тирз – Kurir.mk

ВМРО-ДПМНЕ: Единствен инвеститор во ТИРЗ за време на СДС е Пиксел груп основана од Ковачевски

Тале Кристо — Fri, 27 Jan 2023 12:46:20 +0000

СДС се толку одлепени од реалноста штом се одлучуваат да држат вакви прес конференции, реагираат од ВМРО-ДПМНЕ на прес-конференцијата на Даниела Николова од СДСМ. Нивниот директор на ТИРЗ Јован Деспотовски како одговорен за потврди дека државата нема стратегија за привлекување на странски инвестиции, и уште полошо, дека смета дека нема потреба од стратегија. СДС треба да и каже на јавноста дека Агенција за странски инвестиции и Дирекција за ТИРЗ има над 130 редовно вработени и уште дополнително ангажирани лица на договорни услуги и се со годишни буџети од над 43 милиони евра и просечни месечни плати по вработен од над 52.000 денари. Токму тие функционираат без никаква стратегија, без никаква идна перспектива или концепт. Единствен инвеститор во ТИРЗ за време на СДС е Пиксел груп основана од Ковачевски. Вистината е дека Македонија е на дното во региот, нема нови инвестиции има само поволности за фирмите блиски до Ковачевски, се вели во реакцијата на ВМРО-ДПМНЕ.

Деспотовски: До крајот на 2024 година една милијарда евра инвестиции и удвојување на бројот вработени во ТИРЗ

Ивана Ефремовски — Fri, 11 Nov 2022 20:05:37 +0000

Директорот на Дирекцијата за технолошки индустриски развојни зони (ТИРЗ), Јован Деспотовски очекува до крајот на 2024 година да се оствари зацртаната цел од една милијарда евра инвестиции и удвојување на бројот вработени. Деспотовски смета и дека во зоните ќе продолжи трендот на раст на платите, како и растот на приходите во Буџетот. Во вечерашното гостување на ТВ Сител, Деспотовски истакна дека само лани во Буџетот се слеале близу две милијарди денари по однос на придонеси и персонален данок на доход што за три пати го надминува нивото на државна поддршка исплатено за компаниите. Тоа се, како што напомена, три пати повеќе средства за надминување на последиците од енергетската и останатите предизвици со кои се соочува македонската економија. -Анализите на ТИРЗ покажуваат дека за едно вложено евро од државата, компаниите враќаат три, што е реален позитивен ефект од инвестициите и новиот концепт. Со новиот концепт, инвестициските договори на компаниите веќе вклучуваат врзување на дел од субвенциите со одредена динамика на раст на платите. Очекувам да продолжи растот од 2021 година кога платите во зоните првпат го надминаа државниот просек, рече директорот. Според Деспотовски, граѓаните се уморни од програми, ветувања, зборови и стратегии. Сакаат конкретни резултати и мерливи ефекти. -Само од почетокот на годинава имаме 2 000 нови работни места и тоа е нешто за кое треба да се радуваме сите. Крајно време е да се научи и оваа и секоја следна опозиција дека треба да се радува на заедничките, македонски успеси. Само во изминативе две години се отворени 3 500 нови работни места, а во последниве шест години во компаниите во зоните над 10 000 наши сограѓани добиле можност за работа. Овие бројки се реален резултат, а за да го постигнеме не е доволно само да имаме убаво напишани документи и ветувања, туку треба и да испорачаме, истакна Деспотовски. (МИА)

Митева со анализа на состојбите во ТИРЗ и работата на Деспотовски, за воведувањето на “нов концепт“ за привлекување инвестиции во детали на прес конференција утре

Тале Кристо — Mon, 07 Nov 2022 18:14:11 +0000

Прочитав едно интервју на Јован Деспотовски како директор на ТИРЗ и се инспирирав да направам една анализа (не можеше да биде кратка, многу ‘’потенцијал’’ за работа имаше во самото интервју). Многу небулози, невистини, воведување на EXCEL ТАБЕЛА ЗА ПРВ ПАТ, за лошите работи е најмалку засегнат, за некои подобри работи кои се резултат на минат труд и успех тогаш е најзаслужен... и уште многу други тези кои топло ви порачувам да ги видите во сликите подолу. А за најавата дека ќе се воведува НОВ КОНЦЕПТ за привлекување на инвестиции, утре на прес конференција ќе зборувам во детали за тоа како ќе се воведува НОВ, кога Македонија со СДС на власт НЕМА КОНЦЕПТ?!, реагира преку социјалната мрежа на Фејсбук Марија Митева, портпарол на ВМРО-ДПМНЕ.

