том круз – Kurir.mk

Том Круз наводно веќе не е дел од скиентолошката заедница

Катерина Бојаџиева — Mon, 21 Aug 2023 09:33:23 +0000

И покрај тоа што е познат како „златното момче“ на скиентологијата веќе со десетлетија, наводно, Том Круз престанал да го посетува седиштето на британската заедница, и покрај тоа што престојува во Велика Британија околу три години додека ги снима своите најнови филмови. Тоа повторно ги поттикна гласините дека ѕвездата од „Топ ган“ и „Невозможна мисија“ веќе не е дел од скиентолошката заедница. Ова не е првпат да се говори за „оддалечувањето“ на Круз од скиентологијата. Гласините почнаа во 2021 година, кога американските медиуми пишуваа дека Круз има „религиозна криза“, наводно обидувајќи се „да се ребрендира“ како „филмска мегаѕвезда“, наместо „г-н скиентологија“. Круз сѐ уште не ги коментирал овие наводи. Глумецот е поврзан со верската заедница наречена скиентологија (сајентологија) скоро 40 години, откако неговата прва сопруга Мими Роџерс го запознала со тоа учење, пишува „чит шит“ (Cheat Sheet). Се пишуваше и дека тој наводно се обидел да привлече повеќе ѕвезди од светската сцена, поради што се распаднале повеќе бракови и врски, па дури и дека наводно таа црква му наоѓала нови партнерки на Круз.

Невозможна мисија: Том Круз дрифта со една рака на воланот

Ристе Здравков — Sat, 17 Jun 2023 09:44:44 +0000

Во последниот дел од популарната филмска франшиза, главната улога сè уште ја игра Том Круз како Итан Хант, придружуван од Хејли Атвел. Двајцата се врзани со лисици и бегаат од негативците, користејќи сѐ што е достапно, вклучително и BMW 5 серија.

Том Круз полудел по Шакира: Постојано и испраќа цвеќе, детали за новата холивудска романса

Ивона Петрова — Wed, 10 May 2023 13:39:04 +0000

Тема број еден во пишувањата на светските медиумите се пејачката Шакира и холивудскиот актер Том Круз, кои заедно се појавија на Формула 1 трката во Мајами. -Така е, на Том Круз многу му се допаѓа Шакира!, ова за „Page Six“ го потврди извор близок до актерот. Шакира и Круз предизвикаа големо внимание на нивната средба во Мајами, на Формула 1 трката минатиот викенд. Поточно, изворот рекол дека Том е „романтично заинтересиран“ за Шакира. Двојката бил неразделна додека ги обиколувала болидите пред почетокот на трката, а разговорот го продолжиле во ВИП-ложата. Колумбијката, која моментално живее на Флорида, раскина минатото лето со фудбалската ѕвезда Жерар Пике, со кој ги има синовите Саша и Милан. Главната причина беше неговото неверство и врската со Клара Чиа Марти.

Shakira and Tom Cruise spotted together at the Miami Grand Prix. pic.twitter.com/3s3exDPAVc
— Buzzing Pop (@BuzzingPop) May 7, 2023

Сама ја чува ќерката која ја доби со Том Круз: Еве како денес изгледа прекрасната Кејти Холмс (ФОТО)

Ивана Ефремовски — Thu, 13 Apr 2023 15:42:28 +0000

Актерката Кејти Холмс проговори за својата ќерка Сури во ретко интервју за магазинот Glamour. Кејти има дете со Том Круз, а по нејзиното раѓање тие беа постојано под лупа на медиумите. Сури е родена во 2006 година, а Холмс веќе беше светски позната по улогата во серијата Dawson's Creek, во која глумеше до 2003 година. „Кога го правевме Досон Крик и беше толку успешен, се сеќавам дека сакав да пораснам како актерка. Сакав да учам од другите луѓе“, рече Кејти. Таа се омажила за Круз во 2006 година. Тогаш тој беше голема ѕвезда, пред сѐ поради Топ Ган. Медиумите ја прогонуваа Кејти во текот на нејзиниот брак со актерот, кој траеше до 2012 година. Фотографии од нивната ќерка се објавуваа речиси секојдневно. Актерката, која сега е самохрана мајка, вели дека сакала да го заштити своето дете, па направила мала пауза од кариерата. До 2011 година играла само епизодни улоги и се појавувала во серии како „Како ја запознав мајка ти“. Но, во текот на своето растење, Сури беше на удар на папараците. "Таа беше толку млада и толку многу во медиумите. Ми беше важно да ја заштитам. Многу сум благодарна што сум нејзина мајка. Таа е неверојатна личност", рекла Кејти. Сури сега има 16 години и работи со нејзината мајка на филмови. Нејзиниот глас може да се слушне на саундтракот за филмот „Ретки предмети“, во режија на Кејти. "Се надевам дека таа секогаш ќе прави нешто на моите филмови. Секогаш ја прашувам. Тоа многу ми значи", вели Кејти.

