тоалетна хартија – Kurir.mk

Тоалетната хартија ја отстранува непријатната миризба во фрижидерот

Ивона Петрова — Fri, 21 Jul 2023 12:25:36 +0000

Тоалетната хартија, според познавачите, помага да се отстранат силните и непријатни мириси во фрижидерот - од риба, свежо месо и некои плодови. Влагата од кондензацијата (што се јавува кога фрижидерот не е доволно ладен), исто така, предизвикува непријатен мирис. Постапката е едноставна - ролната хартија се зема неодмотана од новоотворено пакување и се става на една од полиците на фрижидерот. Така тоалетната хартија ги впива и течностите и миризбите. По една до две недели - ролната се фрла в ѓубре. За отстранување на непријатните мириси може да послужи и сад со вода и лимон или шолја мелено кафе... Секако, тоа не значи дека фрижидерот не треба темелно да се исчисти барем еднаш месечно. За тоа, најдобро е да се користи топла вода со малку оцет и средство за миење садови.

Се замрзнуваат цените на тоалетната, влошките, влажните марамчиња, пелените

Дарко Андоновски — Wed, 29 Mar 2023 12:32:26 +0000

Владата ќе ги замрзне цените на хигиенските производи. Ова ќе значи одредување највисока цена по која може да се продаваат продуктите. Министерот за економија Крешник Бектеши посочи дека станува збор за: тоалетната хартија, влажните марамчиња, пелените за деца и возрасни, хигиенските влошки. „Намалувањето ќе биде 13 отсто од цените што биле во трговијата на мало на 20 март оваа година. Одлуката се носи врз основа на анализи“, додаде Бектеши. „Од периодот од 1 март до 24 март 2023 година цената на тоалетната хартија се движела од 94,8 до 205 денари и на оваа цена кога ќе се пресмета и ДДВ, таа би се движела од 111,8 денари до 241,9 денар, а главно повеќе од сите овие производи од 85 % се увезени во нашата држава. Цената на влажните марамчиња во просек се движела од 94,6 денари во јануари, 94,5 во февруари и 83,2 денари во март 2023 година, каде што имаме царинска ставка од 6 % и не е вклучено ДДВ. За пелените, цената се движи од 36 денари за парче до 1.600 денари за кутија со повеќе пакувања и тука не е вклучено ДДВ“, додаде Бектеши. Тој рече дека Владата е подготвена да се откаже од ДДВ-то за овие производи, но за тоа треба да одлучи Собранието. „Зошто го напоменувам ДДВ, за жал, во собраниска процедура од декември имаме законско решение за овие производи да се решат долгорочно во делот на намалување на ДДВ од 18 на 5 % и ден-денес не е свикана Комисијата за финансирање и буџет сè со цел да се усвои тоа законско решение“, додаде министерот.

Еве зошто тоалетната хартија е претежно во бела боја – хемичарка го објасни процесот на производство