Во ТИРЗ доделени 75,5 милиони евра државна помош

Магдалена Андонова — Thu, 27 Oct 2022 10:15:14 +0000

Во периодот од 2017 до 2021 година, Дирекцијата за ТИРЗ има доделено државна помош во вкупен износ од 75,5 милиони евра, од кои 37,5 милиони евра се директно исплатените средства од Буџетот, а 38 милиони евра се за даночните и царинските ослободувања, констатира Државниот завод за ревизија (ДЗР) во ревизорскиот извештај од извршената ревизија на „Развој и работење на технолошките индустриски развојни зони“ објавен денеска. – Со извршената ревизија и анализа на Годишните програми на Владата во периодот од 2017 до 2022 година, констатиравме дека активностите за привлекување на странските инвестиции во овој период не се вклучени во стратешките приоритети на Владата и за истото не е донесена Стратегија за привлекување на странски инвестиции, како што предвидува Законот за Владата. Државната помош се доделува како шема за помош или индивидуална помош за која е потребно одобрување од Комисијата за заштита на конкуренцијата, велат од ДЗР. Во периодот од 2017 до 2021 година, додаваат од ДЗР, Дирекцијата има доделено државна помош во вкупен износ од 4.641.728 илјади денари (75,5 милиони евра), од кои директно исплатените средства од Буџетот изнесуваат 2.307.196 илјади денари (37,5 милиони евра), а даночните и царинските ослободувања се во износ од 2.334.532 илјади денари (38 милиони евра). – Само во 2021 година, вкупниот износ на доделената државна помош изнесува 1.504.576 илјади денари (24,5 милиони евра), од кои директно исплатени средства од Буџетот се 731.842 илјади денари (11,9 милион евра), а доделените даночни и царински ослободувања изнесуваат 772.734 илјади денари (12,6 милиони евра), прецизираат од ДЗР. Во извештајот е констатирано дека со Законот за контрола на државната помош, како и донесените уредби од страна на Владата не се утврдени поблиски и транспарентни критериуми за определување на висина на индивидуалната помош (број на странски инвестиции, број на вработени, извршени инвестициски вложувања и слични критериуми), при што државната помош се доделува без проценка на исплатливоста за утврдување на нејзиниот износ, без утврдена методологија за доделување, а со преговарање помеѓу овластените лица во Дирекцијата и корисникот на индивидуалната помош. – Инфраструктурните инвестиции во зоните се во надлежност на Дирекцијата, која согласно Законот за градење, има добиени одобренија за градење за целата зона како функционална целина. ТИРЗ и ИЗ се основани на земјиште во сопственост на државата со вкупна површина од 847 хектари, од кои 512 хектари се корисна површина (парцели за издавање на корисниците), а под долгорочен закуп се издадени 153 хектари или 30 отсто од вкупната корисна површина. Извршените инвестициски вложувања од страна на Дирекцијата во сите зони во земјава со состојба на 31.12.2021 година се проценети во вкупен износ од 6.152.930 илјади денари (околу 100 милиони евра), посочуваат од ДЗР. Констатирано е, додаваат од таму, дека Дирекцијата од надлежното Министерство добива одобрение за употреба откако ќе биде изградена целата зона, поради што за изградените поединечни делови не може да се направи технички прием и да се добие одобрение за употреба. – Оваа состојба предизвикала дел од реализираните инвестициски проекти во зоните, во периодот 2007 до 2021 година, во деловните книги на Дирекцијата, да имаат статус на материјални средства во подготовка иако истите се употребуваат. Нивната проценета вредност на крајот на 2021 година изнесува 2.677.763 илјади денари што претставува 43,5 отсто од вкупните извршени вложувања на Дирекцијата во зоните. Како резултат на не донесени стратешки и програмски документи , на површина од 153 хектари или на 30 отсто од вкупната корисна површина во периодот од 2012 до 2021 година од страна на Владата основани се зони кои не се ставени во функција и не се оперативни и во кои од страна на буџетот на Дирекцијата се вложени средства за основната внатрешна инфраструктура и експропријацијата на земјиштето во вкупен износ од 393.686 илјади денари или 6 отсто од вкупните инвестиции, констатира ДЗР. Најголемите инвестициски вложувања во нефункционални зони, како што посочуваат од ДЗР, се извршени во Гевгелија, Делчево и Кратово. – Врз основа на Одлука од Владата со ЈПП основана е ТИРЗ Тетово, при што договорот за ЈПП со приватниот партнер е склучен на 96 години, иако со законската регулатива е определено максималниот период да изнесува 35 години, сметано од денот на склучување на договорот. Со договорот за ЈПП, јавниот партнер е обврзан да обезбеди