Том Брејди – Kurir.mk

ФОТО: Том Брејди и Ирина Шаек фатени заедно по гласините дека се во врска

Ивона Петрова — Fri, 28 Jul 2023 08:00:35 +0000

ТМЗ пренесува дека поранешниот НФЛ играч Том Брејди и Ирина Шаек го поминале викендот заедно, а Брејди во еден момент бил фатен како разменува нежности со манекенката додека биле во автомобил. Во петокот, Брејди ја зел Ирина од хотелот Бел-Ер и ја однел до неговиот дом. Шаек била видена како заминува следното утро во 9:30 часот, а подоцна истото попладне повторно биле видени заедно. На објавените фотографии се гледа како парот заедно шета и се смешка. Тој се разведе од Жизел Бундхен минатиот октомври. Со неа ги има синот Бенџамин Реин и ќерката Вивијан Лејк. Со Бриџит Мојнахан го има синот Едвард Томас. Во 2019 година, Ирина раскина со Бредли Купер, со кого ја има ќерката Леа. Медиумите минатата година ја поврзуваа со Канје Вест, но нивната врска беше краткотрајна.

НОВА ЖЕШКА ЉУБОВ Ирина Шајк и Том Брејди „уловени“ по бурниот заеднички викенд (ФОТО)

Ристе Здравков — Mon, 24 Jul 2023 16:58:54 +0000

Легендата на американскиот фудбал Том Брејди и рускиот топ модел Ирина Шајк наводно се во врска, пренесуваат американските медиуми ТМЗ и „Пејџ сикс“. Веста за потенцијалната врска ја објавија светските медиуми, а фотографите на странските медиуми беа упорни и веќе имаат доказ за новата љубов.

Irina Shayk Spends Night with Tom Brady, He Caresses Her Face in Car https://t.co/8NqunJcK1o
— TMZ Sports (@TMZ_Sports) July 24, 2023

Фотографиите од наводната двојка се проширија на социјалните мрежи, особено на Твитер, а како што пишуваат гореспоменатите медиуми, Ирина Шајк и Том Брејди заедно го поминале викендот. Ирина ја поминала ноќта во домот на Том, а утредента тој ја одвел до хотелот каде што престојувала. Сè започнало во петокот, кога новинарите добиле информација дека тој најпрвин ја земал во хотелот Бел-Ер попладне, за да ја одвезе до неговиот дом. Извори на споменатите медиуми открија дека Ирина и Том влегле во неговиот дом насмеани и дека таа не излегла оттаму до следното утро околу 9:30 часот.

Update: Tom Brady is rumored to be dating Ronaldo and Bradley Cooper's ex, Model Irina Shayk, per @TMZ pic.twitter.com/6EqV8j1VMH
— Dov Kleiman (@NFL_DovKleiman) July 24, 2023

Папараците подоцна ги уловиле додека седеле во автомобилот на фудбалерот, а во еден момент тој нежно ја милувал Ирина по образот. Да потсетиме, бразилската манекенка Жизел Бундшен и Том Брејди се разведоа минатата година по 13 години брак. Веста ја објавија на социјалните мрежи, а се разделија во пријателски односи. Откако пред неколку години ја раскина свршувачката со актерот Бредли Купер, со кого ја има ќерката Леа, Ирина ја поврзуваа со неколку мажи, но ниту за еден немаа „доказ“ дека е нејзин нов партнер. ФОТО: Твитер/Инстаграм

ФОТО: Како се најде богатиот Американец покрај Јелена Ѓоковиќ на вчерашното финале на Ролан Гарос: Го „бркаат“ најубавите жени во светот, а еве што има да каже Новак за него…

Ристе Здравков — Mon, 12 Jun 2023 13:17:17 +0000

На вчерашното финале на Ролан Гарос Новак Ѓоковиќ го бодреше цело негово семејство. Покрај Јелена и децата, во Париз на неговата голема победа присуствуваат и мајка му Дијана и татко му Срѓан, како и чичко му Горан, а во делот резервиран за фамилијата и спортскиот тим седел и Том Брејди. Богатиот Американец најголемиот дел од натпреварот седел покрај Јелена Ѓоковиќ. Жените биле особено љубоморни затоа што Брејди е еден од најпосакуваните „сингл“ мажи во светот на спортот и шоубизнисот. Да ве потсетиме, еден од најбогатите играчи во американски фудбал на светот минатата година се разведе од Жизел Бундшен со што беше уништен митот за „златниот пар“. Наводно Жизел му поставила услов „или спорт или јас“ и затоа дошло до нивниот крај. Иронија на судбината е во тоа што тој набрзо потоа го напуштил и спортот, па сега е на мета на многу од немажените дами.

