тиранска платформа – Kurir.mk

ВМРО-ДПМНЕ: Тиранската платформа го дели народот, не го обединува, Ковачевски да каже какви задачи добил од Ахмети

Ристе Здравков — Sat, 14 Jan 2023 08:12:51 +0000

Тиранската платформа го дели народот, не го обединува, Ковачевски да каже какви задачи добил од Ахмети, се вели во партиското соопштение на опозициската ВМРО-ДПМНЕ. -Ковачевски да каже дали и кои национални отстапки треба да ги направи или се работи за бизнис интереси? Ковачевски и Ахмети не работат за доброто, ниту на Албанците во Македонија, ниту за Македонците, тие работат само во свој личен интерес со криминал и корупција. Ковачевски е позитивен за средбата во Тирана зошто таа е на негово барање и за негов спас, затоа и молчеше, а потоа и со задоволство коментираше. Ковачевски и СДС да кажат кои се задачите кои ги добиле и колку тоа ќе ја чини Македонија? Прашуваат од ВМРО-ДПМНЕ. Ковачевски и СДС работат само за личен интерес, а не за граѓаните, затоа се потребни избори и нова влада која вистински ќе работи за доброто на сите граѓани и државата, додаваат од таму.

Мицкоски: Тиранската средба го дели народот, ова е само за спас на Владата на ДУИ поддржана од СДСМ и Ковачевски

Дарко Андоновски — Fri, 13 Jan 2023 12:48:32 +0000

„Ја оценувам како катастрофална средба, средба која што го дели народот во Македонија, наместо да го обединува. Тоа е средба во која што треба да се спасува Владата на ДУИ поддржана од СДСМ и Ковачевски. И средба без суштина“, истакна претседателот на ВМРО-ДПМНЕ, проф. д-р Христијан Мицкоски од Вевчани одговарајќи на новинарско прашање како ја коментира тиранската средба. Претседателот на ВМРО-ДПМНЕ нагласи дека тиранската средба е средба во која што народот се дели, не се обединува. Исто така оваа средба е за спас на Владата на ДУИ поддржана од СДСМ и Димитар Ковачевски.

„Ковачевски да одговори какви барања доби од тиранската средба, дали следат нови национални предавства или нови криминални тендери“

Дарко Андоновски — Fri, 13 Jan 2023 08:11:29 +0000

Пиунот Димитар Ковачевски ја пофали тиранската средба, а со тоа потврди дека оваа средба е на негово барање за спас на неговата и кариерата на Али Ахмети, ова денеска преку соопштение до јавноста го истакнуваат од ВМРО-ДПМНЕ. -Наместо осуда за тоа што националните интереси се дискутираат во други држави, Ковачевски со ловорики зборуваше за тиранската средба. Но, граѓаните бараат одговори. Што е договорено на оваа средба и какви отстапки ќе прифати Ковачевски се со цел да си ја задржи фотелјата на Илинденска. Дали Ковачевски треба да прифати нови предавства на штета на националните интереси, или на оваа средба Али Ахмети и Еди Рама му испорачаа нови бизнис интереси кои пиунот Ковачевски беспоговорно ќе мора да ги прифати. Димитар Ковачевски и СДС мора да одговорат каква агенда и план разработен на оваа средба добиле на маса за продолжување на агонијата и тонењето на Македонија? Овие средби кои се организираат Ковачевски и Ахмети немаат никаква врска со положбата на Албанците во Македонија, туку само и само за криминалните интереси и богатење на поединци од власта на СДС и ДУИ, велат од партијата. Од таму додаваат дека свесни се Димитар Ковачевски и Али Ахмети дека секој ден се повеќе ја губат довербата од граѓаните, па затоа се решени да направат се само да купат ден повеќе на политичката сцена. Граѓаните не заслужуваат повеќе предавства од страна на оваа антидржавна власт на СДС и ДУИ, и за тоа ќе доживеат дебакл на следните предвремени парламентарни избори.

