Популарниот пејач не може да се помири со смртта на сопругата

Тале Кристо — Mon, 05 Apr 2021 11:31:58 +0000

Велшкиот поп-пејач Том Џонс во интервју за „Сан“ раскажа дека е „на дното“ откако неговата сопруга Линда починала од рак на белите дробови во 2016 година. Тие биле в брак 59 години, откога биле соученици и тинејџери. Таа била со него во неговите мигови на слава, но и во неуспесите. По повод петгодишнината од нејзината смрт на неговата сопруга, Том раскажувајќи за овие тешки години од неговиот живот, открива и дека му било препорачано да побара психијатриска помош затоа што се чувствувал виновен за нејзината смрт. -Искрено, не мислев дека ќе го преживеам ова. Одев и на терапија, затоа што постојано си велев: „Дали направив доволно? Дали ја игнорирав? Дали почна полека да бледнее без да сфати што се случува?“ Но, терапевтот ми рече: „Не, таа имаше рак на белите дробови, немаше што да се направи“, раскажува пејачот. Тој не е сигурен дека повторно ќе може да пее, иако „таа би го сакала тоа“. Кон крајот на својот живот, Линда страдаше од агорафобија – страв од отворен простор, што може да биде придружен со напади на паника. Ова ја оддалечи уште повеќе од бурниот живот на нејзиниот сопруг. И, иако ги затвораше очите пред неговите бројни неверства, Линда понекогаш му била лута. -Таа е најважниот човек во мојот живот. Неверојатна жена. Линда е љубовта на мојот живот и секогаш ќе биде, дури и ако не изгледа така, нагласува пејачот. Тие го имаат синот Марк, кој стана негов продуцент кон крајот на 1980-тите, модернизирајќи го имиџот на татко му.

ФОТО: Славниот пејач има милиони, а син му е бездомник

Ивана Ефремовски — Wed, 17 Jan 2018 15:33:04 +0000

Синот на легендарниот Том Џонс едвај преживува и спие во прифатилиште за бездомници. Момчето официјално никогаш не било признаено од славниот татко и покрај позитивната ДНК анализа. 29- годишниот музичар Џонатан Беркери, иако е биолошки син на Том Џонс никогаш не го запознал лично својот татко. Тој живее во прифатилиште за бездомници во Њу Џерси во просторија што ја дели со 30 мажи. Затоа, неговиот татко пред извесно време ја продаде луксузната вила во Лос Анџелес за неколку милиони долари. Џонатан е роден во вонбрачна врска на Том Џонс со манекенката Катрин Беркери. Тој не го сакал детето, но Катрин повела судски спор за докажување на татковство. Том Џонс со својата сопруга има син Марк. За Џонатан рекол дека не го планирал и затоа нема зошто да го прифати или да му помогне. Некогаш бил член на бој бенд, а пред три години го досегнал дното кога почнал да живее во автомобил во Мајами. Полицијата го уапсила поради поседување дрога и неколку дена минал во затвор. Џонатан отишол на одвикнуавње за да ги отфрли сите обвинувања против него. Помислил дека пејачот и неговито син, менаџерот Марк Вудворд (60), полубрат на Џонатан, ќе сакаат да разговараат со него после смртта на Мелинда Тренчард, сопругата на Том Џонс, во април 2016-та година. -На Марко му испратив порака преку неговиот асистент и побарав помош за да се сретнам со нашиот татко. Не сакам подоцна да зажалам што не се јавував и разговарав со него за се, раскажал Беркери. Додал и дека сеуште има близок однос со мајка му и дека ова не е обид преку татко му да стане славен.

том џонс – Kurir.mk

Популарниот пејач не може да се помири со смртта на сопругата

ФОТО: Славниот пејач има милиони, а син му е бездомник