том и џери – Kurir.mk

Тие не се Том и Џери, откриено кои се вистинските имиња на популарните цртани ликови

Ивона Петрова — Sun, 05 Dec 2021 10:44:21 +0000

Цртаниот филм „Том и Џери“ е создаден во 1940 година. Од таа година до 1958, компанијата МГМ произвела 114 цртани филмови со овие ликови. Во меѓувреме, овој цртан филм имаше поголем број телевизиски реинкарнации. И покрај тоа што се светски популарни, јунаците од цртаниот филм имаат други имиња. Ретко кој знае дека Том и Џери не се вистинските имиња на овие анимирани ликови. Во новата видео игра МултиВерсус пишува дека полното име на Том е „Томас Џаспер Мачор постариот“, додека Џери се вика „Џералд Џинкс Гушецот“. Том и Џери се само нивни прекари. Според наводите на сајтот CNET, кога цртанот „Том и Џери“ првпат дебитирал на телевизија пред повеќе од 80 години, главните ликови се викале Џаспер и Џинкс.

НА ДЕНЕШЕН ДЕН: Почина аниматорот на „Том и Џери“

Ивона Петрова — Tue, 20 Apr 2021 05:33:07 +0000

На 95-годишна возраст, минатата година, почина легендарниот аниматор и режисерот на цртаните филмови „Том и Џери“ и „Попај“, Џин Дајч. Многу генерации деца израснаа со јунаците од овие цртани филмови, а честопати од нивните мајки беа поттикнувани да јадат спанаќ „за да бидат силни како Попај“. Легендарниот аниматор Дајч, покрај Попај, исто така е режисер и на 13 епизоди на цртаниот филм „Том и Џери“, кој и денес е омилен цртан филм на децата.

Почина еден од креаторите на „Том и Џери“ и „Попај морнарот“

Дарко Андоновски — Mon, 20 Apr 2020 15:46:32 +0000

Во Прага денеска почина Јуџин Мерил „Џин“ Дејч, американски уметник карикатурист и режисер познат по развојот на ликовите од цртаните филмови „Попај морнарот“ и „Том и Џери“, соопшти денеска Холивуд рипортер. Дејч работел и на такви анимирани филмови како „Хобит“, „Алиса во Париз“, „Силвестер и волшебниот кристал“ и „Блуфонци“. Тој во Чешка живеел од 1959 година откако таму се оженил, и практично работел на американски анимирани филмови наоѓајќи се зад „железната завеса“, кога земјата беше позната како Чехословачка. Дејч во 2003 година добил награда „Ени“ за живетон влог во уметноста на анимираните филмови.

СРЕЌЕН РОДЕНДЕН: Том и Џери слават 80 години

Катерина Бојаџиева — Mon, 10 Feb 2020 08:44:13 +0000

Популарните цртани јунаци, мачорот Том и глувчето Џери, неделава прославуваат 80 години постоење. Приказната за мачорот и глушецот кои живеат во иста куќа и постојано се надмудруваат, проткаена со урнебесни ситуации, е измислена во одделението за анимација на филмската продукциска куќа МГМ. Авторите Бил Хана и Џо Барбера имале за цел да го достигнат успехот на Волт Дизни. Првата епизода е објавена 1940 година, при што мачорот на почетоот се викал Џаспер, а глувчето – Џинкс. Постигна огромен успех, па дури и му донесе номинација за Оскар за најдобар кус анимиран филм на студиото. Кратко потоа Џаспер и Џинкс биле преименувани во Том и Џери. Околу тоа дали тие ќе зборуваат, авторите го зеле предвид успехот на немите филмови со Чарли Чаплин, па знаеле оти ликовите можат да бидат забавни и без дијалог. Музиката за цртаниот филм ја компонирал Скот Бредли, а прочуениот човечки врисок на Том го овековечил лично Хана. Првите 20 години, Хана и Барбера произвеле над 100 кратки цртани филмови и секој чинел во просек по 50.000 долари. Цртанките се појавија и во неколку играни филмови – Џери се дружеше со Џин Кели во „Подигнете ги сидрата” од 1945 година, а потоа двајцата со Том се појави покрај Естер Вилијамс „Опасно е кога е влажно” (1957). Откако МГМ го затвори студиото за цртани филмови 1957 година, Хана и Барбера покренаа своја продукциска команија. По неколку години МГМ одлучи да ги оживее Томи и Џери, но без оригиналните автори. Продукцијата потоа е преместена во Прага, Чешка, поради помали трошоци. Пред неколку години, египетските власти се обидоа да го обвинат цртаниот филм за растот на насилство на Блискиот Исток, а пак иранските власти во една прилика ги споредија односите на земјата со САД со оние на Том и Џери. Бил Хана почина во 2001 година, а Џо Барбера во 2006 година. Правата за прикажување на цртаните филмови „Том и Џери“ денес ги поседува компанијата Ворнер Брос. Се планира и нов филм пред католичкиот Божик оваа 2020 година.

Откриена мистеријата: Вака изгледа познатата „мама две чевли“ од Том и Џери (ФОТО)

Катерина Бојаџиева — Mon, 05 Aug 2019 19:29:12 +0000

Том и Џери е еден од најпознатите цртани филмови во историјата. Првата епизода е емитувана во 1940 година. Покрај мачката и глушецот, во цртаниот се појавува уште еден лик, но не целосно. Наскоро овој лик беше наречен „Мама“, односно „Мама две чевли“. Инаку, „мама две чевли“ е жена од афроамеричко потекло во чиј дом живее мачорот Том, а таа го храни и чува, но понекогаш и го брка. Анимираниот лик на мама никогаш не беше прикажан, но затоа знаеме кој го позајми нејзиниот глас. Тоа е Лилијан Рандолф, американска актерка и пејачка која беше активна на телевизија уште од 1930-тите до последниот ден од нејзиниот живот.