тиндер – Kurir.mk

НЕ 1.000, НЕ 5.000 ЕВРА, ТУКУ ВРТОГЛАВА ЦИФРА ЗА ЕДЕН ДЕН – еве колку заработи само во првите 24 часа екс сопругата на Шумахер на платформата за возрасни

Дарко Андоновски — Sat, 14 Oct 2023 19:57:44 +0000

Атрактивната Кора Шумахер, поранешна сопруга на Ф1 возачот Ралф Шумахер, се приклучи на платформата за возрасни, каде што споделува (поточно: продава) интимна содржина. Во 2015 година, по разводот со братот на седумкратниот шампион во Ф1, германската актерка и ТВ водителка ја изненади јавноста позирајќи за магазинот „Плејбој“, а сега, осум години подоцна, најде нов начин да заработи.

View this post on Instagram

A post shared by Cora Schumacher (@coraschumacher)

Германските медиуми јавуваат дека првиот ден, откако јавноста дознала за нејзиниот профил, 46 годишната Кора заработила 10.000 евра.

View this post on Instagram

A post shared by Cora Schumacher (@coraschumacher)

"Го сакам моето тело и зошто да не го покажам на другите? Имам 46 години и сè уште ми е удобно во сопствената кожа. Зошто да не споделам топлес фотографија или две со јавноста?" истакнала Кора. Инаку, германската актерка беше во брак со Ралф Шумахер од 2001 до 2015 година, а поранешната двојка го има 21-годишниот син Дејвид. И покрај разделбата, Кора и Ралф имаат многу блиски односи. На крајот на краиштата, таа го остави неговото презиме по разводот.

View this post on Instagram

A post shared by Cora Schumacher (@coraschumacher)

„Тиндер“ воведува тн. „ВИП-понуда“ за доследните корисници

Катерина Бојаџиева — Tue, 26 Sep 2023 08:00:55 +0000

Платформата за запознавање, „Тиндер“ воведува опција за претплата што ќе нуди ексклузивни можности, под називот „Тиндер селект“. Се работи за тн. „ВИП-понуда“ наменета само за еден отсто од најактивните корисници на апликацијата, а ќе чини 500 долари месечно. Како дел од новата опција, корисниците ќе може да ја користат функцијата „Прескокни ја линијата“ (Skip The Line) што им овозможува на луѓето што Ви се допаѓаат да ја гледаат Вашата фотографија незаматена и ако не се претплатат за „златно“ или „сребрено“ членство. Ќе може и да се пребаруваат профили без реклами и да се гледаат допаѓањата испратени последните седум дена. Дополнително, функцијата „Директна порака“ овозможува испраќање пораки двапати во седмицата без да се поврзете со некого. Корисниците кои сакаат да пребаруваат на „Тиндер“, мора да исполнат пет услови. Треба да имаат најмалку четири фотографии од себе, една потврдено веродостојна, да наведат пет свои лични интереси, биографија и целта - намерата за запознавање, врска или дружење. Инаку, според податоците на нивната страница, апликацијата е преземена 340 милиони пати и е достапна во 190 земји.

Тиндер со нова опција поради опасност од насилство или сексуална злоупотреба

Ивана Ефремовски — Fri, 26 Mar 2021 12:50:36 +0000

Платформата за познанства и љубовни состаноци, Тиндер наскоро ќе воведе можност за дополнително проверување на луѓето со кои се допишувате на оваа апликација. Како што објави „Мен’с хелт“, компанијата сопственик на Тиндер – „Меч груп“ се поврзала со платформата „Гарбо“, која се занимава со проверка на оние работи што вообичаено не може да ги најдете на социјалните мрежи, како што се евиденција за насилство или сексуална злоупотреба, апсења, пресуди, наредби за ограничување или задолжителна оддалеченост… Иницијативата за овој потег на Тиндер следи откако последниве години се забележани и пријавени поголем број насилници и силувачи корисници на платформата. Оваа опција најпрво ќе биде достапна во САД и, се верува дека наскоро потоа ќе биде достапна и во остатокот од светот. Инаку, „Меч груп“ веќе го користи тоа на други платформи што ги поседува – Хинџ, Океј-кјупид и Пленти-оф-фиш. (МИА)

Според Тиндер: Кои се најкомпатибилни хороскопски знаци?

Ристе Здравков — Sun, 06 Sep 2020 07:32:09 +0000

Најпопуларната апликација за запознавање - Тиндер, направи истражување, кои хороскопски знаци се совршени едни за други. Ова се заклучоците на компанијата според нивните истражувања за успешни спојувања на две лица: 1. Овните најверојатно e да се поврзуват со Ваги. 2. Бик со Бик. 3. Близнаци со Водолија. 4. Ракови со Водолија. 5. Лавови со Овни. 6. Девици со Скорпии. 7. Ваги со Овни. 8. Скорпии со Девици. 9. Стрелци со Јарци. 10. Јарци со Стрелци. 11. Водолии со Стрелци. 12. Риби со Водолии.

