тнт – Kurir.mk

Пресудата за „ТНТ“ закажана за 20-ти мај

Ивана Ефремовски — Fri, 29 Apr 2022 10:42:14 +0000

Пресудата за случајот „ТНТ“ е закажана за 20 мај. Завршни зборови денеска дадоа дел од обвинетите, кои се изјаснија дека немаат сторено кривично дело во однос на уривањето на објектот „Космос“ и оти се надеваат на ослободителна пресуда. Претходно, завршен збор имаше поранешниот министер за транспорт и врски Миле Јанакиески, кој посочи дека не постои ниту еден акт што е потпишан од негова страна, а се однесува на уривањето на објектот „Космос“ и се надева на ослободителна или одбивателна пресуда, бидејќи оштетениот Фијат Цаноски сам истакнал дека бара политичко решение, со што признава дека објектот е нелегален. -Се надевам дека преку моите завршни зборови и завршните зборови на мојата одбрана судот ќе донесе ослободителна или одбивателна пресуда. Ако добијам и шеста осудителна пресуда, дали нешто ќе се смени во општеството? Мојот одговор е дека ништо нема да се подобри, освен што Цаноски ќе заработи од Буџетот на државата, давајќи поттик на други своето незаконско работење да го прикријат преку политички решенија користејќи ги правосудните органи, посочи Јанакиески Завршен збор вчера имаше и поранешниот градоначалник на Општина Гази Баба, Тони Трајковски, кој посочи дека на средба со инвеститорот на објектот „Космос“ Фијат Цаноски, тој не негира дека гради нелегално. Исто така, Трајковски вели дека нема испратено порака до Никола Груевски, ниту го контактирал во врска со овој објект и „повеќе од јасно е дека не бил поттикнат да дејствува по нечија наредба“. Одбраната на поранешниот градоначалник на Општина Гази Баба предложи до Судот да обрне внимание на релевантните докази, бидејќи со ништо не се докажува вината на Трајковски и треба да биде ослободен од обвинение. Јавниот обвинител Бурим Рустмеи во завршните зборови нагласи дека во текот на постапката со сигурност се докажа дека обвинетите ги сториле делата што им се ставаат на товар. Обвинетиот Никола Груевски ја злоупотребил својата позиција и влијание како премиер да ја оствари својата желба да му го урне комплексот Космос на својот политички противник Фијат Цановски и да му нанесе финансиска штета. Јавниот обвинител Рустеми на судот му предложи обвинетите да ги прогласи за виновни и да ги казни согласно закон. Бранителот по службена должност на обвинетиот Никола Груевски, во завршен збор, рече дека Груевски ниту потпишал, ниту пак можел да потпише некаква одлука во Општина Гази Баба, истовремено оспорувајќи ја автентичноста на снимените аудио разговори кои биле изнесени во случајот. -Обвинетиот ниту има вина, ниту има доказ дека нешто потпишал, а единствен доказ против него се аудиоснимки чија автентичност не може да се потврди. Ценам дека овој суд нема ниту една законска причина да го прогласи за виновен и дека треба да биде ослободен од обвинение, изјави бранителот по службена должност на Груевски. Случајот го води судијата Огнен Ставрев. За делото обвинети се повеќе лица меѓу кои ексминистерот за транспорт и врски Миле Јанакиески и тогашниот градоначалник на Општина Гази Баба, Тони Трајковски, поранешниот премиер Никола Груевски, на кого му се суди во отсуство, како и еден градежен инспектор и тројца вработени во општина Гази Баба. (МИА)

Трајковски за ТНТ: Цановски не негира дека гради нелегално, повеќе од јасно е дека не сум бил поттикнат да дејствувам по нечија наредба

Ивана Ефремовски — Thu, 28 Apr 2022 13:33:55 +0000

Поранешниот градоначалник на Општина Гази Баба, Тони Трајковски денеска ги даде завршните зборови за случајот „ТНТ”, каде посочи дека овој судски процес има една единствена цел, „да придонесе кон збогатување на оштетениот Фијат Цановски и да резултира со оштета на Буџетот на државата”. -На средба со инвеститорот на објектот „Космос” Фијат Цановски, тој не негира дека гради нелегално. Исто така, јас немам испратено порака до Никола Груевски, ниту сум го контактирал во врска со овој објект и повеќе од јасно е дека не сум бил поттикнат да дејствувам по нечија наредба, вели Трајковски. Одбраната на поранешниот градоначалник на Општина Гази Баба предложи до судот да обрне внимание на релевантните докази, бидејќи со ништо не се докажува вината на Трајковски и треба да биде ослободен од обвинение. Во случајот „ТНТ” обвинети се повеќе лица, меѓу кои и поранешниот министер за транспорт и врски Миле Јанакиески, поранешниот премиер Никола Груевски на кој му се суди во отсуство, како и еден градежен инспектор и тројца вработени во Општина Гази Баба. (МИА)

