титула – Kurir.mk

Кер: Сакаме да ја земеме титулата во Бостон

Тале Кристо — Wed, 15 Jun 2022 07:11:02 +0000

Тренерот на Голден Стејт, Стив Кер, изјави дека има намера да ја заврши финалната серијата во НБА-лигата во шест натпревари. – Сакаме да ја освоиме титулата во Бостон. Ќе ја завршиме серијата во Бостон, рече Кер. Шестиот натпревар ќе се одигра на 17 јуни на теренот на Бостон селтикс со почеток во 3 часот по македонско време. Доколку домаќините победат шампионот ќе се решава на седмиот натпревар во Сан Франциско. Голден Стејт може да ја освои четвртата титула во последните осум години кои тимот ги играше под водство на Кер.

Принцот Ендрју остана без титулата почесен граѓанин на Јорк

Ивона Петрова — Thu, 28 Apr 2022 06:13:10 +0000

Северниот англиски град Јорк му ја одзеде титулата почесен граѓанин на британскиот принц Ендрју. Локалните советници гласаа за укинување на титулата на вториот син на кралицата Елизабета Втора, која му беше доделена во 1987 година. – Титулата почесен граѓанин на нашиот прекрасен град им се доделува на оние кои го претставуваат најдоброто од Јорк. Несоодветно е принцот Ендрју на каков било начин да биде поврзан со нашиот град, истакна градскиот советник Дарил Смејли. Ендрју во февруари се спогоди со Вирџинија Џуфре, која го обвини за сексуално злоставување кога била тинејџерка. Шеесет и двегодишниот Ендрју не призна вина, кога се согласи на вонсудско спогодување и не е обвинет за кривично дело. Во случајот на Џуфре се најде и пријателството на принцот со покојниот Џефри Епштајн, финансиер и сексуален престапник, кого Вирџинија исто така го обвини за сексуално злоставување.

Тухел: По коронавирусот и повредите, би било глупаво да се мисли дека Челзи може да се бори за титулата во Премиер лигата

Тале Кристо — Thu, 30 Dec 2021 10:29:52 +0000

Тренерот на Челзи, Томас Тухел, одговори на прашањето дали лондонскиот тим ќе може да конкурира за титулата во Премиер лигата. – По коронавирусот и повредите, би било глупаво да се мисли дека Челзи ќе може да се бори за титулата во Премиер лигата. Секој што мисли дека може без 23 здрави играчи е глупав. Имаме седум случаи на коронавирус. Шест играчи се елиминирани шест недели или повеќе. Противниците имаат полн состав, на тренинзите сите работат со полна сила за да ги поминат натпреварите во Премиер лигата, изјави Тухел за „Дејли мејл“. По 20 кола во Премиер лигата, Челзи има 42 бода и е на второто место во поредокот, осум бода зад водечкиот Манчестер сити.

Адетокунбо: Сонувам да ја освојам титулата со Милвоки

Тале Кристо — Thu, 08 Jul 2021 06:59:17 +0000

Најдобриот кошаркар на Милвоки, Јанис Адетокумбо, зборуваше за тоа колку би било важно за него да ја освои шампионската титула со Бакс. – Никогаш не треба да судите никого за патот што го одбрал да ја освојат шампионската титула. Но, освојувањето на титулата со тимот каде што ја започнавте вашата кариера има поголема важност. Ова е мојот сон, ова е мојата цел, изјави Адетокунбо. Гркот беше избран од Милвоки на драфтот во 2013 година. Оттогаш тој игра за клубот Висконсин. Оваа сезона, двократниот МВП во НБА-лигата, за прв пат стигна до големото финале. Во финалната серија која се игра до четири победи, Милвоки губи од Феникс санс со 1:0.

Еве која титула ќе ја добие ќерката на Меган и Хари: Околу ова сите се согласни, ќе има важна функција

Магдалена Андонова — Thu, 10 Jun 2021 12:01:50 +0000

Меган Маркл и принцот Хари пред четири дена добија уште едно дете, девојче кое го нарекоа Лилибет, само по името, односно прекарот на бабата на Хари, кралицата Елизабета. Она што во моментов се дискутира во Велика Британија е како кралицата ја поднела оваа вест и дали и одговара што девојчето ќе го носи прекарот што и го дал, нејзиниот покоен сопруг принцот Филип, кој всушност само он така ја нарекувал. И додека многу аналитичари сметаат дека ова е понижувачко за кралицата, таа не објавува, а Хари, наводно, веќе разговарал со неа за тоа и и рекол како ќе се вика девојчето, без да бара наводно одобрување од кралицата. Исто така се шпекулира која титула ќе ја добие девојчето, па многумина дојдоа до заклучок дека таа би можела да ја добие титулата Лејди, а ова ќе биде уште една сличност со нејзината покојна баба, Лејди Дијана, чие име го носи и девојчето, а нејзиното целосно името е Лилибет Дијана. Она што е сигурно и за што се согласија многу аналитичари е дека оваа девојка сигурно, како и нејзините родители, ќе ги сруши бариерите и ќе смени многу протоколи поврзани со кралското семејство. Таа е посебно и по тоа што е прва и сега единствен член на кралското семејство кој не е роден на територијата на Британија, туку во САД.