Тиндер ја засилува безбедноста- воведува „копче за паника“

Катерина Бојаџиева — Fri, 24 Jan 2020 10:01:13 +0000

Платформата за нови познанства, Тиндер, воведува „копче за паника“ и други поставки кои ќе ја зголемат безбедноста на корисниците. Новите функции влучуваат итна помош, сигнал за следење и проверка на фотографиите. Новините во САД ќе се воведат од 28 јануари. Не е соопштено кога ќе бидат достапни на светско ниво. Компанијата Меч груп, која ги поседува и Плени-оф-Фиш, Ок-Купис и Хинг, планира да ги воведе новите опции и на овие апликации до крајот на 2020 година. Пред средбата со некој од Тиндер, корисникот ќе може, притискајќи го „копчето за паника“, да добие податоци за безбедноста на договореното место. Проверката на сликите служи за утврдување дали некој користи лажен идентитет. Од другиот корисник, во тој случај ќе биде побарано да ја потврди веродостојноста на својата профилна слика со тоа што ќе направи неколку самосликови во реално време. Компаниите што нудат вакви услуги, честопати се критикувани поради недоволната сигурност на своите програми.

Слично на Тиндер: Фејсбук воведува опција за онлајн запознавање

Ристе Здравков — Fri, 21 Sep 2018 11:53:48 +0000

Почнувајќи од денес, луѓето во Колумбија ќе можат да создадат свој профил за онлајн запознавање на „Фејсбук”, а веројатно, ваквата опција наскоро ќе биде достапна и за корисниците од други земји. Иако можеби одлуката ваква апликација најпрво да се воведе во Колумбија, изгледа чудна, од „Фејсбук“ велат дека тоа е одличен избор бидејќи луѓето таму целосно го прифаќаат запознавањето преку интернет, а социјалната мрежа има 30 милиони активни корисници. Притоа, со ваквиот избор се ограничува љубопитноста на новинарите кои неуморно ги ловат грешките на оваа социјална мрежа, а се минимизира и просторот за маркетинг грешки кои сериозно би ги погодиле финансиите на „Фејсбук“ доколку се случат во друга земја, каде што на реклами се вртат стотици милиони долари. Сепак, познавачите предупредуваат дека со ваквата мрежа за состаноци, „Фејсбук“ ќе добие изобилство податоци за личните навики и вкусови на корисниците кои ќе ги користи под изговор за пронаоѓање совршен партнер.

Истовремено повикала 150 момчиња на состанок- сите дошле, но еве што направила таа

Катерина Бојаџиева — Fri, 24 Aug 2018 13:52:58 +0000

Манекенката Наташа Апонте од Њујорк последниве неколку месеци преку социјалната мрежа Тиндер се допишувала со повеќе од 150 мажи, па договорила средба со сите нив одеднаш, пишува Гардијан. Манекенката пред нив сепак премолчала нешто... Имено, секој од нив мислел дека тој е единствениот со кој таа ќе се сретне, но се излажале. Кога сите тие викендов во 18 часот дошле на Плоштадот Јунион во Менхетн, еден по еден сфатиле дека ова нема да биде обична средба... Прво, на локацијата ги пречекал Ди-џеј Ник АМ и сцена. Момците брзо се собрале околу бината и по кусо време, Апонте се појавила пред нив. Манекенката договорената масовна Тиндер средба ја претворила во натпревар за нејзиното внимание. Околу бината веднаш се позиционирале сниматели кои имале задача да го документираат цел тој настан. - Морам нешто да ви признаам... Ве доведов овде за да излезете со мене на состанок, им се обрати Понте на присутните. Потоа, таа појасни дека се повлекла од апликацијата за запознавање и дека сега сака нејзините додворувачи да се натпреваруваат за нејзиното внимание. Прво ги дисквалификувала сите кои се пониски од 178 сантиметри, оние кои се викаат Џими (оти, како што самата изјавила, тоа име не и се допаѓа), и сите кои неодамна раскинале со девојка. Потоа ги отстранила оние кои се во врска (истражувањата покажуваат дека над 50 отсто од мажите на Тиндер се во врска), како и оние што гласале или го поддржуваат Доналд Трамп. - Ако мислите дека можете да го подржувате Трамп и да бидете во врска со Порториканка, веднаш напуштете го ова место, нагласи Апонте. Од оние кои останале побарала да направат 30 склекови. Подоцна ги елиминирала сите кои имаат долги бради, пивски стомаци, чевли Томс и валкано-кафени панталони. Потоа ги испратила и пушачите, па и оние кои биле заинтересирани само за секс. Преостанатите имале уште една задача, со цел изборот уште повеќе да се намали. Тие морале во една минута да образложат зошто Наташа Апонте би требало да излезе токму со нив. Амир Плезантс (21) од Монтклер, Њу Џерси, во тој момент се повлекол. За „Њујорк Тајмс“ тој раскажал дека Апонте пред неколку месеци го побарала и му рекла дека сака да се најде со него на 19 август и оти нејзиниот пријател ди-џеј настапува тој ден на Плоштадот Јунион. Плезантс вели дека на крај навистина имало победник кој освоил состанок со Апонте, но не му го запомнил името.