Магдалена Андонова — Fri, 22 Jul 2022 14:26:37 +0000

Прво, важно е да се разбере како се произведува тоалетна хартија. Тоалетната хартија е направена од целулозни влакна кои доаѓаат или директно од дрвја или од рециклирана хартија, според хемичарот Џесика Курт. Влакната се мешаат со вода за да се добие кашеста маса. Производството на тоалетна хартија има два основни дела: правење сирова хартија и нејзино претворање во финален производ што го купувате во продавница, објаснува Дејвид Алтмиер, консултант кој работи со фабрики за тоалетна хартија во САД. Прво, важно е да се разбере како се произведува тоалетна хартија. Тоалетната хартија е направена од целулозни влакна кои доаѓаат или директно од дрвја или од рециклирана хартија, според хемичарот Џесика Курт. Влакната се мешаат со вода за да се добие кашеста маса. Производството на тоалетна хартија има два основни дела: правење сирова хартија и нејзино претворање во финален производ што го купувате во продавница, објаснува Дејвид Алтмир, консултант кој работи со фабрики за тоалетна хартија во САД. Производителите ја избелуваат дрвната маса со водород пероксид или хлор за да ја направат бела. Оваа процедура за избелување е повеќе од само естетски процес. Всушност, ова ја отстранува и состојката позната како лигнин, која ја омекнува хартијата. Кет забележува дека целулозните влакна се исто така природно бели. Сепак, „лепилото“ што ги поврзува е со кафена боја, која се губи благодарение на белилото. Значи, не е нужно процесот, туку суровината што ја прави тоалетната хартија бела. Понатаму, ако тоалетната хартија се произведува од рециклирана хартија, тогаш најчесто се користи канцелариски отпад или хартија за пишување, која во основа е веќе бела по боја. Белата боја на тоалетната хартија е повеќе конвенционална отколку функционална бидејќи тоалетната хартија не мора нужно да биде бела за да биде мека и впива. Сепак, постојат и разни видови тоалетна хартија во други бои, но Олтмир наведува дека обоената тоалетна хартија ги зголемува трошоците за производство на ролни. Повеќето тоалетна хартија во Северна Америка е бела поради преференциите на потрошувачите, вели Кетрин, додавајќи дека ситуацијата е поинаква во Јужна Америка и Европа, каде што тоалетната хартија може да има различни бои.

Владата ќе потроши над 30.000 евра на тоалетна хартија

Катерина Бојаџиева — Tue, 10 Aug 2021 18:59:46 +0000

Од Службата за општи и заеднички работи на Владата пред пет работни дена објавен е тендер, каде предмет на набавката е тоалетна хартија и брисачи за раце. Вредноста на оваа количина на набавката е предвидено да биде во вредност од 1.868.227 денари, односно над 30.000 евра. Фирмата која го добила тендерот е „Минако”, претставувана од управител Анита Максимовска Радева, која, како што пренесуваат одредени медиуми, често се јавува како добитник на тендери од државни институции, од Уставен Суд, факултети, министерства, болници и јавни претпријатија.

Народот со тоалетна хартија кон Заев за да си го избрише срамот од изјавите во преговорите со Бугарија (ФОТО)

Ивана Ефремовски — Wed, 02 Dec 2020 15:44:19 +0000

Народот на денешните блокади пред Влада му остави “подарок“ на Зоран Заев. На премирот тие му оставија тоалетна хартија, порачувајќи му дека треба да ја искористи за да си го избрише срамот од изјавите во преговорите со Бугарија.

Најмногу ја купуваа кога почна коронавирусот, а денеска одбележува светски ден – погодувате ли за што станува збор?

Магдалена Андонова — Thu, 19 Nov 2020 08:37:42 +0000

Со резолуција на Генералното собрание на ОН 19 ноември е прогласен за Светски ден на тоалетната хартија со цел да се фокусира вниманието врз проблемите на луѓето кои немаат пристап до санитарно-технички средства. Иницијативата беше поведена и утврдена на Меѓународната конференција посветена на оваа тема што се одржа во 2001 година во Сингапур. Секоја година ОН го одбележува Денот на тоалетната хартија за да ја подигне свесноста за 4,2 милијарди луѓе кои живеат без „безбедни санитарни услови“. Според ОН, околу 60 проценти од светското население или нема тоалет дома, или нема канализација. (МИА)

Демонстрантите во Софија фрлаа тоалетна хартија кон Владата

Ристе Здравков — Sun, 26 Jul 2020 07:31:37 +0000

Антивладините протести во Бугарија синоќа се одржаа седумнаесети ден по ред. Демонстрантите бараат оставка од владата и државниот обвинител, а во Софија тие го запреа и сообраќајот во близина на Националното собрание. Скандирајќи оставка, тие фрлаа и тоалетна хартија кон зградата на бугарската влада. По две недели протести, премиерот Бојко Борисов изврши реконструкција на владата, но демонстрантите бараат оставка од цела влада.

Сигурно не сте размислувале за ова- Зошто тоалетната хартија има бела боја?

