тимур дибиров – Kurir.mk

Дибиров: Планот ми беше да ја завршам кариерата во Вардар, но.разделбата беше неминовна

Бошко Тасиќ — Sat, 19 Aug 2023 05:19:22 +0000

Во интервјуто за „Моцарт Спорт“ рускиот ракометар Тимур Дибиров изјави дека планот му беше да ја заврши кариерата во Вардар, но немаше можности да остане во Скопје. – Многу сум среќен што сум толку ценет во Вардар. Мојот план беше кариерата да ја завршам во Скопје. Ниту Вардар, ниту јас не сакавме да се разделиме, но имаше проблеми, немаше можност да останам, па минатата година завршив во Загреб. Благодарен сум на сегашниот клуб што ми даде шанса, што ми овозможи во 40-та година да играм во Лигата на шампионите и да ја добијам наградата за најдобро лево крило. Мислам дека го направив вистинскиот потег, се чувствувам добро во Загреб – се зборовите на Дибиров.

Дибиров во со Загреб уште две години

Бошко Тасиќ — Tue, 21 Feb 2023 06:00:00 +0000

Тимур Дибиров за неколку месеци ќе го прослави 40. роденден (30 јули), но ветеранот не размислува за пензија и најдобар доказ за тоа е последната информација која дојде од неговиот клуб ППД Загреб. Популарните плинари соопштија дека левото крило се согласило за продолжување на соработката за уште две сезони што значи дека Русинот ќе биде активен најмалку до 42 година. Со ова Дибиров дополнително ќе го продолжи престојот на Балканот каде девет години беше дел од најдобриот македонски клуб Вардар за да од 2022 година се пресели во Загреб.

Тимур Дибиров и дефинитивно ја прифати понудата на Загреб

Бошко Тасиќ — Sat, 16 Jul 2022 07:26:09 +0000

Тимур Дибиров нема да го носи дресот на Вардар во новата натпреварувачка сезона откако рускиот репрезентативец ја прифати понудата да својата кариера да ја продолжи во дресот на Загреб. Хрватскиот шампион уште пред десетина дена тргна во офанзива по руското лево крило, во надеж дека ќе го убедат Дибиров да стави крај на својата ера во црвено-црниот дрес. Иако до неодамна изјавуваше дека негова желба е кариерата да ја заврши во црвено-црниот дрес, неговиот став се промени по санкциите за „црвено-црните“ и исклучувањето на македонскиот првак од Лигата на Шампионите. Дибиров во текот на следната седмица би требал и официјално да се пресели во Загреб, каде во тимот крај себе ќе ги има поранешните соиграчи од Вардар, Вуко Борозан и Иван Чупиќ.

Трансфер кој ќе одекне како „бомба“: Дибиров заминува од Вардар?

Ивана Ефремовски — Mon, 11 Jul 2022 19:55:01 +0000

Хрватски „Јутарњи лист“ во своето денешно издание пренесува дека се очекува во следните неколку денови да се реализира трансфер кој ќе одекне како „бомба“ во светот на ракометот. Миленикот на навивачите на Вардар, Тимур Дибиров се очекува да направи трансфер во редовите на хрватскиот шампион, Загреб. Според медиумот, засега ништо не е официјално, но самиот играч потврдил дека целата ситуација е влезена во самата завршница и дека двете страни се блиску до договор. Загреб повторно склопува респектабилен тим откако пред Дибиров го обезбеди потписот на уште еден поранешен вардарец, Вуко Борозан. Вардар откако доби забрана од ЕХФ да игра во Лигата на шампионите ги загуби засилувањата, а полека ги губи и најдобрите играчи во тимот.

Дибиров: Ваквото ривалство е секогаш добредојдено и верувам дека ќе трае!

Ристе Здравков — Sun, 15 May 2022 20:00:43 +0000

Тимур Дибиров влегува во десеттата година во „црвено-црниот“ дрес со нов Куп-трофеј. Вардар 1961 во финалето го совлада Еурофарм Пелистер (23-22), во драматичен дуел полн со возбудувања. По натпреварот руското крило даде свое видување на средбата во салата „Јасмин“ во Кавадарци и истакна дека се победило со мала доза на среќа, а истовремено му честита и на Еурофарм Пелистер за прикажаното. „Знаејќи дека секој натпревар е посебна приказна, верував дека ќе биде многу тешко. Секогаш е различно. Имаме ривалство меѓу нашите екипи и секој дуел е непредвидлив. Честитки за ривалот, беа многу добар противникот и кога ќе победиш на вакво начин, дефинитивно среќата беше на нашата страна. Честитки и за нашите момци и на стручниот штаб. Се извлековме од тешка позиција во клубот во сезоната, но важно е што на крај победивме. Ривалството и атмосферата на овие тимови е добредојдено и верувам дека ќе трае.“, изјави Дибиров. За Вардар ова беше јубилејна 15-та титула во Купот на Македонија. Сега, следат натпревари на домашната сцена, за потврда на „двојната круна“ во македонскиот ракомет која и лани застана во црвено-црните витрини.

