токио 2020 – Kurir.mk

Познатата најдобрата петорка во Токио на крајот од машкиот кошаркарски турнир

Бошко Тасиќ — Sun, 08 Aug 2021 11:25:05 +0000

„Дрим тимот“ на Соединетите Американски Држави освои ново злато на Олимписките игри. Предводник на Американците беше големата ѕвезда Кевин Дурант, кој беше вистински лидер на својот тим, а неговите одлични партии во Токио му донесоа и место во идеалниот тим на кошаркарскиот турнир на овие Игри. Лука Дончиќ имаше неколку неверојатни партии и заслужено е избран меѓу најдобрите, каде се најдоа уште Руди Гоберт од Франција , Рики Рубио од Шпанија и Пети Милс од Австралија Во големото финале Американците со 87-82 ја совладаа Франција, додека борбата за бронзата ѝ припадна на Австралија, со триумфот над Словенија од 93-107.

ОИ: САД најуспешна нација на Олимписките Игри во Токио,втора е Кина

Бошко Тасиќ — Sun, 08 Aug 2021 11:21:09 +0000

На крајот, во последниот натпреварувачки ден најуспешна спортска нација стана САД која освои 39 златни медали, само еден повеќе од Кина. Згора на тоа САД има освоено највеќе медали на Игрите во Токио, вкупно 113, а покрај 39 златни, освоија уште и 41 сребрен и 33 бронзени медали. Кина остана на 38 златни медали, 32 сребрени и 18 бронзени медали.Трета најуспешна нација е домаќинот Јапонија кој освои 27 златни медали, Велика Британија освои 22 златни, додека на петтото место е Рускиот олимписки комитет со 20 освоени златни медали. Од земјите во регионот, најуспешни се Хрватска и Србија кои освоија по три златни медали. Хрватите покрај тоа имаат и три сребрени и два бронзени медали, додека Србија на трите злата им придодаде и едно сребро и пет бронзи. И Македонија е на листата на освојували на медали благодарение на Дејан Георгиевски. Георгиевски го освои сребрениот медал во таеквондо во категоријата над 80 килограми

ОИ: Србија го одбрани олимпиското злато во ватерполо, Унгарија трета

Бошко Тасиќ — Sun, 08 Aug 2021 08:58:31 +0000

Ватерполо репрезентацијата на Србија го освои олимписко злато, откако во денешното финале против најпријатното изненадувањето Грција славеше победа од 13-10 (6-3, 2-4, 2-2, 3-1). Ова е најдобар можен крај на репрезентативната кариера на седум српски ватерполисти, кои последен пат играат за селекцијата на својата земја. Последните осум минути започнаа со брз гол на Грците, за израмнување на 10-10, но Мандиќ и Пјетловиќ како да се налутија во финишот и со нови голови ѝ обезбедија ново злато на Србија на олимпискиот ватерполо турнир. Бронзениот медал го освоија Унгарците со победата над Шпанија со 9-5 (3-3, 2-2, 1-0, 3-0).

ОИ: Ракометна доминација на Франција – и дамите се закитија со злато

Бошко Тасиќ — Sun, 08 Aug 2021 07:53:12 +0000

Женската ракометна репрезентација на Франција стигна до златниот медал на ОИ во Токио по убедливата победа над Рускиот олимписки состав со 30:25. Водството од 15-13 од првото полувреме за Триколорките беше најава за лесната победа, до која диригираа разиграните Фопа и Пино со по седум погодоци додека Виахирова со седум и Дмитрова со пет гола.

