тирамису – Kurir.mk

Слатка магија во чинија која ќе ве освои од прва, супер брзо тирамису

Ристе Здравков — Wed, 17 May 2023 10:14:08 +0000

Брзиот тирамису е едноставен и вкусен колач кој ќе го воодушеви вашето сетило за вкус, а состојките што ќе ви бидат потребни се маскарпоне сирење, јајца, бисквити, кафе, кафеав шеќер, ванилин шеќер, какао во прав и рум. Уживајте! Состојки: 500 гр маскарпоне сирење 400 гр бисквити три шолји кафе шест лажички кафеав шеќер ванилин шеќер три лажички какао во прав две лажички рум Подготовка: Сварете го кафето и оставете го да се излади. Одделете ги жолчките и белките. Изматете ги белките со три лажички шеќер додека не се стегнат. Измешајте ги жолчките со преостанатиот шеќер. Во садот со жолчките додадете го сирењето маскарпоне и румот и нежно измешајте. Кога ќе се добие еднолична смеса, се додава снегот од белки. Потопете ги бисквитите во изладеното кафе и наредете ги на дното од стаклениот сад, па прелијте со кремот. Постапката повторете ја уште два пати, а последниот слој посипете го со какао. Изладете и послужете.

Тирамису од јагоди: Се топи во уста, не се пече и се подготвува за помалку од половина час

Ивона Петрова — Sat, 22 Apr 2023 18:23:55 +0000

Подгответе лесен и освежителен десерт, а тирамисуто од јагоди е идеална опција. За негово подготвување ви треба помалку од половина час, а најдобро од сè е што не се пече. Време на подготовка: 30 минути Состојки: 100 гр јагоди 30 гр шеќер 1 лажица сок од лимон 200 мл слатка павлака 40 гр шеќер во прав 1 лажичка екстракт од ванила 200 гр маскарпоне сирење бисквити За декорација: јагоди 1 лажичка прашок со вкус на јагода 1 лажичка шеќер во прав Подготовка: Јагодите измијте ги, исчистете ги и исечете ги по должина. Потоа во тенџере измешајте ги јагодите, шеќерот и сокот од лимон и варете додека смесата не зоврие, па тргнете го тенџерето од шпоретот. Во посебен сад се матат слатката павлака, ванилата и шеќерот во прав, па се додава сирењето маскарпоне и се продолжува со матење, по што се додаваат јагодите (за бисквитите задолжително оставете малку сируп) и нежно мешајте. Бисквитите наредете ги во огноотпорен сад, па прелијте ги со сируп од јагоди, наредете јагоди исечени на половина и прелијте со белиот фил. Измешајте шеќер во прав и прав со вкус на јагоди и посипете го врз колачот. Украсете со јагоди и нане.

Лажно тирамису: Поекономично од оригиналот, а вкусот е чиста фантазија (ВИДЕО)

Ристе Здравков — Fri, 22 Jul 2022 06:48:45 +0000

Тирамису е познат италијански десерт кој е популарен во целиот свет. Тој лесно се подготвува, а оригиналната верзија содржи маскарпоне и јајца додека за „лажното“ тирамису се потребни поевтини состојки, а колачот е подеднакво вкусен како и вистинскиот. Познатото сирење заменете го со фил од ванила и подгответе фантастичен десерт кој ќе им се допадне на сите. Потребни состојки: - 70 гр. шеќер - 40 гр. пченкарен скроб - 2 жолчки - 500 мл. млеко - 8 гр. ванилин шеќер - пишкоти - малку кафе - какао Начин на подготовка: 1. Помешајте го шеќерот со скробот, па додајте ги жолчките и млекото. 2. Ставете ги состојките во сад на оган и варете додека смесата не се згусне, со постојано мешање. 3. Додајте го ванилиниот шеќер, добро промешајте и тргнете го садот од оган. 4. Пишкотите потопете ги во кафе, па наредете ги во калап кој ќе го обложите со проѕирна фолија. 5. Одозгора ставете го филот, па повторно наредете пишкоти и повторувајте ја постапката додека не ги потрошите состојките при што последниот ред треба да се пишкоти. 6. Прекријте со проѕирна фолија и оставете да се излади во фрижидер 3 до 4 часа. 7. На крајот посипете со какао во прав.