Обвинителот Рустеми постапувал спротивно на закон за случајот ТНТ, одбраната бара негово изземање од овој случај

Ивана Ефремовски — Tue, 26 Jan 2021 10:57:21 +0000

На денешното рочиште за случајот „ТНТ“ обвинетите во овој случај поднесоа барање за изземње на јавниот обвинител Бурим Рустеми. Во барање за изземање на обвинителот Рустеми од овој случај се застапени четири околности кои за одбраната предизвикуваат сомневање за непристрасност на обвинителот Рустеми. Во денешното барање за изземањето на Рустеми одбраната се сомнева за постапување на обвинителот Рустеми и поранешната специјална обвинителка Катица Јанева спротивно на Закон и елементи на пристрасност и корумптивни дејствија. За овој аргумент се доставени докази во која била опфатена кривична пријава до ЈО поднесена од страна на општина Гази Баба за нелегално градење, при што ОЈО Скопје ја прифатило како основана на ден 31.03.2017 година и за овој предмет била започната судска постапка и закажани рочишта против лицето Ардијан Азмоски и правното лице ТДУТУ Фине. Исто така е доставена и комуникација која беше приложена како доказен матријал во друг предмет наречен Рекет 2, каде што предметот против Ардијан Азмоски го превзема во своја надлежност СЈО на Катица Јанева од ОЈО Скопје, по што по превземањето на овој предмет после само 6 дена СЈО поднесува Поднесок за негово повлекување. Од доказните матријали јасно се гледа дека обвинетитот Азмоски во истиот ден по повлекувањето на овој предмет, преку смс комуникација му се заблагодарува на Бојан Јовановски - Боки 13 за помошта за повлекувањето на предметот. Овие доказни матријали беа презентирани во предметот Рекет 2, каде што јасно беше посочено дека таму обвинетиот Бојан Јовановски после 1 месец од затворањето на предметот на Азмоски, од бизнисменот добива 350 илјади евра на рака, а претходно меѓу двете лица е склучен договор за деловна соработка. Наредните неколку месеци, Бојан Јовановски Боки 13 и Меѓународен сојуз, а преку Јасна Мандиќ, од страна на Трговскот друштво Дримм Билдинг Струга чија сопственост е на Азманоски во неколку наврати биле уплатени суми на Меѓународен сојуз во изност од 850 000 евра. Одбраната на обвинетите во случајот ТНТ исто така се сомнева во директна инволвираност од страна на обвинителот Рустеми во дејствија од сомнителен карактер спротивни на законот за кривична постапка, кои предизвикуваат сомневање за негова пристрасност. За оваа пристрасност одбраната се сомнева за наодите и доказите во предметот Рекет 2, каде што јасно се гледа влијанието на обвинителите Катица Јанева и Бурим Рустеми за повлекување предметот за нелегално градење на Ардијан Азмоски и правното лице ТДУТУ Фине. Бурим Рустеми како јавен обвинител заедно со Катица Јанева како специјален јавен обвинител без ниту еден дополнителен доказ или околност се откажале од обвинението против и ТД ,,ФИНЕ’’ ДОО Струга и Ардијан Амзоски како управител на ова трговско друштво, што според одбраната создава сомнеж за можна вмешаност на Катица Јанева и Бурим Рустеми во случајот познат во јавноста како “Меѓународен сојуз”. Дека Рустеми како јавен обвинител и помогнал на Катица Јанева како специјален јавен обвинител и лично учествувал и се согласил да се повлече обвинителниот акт против ТД ,,ФИНЕ’’ ДОО Струга и Ардијан Амзоски како управител на ова трговско друштво е фактот дека на ден 17.08.2019 година за порталот ФОКУС Бурим Рустеми како јавен обвинител истакнува дека тој лично решил, а Катица Јанева како специјален јавен обвинител се согласила со откажувањето од обвинителниот акт против ТД ,,ФИНЕ’’ ДОО Струга и Ардијан Амзоски како управител на ова трговско друштво. Според адвокатите на одбраната за слуајот ТНТ, тоа што Рустеми заедно со Јанева го повлекол обвинителниот акт во рок од само 5 дена по неговото превземање од ОЈО, а притоа неземајќи ги во предвид законското постапување на обвинетиот во овој случај Тони Трајковски и Елисавета Најдовска кое е потврдено со 36 судски пресуди, одлуки и решенија. Одбраната тврди дека обвинителот Рустеми постапил спротивно на член 57 став 11 и член 288 став 2 од Законот за кривична постапка.

