тинекс пролет – Kurir.mk

Андон Бошковски веќе не е тренер на Пролет

Бошко Тасиќ — Sun, 28 Nov 2021 19:17:55 +0000

Македонскиот ракометен тренер, Андон Бошковски повеќе не е тренер на прволигашот Тинекс Пролет. Клубот одлучи да ја прекине соработката со Бошковски, а причината за тоа се лошите резултати во последно време, три во низа од кои последниот беше против Металург кој во изминатиов период се соочува со многу проблеми и имаше дури и штрајк поради неисплатени плати. Пролет му се заблагодари на Бошковски за сработеното во изминатиот период и му посака многу среќа во идните ангажмани.

Андон Бошковски нов тренер Тинекс Пролет

Бошко Тасиќ — Sat, 26 Jun 2021 17:24:12 +0000

Тинекс Пролет за нов тренер го ангажираше Андон Бошковски со кого потпиша договор на две години.

Екипата на Тинекс Пролет минатата сезона беше одлична во шампионатот и го освои третото место, па главна задача на новиот предводник ќе му биде да го повтори успехот. Бошковски минатата сезона беше тренер на Голден Арт КЛ7, каде што помогна во развојот на младите ракометари на тимот, по што седна и на кормилото на Радовиш со кој обезбеди опстанок во елитата. .

Зоран Кастратовиќ нов тренер на Тинекс Пролет

Бошко Тасиќ — Sun, 25 Apr 2021 21:59:35 +0000

Ракометниот стратег Зоран Кастратовиќ од денеска е нов шеф на стручниот штаб на машкиот ракометен клуб Тинекс Пролет. Кастратовиќ склучи договор до крајот на сезонава, со можност за продолжување на соработката за најмалку уште една година. Кастратовиќ доаѓа на оваа функција на местото на Никола Матлиевски, со кого денеска беше спогобено прекината соработката. Пред новиот стратег е остварување на зацртаната цел од стартот на сезонава – пласман на едно од првите четири места во плејофот и обезбедување на учество во европските купови за 2021/2022.

Т.Пролет ја запиша четвртата победа во Супер лигата

Бошко Тасиќ — Sun, 18 Apr 2021 15:22:12 +0000

Ракометарите на Пролет рутински славеа на натпреварот против Струга со 27-21 за четврта победа во седумте одиграни кола со што скопскиот суперлигаш се зацврсти на третото место на табелата, во борбата за излез во ракометна Европа. Давор Палевски беше во главна улога на овој натпревар постигнувајќи 11 погодоци, пет гола за Пролет постигна Пејовиќ, а четири Аларов. Јанкуловски и Ракочија беа најефикасни кај Струга со по четири. foto: gol.mk

Тинекс Пролет минимално славеше над Бутел

Бошко Тасиќ — Sun, 11 Apr 2021 19:05:06 +0000

Ракометарите на Т. Пролет минимално со 22:21 славеа над Бутел во последниот меч од 5. коло во плеј-оф делот од Суперлигата. Во драматичен и крајно возбудлив меч, домашните успеаја да останат посмирени во завршницата и да ја задржат предноста која им донесе трета победа во плеј-оф делот. Најдобар поединец кај домашните беше Пецаковски со 6 гола, а исто толку гола кај Бутел постигна Мајиќ.

Палевски нов член на Тинекс Пролет

Магдалена Андонова — Thu, 02 Jul 2020 13:56:54 +0000

Давор Палевски е првото засилување на Тинекс Пролет за новата натпреварувачка сезона, откако успешно ги финиширавме преговорите за ангажман на најдобриот стрелец во Супер-лигата минатата сезона, соопштија од клубот. Палевски денеска го стави потписот на договорот со Тинекс Пролет, решавајќи да остане во Скопје по одличната ланска сезона што ја имаше во дресот на Работнички. Левото крило постигна 190 гола на 17 натпревари за овој тим. Палевски е поранешен кадетски и младински репрезентативец на Македонија. Тој беше дел од составот на младинците кои стигнаа до одличното шесто место на СП во Алжир. Пред Работничк, крилото го носеше дресот на Металург, тим за кој настапуваше и во Лигата на Шампионите. (МИА)