ОИ: Бразилките декласирани, САД олимписки шампион во одбојка

Бошко Тасиќ — Sun, 08 Aug 2021 07:03:37 +0000

По три злата во машката конкуренција, конечно женската одбојкарска репрезентација на Соединетите Американски Држави е олимписки победник. Во нерамноправен финален натпревар, кој траеше 80-тина минути, Американките ја декласираа бразилската селекција со 3-0 во сетови (25-21, 25-20, 25-14). Друс со 15 и Хил со 14 поени беа најдобри во таборот на олимпискиот победник, а ги следеше Ларсон со 11 поени. Фе Гарај со 11 поени единствена во сребрениот табор освои двицифрен број на поени. Во натпреварот за бронзен медал Србија ја совлада Јужна Кореја со 3-0 во сетови (25-18, 25-15, 25-15)

ОИ: Кипчоге го освои олимпиското маратонско злато

Бошко Тасиќ — Sun, 08 Aug 2021 06:59:12 +0000

Со машката маратонска трка низ улиците на Сапоро, спуштена е завесата на атлетските натпреварувања на Летните Олимписки Игри во Токио. Главниот фаворит, Кениецот Елиуд Кипчоге го освои златниот медал, откако низ целта мина со време 2:08.38 часа. Сребрениот медал му припадна на Абди Нагеје од Холандија, кој задоцни една минута и дваесет секунди, а бронзата му припадна на Башир Абди од Белгија, чиј резултат беше за 1.22 минути послаб од победничкиот.

ОИ: Американките убедливи против домаќинот и стигнаа до олимпиското злато

Бошко Тасиќ — Sun, 08 Aug 2021 06:54:04 +0000

Женската кошаркарска репрезентација на Соединетите Американски Држави го освои седмото злато по ред. Во нерамноправно финале во Токио, ѕвездите од женската НБА лига ја надиграа домашната Јапонија со 90-75. Најефикасни во победничката селекција беа Гринер со 30 и Вилсон со 19 поени, а кај Јапонките се издвоија Такаши со 17 и Мотохаши со 16 поени. Последниот пораз на Американките на Олимписките турнири датира од пред 29 години на Игрите во Барселона.

ОИ: Норвешка ја декласира Шведска во битката за бронзениот медал

Бошко Тасиќ — Sun, 08 Aug 2021 06:51:07 +0000

Женскиот ракометен тим на Норвешка по поразот од Русија во полуфиналето и серијата на протести на норвешките ѕвезди на арбитражата на сестрите Бонавентура, денешното мало финале донесе нерамноправен дуел. Норвешка ја декласира Шведска со 36-19 (19-7) и го освои бронзениот медал.Најефикасни во норвешката селекција беа Дале и Морк со по осум гола, а кај „трите круни“ се истакнаа Вестберг и Карлсен со по четири погодоци.

ОИ: Американскиот дрим- тим им наплати на Французите и дојде до златниот медал

Бошко Тасиќ — Sat, 07 Aug 2021 09:49:29 +0000

Избраниците на Грег Попович стигнаа до очекуваното злато на Олимписките игри откако во финалниот натпревар славеа против Франција со резултат 87:82. Кошаркарите на САД стигнаа до ново, вкупно 16. злато на Олимписките игри, додека за Французите ова ќе биде трето сребро по игрите одржани во Лондон во 1948 и Сиднеј во 2000 година. Американците од 1992 година, кога им беше дозволено на НБА играчите да играат на Олимписките игри постојано се на врвот, освен во 2004 година кога златото замина на градите на аргентинските кошаркари, додека САД тогаш се закити само со бронза. Што се однесува до самиот натпревар, во тимот на Грег Попович најефикасни беа Кевин Дурент со 29 поени и Џејсон Тејтум со 19 поени, додека кај Франција најмногу поени постигнаа Гобер и Фурние, по 16

ОИ: Србија загуби од Франција во битката за третото место во женска конкуренција

Бошко Тасиќ — Sat, 07 Aug 2021 09:46:41 +0000

Женската кошаркарска репрезентација на Франција го освои третото место на Летните олимписки игри во Токио. Во малото финале, Французинките го надиграа европскиот шампион Србија и со победата од 76-91 го освои бронзениот медал. Вилијамс со 17 и Мијем со 16 поени беа најпрецизни во таборот на Франција, додека кај Србија се истакна Андерсон со 24 поени.