Случајот ТНТ го размотува клопчето: Амзовски исплатил 850.000 евра за помош од Боки 13

Ивана Ефремовски — Tue, 15 Dec 2020 10:48:18 +0000

Денес во Основниот суд продолжува рочиштето за случајот ТНТ. Од денешните докази презентирани во судница, може да се увиди дека сумата која Адријан Амзовски ја дава за повлекување на неговото обвинение од овој случај е далеку поголема од тоа што до сега јавноста го знаеше. Адријан Амзовски е бизнисменот кој што беше обвинет во случајот ТНТ за нелегално градење како инвеститор во објектот Космос. Но јавноста најмногу слушна за неговата вмешаност во случајот Маѓународен сојуз. Во овој случај, бизнисменот Амзовски го обвини Бојан Јовановски- Боки 13 и неговата невладина Меѓународен сојуз за измама од над 1 милион евра, заедно со уште еден бизнисмен за градење на старечки домови. Имено во овој случај, каде што според доказите во рочиштето ТНТ може да се види дека не се исплатени 270 илјади евра од страна на Амзовски, туку повеќе од 850.000 евра за помош од страна на Бојан Јовановски за повлекување на обвинението за случајот ТНТ. Ова обвинение најпрвo го поднесе ОЈО, но потоа го превзема Катица Јанева и Специјалното јавно обвинителство. Тогаш ОЈО поднесе обвинение против Адријан Амзовски и фирмата „ФИНЕ“ ДОО Скопје (каде што основач е Фијат Цановски) поврзана со изградбата на објектот „Космос“ каде што Амзовски бил инвеститор. Се работи за нелегалностите во изградбата на објектот „Космос“. Ова обвинение од страна ОЈО поднесено во Основниот суд, тогаш беше прифатено и потоа и закажано судско рочиште. Но, потоа на 15.10.2017 беше превземено од страна на СЈО, по нарачка на Катица Јанева. За по превземањето експресно во рок од 5 дена, 20.10.2017 без ниту еден дополнителен документ или доказ ова обвинение го повлекуваат Катица Јанева и обвинителот Бурим Рустеми. Истиот ден според доказите од предметот Меѓународен сојуз Амзовски му испраќа порака на Јовановски. За целата разврска на овој предмет пред 10 тина дена во суднцата во основен суд Скопје беше презентирана комуникација помеѓу Јовановски и Амзовски, каде што се гледа дека бизнисменот му се заблагодарува на Боки 13 за завршената работа, за повлекувањето на обвинението од страна на Катица Јанева и СЈО. Според доказите јасно може да се види дека благодарноста од страна на Амзовски е на истиот ден кога е повлечено неговото обвинение. Според пораките презентирани во судница, Јовановски имал интензивна комуникација и со бизнисменот Ардијан Амзовски.. Заедно барале локација за изградба на старечи дом во Карпош. Во една од пораките, Амзовски пишува. „СЈО го повлече денеска предметот. Ти благодарам. Ајде сега да работиме“. Исто така на 07.11.2017 години бизнисменот Амзовски потпишува меморандум со Боки 13 и Меѓународен сојуз, за кои веднаш по тоа да му исплати 250 илјади евра во кеш. За потоа од 16.01.2018 до март месец 2018 Адријан Амзовски исплаќа дополнителни 500 илјади евра на невладината Меѓународен сојуз.

Се “трча“ со изведување на доказите во ТНТ, судијата не дозволи иземање на обвинителот

