Тина Тарнер – Kurir.mk

Синот на Тина Тарнер уапсен: Се обидел да ја изеде дрогата кога полицијата го запрела

Ивона Петрова — Thu, 22 Jun 2023 17:44:10 +0000

Ајк Тарнер Џуниор, син на покојните музичари Ајк и Тина Тарнер, е уапсен во Тексас под сомнение дека поседувал крек и се обидел да скрие докази, објави магазинот People. Полицијата во Алвин, Тексас, уапсила 64-годишен маж откако пронашла 1,7 грама крек кокаин, форма на кокаин и 0,7 грама метамфетамин, објавија медиумите. Ајк Тарнер Џуниор, исто така музичар, беше осуден на 18 дена затвор. Инцидентот се случил пред да почине неговата мајка на 83-годишна возраст на 24 мај. Тарнер возел бел Форд Фјужн од 2013 година кога полицајците го привлекле поради помал сообраќаен прекршок, соопшти полицијата. Капетанот К.Т. Арендел од полицискиот оддел Алвин изјавил за People дека полицајците ја заплениле дрогата откако откриле дека Тарнер се обидува да ја изеде пред полицајците да успеат да му ја одземат. Тарнер моментално се наоѓа во затворот во округот Бразорија.

ОВА Е ПОСЛЕДНАТА ЖЕЛБА НА ТИНА ТАРНЕР – еве како ќе биде испратена легендата на рокенролот на сопствениот погреб

Дарко Андоновски — Tue, 30 May 2023 14:31:51 +0000

Славната пејачка Тина Тарнер ќе биде погребана на приватна церемонија која ќе биде далеку од очите на јавноста, соопшти нејзиниот тим за односи со јавноста. Нејзиниот поранешен асистент открил нови детали за легендарната пејачка која починала на 24 мај во Швајцарија на 83 годишна возраст. -Тина Тарнер ќе биде погребана во Швајцарија, таа не сакаше голем јавен погреб. Сакаше да биде кремирани по смртта и очекуваме тоа да биде многу приватен настан. Сигурни сме дека подоцна ќе се организира и меморијален концерт со кој ќе и се оддаде почит, вели тој. Додава дека оваа најголема желба ќе и биде исполнета на пејачката која почина од природна смрт иако боледуваше од рак на цревата.

Повеќе од 250 милиони долари: Еве кој ќе го добие богатството на Тина Тарнер по нејзината смрт

Ивана Ефремовски — Sat, 27 May 2023 18:32:10 +0000

Богатството на Тина Тарнер, рокенрол ѕвездата која почина оваа недела, проценето на околу 250 милиони долари, најверојатно ќе го наследи нејзиниот сопруг Ервин Бах. Пејачката беше во брак со германскиот музички директор и продуцент 10 години. Тие се венчаа во 2013 година по повеќе од 26 години врска. Тина Тарнер, рокенрол ѕвездата која беше на врвот на својата слава во 1980-тите, почина на 83-годишна возраст. Во 2016 година и беше дијагностициран рак на дебелото црево, а во 2017 година и беше трансплантиран бубрег. Нејзиниот сопруг тогаш и го спасил животот со донирање на неговиот бубрег.

НАВИСТИНА СУМ ПОДГОТВЕНА, НЕ САКАМ ПОВЕЌЕ ДА СЕ БОРАМ – славните водителка и пејачка се згрчиле кога Тина Тарнер им кажала дека знаела што ќе се случи!

Дарко Андоновски — Fri, 26 May 2023 16:54:39 +0000

Тина Тарнер, кралицата на рок музиката, почина пред два дена, на 83-годишна возраст. Последните денови ги поминала во својот дом во Швајцарија, каде и починала. Деновиве од неа се простуваат нејзините колеги и обожаватели, а водителката Опра Винфри и пејачката Шер раскажаа што им кажала Тина Тарнер пред нејзината смрт. „Знаев дека е болна, ја видов во 2019 година, ја посетив во болница и тогаш ми кажа дека е подготвена да замине. Поточно, ми рече дека е подготвена да го напушти овој свет. Очекував дека тоа ќе биде последен пат да ја видам“, изјави Опра за CBS Mornings. Тина ѝ кажала слично нешто и на колешката Шер. „Таа се бореше со болеста долго време и беше многу силна, исто колку што луѓето мислат дека е, но кон крајот ми рече: „Навистина сум подготвена. Не сакам повеќе да се борам’“, изјави Шер, која исто така рече дека Тина имала апарат за дијализа во нејзиниот дом.

Позната е причината за смртта на Тина Тарнер

Ивана Ефремовски — Thu, 25 May 2023 18:09:55 +0000

Легендарната Тина Тарнер починала од природна смрт во својот дом во Швајцарија. Пејачката почина на 83-годишна возраст во близина на Цирих, Швајцарија, по долго, неодредено боледување. Исто така, познато е дека таа се борела со рак на дебелото црево и страдала од висок крвен притисок повеќе од четири децении. -Нејзините претставници потврдија дека кралицата на рокенролот починала од природна смрт, пренесува „Дејлимејл“. Веста доаѓа откако повторно се појавија нејзините мемоари, каде таа призна дека еднаш размислувала за самоубиство во 2016 година пред нејзиниот сопруг, Ервин Бах, да и го донира неговиот бубрег. FOTO: TANJUG AP/MICHAEL BUHOLZER/KEYSTONE/HBO VIA AP

Бијонсе со моќна порака по смртта на Тина Тарнер: Моја сакана кралице…

Ивана Ефремовски — Thu, 25 May 2023 17:16:58 +0000

Среде нејзината турнеја „Ренесанса“, Бијонсе објави емотивна порака на својата веб-страница посветена на Тина. -Моја сакана кралица, те сакам бескрајно. Многу сум благодарна за твојата инспирација и за сите начини на кои ни го трасираше патот. Ти си сила и издржливост, ти си олицетворение на моќта и страста. Сите ние сме толку среќни што бевме сведоци на твојата добрина и прекрасен дух кој вечно ќе живее, напиша Бијонсе.