„Ковачевски ја пофали средбата во Тирана, но не соопшти какви задачи доби на маса од Али Ахмети и Еди Рама“

Дарко Андоновски — Thu, 12 Jan 2023 08:13:15 +0000

Ковачевски ги потврди нашите сомневања, средбата во Тирана е со цел спасување на неговата политичка кариера и кариерата на Али Ахмети, ова денеска преку соопштение до јавноста го истакнаа од ВМРО-ДПМНЕ. -Вчера Димитар Ковачевски ја пофали средбата во Тирана, но не и соопшти на јавноста што се доби на маса за спас на владата. Јасно е дека средбата во Тирана не беше само за новогодишен ручек, туку за спас на владината коалиција на СДС и ДУИ. Дали Ковачевски треба да прифати нови национални предавства, или пак на маса му се ставени нови бизнис интереси на ДУИ? Нека се охрабри пиунот Димитар Ковачевски и нека каже што задачи доби од Али Ахмети и Еди Рама. Пиунот Ковачевски ќе прифати се што ќе му дадат, знаејќи дека неговиот рејтинг се движи во статистичка грешка и граѓаните секој ден се помалку и веруваат на оваа влада. Доколку СДС и ДУИ сметаат дека се што прават е за доброто на граѓаните, наместо средби во други држави, нека се охрабрат и нека закажат средба со граѓаните на предвремени парламентарни избори, велат од партијата. Од таму додаваат дека само договор со граѓаните е за доброто на државата, ама после сите предавства и криминали кои ги направија, свесни се дека граѓаните ќе ги казнат за сите национални разнебитувања.

„Тиранската средба нема да ги спаси Ковачевски и СДС од катастрофалниот пораз кои ќе го доживеат на следните избори“

Дарко Андоновски — Wed, 11 Jan 2023 08:11:24 +0000

Никакви средби, и спроведување на туѓи агенди нема да го спасат од катастрофален пораз Димитар Ковачевски и СДС на следните предвремени парламентарни избори, ова денеска преку соопштение до јавноста го истакнаа од ВМРО-ДПМНЕ. „Целосниот молк од страна на СДС за средбата во Тирана, е само уште еден доказ дека оваа средба е по барање на Ковачевски за спас на неговата кариера. Оваа средба е токму на барање на Димитар Ковачевски за да добијат помош за продолжување на мандатот, а за возврат да се реализираат други агенди на штета на Македонија. Евидентна е паниката и стравот на СДС и ДУИ за опстојувањето на нивната влада, бидејќи вртоглаво ја губат довербата од граѓаните, па затоа им беше потребна оваа средба“, велат од партијата. Од таму додаваат дека СДС и Ковачевски треба да одговорат дали од средбата во Тирана на маса ќе добијат повторно штетни договори, кои за спас на своите кариери безпоговорно ќе ги прифатат? -Државните прашања и националните интереси, како и одлуките за државата се носат во Македонија и македонското Собрание. Граѓаните на предвремените парламентарни избори ќе го казнат ова антидржавно однесување на СДС и Ковачевски, стои во партиското соопштение.

Нова тиранска платформа на повидок, Ковачевски не дава избори, Ахмети на сослушување во Тирана?

Дарко Андоновски — Sat, 07 Jan 2023 16:18:35 +0000

Нова тиранска платформа е на повидок, со тоа што премиерот на Албанија Еди Рама ги повикува на состанок лидерите на албанските партии во Македонија на состанок, по информациите дека ДУИ има можност да остане надвор од владата. Покана за средбата добиле лидерот на ДУИ, Али Ахмети, претседателот на Алијанса за Албанците, Арбен Таравари, првиот човек на Беса, Билал Касами, претседателот на Алтернатива, Африм Гаши, како и лидерот на Демократската партија на Албанците (ДПА), Мендух Тачи. Воедно за ваквиот расплет на настаните најсилна потпора на Ахмети останува Ковачевски кој не дозволува избори слугувајќи на таквите интереси. Инаку, на тркалезната маса организирана од Рама во Тирана ќе се разговара за политичката случувања во земјата, за скандалите во Македонија, за струењата во партиите и за други прашања на Балканот, пишува Алмакос.