I spy... 🏈 @TomBrady 🏈#RolandGarros pic.twitter.com/HCeT4v0THx
— Roland-Garros (@rolandgarros) June 11, 2023

I spy... Медиумите минатата седмица пишуваа дека на Брејди најмногу му со допаѓа Ирина Шајк. Таа е „сингл“ откако се разведе од Бредли Купер, а Том ја запознал уште кога таа и Жизел работеле како ангели на „Викторија сикрет“. На една забава таа толку многу го „бркала“ Том што тој морал да испрати директна порака дека не е заинтересиран за конечно да престане да му се додворува. Кога го здогледале покрај Јелена Ѓоковиќ на Ролан Гарос, на многу од дамите им светнале црвените сијалички. Меѓутоа, тој не дошол на турнирот поради било која дама туку причина за тоа било долгогодишното пријателство со Новак. „Често разговарам со Том Брејди за тренингот и процесот на закрепнување“, раскажал своевремено Новак. „Бев близок и со Коби Брајант, со Моника Селеш, но и со Борис Бекер којшто ми беше тренер. Многу се трудам секоја можност да ја искористам за да споделам нешто со сите спортисти и спортистки“, вели Новак.
Tom BRADY is here! #TOMBRADY #DJOKOVIC sitting next to Jelena Djokovic! #GOATmeetsGoat pic.twitter.com/MuPlk3F9si
— socal (@socalissonice) June 11, 2023
„Зборуваме за работите кои ми се од корист, но и за тоа што ми претставува препрека. Поставувам многу прашања, особено на оние кои го достигнале врвот во својот спорт“, заклучил светскиот тенисер број 1. Да ве потсетиме, Брејди седум пати го освојувал популарниот Супер Боул, а од рагбито се повлекол во февруари годинава. Тој исто така е двојно побогат од Новак. Вчера на Ролан Гарос имало и многу други спортски ѕвезди, како што се: Златан Ибрахимовиќ, Килијан Мбапе, Оливие Жиру, но и личности од светот на филмот.

Том Брејди упатил порака до Жизел Бундшен?

Ивона Петрова — Fri, 24 Mar 2023 10:28:18 +0000

По интервјуто на неговата поранешна сопруга, Бразилката Жизел Бундшен, каде што таа зборува за нивниот развод, случајно или не, американската рагби-ѕвезда Том Брејди на својот Инстаграм-профил сподели цитат во којшто се говори за предавство. „Што е успех? Да се смееш често, и многу. Да се здобиеш со почит од интелигентните луѓе и наклонетост на децата. Да ја заслужиш почитта на искрените критичари и да го преживееш предавството на лажните пријатели. Да ја цениш убавината, да го најдеш најдоброто во другите, да го направиш светот малку подобро место. Да знаеш дека еден живот е подобар поради тебе. Тоа е успех“, гласи објавата со зборовите на писателот Ралф Валдо Емерсон. Жизел во гостувањето за списанието „Венити фер“ (Vanity Fair), меѓу другото, ги отфрли гласините дека „му дала ултиматум“ на Брејди за да се пензионира од спортот. Том Брејди сѐ уште официјално не се изјаснил по интервјуто. Во тој разговор манекенката објасни како дошло до разделба - двајцата сакале различни нешта и рече дека таа не е причината поради којашто Брејди ја напуштил спортската кариера. Претходно таа изјавуваше дека секогаш ќе го поддржува. Познатиот пар се разведе во октомври лани, по 13 години в брак. Заедно го имаат 13-годишниот син Бенџамин и 10-годишната ќерка Вивијан.

„Разделбата беше смртта на мојот сон“: Жизел Бундшен низ солзи за првпат проговорела за разводот од Том Брејди

