и инфектологот Доминик Дваер изјави дека тимот во Вухан добил пристап што го побарал од кинеските власти, додека се обидувал да разбере што се случило во првите денови на пандемијата. - Секој знае дека пандемијата потекнува од пазарот Хуанан во Вухан, но клучно е да откриеме што се случило во тоа време и пред тоа - истакна Двајер. Тој го потврди мислењето на неговиот колега од тимот на зоолози и експерт за болести на животни Питер Дашак, кој укажа на тешкотијата за разбирање на болеста. - Дури и со САРС и ебола, имаме некои идеи, но никој не знае, ние исто така не ги знаеме точните околности на ХИВ, изјави Дашак за Ројтерс во четвртокот. Тимот на СЗО ги посети болниците, истражувачките центри и пазарот Хуанан во Вухан, каде нивните контакти беа ограничени на посети организирани од нивните кинески домаќини. Дваер рече дека тимот ги завршил своите посети и се подготвува да ги претстави резултатите од своето истражување што е можно појасно, земајќи го предвид степенот на јавен интерес. Планот е да се направи ова пред 28-дневната виза на членовите на тимот да истече на крајот на следната недела. Тој рече дека се потребни повеќе истражувања во врска со начинот на пренесување на вирусот од животни на луѓе, како и повеќе тестови на антитела кон корона вирусот кај луѓе кои не покажале симптоми на болеста. - Имајќи ги предвид податоците што ги имаме во моментов и ги комбинираме со долгорочни проекти, значи дека сето ова може да трае неколку години, заклучи Дваер.

Тимот на СЗО го посети истражувачкиот центар во кинескиот град Вухан

Тале Кристо — Wed, 03 Feb 2021 07:27:41 +0000

Тимот на Светската здравствена организација (СЗО) денес го посети истражувачкиот центар во кинескиот град Вухан, околу кој се шпекулира за потеклото на коронавирусот. Посетата на Институтот за вирусологија во Вухан е важен чекор во мисијата на тимот да собере податоци и да истражи докази како се појавил и проширил коронавирусот. Институтот е меѓу водечките истражувачки лаборатории во Кина за вирусологија и има архива на генетски информации за коронавирусите по епидемијата на тешкиот акутен респираторен синдром – САРС во 2003 година. Тоа доведе до недокажани обвинувања дека Институтот можеби е поврзан со првичното избивање на епидемијата на Ковид-19 во Вухан кон крајот на 2019 година. Кина категорично ја отфрла таквата можност и смета дека потеклото на вирусот може да биде на друго место или да е увезено од странство преку контаминирана замрзната морска храна, што, пак, генерално го одбиваат меѓународните научници и агенции.

По 14-дневниот карантин, тимот на СЗО ја почнува мисијата за утврдување на потеклото на коронавирусот

Магдалена Андонова — Thu, 28 Jan 2021 09:38:22 +0000

Тимот на Светската здравствена организација (СЗО) денеска излезе од карантин во кинескиот град Вухан и ја почнува теренската работа во мисијата на утврдување на фактите за потеклото на коронавирусот што ја предизвика пандемијата на Ковид-19. ДПА пренесува дека Кина бараше тимот да мине 14-дневен карантин во хотел пред да може да ги почне своите истражувања во градот Вухан, каде се верува дека вирусот кон крајот на 2019 година преминал од животни врз луѓе. Експертите на СЗО денеска се видени како излегуваат од хотелот и се качуваат во автобусот, но не е познато каде се се упатија. Мисијата се изведува под силен политички притисок, бидејќи Кина се обидува да ги избегне обвинувањата од различни страни, пред се, од поранешната американска администрација и лично од претседателот Доналд Трамп, за наводни грешки во првичниот одговор на пандемијата. Главното прашање за мисијата е каде кинеската страна ќе дозволи истражувачите да одат и со кого ќе можат да разговараат. Кинеската државна телевизија денеска јави дека 13-те експерти на СЗО почнуваат со работа и дека сакаат да спроведат интервјуа и да ги посетат болниците. Тие, исто така, планираат да отидат до сточниот пазар каде за првпат се појавил коронавирусот. Тимот за двете недели карантин имаше видео-конференциски врски со своите кинески колеги. (МИА)