Вардар ја освои 14-та титула во првенството на Македонија

Бошко Тасиќ — Wed, 02 Jun 2021 19:20:06 +0000

Екипата на Вардар 1961 ја одбрани титулата во македонското ракометно првенство совладувајќи го вечерва скопскиот ривал Металург со 39 : 27 во последниот натпревар сезонава во Суперлигата. За Вардар 1961 ова е вкупно 14. титула во клупската историја и шеста едноподруго во македонскиот ракомет. Сезоната 2020/21 ракометарите на Вардар ја комплетираа со двојна круна, триумфирајќи претходно и во Македонскиот куп. Во преостанатите натпревари од завршното коло во плејофот, Еурофарм Пелистер го декласираше Охрид со 30:14, Бутел минимално го совлада Еурофам Пелистер 2 со 29:28, додека Тинекс Пролет славеше гостинска победа над Струга со 30:23. foto: gol.mk

Што ќе се случи со титулите на принцот Филип? Едвард ќе стане војводата од Единбург, но еве кога

Магдалена Андонова — Sat, 10 Apr 2021 08:12:35 +0000

Титулата на војводата од Единбург на крајот ќе му се пренесе на неговиот најмлад син, принцот Едвард, беше потврдено денес - но тој ќе мора да почека до смртта на кралицата и неговиот брат Чарлс да стане крал заради кралските протоколи. Бакингемската палата одлучи дека еден ден тој ќе го наследи својот татко како војвода од Единбург по неговата венчавка со Софи Рис-Џонс во 1999 година, кога на парот им беа дадени титулите Ерл и грофица од Весекс. Во согласност со сертицифираниот документ издаден кога Џорџ Шести му ја додели титулата на Филип во 1947 година, принцот од Велс, како најстар син на војводата, ја наследи титулата војвода од Единбург. Сепак, при евентуалното стапување на Чарлс на престолот, титулата ќе се спои со круната и може да му се додели одново на Едвард. Се вели дека титулата што ја има некој што станува монарх се спојува со Круната и престанува да постои, па затоа може да се пресоздаде за некој друг. Одлуката да му се даде титулата на Едвард беше донесена како признание за неговата работа и посветеноста на наградата на војводата од Единбург - за која тој е повереник, како и претседател на Меѓународната награда на војводата од Единбург. Сопругата на Едвард, грофицата од Весекс, на крајот ќе стане војвотка од Единбург - благодарна титула која ја имашше кралицата. Филип беше шестата личност - вклучувајќи ги и двајцата војводи од Глостер и Единбург - кои ја носеа титулата војвода од Единбург. Првиот беше внукот на Џорџ Први, принцот Фредерик, подоцна принцот од Велс, за кого титулата за прв пат беше создадена во Пераж на Велика Британија во 1726 година. Џорџ Шести му даде титули на Филип војводата од Единбург, Ерл од Мерионет и Барон Гринич во Пираж на Велика Британија непосредно пред неговиот брак со принцезата Елизабета на 20 ноември 1947 година. Пра-пра-вујко на Филип, принцот Алфред Ернест Алберт, четврто дете и втор син на кралицата Викторија и принцот Алберт, исто така беше војвода од Единбург во Пираж на Велика Британија.