Ристе Здравков — Thu, 23 Mar 2023 21:13:58 +0000

Славната манекенка Жизел Бундшен за првпат зборувала за разводот од Том Брејди, 5 месеци откако официјално заврши нивниот брак кој траеше 13 години. Жизел за тоа зборувала за новото издание на магазинот „Vanity Fair“ чија насловна страница ја краси. Во емотивниот разговор, таа рекла дека разводот е „смрт и повторно раѓање“ и порачала дека ја „оплакува смртта на својот сон“. „Тешко е бидејќи замислувате дека животот ќе ви тече на одреден начин, а сте направиле сѐ што сте можеле“, изјавила манекенката додека гласот ѝ треперел, а очите ѝ биле насолзени. По неколку здива, таа продолжила: „Верував во бајки додека бев дете. Мислам дека е убаво да верувате во тоа. Давате сѐ од себе да го остварите својот сон, давате 100 отсто и срцепарателно е кога нема да заврши онака како што сте се надевале и за кое сте се труделе, но можете да го направите само она што е ваш дел“. Убавата Бразилка ги прокоментирала и наводите дека се развела од Брејди бидејќи тој решил да му се врати на американскиот фудбал. „За тоа се потребни години (за разводот). Секогаш навивав за него и ќе продолжам засекогаш да навивам. Ако постои една личност за која сакам да биде најсреќна на светот, тоа е тој, верувајте ми. Сакам да биде успешен и да ги оствари своите цели. Сакам да му се остварат сите соништа, навистина го посакувам тоа, од срце“, порачала Жизел. „Понекогаш се развивате заедно, понекогаш се разделувате. Кога имав 26, а тој 29 години, се запознавме, сакавме семејство, сакавме сѐ заедно. Како што одминуваше времето, сфативме дека сме сакале поинакви нешта, а сега имаме избор“. „Тоа не значи дека не ја сакате другата личност. Тоа само значи дека, за да бидете автентични и вистински да го живеете животот кој го сакате, мора да имате некој кој е подготвен на компромис. Тоа е игра, тоа е рамнотежа“, истакнала Бундшен.

Легендарниот Брејди „дефинитивно ја заврши кариерата“

Катерина Бојаџиева — Wed, 01 Feb 2023 17:39:39 +0000

Најдобриот играч, според многумина, во историјата на американскиот фудбал, Том Брејди, објави денеска на својот Твитер профил дека „дефинитивно ја завршува кариерата“. „Се повлекувам засекогаш. Ви благодарам луѓе што ми дозволивте да го живеат својот сон“, објави 45-годишниот Брејди во видео порака во траење од 53 секунди. Објавата доаѓа точно една година откако Брејди соопшти дека става крај на кариерата, а само еден месец подоцна, минатиот март, повторно се врати на теренот. Во текот на својата 23-годишна кариера во НФЛ лигата Брејди освои рекордни седум титули, од кои шест како квотербек на Њу Ингланд, за кој настапуваше од 2000 до 2019 година, и една со Тампа Беј во чиј редови ги мина последните три сезони.

КРАЈ НА ЉУБОВТА: Жизел Бундшен и Том Брејди потврдија дека се развеле

Ристе Здравков — Tue, 01 Nov 2022 07:55:29 +0000

„Одлуката да ставиме крај на бракот никогаш не е лесна, но ние се разделивме и иако секако е тешко да се помине низ вакво нешто, се чувствувам благословена за времето поминато заедно и секогаш му посакувам само најдобро на Том“, објави Жизел Бундшен (42). Бразилската манекенка и нејзиниот сопруг НФЛ играчот Том Брејди (45) потврдија дека решиле да се разведат по 13 години брак. Откако Жизел се огласи, се јави и Том. Тој откри како дошле до одлуката за развод и призна за што е благодарен. „Дојдовме до оваа одлука спогодбено и со благодарност за времето поминато заедно“, напиша тој на Инстаграм. Нивните деца им се важни и не сакаат на ниту еден начин да го загрозат нивниот однос, па заедно ќе го делат старателството. „Со голема благодарност за времето поминато заедно, Том и јас пријателски го финализиравме нашиот развод. Мојот приоритет отсекогаш биле и ќе бидат нашите деца, кои ги сакам со целото мое срце. Ќе продолжиме заеднички да бидеме родители за да им ја дадеме љубовта, грижата и вниманието што толку многу ги заслужуваат“, се вели во објавата на Жизел Бундшен. Жизел и Том се венчаа во 2009 година и добија две деца – синот Бенџамин (12) и ќерката Вивијан (9).