Тале Кристо — Thu, 09 Jul 2020 10:39:23 +0000

Иако знаеме дека тоалетната хартија може да се произведе од се и сешто, во зависност од фирмата која ги произведува, најчесто тие имаат бела боја. Но, зошто? Самата се избелува Без да се користи избелувач тоалетната хартија сама се избелува, инаку би била кафена. Фабриките кои се занимаваат со создавање на тоалетна хартија не користат боја бидејќи со тоа автоматски би се зголемила и нивната цена. Еколошки заштитна Белата тоалетна-хартија се разградува многу побрзо од онаа во боја па голем број светски корпорации се одлучуваат за бела боја за заштита на околината. Здравствена препорака Надлежните и медицинските лица препорачуваат бела боја на тоалетната хартија бидејќи промената на нивната боја укажува на некој здравствен проблем. Обоената тоалетна хартија „тврдат лекарите“ ве предупредува за тоа што го конзумирате, па така најсигурна ви е белата варијанта.

Две лица краделе тоалетна хартија во супермаркети- објавена потерница

Катерина Бојаџиева — Tue, 24 Mar 2020 08:19:24 +0000

Австралиската полиција денеска објави потерница за двајца мажи осомничени за „кражба и обид за кражба” на тоалетна хартија во неколку супермаркети во Сиднеј. Властите на Нов Јужен Велс објави фотографии на осомничените, наведувајќи дека еден од нив се заканувал со нож кон вработен во еден од трговските објекти. – Граѓаните на Нов Јужен Велс нема да толерираат криминално однесување во кое било време, а особено не во криза, изјави министерот за полиција и итни служби во оваа австралиска сојузна држава, Дејвид Елиот. Корона-кризата во голем дел од продавниците низ Австралија предизвика недостаток на некои намирници, како што се тоалетната хартија и одредени прехранбени и хигиенски производи. Некаде тоа предизвика и тепачки меѓу купувачите, па трговиските објекти мораа да ограничување на количините што може да се купат. Така, особено внимание привлекува одлуката на еден супермаркет – еден пакет тоалетна да може да се купи за 3,5 австралиски долари, но ако купувачот сака два пакета, ќе треба да плати 99 долари. Ова – со цел рамномерна распределба и да се намали т.н. алчно купување.

Тепачки во супермаркетите во Германија за тоалетна хартија

Ивона Петрова — Fri, 20 Mar 2020 07:28:13 +0000

Жестока кавга избила во супермаркет во северниот германски град Бремен откако клиентка одбила да прифати дека и е дозволено да купи само пакет тоалетна хартија, јави локалната полиција, цитирана од ДПА.

Жената почнала да се кара со продавачката заради ограничувањето што е воведено заради епидемијата од коронавирусот, а потоа и ја удрила, пренесува агенцијата. Пријателот на клиентката неколку пати го удрил колегата на продавачката. На жената и е забрането веќе да влегува во супермаркетот, а нејизниот пријател е осомничен дека учестувал во напад. Во југозападниот град Манхајм , вчера, исто така, еден маж одбил да го прифати ограничувањето за количеството на купена тоалетна хартија, што може да се купи во еден супермаркет, соопшти полицијата. Тој се обидел да купи неколку пакети повеќе од дозволеното, а кога двајца продавачи се обиделе да го спречат, тој ги бутнал и се обидел да ги удри. Друг купувач се вклучил во турканицата и со колено го удрил во главата еден од продавачите. Кога полицијата пристигнала на местото на инцидентот, првиот купувач лежел на земјата натепан и бил префрлен во болница. Удрениот продавач побарал лекарска помош. Во друг инцидент повторно поврзан со коронавирусот, 60 шишенца средство за дезинфекција биле украдени од детска болница во Бремен, јави полицијата. Во југоисточниот град Нирнберг, пак, од магацин во училиште биле украдени над 600 ролни тоалетна хартија и 20 литри течен сапун, во вредност од 250 евра, јавува локалната полиција.