Истражување: Лек за ревматоиден артритис помага на тешко болни од Ковид-19

Ивона Петрова — Fri, 20 Nov 2020 09:18:48 +0000

Лекот за ревматоиден артритис Тоцилизумаб лекува сериозно заболени луѓе кои страдаат од Ковид-19, покажува истражувањето на научниците од Велика Британија и Холандија, јави Би-Би-Си. Научници наведуваат дека ова е „апсолутно неверојатен резултат“, а лекот веќе не се ни тестира бидејќи тие се толку сигурни во неговата ефикасност. Сепак, прецизниот ефект врз преживувањето на пациентот по употребата на лекот уште се испитува. Други експерти изјавија дека треба да се внимава се додека не се добијат целосни податоци. Тоцилизумаб влијае на имунолошкиот систем, кој кај некои пациенти заразени со коронавирус реагира прекумерно, и таквата реакција, позната и како цитокинска бура, може да биде фатална. Истражувањето беше насочено кон сериозно болни пациенти кои требаше да се стават на апарати за дишење. Испитувањето на лекот беше запрено пред два дена откако независни набљудувачи рекоа дека има многу докази, од првите 303 пациенти, кои покажуваат дека лекот е ефикасен. Сепак, толкувањето на податоците е исклучително сложено, според Би-Би-Си. паг

Оваа европска држава заинтересирана за лекот Тоцилизумаб за тешко заболените од Ковид-19.

Тале Кристо — Tue, 28 Apr 2020 13:31:38 +0000

Лекот Тоцилизумаб кој делува на имунолошкиот систем покажал убедливи резултати кај тешки случаи на заболени од Ковид-19, покажа неодамна француска студија. Mедицинската заедница во Белгија смета дека оваа опција е „интересна“, јави дописничката на МИА од Брисел. Тоцилизумабот е веќе регистриран во Белгија, но се користи за друг вид на болести, пред сѐ на одделот за интензивна нега. Овој лек делува на таков начин што го блокира рецепторот да одреден протеин на имунолошкиот систем кој игра важна улога во процесот на воспаление. -Тукушто излезе прелиминарна студија во Франција која изгледа позитивно, јасно е дека ќе ни треба уште податоци за да имаме потврда, но за нас оваа опција е интересна и веќе се тестира во нашата земја, рече професорот Ив Ван Латем, од кризниот штаб за коронавирусот во Белгија. Според досегашните искуства во повеќе земји, Тоцилизумабот „значително“ го намалил бројот на пациенти на интензивна нега, според француските здравствени власти. Но, резултатите од оваа прва студија треба да бидат консолидирани во наредните недели. Тоцилизумабот се состои од антитела создадени во лабораторија и кои произлегуваат од еден ист сој на лимфоцити за таргетиран одговор. Најчесто се користи за полиартрозна реума, но повеќе пациенти заболени од Ковид-19 на кои нагло им се влошила состојбата покажале подобрување на состојбата. Научниците не констатирале негативни нус ефекти кај пациентите третирани со овој лек ни по 14 дена.

Тоцилизумаб – Kurir.mk

Истражување: Лек за ревматоиден артритис помага на тешко болни од Ковид-19

Оваа европска држава заинтересирана за лекот Тоцилизумаб за тешко заболените од Ковид-19.