На тимот на СЗО во Вухан му се приклучува и британски експерт

Ивона Петрова — Fri, 15 Jan 2021 09:26:28 +0000

Кина денеска соопшти дека ќе му се дозволи влез во земјата на британски експерт од Светска здравствена организација (СЗО), кој ќе се приклучи на експертите кои о истражуваат потеклото на Ковид-19. Портпаролот на кинеското Министерство за надворешни работи Џао Лијан не прецизира кога британскиот експерт ќе пристигне во земјата. Експертскиот тим на СЗО вчера пристигна во кинескиот град Вухан, каде кон крајот на 2019 година беше откриен новиот коронавирус, за да го истражи потеклото на пандемијата. Експертскиот тим во Вухан ќе биде околу еден месец, вклучително и двете недели карантин. Петр Бен Ембарек, експертот на СЗО за животински болести кои преминуваат на други видови, го предводи тимот од десет независни експерти. Експертскиот тим на СЗО, по двонеделниот карантин ќе ги испитуваат вработените во истражувачките институти,, болниците и пазарите за морска храна во Вухан, каде се претпоставува дека се појави ковид-19.

Хуа: Не се проблем визите за тимот на СЗО, се уште ги договараме деталите

Тале Кристо — Wed, 06 Jan 2021 16:15:43 +0000

Кина денеска потврди дека преговара со Светска здравствена организација за датумите и планот за посета на меѓународните експерти кои ќе го истражуваат потеклото на Ковид-19. – Кинескиот став за истражување на потеклото на пандемијата секогаш бил отворен и одговорен, истакна портпаролката на кинеското Министерство за надворешни работи, Хуа Чунјинг. Таа нагласи дека е „можно да дошло до неспоразум“ и оти „нема потреба да се продлабочува прашањето“. – Проблемот на потеклото е многу сложен. За да обезбедиме успешна работа на меѓународната експертска група во Кина и за да се извршат потребните процедури и релевантните конкретни планови, двете страни мора уште да разговараат за тоа, посочи Хуа. Претходно, генералниот директор на СЗО, Тедрос Аданом Геберјесус изјави дека е многу разочаран што кинеските власти не им дозволија влез во земјата на експертите за испитување на потеклото на Ковид-19 во Вухан. Тој наведе дека дел од експертите веќе тргнале кон Кина, а на другите патот им е откажан во последен момент. – Добивме уверување дека Кина ги забрзува внатрешните процедури за што поитно решавање на овој проблем, посочи Гебрејесус. Тој истакна дека стапил во контакт со кинеските власти и оти мисијата е приоритет на СЗО и на меѓународниот тим.

Тимот на Бајден ќе покрене правна постапка поради одложувањето објавување на победникот

Тале Кристо — Tue, 10 Nov 2020 07:06:04 +0000

Тимот на новоизбраниот претседател на САД Џо Бајден синоќа соопшти дека размислува да покрене правна постапка против доцнењето на државните служби при прогласувањето на демократскиот кандидат за победник на изборите во САД. Државната изборна комисија обично прогласува кандидат за претседател кога ќе стане јасно дека тој ја освоил власта, по што може да започне процесот на пренесување на власта. Тоа сè уште не се случило, иако сите водечки американски медиумски куќи го прогласија Бајден за победник во саботата, бидејќи тој ги надмина потребните 270 изборни гласови. Меѓутоа, законот не прецизира кога Државната изборна комисија мора да реагира, но тимот на Бајден вели дека нивната победа е „чиста“ и дека одложувањето на објавувањето на победникот не е оправдано, без оглед дали актуелниот претседател Доналд Трамп одбива да ги признае резултатите од изборите.

Рондо ќе дојде во Орландо, но сè уште нема да се приклучи на тимот

Магдалена Андонова — Wed, 05 Aug 2020 08:12:59 +0000

Тренерот на Лос Анџелес лејкерс, Френк Вогел изјави дека Раџон Рондо утре ќе пристигне на Флорида. Тој ќе помине извесно време надвор од комплексот, пред да влезе во кампусот и да се стави во карантин, објави „ESPN“. Рондо заработи скршеница на десниот палец пред три недели за време на тренинзите и беше подложен на операција. Прелиминарниот период на закрепнување е 4-6 недели. Во Лејкерс очекуваат кошаркарот да го имаат на располагање за плејофот во препознатливата за него форма. (МИА)

Тим од триесет лекари направи вистинско чудо: Раздвоени сијамски близнаци!

Тале Кристо — Wed, 08 Jul 2020 07:51:37 +0000

Во италијанската болница „Бамбино Џес“ успешно е изведена операција каде се раздвоени две сестри близначки кои биле споени со грбот како и со вратот. Поголемиот дел од крвниот систем го делеле, но за среќа успеале да ги спасат. Операција од ваков тип се случува за прв пат во Италија, а во светот се извршила најмногу три пати. - „Сестрите се во добра состојба и се чувствуваат одлично!“ Операцијата ја изведе тим од 30 специјалисти, а најтежок момент им бил кога требале сестрите да ги раздвојат кај главата.