Причината е чудна, “раната“ стара 20 години: Познато е зошто Том Круз не се појави на Оскарите

Ивана Ефремовски — Tue, 14 Mar 2023 18:08:09 +0000

Том Круз одлучил да ги прескокне овогодинешните Оскари за да избегне непријатна средба со поранешната сопруга Никол Кидман, иако поминаа повеќе од 20 години од нивниот болен развод, пишуваат британските таблоиди. Фактот што неговиот филм „Top Gun: Maverick“ беше номиниран во шест категории, вклучувајќи ја и најпосакуваната, за најдобар филм, не беше поттик за Круз да дојде. Имено, Круз и Кидман раскинале во 2001 година, наводно затоа што актерката не сакала да му се придружи во Скиентолошката црква. „Том не беше на доделување на наградите бидејќи Никол беше таму и не сакаше да се судри со неа“, изјавил неименуван извор за Дејли Меил. Од друга страна, блиски до Круз тврдат дека неговото отсуство не било од „лична природа“, туку едноставно не се вклопувало во неговиот распоред, но не одговориле конкретно на тврдењето дека се е поврзано со присуството на Кидман. Инаку, 60-годишниот Круз и неговата поранешна сопруга со години не се видени на исти настани. 55-годишната Кидман на доделувањето пристигна во придружба на нејзиниот сопруг Кит Урбан, а нејзиното бизарно и малку пресреќно однесување на црвениот тепих не можеше да помине незабележано, но не се појави на свечениот ручек кој традиционално им претходи на Оскарите.

Режисерот Стивен Спилберг откри кој актер ја спасил целата филмска индустрија од пропаст: „Направи пресврт…“

Ристе Здравков — Fri, 17 Feb 2023 10:05:33 +0000

Славниот режисер Стивен Спилберг го пофали Том Круз и неговиот филм „Top Gun: Maverick“ којшто го лансираше на листата најплатени актери на светот. Режисерот и актерот се сретнале на свечен ручек за номинираните за Оскари 2023 година, а видеото од нивниот разговор станало вирално на социјалната мрежа Твитер. Импресиониран од успехот на филмот, Спилберг откако се прегрнал со актерот, му рекол: „Направи пресврт... Му го спаси задникот на Холивуд“. Круз на тоа скромно кимнал со главата, а Спилберг продолжил: „Сериозно, Maverick можеби ја спаси целата филмска индустрија“. Да ве потсетиме, новиот „Top Gun 12“ е најуспешниот филм на сите времиња и заработи 1.48 милијарди долари на светските благајни и воедно е најуспешниот филм на актерот Круз. Инаку, Спилберг и Круз во минатото соработувале на филмови, вклучувајќи го и „Minority Report“ од 2002 година. Според бројните наводи актерот и режисерот влегле во кавга на снимањето на филмот „War of the Worlds“. Причина за кавгите биле маркетинг кампањата за филмот и бизарното однесување на Круз кај Опра кое на режисерот не му се допаднало. Потоа повеќе никогаш не соработувале на ниту еден проект, но се чини дека сега работите меѓу нив се многу подобри од претходно.

Том Круз е најплатен актер: Еве колку заработува за само ЕДЕН изговорен ЗБОР

Ивана Ефремовски — Tue, 31 Jan 2023 12:10:35 +0000

Холивудскиот актер Том Круз го крена светот на нозе со улогата во филмот „Топ Ган“, а потоа и со „Невозможна мисија“. Круз најчесто можеме да го видиме во акциони филмови, а како што пренесува веб-страницата Casumo, се проценува дека Круз заработува 7.091 долар по изговорен ЗБОР, односно 205.639 долари за 10 секунди дијалог. На второто и третото место на оваа листа се Курт Расел со 5.682 по збор и Џони Деп со 4.877 долари по изговорен збор. Кај жените, Камерон Дијаз, сега пензионирана, води со 4.637 долари по изговорен збор, пред сѐ, благодарение на филмот „Лоша учителка“. Она што е интересно е што тука не е вклучен филмот „Топ ган: Маверик“, па се верува дека Том Круз отишол уште понапред од колегите по заработка, пренесува „Н1“.

