тодор петров – Kurir.mk

Петров: СДСМ ја демонтира Македонија, се што е отпор за заштита на националните интереси за оваа Влада е екстремизам

Тале Кристо — Wed, 28 Apr 2021 21:05:37 +0000

Постојат заведувања на јавноста и уште повеќе ќе следат особено во време кога оваа Влада е изгубена во време и простор. Оваа Влада го губи тлото под нозе, и за тоа ќе фингира случаи за да ја зваедува јавноста од надминувањето на рубиконот на стравот и срамот кај народот. А, народот покажа што сака на семакендскиот протест кој се одржа на 25-ти април, истакна, Тодор Петров, претседател на Светскиот македонски конгрес при гостување во емисијата „Заспиј ако можеш“ на телевизија Алфа. Петров додаде дека агенцијата за разузнавање треба да биде во функција на интересите на државата Македонија. Меѓутоа според политиките и интересите на Владата или според опсервацијата на кон други или туѓи центри и држави придонесува оваа служба практично да се занимава само со македонскиот „екстремизам“. Бидејќи го сметаат најопасен за по националната безбедносност на државата. -Оваа Влада се откажа од Македонците во светот и склучи два договори окои претставуваат велепредавство на нацијата и државата. Договорот Заев – Борисов на први август 2017-тата година и спогодбата Димитров – Коѕијас од 17 јуни 2018-та година. Владата го смени името на државата, врши ревизија на националната историја на македонскиот народ и државата Македонија. Практично ја демонтира македонската држава во сите сфери, во сите сегменти, појасни Петров. Петров посочи дека поради тоа се што е отпор за заштита на националните интереси на македонскиот народ за оваа Влада е екстремизам.

Отфрлена иницијативата за дополнителен референдум поднесена од Тодор Петров

Ивана Ефремовски — Thu, 28 Feb 2019 12:36:39 +0000

Собраниската Комисија за политички систем и односи меѓу заедниците денеска расправаше и едногласно одлучи да ја отфли иницијативата за собирање најмалку 150.000 избирачи за распишување дополнителен референдум поднесена од Тодор Петров. Со Граѓанската иницијатива поткпрепена со потписи од 157 граѓани се бараше распишување референдум на кој граѓаните со „за“ или „против“ треба да одговорат на прашањето „Дали сте за промена на името на државата Македонија во држава Северна Македонија“. Како што рече претседателот на комисијата, пратеникот Чедомир Саздовски, иницијативата се отфрла како неуредна бидејќи референдумското прашање не е во согласност со името на државата, не е во согласност со Законот за референдум што не дозволува повторен референдум за исто референдумско прашање пред истекот на рокот од две години од претходно одржаниот референдум и затоа што Собранието на седницата на 30 јануари 2019 година веќе донесе одлука за истата граѓанската иницијатива дека не е уредна и гласало за нејзино отфрлање. Поднесувачот на иницијативата Петров појасни дека реферндумот има за цел проверка на одлуката на Собранието за промена на името на државата во Република Северна Македонија. Во текот на дебатата Трајчо Димков од ВМРО-ДПМНЕ, кој иако не е член на Комисијата, се заложи да се поддржи оваа иницијатива бидејќи тоа е право на граѓаните утврдено со Устав, а ќе овозможи и на оние граѓани кои претходно не гласале да се изјаснат. -Основата на се е правото и почитувањето на Уставот и на законите и мора ова иницијатива да ја направиме доколку е уредна, рече Димков. Независниот пратеник Ферид Мухиќ ја постави дилемата која е смислата на ваков референдум ако се има предвид дека не е можно поништување на одлуките на Собранието за уставните измени и за Преспанскиот договор и укажа на реперкусиите од евентуално прифаќање на ваква иницијатива. -Барањето е легитимно, но треба да знаеме што следи од тоа. Се обидов да ви дадам алиби дека станува збор за една морална сатисфакција, граѓаните да кажат дека е извршен притисок и не се за промена на името, барем нека се знае и тоа е добра инвестиција за некогаш, дека имаше незадоволство, бидејќи станува збор за преседан во меѓународното право. Но да се покрене веднаш сега референдум убеден сум дека не ќе може правно да се реализира. Овој референдум ретроактивно дејство не може да има и ќе предизвика многу сериозни проблеми, вели Мухиќ. Ова беше трет пат Тодоро Петров да достави иста иницијатива до Собранието. Првиот пат не беше уредна затоа што потписите не беа собрани пред надлежен орган, а вториот пат иако матичната комисија ја прифати, Собранието ја одби со образложение дека е преуранета. Ја поднесе на 9 јануари, а Собранието уставните измени за промена на името ги изгласа два дена подоцна. Мислењето на Комисијата ќе биде доставено до претсдетелот на Собранието.