Од ова не може побрзо – готово за 5 минути: Пробајте го летниот рецепт на Гордон Ремзи за совршено тирамису (ВИДЕО)

Ристе Здравков — Thu, 07 Jul 2022 07:43:18 +0000

Овој рецепт ќе ве воодушеви, а вкусот долго ќе го паметите. Состојки: - 300 грама крем-шлаг; - Екстракт од ванила; - Шеќер во прав; - 250 грама маскарпоне сирење; - 1 шолја црно кафе; - Пишкоти. Подготовка: - Во чинија ставете го шеќерот во прав, додадете го крем-шлагот и добро измешајте. - Во друга чинија ставете го маскарпоне сирењето и екстрактот од ванила и добро помешајте. - Во шлагот додадете ја мешавината од маскарпоне сирење и ванила и добро измешајте. - Потоа потребно е да ги распоредите пишкотите и да ги потопите во кафето, па да ги ставите во чашата. - Смесата ставете ја во чашите и можете одгоре да нарендате темно чоколадо. Погледнете ја постапката во видеото:

СУПЕР БРЗ ТИРАМИСУ! Задоволство од соништата! (РЕЦЕПТ+ВИДЕО)

Ристе Здравков — Sat, 04 Jun 2022 14:22:57 +0000

Тирамису е одлично уживање кое се топи во устата, па ви предлагаме да го пробате Комбинацијата од кафе, бисквити, сирење маскарпоне и какао е полн погодок. Состојки: 225 мл слатка павлака 225 гр маскарпоне сирење 71 гр шеќер 1 лажичка екстракт од ванила 1 лажица ликер (опционално, но вкусно) 450 мл кафе, собна температура 1 пакетче бисквити какао Подготовка:

Се прави за 40 СЕКУНДИ и има фантастичен вкус: Најбрзото тирамису по рецепт на славниот Гордон Ремзи

Ристе Здравков — Mon, 28 Feb 2022 08:23:35 +0000

Одличните готвачи секогаш имаат трикови во ракавот за највкусните десерти, па дури и кога се брзо подготвени, тоа е полн погодок! Тирамису е едно од најпопуларните слатки во светот и еден вид класика, а можете да уживате во различни варијации на овој деликатес, па дури и во диеталниот. Гордон Ремзи има интересен рецепт за најбрзо можно тирамису, за чија подготовка не ви треба цела минута (а за неговиот рецепт за паста карбонара потребни се 10 минути). Ви треба: 170 мл слатка павлака 225 гр сирење маскарпоне 4 пишкоти 225 мл силно кафе 4 лажички Марасала бренди или некое десертно вино 35 гр шеќер во прав лажичка екстракт од ванила рендано чоколадо Подготовка: Прво измешајте ги слатката павлака и шеќерот. Посебно измешајте маскарпоне, вино и екстракт од ванила. Потоа измешајте ја смесата со сирењето маскарпоне и слатката павлака. Потопете ги бисквитите во кафето, наредете ги во филџани и прелијте ги со смесата. Чоколадото изрендајте го преку десертот. Пријатно! Погледнете како тоа го прави славниот Гордон Ремзи:

Оригинален италијански рецепт за тирамису: Том Хенкс го прослави во 1993 година во популарниот филм

