Тимо Вернер – Kurir.mk

Уште едно големо име поради повреда го пропушта СП

Бошко Тасиќ — Fri, 04 Nov 2022 06:09:00 +0000

Фудбалерот на Лајпциг и репрезентативец на Германија, Тимо Вернер, ќе го пропушти Мундијалот во Катар поради повреда. Во мечот против Шахтар во ЛШ, Вернер беше изваден од игра во 16. минута, па беше неизвесно закаква повреда станува збор. Тој го повредил скочниот зглоб. „Скенерот за жал покажа дека лигаментот е скинат, така да Тимо Вернер нема да игра до крајот на 2022 година, најмалку“, порачаа од клубот на Вернер.Селекторот на Германија, е разочаран од ваквиот епилог. „Тажна вест, беше решен да игра на Мундијалот, го исчекуваше, но ништо од тоа. Неговото отсуство е голема загуба за репрезентацијата, му посакуваме брзо заздравување“, порача Ханси Флик.

Лајпциг за Вернер ќе плати 19,5 милиони евра и бонуси

Тале Кристо — Mon, 08 Aug 2022 13:31:34 +0000

Бундеслигашот Лајпциг ќе му плати на Челзи помалку од очекуваното за Тимо Вернер. Беше објавено дека трансферот на напаѓачот ќе го чини германскиот клуб 30-35 милиони евра и бонуси. Сепак, според „Sky Sport Deutschland“, трансферот на овој играч ќе го чини Лајпциг многу поевтино. Без да се земат предвид бонусите, Челзи за напаѓачот ќе добие 19,5 милиони евра. Да потсетиме дека во 2020 година лондонскиот клуб го купи Тимо од Лајпциг за 53 милиони евра. Фудбалерот сакаше да го напушти Челзи за да не го загрози влегувањето во репрезентацијата на Германија за Светското првенство во 2022 година. Трансферот на Вернер ќе биде официјално објавен утре. Напаѓачот в среда ќе го има првиот тренинг во Лајпциг по враќањето. Тој играше за Лајпциг од 2016 до 2020 година. Во 156 настапи за клубот, тој постигна 90 гола и даде 40 асистенции.

Вернер се враќа во Лајпциг

Бошко Тасиќ — Sun, 31 Jul 2022 06:04:48 +0000

Германскиотфудбалски репрезентативец Тимо Вернер е многу близу да се врати во Ред Бул Лајпциг од каде направи трансфер во Челси откако тренерот Томас Тухел јасно му порачал дека не е во прв план и да не очекува преголема минутажа. Вернер, за кого имаше интерес и од Јувентус како втора напаѓачка опција после Душан Влаховиќ, сега е многу близу да прифати да се врати во Лајпциг и Челси е согласен да го путши на едногодишен заем со опција за откуп, а притоа и да му исплаќа половина плата од 14-те милиони кои ги има според договорот.

Германецот во Лондон дојде во 2020 година за 50 милиони фунти, но не ги оправда очекувањата и доби прекар „мистер утка“. Севкупно има 23 гола на 89 меча.

Тимо Вернер доаѓа во Реал Мадрид?

Ристе Здравков — Fri, 29 Jul 2022 09:02:15 +0000

Европскиот првак Реал Мадрид сака да се засили со Тимо Вернер. На Карло Анчелоти му е потребен уште еден напаѓач кој би можел да биде квалитетна замена за Карим Бензема. Тимо Вернер дојде во Челси како едно од најголемите засилувања во летото 2020 година во трансфер од Лајпциг вреден околу 53 милиони евра, но не се прослави во изминатите две сезони. Германскиот напаѓач одигра 56 натпревари во Премиерлигата и постигна 10 гола, премалку за играч од светска класа, педигре со кое пристигна на „Стемфорд бриџ“. Во претходните денови напаѓачот беше поврзуван со трансфер во Јувентус, но сега шпанските медиуми тврдат дека Вернер е интересен за европскиот шампион Реал Мадрид.

Вернер: Ги игнорирав критиките, ако постојано размислувам за нив, нема да можам да играм

Дарко Андоновски — Thu, 14 Oct 2021 06:15:36 +0000

Напаѓачот на Челзи, Тимо Вернер зборуваше за неговиот однос кон критиките. Фудбалерот пред три дена постигна два гола за Германија во триумфот над македонската репрезентација со 4:0. – Морав да ги игнорирам критиките. Ако постојано размислувам за тоа, тогаш нема да можам да играм. Во одреден момент, сфатив дека головите ќе дојдат. Знам за што сум способен. Ако тренерот ви верува, тоа е добро. Особено ми е потребна доверба однадвор, се надевам дека можам да се оддолжам за ова, изјави Вердер за британски „Сан“. Во тековната сезона, Вернер настапи на осум натпревари за Челзи, постигнувајќи два гола и една асистенција.