Тодор Петров ја повлече иницијативата за потписи за нов референдум за името

Предраг Кукиќ — Mon, 28 Jan 2019 12:03:09 +0000

Претседателот на Светскиот македонски конгрес Тодор Петров ја повлече иницијативата за собирање на 150.000 потписи за нов референдум за името. Претседателот на Собранието Талат Џафери на денешната седница информираше дека Петров ја повлекол иницијативата за собирање 150.000 потписи за одржување нов референдум за името.

Петров: Одлуката на Уставниот суд ќе го зацврсти ставот за бојкотирање

Ивона Петрова — Wed, 19 Sep 2018 13:49:17 +0000

Одлуката на Уставниот суд за нас не е прифатлива, вели Тодор Петров, претседател на Светскиот македонски конгрес, откако со 7 гласа „за“ и два „против“ судот ја отфрли иницијативата за оценување на уставноста и законитоста на собраниската одлука за распишување на референдумот, пренесува Република. Според Петров, очигледен бил притисокот што се вршел врз судиите. -Судиите во расправата беа контрадикторни. Тие отфрлија расправа за договорот со Грција, но заклучија дека со референдумското прашање не се гласа за ЕУ и НАТО, туку за договорот* со Грција. Истовремено, се суспендира референдумот од 8 септември 1991 година, кога народот во апсолутно мнозинство гласаше за самостојна Македонија без додавки и придавки. Судот, за жал, сметаше дека ЕУ не е ниту сојуз за кој треба да се распише референдум- рече Петров. Одлуката на судот ќе ја зацврсти одлуката на народот, кој ќе бојкотира на 30 септември, оценува Петров.

Тодор Петров очекува Иванов да го бојкотира договорот со Грција во ОН

Ивона Петрова — Fri, 14 Sep 2018 10:40:53 +0000

Светскиот македонски конгрес (СМК) предводен од Тодор Петров ќе го бојкотира референдумот, а ќе води и кампања: „Бојкотирам, значи не гласам“. Петров вели дека легитимно право е тој граѓанин што е против референдумот и да не излезе на гласање, а ги охрабрува да не се плашат да го направат тоа. Петров вели дека пратениците ќе зеле по 2 милиона евра за да гласаат за промена на името. Но, тој тврди дека тоа нема да им успее, при што упати закана кон нив во име на македонскиот народ, пренесува Макфакс. СМК поднел и приговор до ДИК за заштита на избирачкото право од корупција во јавната кампања по говорот на премиерот Зоран Заев дека фирмите ќе давале плата плус ако вработените излегле да гласаат на референдумот. Петров вели дека Заев вршел поткуп и заплашување на гласачите. Кривични пријави за несовесно работење заработиле и сите членови на ДИК. -Очекуваме претседателот Иванов во ОН да им каже на сите преку своето обраќање дека спогодбата е ништовна и неважечка, а во ОН да бидеме исто како и досега. Поднесовме кривични пријави против премиерот и министерот за надворешни работи, 69 пратеници во Собранието на РМ, кои гласаа за договорот со Грција. До Уставниот суд поднесовме две иницијативи, односно поништување на референдумот и правнилникот за одржување на референдумот, вели Петров, кој тврди дека поднел и пријави до членовите на ДИК поради злоупотреба на службената должност, пренесува Макфакс.