Ивана Ефремовски — Tue, 01 Sep 2020 10:24:35 +0000

Продолжи судењето во случајот „ТНТ“. Одбраната на обвинетите бараше изведувањето на доказите во вид на СМС пораки и аудио разговори да се изведува во присуство на вешто лице кое денеска не беше присутно. Доказите се изведуваат во едно рочиште, но не на професионален начин, туку се чини, колку само да се изведат. Со брзо читање само на насловите се помина делот за изведување на доказите. Со ова, судиите прават суштествена потврда на постапката за што Апелација има вратено неколку пресуди на Кривичен, само по овој основ. -Бараме да ни се дадат сите докази и сите вештачења да се изведат од вешто лице. Исто така, бараме сите докази кои не се дел од поднесокот да се внесат директно во записнокот. Сите стручни докази да се изведат од техничко лице кое ќе го одреди судот, објасни адвокатот Сашо Страшевски. Со сличен став и адвокатот на обвинетата Елисавета Најдоска, Мерџан Даути -Бараме сите докази да се изведат еден по еден, онака како што се предоложени и од страна на Обвинителството и од страна на Судот, изјави бранителот. Даути побара иземање на обвинителот Бурим Рустеми поради тоа што не се читаше содржината на доказите и побара прекин на денешното рочиште, на што судијата Ставрев се спротистави. -Ќе бидете казнети, не може од мене да барате иземање. Судот тоа го отфрла, се изјасни судијата Ставрев.

Даути за „ТНТ“: Цела држава ќе се убеди во исправноста за рушењето на „Космос“!

Љупчо Цветаноски — Thu, 06 Feb 2020 13:54:20 +0000

Адвокатот Мерџан Даути посочи дека се гордее што е бранител во „ТНТ“ и додаде дека треба да се учи од обвинетата службеничка, Елисавета Најдовска. Вели дека цела држава ќе се убеди во исправноста на одлуката на Најдовска кога во прашање е рушењето на објектот „Космос”.

„Се гордеам што сум во овој предмет. Ние треба да учиме од неа. Сите се фалиме дека сме големи правници од кривична област, но никој не го разбира градежништвото. Ние се занимаваме со ова, но не разбираме. А јас, како бранител во овој случај иако сите ме критикуваат дека скм побарал одлагања на рочишта, многу ќе бидам среќен побрзо да дојде денот, мојот клиент да го даде својот завршен збор и поскаувам тоа да биде утре. Тогаш цела држава ќе се убедиме дека како граѓани не ги сакаме професоналците”, рече Даути. Очекувано и карактеристично за него, судијата Ставрев реагираше на говорот кој го имаше адвокатот Даути и побара да заврши за пет минути, на што тој се побуни. „Не можам да излезам со моето семејство во град, сите ми викаат ‘мердита’. Од сите изјави во медиумите, најсреќен ќе бидам кога ќе давам изјава пред медиумите за мојот клиент, која има донесено одлука со која цела држава треба да се рамни со неа. Мојот клиент ќе докаже дека сите нејзини одлуки се во согласност со законот, Уставот и добрите обичаи. Во обвинението читаме се и сешто”, рече Даути. Во свој стил судијата Ставрев му укажа на Даути дека тој не дава воведен говор, односно не кажува стратегија на одбрана, туку зборува за тоа што сакал да изјавува во медиумите. На ова Даути реплицираше: „На прва точка сум, има време”. „Сметам дека ова обвинение е добиено на готово од некаде, а немале намера ниту да го прочитаат”, посочи Даути.

„ТНТ“ одложен: По сведочењето на докторката потврдено е дека Трајковски не може да присуствува

Ивана Ефремовски — Mon, 20 Jan 2020 10:35:33 +0000

На денешното рочиште за „ТНТ“ присутни беа сите обвинети, освен Тони Трајковски. Неговиот адвокат Страшевски рече дека Трајковски не е во можност да присуствува на рочиштата. Потоа беше повикана неговата докторка Викторија Вујовиќ да ја образложи неговата здравствена состојба. Јавноста беше исклучена од ова излагање поради заштита на податоци на здравствени податоци на пациент и обвинет. -По кажување на докторот станува збор за кратко боледување од десетина дена, рече судијата Огнен Ставрев. Судењето за случајот е одложено за 6 февруари.

Канческа – Милевска спасена со „ТНТ“

Љупчо Цветаноски — Mon, 20 Jan 2020 09:30:00 +0000

Поради новото закажано рочиште за „ТНТ“, се одложи судењето за „Тендери” во кој првообвинета е ексминистерката за култура, Елизабета Канческа-Милевска. Судијата Осман Шабани е дел од судечкиот совет во двата случаи, а рочиштата се закажани едно по друго, со половина час разлика. Следното судење е закажано за 24 февруари. И претходно, судењата за „Тендери” се одложуваа поради одржување на рочишта за други предмети. Случајот „Тендери“ се наоѓа во доказна постапка. Според обвиниението, дел од градежните работи во Музејот на ВМРО се вршени во корист на правното лице „Бетон“ од Штип. Пред да се објави оглас за доделување договор за јавна набавка и пред да се спроведе постапката, спротивно на Законот за јавните набавки, Канческа-Милевска преку разговори со генералниот директор на градежното претпријатие „Бетон“ од Штип наложила да се продолжи со работа на Музејот, каде што се изведувале градежни работи по претходно склучен договор за јавна набавка.