Ристе Здравков — Wed, 02 Feb 2022 11:31:27 +0000

За само половина час може да направите фантастичен десерт кој ќе ги воодушеви сите генерации. Неодолив десерт по потекло од Италија, настанал во 60-те години во провинцијата Венето, а кога стигнал во слаткарниците ширум Европа, љубителите на кремастите десерти биле воодушевени од текстурата и вкусот. Интересирањето за тирамису во САД се зголемило во 1993 година кога актерот Том Хенкс во комедијата „Sleepless in Seattle“ слушнал за него како мистериозна работа која модерните жени ја сакаат. Денес без тирамису не може да се замисли ниту една слаткарница ниту пак ресторан. Состојки: - 4 жолчки; - 150 грама шеќер во прав; - 500 грама маскарпоне сирење; - 2 ќесички ванилин шеќер; - 500 милилитри слатка павлака; - 4 пакетчиња пишкоти; - 400 милилитри нескафе; - 3 лажици рум; - Органско какао. Подготовка: Во сад ставете ги жолчките со 150 грама шеќер во прав на пареа, па мешајте 15-на минути. Кога ќе го тргнете садот, додадете ги 2-та ванилини шеќери, па мешајте. Сварете го кафето во 4 литри вода, па оставете да се излади. Посебно изматете 500 милилитри павлака и додадете малку шеќер во прав. Маскарпоне сирењето соединете го со жолчките, па додадете ги во павлаката. Во инстант кафето додадете ги лажиците рум, па распоредете ги пишкотите во два реда. Ставете го кремот и посипете со органско какао. Заради визуелен впечаток можете да ставите пишкоти над кремот, за декорацијата да биде како во хотелите. Тирамисуто послужете го со топол напиток – кафе, топло чоколадо, какао... Пријатно јадење!

Десерт на денот: Тирамису во чаша

Ристе Здравков — Tue, 21 Apr 2020 07:19:10 +0000

Совршен десерт во кој ќе ужива целото семејство! Состојки: 450 гр. маскарпоне Три лажици шеќер 12 пишкоти ¾ шолја кафе Лажица рум 100 гр. шлаг Малку какао Начин на подготовка: Промешајте го маскарпонето со шеќер, за да се соединат. Пишкотите потопете ги во течноста од кафе и рум. Во стаклена чаша сипете малку маскарпоне, па ставете малку пишкоти (скршете ја секоја пишкота на два-три дела). Редете додека состојките се истрошат. Одозгора украсете со шлаг и наросете какао.

Зошто после секс задолжително треба да изедете тирамису?

Ристе Здравков — Sat, 09 Feb 2019 19:50:00 +0000

После добра партија на водење љубов, чувсвуваме умор, но и глад. За да се изборите против ова и да ја вратите снагата за нова тура, се препорачува тирамису. А, зошто баш овој десерт? Познато е дека тирамисуто има потекло од Италија, но една легенда вели дека е измислен од страна на проститутки. Рецептот кој изобилува со јајца и шеќер, им давал сила и побрзо им го закрепнувал организмот. Тие ги ранеле со тирамису и своите муштерии, за да можат да издржат неколку пати. Повеќе секс, значело повеќе работа и најважното – повеќе пари за нив. Покрај тоа што е вкусен, овој десерт е одличен за енергија, па затоа се препорачува да се јаде веднаш после првата тура, ако сакате да има и втора, секако.

По рецепт на Гордон Ремзи: Тирамису кое ќе го направите за 5 минути (видео)

Ристе Здравков — Fri, 31 Aug 2018 14:03:18 +0000

Состојки: 120 гр шеќер во прав 300 гр павлака за шлаг екстракт од ванила (по желба) 250 гр маскарпоне сирење 1 мала шолја јако црно кафе Начин на подготовка: Во сад ставете шеќер во прав, додајте павлака за шлаг и сè заедно добро разматете. Во друг сад ставете маскарпоне и екстракт од ванила и добро измешајте. Мешавината од маскарпоне и ванила ставете ја во шлагот и добро измиксајте. Пишкотите преполовете ги, потопете ги во кафе и ставете ги во чаша. Ставее ја смесата во чашата и на врвот изрендајте темно чоколадо.