ТАЖНА ГЛЕТКА ПРЕД ДОМОТ НА ТИНА ТАРНЕР: Обожавателите оставаат цвеќиња, свеќи и емотивни пораки – преплавена беше и нејзината ѕвезда на патеката на славните

Дарко Андоновски — Thu, 25 May 2023 15:04:22 +0000

Фановите се собираат пред портите на домот на Тина Тарнер во Куснахт во близина на Цирих откако синоќа беше објавено дека славната пејачка починала. Кралицата на рокенролот не напушти на 83 години по долго боледување , потврди нејзината портпаролка и со тоа навистина го претвори целиот свет во црно. Познатата пејачка беше пример за младите, кралица на рокенролот и жена која се бореше за подобар живот. Во текот на животот трпеше малтретирање, трагични животни ситуации и безброј проблеми, но на сцената секогаш се појавуваше со карактеристична насмевка која сите ќе ја паметиме. Сега обожавателите ширум светот се збогуваат со неа, а пред нејзината куќа има безброј свеќи, цвеќиња и нејзини слики, а на ѕидот од нејзината капија беше оставена порака: – Мислам дека е во ред што се појавив рано денеска. Ти благодарам и збогум Тина, едноставно беше најдобра.

Тина Тарнер не го сакала нејзиниот голем хит за кој добила Греми: Ужасна песна е

Ивона Петрова — Thu, 25 May 2023 08:36:17 +0000

Богатата кариера на Тина Тарнер, која почина вчера на 83 годишна возраст, ја одбележаа бројни хитови, но еден од нив на пејачката лично не и се допаднал. Во документарецот на HBO, снимен во 2021 година, пејачката откри дека не и се допаѓа песната „What's Love Got To Do It“, која се најде на албумот „Private Dancer“ и за која доби Греми награда. -Тоа беше грозна и ужасна песна. Јас бев рокерка, а ова беше поп песна, рекла Тина. Нејзиниот менаџер во тоа време, Роџер Дејвис, бил воодушевен од песната и мислел дека може да биде хит. За потсетување, Тина е првиот афроамерикански уметник и првата афроамериканка што се најде на насловната страница на Ролинг Стоун. Ролинг Стоун ја вклучи меѓу 100-те најголеми уметници на сите времиња и 100-те најголеми пејачки на сите времиња.

ЕДНИОТ ГО ПРОНАЈДЕ МРТОВ ПРЕД ШЕСТ МЕСЕЦИ, ДРУГИОТ СИН И ПОЧИНА ПРЕД ЧЕТИРИ ГОДИНИ – животот на Тина Тарнер исполнет со големи трагедии!

Дарко Андоновски — Wed, 24 May 2023 19:42:40 +0000

Не стивнуваат реакциите во јавноста по смртта на легендарната рок-пејачка Тина Тарнер која по долго боледување почина денеска во Швајцарија кадешто живееше последните години. Ќе остане запаметена како една од најпродаваните пејачки во музичката историја со преку 200 милиони примероци на албуми. Пред камерите беше лавица, но позади нив имаше суров живот исполнет со насилство, но и со големи семејни трагедии. Пред само шест месеци во својот дом во Лос Анџелес беше пронајден мртов нејзиниот 62-годишен син Рони Тарнер кој наводно подолго време се борел со канцер. Пред само четири години, почина и најстариот син на легендарната пејачка која го доби од врската со саксафонистот Рејмонд Хил. Крег се самоуби во јули 2018 година. Во младоста беше жртва на семејно насилство и сите ја знаат нејзината турбулентна врска со музичарот Ајк Тарнер. Со него е во брак од 1962 до 1978 година. Ќе ѝ треба многу долго време да ѝ станат јасни некои работи и да почне се’ сама од почеток, да работи на своите соништа да станат јаве. Ајк го запознава во еден ноќен клуб кога има 19 години и веднаш почнуваат да соработуваат, а првиот хит River Deep, Mountain High ќе ги донесе на топ-листите. Но, тогаш почнува и кошмарот. Ајк почнува секојдневно да ја малтретира и тоа со жестоки тупаници, клоци и многу често завршувала со крв и модринки. Љубовта на својот живот ја запознава во 1985 година. Тина тогаш живеела во Цирих и на забава на една издавачка куќа го запознава својот иден сопруг, продуцент на германската музика, шеснаесет години помладиот Ервин Бах со кој година дена подоцна почнува да се забавува. „Тој е моето се’. Го обожавам. Ние сме едно. А што најмногу сакам со него? Па животот“, изјави во една прилика.

ПОЧИНА КРАЛИЦАТА НА РОКЕНРОЛОТ – ТИНА ТАРНЕР!

Дарко Андоновски — Wed, 24 May 2023 18:53:50 +0000

Легендарната Тина Тарнер почина на 83-годишна возраст, објави Sky News. Таа замина по долго боледување. Во соопштението се вели: „Тина Тарнер – Кралицата на рокенролот, почина денеска на 83-годишна возраст по долго боледување во нејзиниот дом во Куснахт во близина на Цирих, Швајцарија. Со неа светот губи музичка легенда и модел за улоги“. Нејзиниот портпарол појасни дека „ќе има приватен погреб на кој ќе присуствуваат нејзините блиски пријатели и семејството“. „Ве молиме почитувајте ја приватноста во овој тежок момент за нејзиното семејство“, додаде тој.