Дибиров останува во Вардар до јуни 2023

Дарко Андоновски — Thu, 12 May 2022 11:28:05 +0000

Тимур Дибиров ќе го носи „црвено-црниот“ дрес на Вардар и во следната сезона, најмалку до јуни 2023 година, со можност за продолжување на соработката, објави ракометниот клуб. Вардар се договори со левото крило за продолжување на соработката со што Русинот ќе ја игра 10-тата сезона во Скопје. Дибиров е еден од ракометарите со најдолг стаж во клубот. Левото крило дојде во Вардар во 2013 година и оттогаш има освоено седум шампионски титули и седум куп титули. Покрај тоа, со Вардар трипати го освои Супер купот на Македонија, четирипати беше победник на СЕХА лигата и двапати беше европски првак. Вардар е на чекор до освојување на 15 титула во првенството и викендов ќе игра на Ф4 во Купот на Македонија.

Видео: Најдоброто од Тимур Дибиров во дресот на Вардар

Ристе Здравков — Mon, 04 Apr 2022 11:55:45 +0000

Тимур Дибиров објави дека оваа сезона ќе му биде последна во црвено-црниот дрес, а нема никаква дилема дека левото крило ќе остане запаметено како најдобар странски ракометар кој настапувал за Вардар. Тој беше лидер на екипата со година, а за успесите најдобро говорат трофеите, два во Лигата на Шампионите, четири во СЕХА и дури 15 вкупно пехари во мак-ракометот. Желба на Русинот, но и на сите „вардарци“ е збогувањето да биде со двојна круна, нешто што нема да биде нималку лесно по последниот пораз на домашен терен од Еурофарм Пелистер. Сепак, објавата на Дибиров за заминување од Вардар е доволен повод за потсетување на дел од најдобрите погодоци на овој ракометар во црвено-црниот дрес.

Дибиров си оди од Вардар!

Дарко Андоновски — Mon, 04 Apr 2022 10:14:36 +0000

Ѕвездата на Вардар, Тимур Дибиров ќе го напушти клубот по крајот на сезоната, тој девет години е дел од македонскиот шампион и беше дел од најголемите успеси на клубот. Дибиров во Вардар е уште од почетокот на создавањето на моќниот проект кој двапати ја освои Лигата на шампионите. Тој објави дека за него ова е последна сезона во Вардар и сака да се збогува со шампионската титула. „Оваа сезона е моја последна во дресот на Вардар. За жал овој меч со Веспрем во Скопје беше мој последен во Лигата на шампионите и најмногу што би сакал е во Битола да победиме, да ја освоиме титула и така да се збогувам со Вардар. Ова е моја одлука!“, соопшти Дибиров во интервју за „Само ракомет“. „Планот ми беше следната сезона да ми е последна, некаде на средина да објавам дека се повлекувам. Не е проблем во парите, ниту зборувам дека не сум добил договор, едноставно...“.

Дали ова ќе биде голот на колото? Пируетата на Дибиров за ерупција на „Јане Сандански“ (ВИДЕО)

Ристе Здравков — Thu, 10 Mar 2022 13:27:45 +0000

Составот на Вардар издвојува победа над Елверум (39-30) и со тоа на најдобар можен начин ја најави осминафиналната битка против Веспрем во Лигата на шампионите. „Црвено-црните“ покажаа колку можат да бидат опасни, колку можат да бидат ефикасни што секако е добра вест пред битките кои престојат до крајот на кампањата. Тимур Дибиров со седум погодоци беше прв стрелец кај Вардар, а еден од тие негови голови беше вистинска магија и нема да биде изненадување ако биде прогласен за најубав во оваа рунда во елитното натпреварување. Ова е мајсторијата на искусното крило на македонскиот шампион.

🌪️ Timur Dibirov was @HCVardar's top scorer with seven goals tonight - the last one being simply outstanding 👏#ehfcl #showtimeforchampions pic.twitter.com/4ijyrrS9dd
— EHF Champions League (@ehfcl) March 9, 2022

Дибиров влезе во клубот „1000 погодоци во европските купови“

Ивана Ефремовски — Thu, 21 Oct 2021 08:12:44 +0000

Со деветте гола постигнати синоќа во првото полувреме против тимот на Алборг, Тимур Дибиров направи голем чекор напред во кариерата и влезе во клубот 1000, пишува 24Ракомет. Станува збор за 1000 погодоци во европските купови со што се запиша меѓу легендите на ракометот бидејќи станува дел од великаните. Дибиров досега има постигнато 987 гола во Лигата на шампионите, шест во Трофејот на шампионите (Супер куп на Европа) и 15 во КПК. Практично првиот погодок синоќа му го донесе местото во клубот 1000, па во моментов има 1008 гола, а јасно е дека ќе има можност и за натамошно зголемување на бројот на голови, анализира порталот.