стручна единица за управување со проектот во целото времетраење на договорот која истовремено има својство на претставник на јавниот партнер и контакт тело за приватниот партнер. Дирекцијата во ТИРЗ Тетово има распоредено 7 лица, при што тие немаат работни обврски и не извршуваат активности поврзани со реализација на договорот за ЈПП, ниту се членови во наведената стручна единица , чија задача е да врши надзор и да помага во обезбедувањето на успешна имплементација на проектот. Овие состојби влијаат на законитоста и регуларноста на склучувањето на договорот за ЈПП и следење на неговата реализација, се вели во извештајот од ДЗР. Во 2015 година, врз основа на донесена Одлука за започнување на постапка за отуѓување на градежно земјиште од Владата, се посочува, склучен е договор за отуѓување на градежно земјиште на ТИРЗ Ранковце. – Со договорот било предвидено градење на целокупната внатрешна инфраструктура во рамките на зоната , во рок не подолг од 92 (деведесет и два) месеци од солемнизацијата на договорот и реализација на минимум 2.000 нови вработувања. Поради не започнатата изградба во предвидениот рок, со Решение од март 2019 година Одобрението за градба во ТИРЗ Ранковце е прогласено за ништовно со што одредбите од договорот не се реализирани. Со ревизијата констатиравме дека кај купувачот/инвеститорот се направени поголем број на статусни измени, а меѓу другото променет е називот на фирмата. Во април 2021 година врз фирмата e отворена стечајна постапка и истата не располага со имот за наплата на договорните казни предвидени со договорот. Ова состојба укажува дека купувачот ги нема исполнето одредбите од договорот, поради што не се постигнати целите кои треба да придонесат за зголемување на инвестициите и вработувањата во тој регион од земјава, како и неизвесност и неможност на наплата на договорна казна предвидена во договорот за отуѓување на градежно земјиште, се истакнува во извештајот од ДЗР. ТИРЗ Ранковце, се посочува, е единствен случај каде врз основа на промена на законската регулатива, е извршено отуѓување на земјиштето , додека кај останатите ТИРЗ во државата, земјиштето се дава под долгорочен закуп. – Директорот на Дирекцијата нема назначени овластени лица од редот на вработените кои би вршеле надзор над ТИРЗ и над корисниците, како што е предвидено во Законот за ТИРЗ што може да влијае на ненавремена контрола, откривање и спречување во случај на незаконско работење на корисниците и го зголемува ризикот од работењето на корисниците особено во делот на вршењето на дејностите во зоните кои се забранети и кои можат да се проверат исклучиво со увид на лице место, велат од ДЗР. Согласно регулативата, како што нагласуваат, основачот на зоната е должен да го загради, уреди и означи просторот на зоната и да обезбеди без надоместок простории потребни за работа на царинскиот орган. – Констатиравме дека единствено во ТИРЗ Скопје 1, Царинската управа има воспоставен царински надзор со отворена Царинска испостава, а во останатите зони како и зоната основана со ЈПП во Тетово користат услуги од најблиската царинска испостава која вообичаено е лоцирана во најблискиот град, односно во самите зони не е воспоставен царински надзор. Со ревизијата се истакнува дека е зголемен ризикот од можни грешки и злоупотреби при царинскиот надзор, особено имајќи ја во предвид оддалеченоста на некои од царинските испостави од зоните, а притоа имајќи го во предвид фактот дека бројот на корисниците во 2022 година е зголемен , а со тоа и прометот на стоки кои влегуваат и излегуваат од зоните кои се ослободени од ДДВ при увоз на земјата како и царинските давачки, прецизираат од ДЗР. Со ревизијата е констатирано дека Дирекцијата ангажира лица по договор за дело кој број низ годините се менувал. – Во периодот на вршење на ревизијата, активни се 72 договори за дело, односно бројот на ангажирани лица по договор за дело е речиси еднаков со бројот на редовно вработените лица (85), а половина од договорите се склучени со лица кои подолго од 24 месеци биле ангажирани од Дирекцијата. Оваа состојба претставува ризик за континуираното и квалитетно извршување на работните задачи поради времениот карактер на нивното ангажирање. Истата е спроведена како пилот ревизија во рамките на Твининг проект со врховните ревизорски институции на Република Бугарија и Република Хрватска, финансиран со средства од ЕУ, се вели во извештајот на ДЗР. Ревизијата го опфати периодот од 2015 до 2021 година, но одредени области, прашања, настани и анализи се опфатени пред 2015 година и последователно до денот на известување од извршената ревизија. (МИА)