Тухел за крајот на „црната серија“ на Вернер: За напаѓач нема подобро чувство од постигнување гол

Тале Кристо — Thu, 23 Sep 2021 06:56:29 +0000

Тренерот на Челзи, Томас Тухел, уште еднаш му искажа поддршка на Тимо Вернер кој по пауза од 10 натпревари без постигнат гол, синоќа се запиша во листата на стрелците. Челзи во натпревар од третото коло во Лига Купот на Англија со Астон Вила одигра 1:1, па на пенали победи со 4: 3. – Одигравме многу тежок натпревар во кој успеавме да им дадеме шанса на голем број играчи. Направивме многу промени, а тимот никогаш не влегол на терен во таква комбинација. Во такви услови, потребно е одредено време да се прилагоди на теренот. За нас беше важно да не очекуваме премногу во однос на креативноста. Очекувавме да го видиме најенергичниот фудбал што го изведува тимот, и го видовме. Ние добиваме доверба во нашите способности секоја минута. За голот на Вернер, наша задача е да создадеме ситуации за него, а реализацијата зависи од него. Нема подобро чувство за напаѓач од постигнување гол, истакна Тухел. Следен ривал на Челзи во Лига купот ќе биде Саутемптон.

Вернер: Ако Челзи го освои трофејот, сезоната за нас е успешна

Тале Кристо — Sun, 18 Apr 2021 11:55:35 +0000

Напаѓачот на Челзи, Тимо Вернер ги сумираше впечатоците по полуфиналето во ФА купот против Манчестер Сити (1:0) на кое оствари асистенција. – Мислам дека ова беше дуел на двата најдобри англиски тима. Шансите беа еднакви. Победивме затоа што бевме поуспешни во контранапади и успеавме да дадеме гол. На крајот добро се браневме, како и на претходните натпревари. Мислам дека може да се каже дека победи посилниот. На вакви натпревари, важно е да имате добар план за игра, но на крајот сето тоа е во врска со индивидуалната вештина. Еве зошто победивме. И двата тима избраа многу добра тактика, бидејќи и двата ги водат прекрасни тренери. Но, индивидуално, игравме подобро. Ако го освоиме трофејот, сезоната ќе биде одлична. Ни претстои финалето на ФА купот и полуфиналето во Лигата на шампионите. Продолжуваме напред и сме во состојба да го освоиме трофејот. Имам повеќе асистенции отколку постигнати голови, што е невообичаено за мене. Но, сè додека е добро за тимот, не ми пречи, нагласи Вернер. Во финалето на ФА купот, Челзи ќе се сретне со поуспешниот од натпреварот Лестер – Саутемптон.

Вернер за Тухел: Сега има кој да ме критикува на германски

Дарко Андоновски — Tue, 16 Feb 2021 12:06:35 +0000

Напаѓачот на Челзи, Тимо Вернер, запрашан да даде свој коментар за новиот тренер и негов сонародник Томас Тухел, се пошегува на своја сметка. – Неговото доаѓање во Челзи ми помогна така што сега има кој да вика по мене на германски. Тухел е навистина добар тренер и има идеја за фудбалот што сакаме да го играме. Како ќе тренираме се повеќе и повеќе со него, ќе станеме подобри, вели Вернер за „BBC Sport“. Челзи синоќа во дуел од 24. коло на англискиот шампионат го совлада Њукасл со 2:0 и по подолго време се врати во ТОП 4 на табелата во Премиер лигата. – Многу важна победа. Генерално, нашата игра беше многу добра во изминатите неколку недели, победивме на сите натпревари и немаме примено ниту еден гол. Се вративме на вистинскиот пат, ова е важно, потенцира Вернер. Следен ривал на Челзи во Премиер лигата е Саутемптон, на 20 февруари.

Вернер призна дека се двоумел околу трансферот во Челси

Магдалена Андонова — Wed, 23 Sep 2020 14:45:49 +0000

Новиот напаѓач на Челси, Тимо Вернер призна дека во еден момент имал сериозни сомнежи дали треба да ја прифати понудата на „сините“. На крајот на февруари – неколку дена пред прекинот на шампионатот поради пандемијата – Баерн (Минхен) ги победи Челси со 3: 0 на сред „Стемфорд бриџ“ во првиот натпревар од 1/8-финалето во Лигата на шампионите. – Ќе лажам ако кажам дека не бев шокиран од она што го видов. Поразот од 0-3 на домашен терен воопшто не значеше добро за одење во Лондон. Го велам тоа затоа што со мојот поранешен тим РБ (Лајпциг) секогаш имавме добри натпревари против Баварците и резултатот не беше јасен до самиот крај, “, призна Вернер во интервју за „Спорт Билд“. -. На крајот, напаѓачот на Бундеслигата сепак ја избра понудата на Френк Лампард и отиде во Лондон за 53 милиони евра. Интерес за него имаше и од Ливерпул и Баерн (Минхен). (MИА)

Вернер го одржа својот прв тренинг со Челзи

Ивона Петрова — Tue, 28 Jul 2020 06:49:21 +0000

Новиот играч на Челзи, Тимо Вернер ја одржа својата прва тренинг сесија со „сините“. Лондонскиот клуб го купи Германецот од Лајпциг. – Прва тренинг сесија, прв пат во сино! – напиша Вернер на Твитер. Дваесет и четиригодишниот германски репрезентативец веќе и официјално се приклучи на Челзи. Вернер има одиграно 45 настапи во сите натпреварувања за Лајпциг оваа сезона и постигна 33 гола. Сепак, тој нема да му помогне на германскиот клуб во преостанатите натпревари од Лигата на шампионите, кои ќе се играат во формата „Фајнал 8“. Клубовите го затворија договорот за трансфер на Вернер на 18 јуни, се согласија дека напаѓачот ќе ја заврши тековната сезона во Бундеслига, но не и ви Лигата на шампионите.

First training, first time wearing blue! ? @ChelseaFC pic.twitter.com/vGTvdjkTpk
— Timo Werner (@TimoWerner) July 27, 2020