тоблероне – Kurir.mk

Тоблероне веќе никогаш нема да биде исто, еве што се менува кај познатото чоколадо

Ивона Петрова — Mon, 06 Mar 2023 15:57:59 +0000

Во иднина, познатиот швајцарски планински врв Матерхорн нема да се најде на амбалажата на чоколадото Тоблероне, бидејќи дел од производството е пренесено од таа земја. Пакувањето на чоколадото во форма на пирамида со препознатливиот врв на Алпите ќе претрпи промени и редизајн, а ќе го содржи и потписот на основачот. Американската компанија Монделез објави дека сликата на планината висока 4.478 метри ќе биде заменета со генеричка слика. Од 2017 година се применуваат строги правила за „швајцарски карактеристики“. Според овие правила, не е дозволено користење на национални симболи за промоција на млечни производи кои не се произведуваат само во Швајцарија. За другите прехранбени производи, условот е 80 отсто направен во Швајцарија. Во изјавата дадена за Би-Би-Си, Монделез рече дека преместува дел од своето производство надвор од Швајцарија за да „одговори на растечката побарувачка ширум светот и да го развие брендот Тоблероне во иднина“. Тоблероне, чоколадо во форма на планина, направено од швајцарско млеко со мед и нугат од бадем, првпат беше пуштено во продажба во 1908 година во Берн. Монделез најави дека Берн „е важен дел од нашата историја и ќе продолжи да биде таков во иднина“.

ФОТО: Илјадници шокирани откако момче откри таен знак на чоколадото Тоблероне, никогаш порано не го забележале

Ивона Петрова — Mon, 21 Nov 2022 09:38:48 +0000

Десет годишно момче шокираше илјадници луѓе откако забележа скриен симбол на амбалажата на чоколадото Тоблероне, каков што повеќето луѓе никогаш досега не забележале. Неговата мајка откри дека момчето забележало „тајна мечка“ во внатрешноста на сликата на швајцарските планини лево од зборот Тоблероне. -Мојот син го доби првото Тоблероне денес. „За што е мечката?, ме праша. Јас: „Која мечка?“, напишала на социјалните мрежи мајката Стефани. -На денешна возраст дознав дека има мечка во логото на Тоблероне, насмеано рекла мајката. Оригиналната објава беше споделена на Фејсбук во неделата, а не помина долго пред илјадници луѓе да кажат дека и тие никогаш не ја забележале мечката. -71 година, 50 божиќни поминати со Тоблероне и по пребарувањето на пакетот, конечно ја најдов мечката! Твојот син е брилијантен, напиша еден човек. Огромен број луѓе напишале дека по нејзината ја забележале мечката, за која до тогаш не знаеле дека постои.

Домашно тоблероне – „прсти да излижеш“!

Ристе Здравков — Thu, 24 May 2018 19:36:05 +0000

Состојки 200 g чоколада за готвење 150 g маргарин 200 g шеќер 2 лажици мед 1 dl млеко 100 g сечкани лешници 100 g сечкани бадеми 150 g мелени бисквити За глазурата: 100 g чоколадо за готвење и 3 лажци масло Подготовка: Стопете ги маргаринот, чоколадото, медот, шеќерот и измешајте ги со млекото. Кога смесата ќе се соедини, додадете ги лешниците, бадемите и бисквитите. Смесата ставете ја во триаголен калап, но претходно ставете фолија во калапот за да можете полесно да го извадите колачот кога ќе се стегне. Откако ќе се стегне убаво во фрижидер, извадете го и премачкајте го колачот со глазурата и вратете го во фрижидер. Откако ќе се стегне и глазурата, ужвајте во неповторливиот вкус на домашното тоблероне.