„Во време на криза ТИРЗ троши 23,6 милиони на сомнителен и непотребен тендер“

Катерина Бојаџиева — Mon, 13 Jun 2022 06:29:26 +0000

Во услови на криза не престануваат непродуктивните трошења на власта на СДСМ и ДУИ. Последен во низата случаи е скандалозното трошење на ТИРЗ во вредност од 23.6 милиони денариза јавна набавка насловена: “Мониторинг на договорите на државна помош”, велат од ВМРО-ДПМНЕ. -Било која државна помош што ја дава државата или институциите е контролирана согласно постојните законски решенија и институции и нема потреба од дополнително ангажирање на субјекти за оваа работа. Очигледно власта сака на овој начин да испумпува пари во време кога народот едвај врзува крај со крај. Еве ја причината зошто стопанството тоне а граѓаните осиромашуваат. Парите од буџетот безмислосно се трошат преку вакви сомнителни тендери. Наместо парите да завршат за помош на граѓаните кои се соочуваат со двоцифрена инфлација, наместо да се даде поголема помош на компаниите кои ги остават на цедило, наместо повеќе пари за земјоделците, просветарите, работниците, парите власта ги расфрла на сомнителни и крајно непотребни тендери. Премногу е! Време е за промени. Народот на протест на 18-ти јуни ќе каже гласно дека е за предвремени избори и промена на оваа недомаќинска, неодговорна и криминогена власт на СДСМ и ДУИ, стои во партиското соопштение.

ТИРЗ започна со мерки за штедење на електрична енергија

Магдалена Андонова — Sun, 14 Nov 2021 10:36:49 +0000

Дирекцијата на Технолошко-индустриски развојни зони (ТИРЗ) започна со редукција на уличното осветлување во делови од ТИР Зоните низ државата, а целосно се исклучени и надворешните светлечки табли во Дирекцијата, како придонес во надминувањето на кризната состојба во енергетскиот сектор. Како што соопшти Дирекцијата на ТИРЗ, редуцирањето на уличното осветлување се прави во соработка и консултација со компаниите во зоните и се применува во одредени делови за кои се смета дека осветлувањето не е неопходно и нема да го наруши нивното функционирање. Оваа мерка, додаваат, ќе се спроведува за време на триесетдневната кризна состојба прогласена од Владата. – Дирекцијата на ТИРЗ, како општествено одговорна институција, сака да ги да ги поттикне и останатите институции во земјата да го следат ваквиот конкретен пример на солидарност во справувањето со енергетската криза. Истовремено ТИРЗ апелираше и до компаниите во Зоните да се приклучат кон оваа иницијатива за заштеда на електрична енергија со цел заеднички да придонесеме кон поефикасно надминување на енергетската криза со која се соочува земјата. Веруваме дека со ваквата постапка ТИРЗ ќе ги мотивира и сите сограѓани за рационално искористување на електричната енергија во претстојниот период, се наведува во соопштението. Владата на седницата одржана на 9-ти месецов, донесе одлука за прогласување на кризна состојба во енергетскиот сектор во траење од 30 дена со цел успешно справување со предизвиците настанати од глобалната енергетска криза.