Се разведува и најславниот и најубав пар: „Враќање нема, веќе ангажираа адвокати“

Магдалена Андонова — Wed, 05 Oct 2022 09:21:20 +0000

Бразилската манекенка Жизел Бундшен и американскиот рагбист Том Брејди најмиле адвокати за почнување постапка за развод, потврдува неименуван извор близок до двојката за „Пејџ 6“ (PageSix). Тие се в брак 13 години и имаат две деца – 12-годишниот син Бенџамин и 9-годишната ќерка Вивијан. Брејди има и 15-годишен син Џек, од претходната врска. Веќе пред неколку недели се појавија гласини дека тие двајца се разведуваат, а до расправијата наводно дошло затоа што Том му се враќа на спортот само по 40 дена од пензионирањето. - Никогаш не мислев дека оваа расправија ќе биде нивниот крај, но изгледа дека е така, вели неименуваниот пријател. - Мислам дека сега нема враќање назад. И двајцата имаат ангажирано адвокати и гледаат што ќе повлече разделбата и кој што ќе добие. Супермоделката била среќна кога нејзиниот сопруг објавил дека се пензионира… Таа и онака сметаше дека НФЛ (американското рагби) е насилен спорт. – Ова е многу насилен спорт, а јас имам деца и би сакал тој да биде поприсутен тука. Цело време ги имам овие разговори со него. Но на крајот, мислам, секој треба да донесе одлука којашто нему му одговара. И тој треба да ја следи својата среќа, рече Бундшен во една прилика за списанието „Ел“ (Elle). Но, тие веќе не живеат заедно. Жизел претходно беше во врска со Леонардо ди Каприо, а потоа се омажи за Брејди. Тие се венчаа во Калифорнија во 2009 година. По два месеца, тие имаа уште една свадбена свеченост на Костарика. (МИА)

Дали Роналдо го предомисли Том Брејди?

Ристе Здравков — Mon, 14 Mar 2022 08:28:23 +0000

Најдобриот НФЛ играч на сите времиња, Том Брејди во февруари објави крај на кариерата, но се предомисли и вели дека ќе игра и во наредната сезона. Том Брејди изминатиот викенд беше на Олд Трафорд, на натпреварот меѓу Манчестер јунајтед и Тотнем на кој Кристијано Роналдо постигна хет-трик. По натпреварот Роналдо и Брејди имаа дискусија на теренот. Неколку часа пред да соопшти дека ја прекинува пензијата, Том Брејди објави видео со Роналдо на кое Португалецот го прашува: „Ти заврши, така?“ Многумина веруваат дека неговата посета на Олд Трафорд и разговорот со Роналдо биле последната капка која пресудила Том Брејди да се предомисли и да продолжи да игра. „Во изминатите два месеци сфатив дека моето место се уште е на теренот, не на трибините. Тоа време ќе дојде, но не е сега. Ги сакам моите соиграчи и мојата фамилија која ми дава поддршка. Тие прават се што е возможно. Ќе се вратам за мојата 23 сезона во Тампа. Имаме незавршенаа работа“, објави Брејди кој и на 44 години ќе игра за Тампа Беј Баканерс.

Thanks to @ManUtd and the Glazer family for hosting me and my boys yesterday. So lucky to be able to share experiences like this with them. pic.twitter.com/GDofXNZpfW
— Tom Brady (@TomBrady) March 13, 2022

These past two months I’ve realized my place is still on the field and not in the stands. That time will come. But it’s not now. I love my teammates, and I love my supportive family. They make it all possible. I’m coming back for my 23rd season in Tampa. Unfinished business LFG pic.twitter.com/U0yhRKVKVm
— Tom Brady (@TomBrady) March 13, 2022

Кратко траеше пензијата, Брејди се враќа: Сфатив дека моето место е на теренот!

Ристе Здравков — Mon, 14 Mar 2022 08:01:16 +0000

Легендарниот квотербек, Том Брејди ќе го гледаме на терените во НФЛ лигата и во наредната сезона. Ова е последната одлука која сам тој ја објави што значи дека многу кратко траеше неговиот одмор, пензија која ја најави на почетокот на месец февруари. -Во последните два месеци сфатив дека моето место се уште е на теренот, а не на трибините. Тоа време ќе дојде, ама не е сега. Ги сакам моите соиграчи и го сакам моето семејство кое ме поддржува. Без нив ништо од ова не би било возможно. Се враќам за мојата 23-та сезона во Тампа. Имаме незавршена работа, -порача 44-годишниот Брејди на социјалните мрежи.

These past two months I’ve realized my place is still on the field and not in the stands. That time will come. But it’s not now. I love my teammates, and I love my supportive family. They make it all possible. I’m coming back for my 23rd season in Tampa. Unfinished business LFG pic.twitter.com/U0yhRKVKVm
— Tom Brady (@TomBrady) March 13, 2022

Брејди кој за многумина важи за најдобар играч во историјата на НФЛ лигата има освоено седум шампионски прстени, првите шест беа со Њу Ингланд, а последната со Тампа Беј, тим со кој ќе продолжи да игра во нареднава кампања.