тимоние – Kurir.mk

Тимоние и ОБСЕ/ОДИХР: Ниската излезност ги компромитира изборите

Тале Кристо — Thu, 07 May 2020 15:21:44 +0000

Македонската влада форсира избори брзи, додека Франција една од земјите лидери во ЕУ сериозно размислуваат за одложување на вториот круг на локалните избори кој треба да се одржи на 21 јуни. Францускиот амбасадор во Македонија, Тимоние за Алфа вели дека ниската излезност во првиот круг на изборите кој се одржа на почетокот на пандемијата со Ковид 19 е причината зошто Франција би можела да го одложи вториот круг. Сепак според амбасадорот конечната одлука за одржување на изборите зависи од политичкиот договор меѓу партиите. Франција го одржа првиот круг од своите локални избори на почетокот на пандемијата, на 15 март во соодветни услови, со најразлични мерки на претпазливост, но на крај констатиравме помала излезност. Во контекст на постепеното олабавување на мерките, во ситуација кога бележиме пад на ширењето на вирусот и намалување на притисокот врз здравствениот систем, се водат дискусии околу датумот за вториот круг кој првично беше одреден за 21 јуни, но сериозно се размислува за негово одложување за наесен во сите 5.000 општини каде што се одржуваат локални избори, вели Кристиан Тимоние – француски амбасадор во Македонија. Евентуалната ниска излезност на изборите во Македонија, доколку се одржат летово, според упатените највеќе им одговара на СДСМ, но сепак учеството на граѓаните на изборите ќе биде оценувано од набљудувачката мисија на ОБСЕ/ОДИХР. Од меѓународната набљудувачка мисија за Алфа велат дека од исклучителна важност во нивниот мониторинг е излезноста на граѓаните. Според СДСМ брзи корона избори се целта, под маски и растојание. Нејасно е како ќе се одвива гласањето кога илјадници македонски државјани се заглавени низ светот заради корона вирусот, но и стравот на луѓето во време на паднемија да гласаат во затворени простори каде би циркулирале огромен број на граѓани. Оценувањето на условите за сите граѓани да учествуваат на изборите ќе биде важен елемент на набудувањето на ОДИХР, кое ќе го оцени спроведувањето на изборите според меѓународните стандарди, истакнаа од ОБСЕ/ОДИХР. Можната ниска излесност, но и заштитата на здравјето на граѓаните беа причина и полските власти да ги одложат нивните избори. Новиот датум за одржување на претседателски избори во Полска се уште не се знае. Инаку според Венецијанската комисија по примерот на Турција и Грузија, велат дека „избори треба да се организираат дури по истекот на 60 дена од денот кога престанала вонредната состојба затоа што изборите бараат мирна политичка атмосфера и целосно почитување на сите слободи и човекови права“. Извор: Алфа

Тимионие: Успешни избори се предуслов за датум

Предраг Кукиќ — Wed, 15 Jan 2020 09:26:29 +0000

„Знам дека предлогот на Комисијата треба да го добиеме до крајот на месецов. Ова не се одлучува еднострано. Има консензус за нашите предлози. Не очекувам компликации бидејќи нашите предлози беа базирани на аргументи за кое е потребно време. Мислам дека до самитот во Загреб ќе бидеме спремни“, вели францускиот амбасадор Кристијан Тимоние за Утрински брифинг. – Потребно ни се успешни избори. Прогрес во агендата. Бидејќи постои метологија, но постои и агенда на реформи во политичката агенда како и законот за Обвинителството, изјави францускиот амбасадор Тимоние.

Амбасадорот Тимоние: Имате многу корупција и проблеми, ќе биде тешко за датум!

Ивана Ефремовски — Mon, 24 Jun 2019 13:17:38 +0000

Францускиот амбасадор Тимоние денес предизвика изненадување во “Холидеј Ин“, каде во својот настап индиректно најави дека Македонија нема да добие датум за преговори со ЕУ ниту во октомври. На работниот семинар за администрацијата учествуваше и министерот Дамјан Манчевски, а претседавач беше новинарот Васко Попетревски, објавува Магазин. -Што сте запнале со тој датум? Па имате толку многу проблеми. Во Струга градоначалникот се однесува скандалозно, УНЕСКО ќе ви го одземе статусот на Охридско Езеро, имате толку многу корупција, се менуваат директори на школи на дилетантски начин, блесаво е да барате датум за преговори овој период, имате толку многу проблеми, ќе треба уште да работите за да бидете спремни за датум, чудна ми е таа ваша опседнатост со датумот! Ние не треба да ве оставиме изолирани без пат кон ЕУ но не треба ниту да ви прогледуваме низ прсти, изјави францускиот амбасадор Тимоние, после неколкуте инсистирања на модераторот дека датумот во октомври треба да е сигурен. На ова модераторот Васко Попетрески, новинар во ТВ Алсат, му постави прашање на амбасадорот: “Добро ако ние не сме спремни, како тогаш Србија преговара, а владее режим на Вучиќ, како Црна Гора преговара кога немало политичка промена на власта 30 години?!“ На ваквото прашање амбасадорот Тимоние одговори кратко и отсечно: “Па еднаш се изглупиравме, по втор пат нема да се изглупираме. Тезите дека еве ќе почнеме преговори па после додека преговараме ќе се реформираме, веќе не држат. Нема да се случи тоа, треба да разберете, имате многу проблеми и не треба да се правиме слепи пред нив“. По својот говор, Тимоние на сред конференција стана и ја напушти салата во Холидеј Ин. Министерот за информатичко општество и администрација, Дамјан Манчевски, молчеше на овие констатации и ниту зема збор, ниту му реплицираше на францускиот амбасадор. Денес пак токму заменик министерот за образование Петар Атанасов поднесе оставка токму заради немањето на реформи во образованието, и големите проблеми во тој ресор. ИЗВОР: Магазин