Преседан за владини потреби на воскреснување на „режимот“: Во „ТНТ“ докторка ќе ја образложува состојбата на Трајковски…

Љупчо Цветаноски — Mon, 20 Jan 2020 09:07:34 +0000

Во Кривичниот суд во Скопје денеска треба да се одржи ново рочиште за уривањето на комплексот „Космос“ откако минатото беше одложено поради здравствената состојба на обвинетиот Тони Трајковски. Денеска образложение за здравствената состојба на Трајковски треба да даде докторката која дала потврда дека обвинетиот не е во состојба да ги следи рочиштата. Правните експерти овој чин го протолкуваа како преседан од судијата Ставрев, особено имајќи предвид дека Трајковски беше крвнички претепан пред само десетина дена. Чинот на судијата Ставрев се толкува како судски учинок во кампањата на владата на СДСМ која предизборно на голема врата ја враќа прикаската за претходниот „режим“ и ги „плаши“ граѓаните со негово наводно враќање. Сосема „случајно“, симултано со судот, партијата на власт утрата ги почнува со соопштенија за враќање на „режимот.“ Во оваа насока е и итноста на „ТНТ“ кој стана најбитниот случај во државата, во исто време кога убијците на четири момчиња од случајот Монструм се на слобода, а за гласови на контото на СДСМ се тактизира и со терористите од Диво Насеље кои убија 8 полицајци. На минатото рочиште, адвокатот на обвинетиот Тони Трајковски, Јовица Страшевски реагираше дека неговиот клиент е под терапија и не е во состојба да учествува на судските рочишта. Има дијагноза од докторите, што не би сакал да ја коментирам, не е благодарно. Препорачуваат мирување и дека не може да учествува на судење 15 дена – изјави Страшевски. Обвинителот Бурим Рустеми поради ваквите околности побара раздвојување на постапката за Тони Трајковски, а одбраната реагираше дека не може да се води постапка против поттикнувачи со раздвојување на постапката за обвинетиот извршител на делото. Предметот го води судијата Огнен Ставрев, а застапник на обвинението е Бурим Рустеми од ОЈО Куманово. Првото рочиште за судењето за „ТНТ“ се одржа на 24.01.2018 година, но поради истекот на мандатот на еден од членовите на судечкиот совет процесот се врати од почеток. За делото обвинети се повеќе лица меѓу кои екс министерот за транспорт и врски Миле Јанакиески и тогашниот градоначалник на општина Гази Баба Тони Трајковски, додека во отсуство му се суди на поранешниот премиер Никола Груевски.

Судство пуштено на најјако со предизборно „ТНТ“

Љупчо Цветаноски — Wed, 15 Jan 2020 09:45:41 +0000

Случајот ТНТ и официјално почна од почеток, иако е неизвесно на кој начин ќе почне судскиот процес ТНТ. Адвокати на обвинитите реагираат на бројни пропусти во досегашното водење на рочиштата. Како пример го наведуваат тоа што на голем дел од доказите на судењата биле читани само насловите, што за нив е неприфатливо. Затоа доколку денес има рочиште, одбраната и обвинетите заедно ќе одлучат за барањето на судијата процесот да се врати на повторно судење, но без повторно изведување на доказите туку само нивно читање. За адвокатот Страшевски подобро да се изведат повторно, но ќе прифати како ќе одлучи мнозинството и нема да прави опструкции. Има два начини. Едно да се изведат, второ да се читаат. По мене подобро да се изведат повторно меѓутоа ако се согласат сите и јас би се согласил, затоа што јас на пример само два часа имав извршено увид во постапката и од доказите не знам ништо. И едното и другото како ќе одлучат мнозинството јас ќе прифатам, нема да правам опструкции, зашто во интерес ни е да ја докажеме правдата и вистината, изјави Страшевски Судијата Огнен Ставрев најави дека случајот се враќа од почеток со нови поротници. На вчерашното рочиште единствено не беше присутен поранешниот градоначалник на Гази Баба Тони Трајковски. Неговиот адвокат рече дека преку неговата сопруга бил известен дека не добил уредна покана. На тоа се спротистави судијата, кој убедуваше дека курир дошол во неговиот дом, но оти никој не му отворил. Затоа судијата нареди Трајковски утре да биде стражарно доведен во судот.Трајковски самиот се појави денеска во судот.