Граѓанската Лига на ДиоГарди: Повик до Парламентот на Македонија под итно да ја имплементира Албанската (Тиранска) Платформа

Ивана Ефремовски — Tue, 13 Mar 2018 12:14:09 +0000

Албанско-американска граѓанска Лига предводена од поранешниот конгресмент, Џое ДиоГарди, започна петиција за алармирање за позицијата на Албанците во Македонија, информира новинската агенција на албански јазик ИНА. Преку петицијата се повикува Парламентот на Македонија да ја имплементира Платформата на албанските партии, која во јавноста е позната како “Тиранска Платформа“. -Согледувајќи дека нема да има траен мир и стабилност во Македонија се додека етничките Албанци немаат еднакви човекови и граѓански права со етничките Македонци, лидерите на албанските политички партии во новата влада предводена од Социјалдемократскиот лидер Зоран Заев, во јуни 2017 година се сретнаа во Скопје да се осигурат дека „Албанската Платформа“ ќе стане дел од владината агенда, објаснуваат од Албанско-американска граѓанска Лига на ДиоГарди, во однос на покренатата петицијата. Тие го повикуваат македонскиот Парламент веднаш да ги спроведе двете компоненти на Албанската платформа. „Направете го албанскиот втор службен јазик во Македонија“. Тие го повикуваат премиерот Зоран Заев и македонскиот Парламент да го поништат ветото на претседателот. Втора точка од “Албанската Платформа“ за која албанско-американската Лига бара итно спроведување е, децентрализирање на финансирањето на општините. Тие сметаат дека, нееднаквоста помеѓу етничките Македонци и етничките Албанци, на пример во образованието и здравството, е политички конструирана. -Завршувањето на дискриминацијата на етничките Албанци преку обезбедување на еднакви можности за економски и социјален развој во области со етничко албанско мнозинство може да се постигне преку децентрализација на федерален буџет, стои во образложението на Албанско-американска граѓанска Лига. Граѓанска лига на поранешниот конгресмен, ДиоГарди, ги повикуваат САД и Европа да не ја примат Македонија во НАТО и во Европската унија додека албанската платформа не биде целосно имплементирана. Албанско-американската граѓанска лига, основана во 1989 година, е единственото регистрирано волонтерско лоби во Вашингтон, претставувајќи ги загриженостите на американските Албанци за националната кауза од седум милиони Албанци кои живеат рамо до рамо во Косово, Македонија, Црна Гора, Албанија, Прешевската долина , и Чамериjа (Северна Грција).