Арчи не е единствен во кралското семејство без титула

Ивона Петрова — Thu, 11 Mar 2021 09:39:53 +0000

Контроверзните изјави на војводата и војвотката од Сасекс во интервјуто кај Опра Винфри, во коешто Меган Маркл ги посочи проблемите со кои се справувала за време на престојот во британската палата Кенсингтон, фрлаат ново светло врз неа самата, пишува „Хола“. Поранешната глумица зборуваше и за Арчи, кој во мај ќе наполни две години. Таа вели, ѝ било кажано дека детето нема да добие титула, а тоа значи – ни соодветна обезбеденост. Таа, исто така, рече дека одлуката за одрекување од титулата на Арчи не ја донеле тие, туку Кралскиот дворец. Британската Монархија е управувана од Кралскиот едикт издаден од Џорџ Петти во 1917 година со којшто им се припишуваат титули на новите членови на семејството. Според овој документ, само децата и внуците на крал или кралица автоматски ја добиваат титулата принц и принцеза, но и оние од највозрасниот потомок на принцот од Велс (првиот престолонаследник). Таков е случајот со децата на најстариот син на принцот Чарлс – војводата од Кембриџ, Вилијам, а тие се – принцот Џорџ, принцезата Шарлот и принцот Луис. Останатите внуци на престолонаследникот, кои потекнуваат од машката линија на наследство, ќе уживаат во категоријата деца на војвода или војвотка. Арчи Маунтбатн-Виндзор е правнук на кралицата Елизабета Втора и седми по ред за наследување на тронот, но следејќи ги законите на Џорџ Петти, тој не може да се квалификува во категоријата принц затоа што не е потомок на најстариот син на првиот наследник. Откако Чарлс ќе седне на престолот, Арчи може да биде принц, оти во тој случај е директен внук на кралот. Сепак, протоколите може и да се променат, како што беа информирани војводите, од желбата на Чарлс за намалена монархија. Но, ова не е единствениот случај кога член на семејството Виндзор не поседува титула. Децата на принцезата Ана, Зара Тиндал и Питер Филипс, исто така, немаат титула принц. Нешто поинаков е случајот со грофовите на Весекс, Едвард (четвртиот и последен син на кралицата) и неговата сопруга Софија. Кога парот се венчал 1999 година, кралската Бакингемска палата одлучила да му додели на Едвард округот Весекс, а не на Војводството, но и дека може да ја добие титулата војвода од Единбург, по нејзиното ослободување. Поради оваа причина, неговите две деца, лејди Луиз Виндзор (17) и Џејмс, виконт Северн (13), имаат титула деца на грофови и не ја користат титулата принц или принцеза. Случај сличен на оној на Арчи би бил Огист Филип, потомок на принцезата Јуџини и Џек Бруксбанк, чиј син е рангиран на 11-то место за наследување на престолот. Тој во мигов нема никаква кралска титула затоа што е правнук, а не внук на монархот. Војводата и војвотката од Сасекс во интервју за Опра објавија дека второто дете кое го очекуваат е девојче и дека ќе се роди летово. Среде своите, според весникот – противречни изјави, Меган Маркл тврди дека кралското семејство било многу загрижено за бојата на кожата што ќе ја има Арчи и дека нема да му обезбедат заштита како на другите членови на Кралскиот дворец. Сепак, има слични случаи во институцијата, како што се принцезата Јуџини и Беатрис де Јорк, кои во мигов немаат обезбедување платено од даночните обврзници. Овој договор е склучен меѓу семејството, Министерството за внатрешни работи и полицијата во главниот град, бидејќи пошироките членови на Кралската куќа немаат автоматско право на полициска заштита.

Колумбос ја освои титулата во МЛС

Тале Кристо — Sun, 13 Dec 2020 08:49:13 +0000

Фудбалерите на Колумбос Кру ја освоија титулата во Северноамериканската професионална лига (МЛС), совладувајќи го синоќа на домашен терен бранителот на титулата Сиетл Саундерс со 3:0. Колумбос дојде до својата втора титула во историјата благодарение на двата гола и асистенцијата на играчот на мечот, Аргентинецот Лукас Зеларајан. Тој беше прецизен во 25. и 82. минута, асистирајќи му притоа во 31. минута на Хаиќанецот Дерик Етиен за убедлив триумф над екипата на Сиетл, која се надеваше на своја трета шампионска титула во последните пет години. Финалето на стадионот „MAPFRE“ во Колумбос, Охајо, го следеа околу 1.500 гледачи. Екипи со најмногу трофеи во МЛС: 1. Лос Анџелес Галакси 5 (2002, 2005, 2011, 2012, 2014) 2. ДЦ јунајтед 4 (1996, 1997, 1999, 2004) 3. Сиетлс Саундерс 2 (2016, 2019) – Колумбос Кру 2 (2008, 2020) – Хјустон Динамо 2 (2006, 2007) – Спортинг Канзас Сити 2 (2000, 2013).

ВИДЕО: Хамилтон ја одбрани шампионската титула, се израмни со Шумахер

Ивона Петрова — Sun, 15 Nov 2020 12:20:31 +0000

Возачот на Мерцедес, Луис Хамилтон е старо-нов шампион во Формула 1. Британецот попладнево победи на трката за Големата награда на Турција и официјално по седми пат стана планетарен шампион. Тој доминира во Ф1 од 2017 и е во серија од четири трофеи, а претходно победуваше и во 2008, 2014 и 2015. Седум титули во кариерата има и легендарниот Германец Михаел Шумахер. Подиум на патеката во Истанбул денес обезбедија уште и Серхио Перез од Рејсинг Поинт и Себастијан Фетел од Ферари кој во последниот круг го помина неговиот клупски колега Шарл Леклер и изби на третата позиција. Хамилтон воедно ја забележа својата 94. победа и 73-та за еден ист клуб, во случајов Мерцедес, надминувајќи го Шумахер кој имаше 72 победи како возач на Ферари.

DREAM THE IMPOSSIBLE To writing history. To making legends.#S7illRising pic.twitter.com/VsR8S3SwB6
— Formula 1 (@F1) November 15, 2020