ФОТО: Делегација од Македонија брка инвестиции на откажан саем во Женева

Ивона Петрова — Wed, 04 Mar 2020 09:02:51 +0000

Тричлена делегација од Македонија наводно е во потрага по странски инвестиции во Женева. Делегацијата од Дирекцијта за технолошко индустриски развојни зони, ДТИРЗ, веќе два дена на државна сметка ужива на саем кој е откажан. На непостоечкиот саем во Женева се генералниот директор, раководителот на секторот на државна помош и лице ангажирано со договор на дело, инаку кум на братот на генералниот директор. Организаторите на Саемот за автомобили, по 79 години од одржувањето, годинава првпат го откажаа саемот поради коронавирусот. Голем број други јавни настани низ Швајцарија исто така беа откажани откако бројот на случаи на инфекција со коронавирус во земјата се зголеми.

Непотизмот не запира: Директорот на ТИРЗ најави вработување на сите негови пријатели и блиски (ВИДЕО)

Предраг Кукиќ — Thu, 18 Jul 2019 15:26:43 +0000

Директорот на Дирекцијата за технолошко развојни индустриски зони Александар Младеновски денеска со свое обраќање го означи почетокот на градба на новата фабрика на компанијата „Балканлар Пластик“. Тој денеска изјави дека во фабриката која се гради во економската зона во која е тој директор ќе бидат вработени негови пријатели и блиски. Кога ќе погледнам дека нешто почнува да се гради многу ме радува. Поради тоа што сум сигурен дека за некој месец на ова исто место ќе работат мои пријатели, блиски, рече Младеновски. Младеновски е добро познат на јавноста како активист на Шарената револуција и беше во првите редови на протестите во Скопје.

Ќе се потрошат илјадници евра: ТИРЗ објави тендер за набавка на фстаци, лешници, бадеми и индиски ореви

Предраг Кукиќ — Sun, 03 Feb 2019 11:28:47 +0000

Дирекција за технолошки индустриски развојни зони ќе набави пијалаци, кафе и апетисани во вредност од 10 илјади евра. На страната на бирото за јавни набавки објавен е оглас на кои како договорен орган стои Дирекција за технолошки индустриски развојни зони, а чив предмет на договор е набавка на разни видови пијалаци, кафе и апетисани за потребите на Дирекцијата за ТИРЗ. Како што може да се забележи во тендерската документација ќе се набавуваат по 25 килограми фстаци, лешници, бадеми и индиски ореви. Планирана е и набавка на по 20 килограми чоколадни бомбони од темно чоколадо со филови од мента, бадем и вишна.

Странските инвестиции кои ги донесе ВМРО-ДПМНЕ го полнат буџетот

Предраг Кукиќ — Thu, 10 Jan 2019 09:48:46 +0000

Покрај Џонсон Мети, и на други странски инвеститори од технолошко-индустриските развојни зони им истекуваат „привилегираните“ рокови и се очекува да започнат со плаќање на данокот на добивка, како и другите законски обврски кои што им следуваат истовремено со завршувањето на почетните договори за државна помош, анализира Фактор. Џонсон Мети од Бунарџик е убедливо најдоходовен странски инвеститор во Македонија и еден од најголемите во Југоисточна Европа со чиста добивка од околу 100 милиони евра во 2017-та, но во блиска иднина има кандидати кои истовремено добро ја разработија својата дејност во Македонија и можат значително да ја полнат државната каса како што се Кемет електроникс, Дракслермаер и Кромберг и Шуберт. Премиерот Зоран Заев веќе потврди дека во 2018-та произведувачот на катализатори за прв пат бил даночен обврзник. - Една странска инвестиција, Џонсон Мети, која беше дого време поддржувана, повеќе не е поддржувана од државата и плаќа 30 милиони (евра) данок на добивка годишно, плаќа еден куп придонеси, данок на додадени вредности. Меѓутоа инвестицијата останува тука и сега ние ќе гледаме да биде профитабилна, да егзистира и понатаму, затоа што тоа е добро за Македонија, рече премиерот Зоран Заев во емисијата „24 Отворено“ неодамна. Фискалниот расход на Џонсон Мети е една од причините за големата разлика во наплатата на данокот на добивка од страна на Управата за јавни приходи во текот на 2018-та во однос на една година претходно. Вкупната сума на данокот на добивка направи голема разика во вториот и третиот квартал, со дури 25 отсто повеќе собрани средства во однос на истиот период од 2017-та. Истовремено не е забележана многу поголема разлика во наплатата на персонаниот данок на доход, ДДВ и социјалните придонеси по првите три квартали од 2018-та споредбено со истиот период од 2017-та.