Судовите станаа политички орган за реализација на Тиранската платформа

Ивана Ефремовски — Thu, 18 Jan 2018 11:08:56 +0000

Лидерот на ДУИ, Али Ахмети во вчерашното гостување на Алсат телевизија зборувајќи за реализацијата на Тиранската платформа, која тој ја ословува како договор, рече дека дел од договорот се и случаите „Монструм“ и „Диво Насеље“, за кои како што рече Ахмети, треба да се бара истрага. Тоа инаку е надвор од дометот на извршната власт, а е во надлежност на судовите. Имено Врховниот суд на Република Македонија на 24-ти ноември 2017 година донесе одлука со која се прифатија жалбите на одбраната и предметот Монструм е вратен на повторно судење. Ахмети со оваа изјава практично признава дека власта извршила притисок врз Врховниот суд за тој да го врати случајот на повторно судење, како би се исполнила оваа точка од Тиранската платформа. Зборувајќи за Тиранската платформа и нејзината реализација, Ахмети рече: - Во тој договор е Законот за албански јазик, во тој договор е дека треба да се бара истрага или меѓународен мониторинг за некои случаи како случајот “Монструм“, Кумановскиот случај. Секогаш ги имаме повторувано, цело време, случајот Бродец. И тие веќе се во фаза на реализација. И тие случаи, секако има случаеви кои вие не ги слушате. И изјавата од премиерот на земјава, дека ние се согласуваме и се договоривме да се направи мониторинг и да се расветли вистината за сите овие сомнителни случаи. И случајот на македонскиот новинар. Така што, како пакет, тој договор веќе се спроведува како ветување кои го дадовме на албанскиот електорат. Со оваа изјава Ахмети практично призна дека дел од политички договор за формирање на владата е одлуката на Врховен за повторување на судењето за „Монструм“, од 24.11.2017 година. Ако се земе во предвидид сериозноста на Али Ахмети како политичар се доаѓа до заклучок дека неговите изјави се одмерени и вистинити. Оттука се доаѓа до прашањето кој од власта се дрзнал да влијае врз судството и тоа не врз било кој суд, туку врз Врховниот суд на Република Македонија, кој е највисока судска инстанца во државата. Некој од власта со влијанието врз судот случајот „Монструм“ да биде вратен на повторно судење директно го прекршил чл.98 од Уставот на Република Македонија, кој вели: „Судската власт ја вршат судовите. Судовите се самостојни и независни. Судовите судат врз основа на Уставот и законите и меѓународните договори ратификувани во согласност со Уставот. Организацијата на судството е единствена. Забранети се вонредни судови.“ Ахмети треба оваа своја изјава да ја објасни и да и каже на јавноста како и поради што Врховниот суд постапил по наредбите на некој од власта. Бидејќи со тоа дејание директно е прекршен Уставот на државата.

Рама со признание дека Заев ја спроведува неговата Тиранска платформа

Матеја Петровски — Sun, 14 Jan 2018 19:38:00 +0000

Премиерот на Албанија, Еди Рама, го оцени усвојувањето на законот за употреба на јазиците во Република Македонија како голем настан, кој што пред неколку години не можел ни да се замисли. За време на конференцијата на Младинскиот форум на неговата Социјалистичка партија, тој изјави дека за изгласувањето на овој закон заслужна е неговата Влада, која имала сериозен пристап кон односите со Македонија, објави „ТВ 21“. -Пред неколку дена, во Македонското собрание помина законот кој не можеше ни да се замисли пред некое време. Јас ви велам дека сите вие треба да бидете горди, треба да бидат горди сите тие што гласаа, ја поддржаа и веруваа во оваа партија, бидејќи без неа денеска немаше да постои официјален албански јазик во Македонија, изјави албанскиот премиер Еди Рама. Рама изрази надеж дека Албанија нема да биде сама во европското семејството, туку заедно со другите земји од Балканот, како што рече, каде што најмногу живеат Албанци. Од друга страна, претседателот на Република Македонија, Ѓорге Иванов веќе трет ден молчи во врска со законот за јазиците. Единственото нешто што го потврдија од кабинетот на претседателот е тоа дека тој неговата одлука ќе ја соопшти во рамките на предвидениот рок. -Претседателот Иванов ќе ја соопшти неговата одлука во согласност со законски предвидениот рок, велат од Кабинетот на Претседателот. Од друга страна, политичкиот аналитичар Владимир Божиновски вели дека без оглед на тоа дали Иванов ќе го употреби неговото право на вето, може да одолговлекува но не може да го спречи спроведувањето на овој закон. Божиновски верува дека последниот збор треба да го каже Уставниот суд. Собранискиот спикер Талат Џафери, рече дека без оглед на одлуката на Иванов, законот ќе се усвои во Собранието. Доколку Иванов не го потпише законот во рок од 10 дена, по истекот на законскиот рок, законот ќе треба повторно да биде вратен во Собранието во рок од 30 дена на трето читање, односно на повторно гласање без дебата.