Том Круз скокна со мотор од карпа

Ивана Ефремовски — Wed, 21 Dec 2022 11:10:42 +0000

Том Круз одлучи да прифати нова опасна „мисија“ на снимањето на новото продолжение на „Невозможна мисија“, наречено „Mission: Impossible – Dead Reckoning Part One“. Имено, акционата ѕвезда објави ново видео на коешто тој и неговиот тим се подготвуваат за новиот опсен филмски трик, каде што глумецот-каскадер со мотор скока од карпа, а потоа отвора падобран. -Ова е убедливо најопасното нешто што сме го пробале!, изјави Круз за сцената. Инаку, двата претстојни филма со поднаслов „Мртва проценка“ (Dead Reckoning) се седмиот и осмиот дел од овој шпионски трилер-серијал, во којшто Том Круз го глуми Итан Хант – специјален агент на „невозможна мисија“. Покрај Круз, своите ги продолжуваат и Винг Рејмс, Сајмон Пег, Ребека Фергусон, Хенри Серни, Ванеса Кирби и Фредерик Шмит. Во другите улоги се појавуваат и Хејли Атвел, Кери Елвис, Роб Дилејни, Индира Варма и други. Кристофер Мекквари ги потпиша сценаријата и ќе ги режира и „Мртва проценка, 1. дел“ што своето прикажување ќе го има од 14 јули 2023, и „Мртва проценка, 2. дел“ чијашто премиера е првично закажана за наредната, 2024 година. (МИА)

Том Круз ќе сними филм во вселената, ќе биде првиот цивил којшто прошетал надвор од вселенската станица

Ристе Здравков — Mon, 10 Oct 2022 11:06:36 +0000

Баш кога сте помислиле дека Том Круз го постигна својот најголем можен кинематографски триумф - продолжението на „Top Gun“, ѕвездата на блокбастерот има нова идеја. Том Круз ќе снима филм во вселената! Круз се здружил со режисерот Даг Лиман на филмската претстава која вклучува снимање во вселената, а која првпат била претставена во 2020 година пред пандемијата на Ковид-19 да го земе својот замав. Се зборува дека Круз и Лиман го контактирале „Universal Filmed Entertainment Group“ (UFEG) околу идејата според која актерот ќе полета со ракета до Меѓународната вселенска станица. „Мислам дека Том Круз нè води во вселената, тој го води светот во вселената. Тоа е планот. Имаме прекрасен проект во развој со Том... Летот со ракета до вселенската станица и снимање“, изјавила претседателката на IFRG, Дона Лангли за „BBC News“. Ленгли открила дека поголем дел од филмот ќе се сними на Земјата, а ќе кулминира со заминување на ликот во вселената за да го спаси денот, додавајќи дека Круз ќе стане првиот цивил којшто ќе прошета во вселената надвор од вселенската станица.

Том Круз ќе снима филм во Земјината Орбита

Ивана Ефремовски — Mon, 10 Oct 2022 10:27:31 +0000

Откако безброј пати ги испроба личните можности со акробациите на Земјата, Том Круз наскоро оди во орбитата и би можел да стане првиот цивил што ќе искуси вселенско излегување. Се снима нов филм со режисерот Даг Лиман, што вклучува и патување во Вселената Тоа го потврди и претседателката на одборот директори на студиото „Јуниверзал“, Дона Ленгли, откривајќи подробности за Би-би-си. -Круз и Лиман, кои соработуваа на филмот „На работ на времето“, смислија и ново дело за време на пандемијата. Том Круз нѐ води во Вселената. Целиот свет ќе го носи таму. Тоа е планот. Имаме одличен проект со Том, кој размислува да оди на Меѓународната вселенска станица. Тој треба да стане првиот цивил кој ќе оди на „вселенско излегување“ вон МВС. Ќе глуми лик кој е „предаден од среќата“, но се наоѓа во можност да биде единствената личност што може да го спаси светот, изјави Ленгли. Филмот е во фаза на подготвување, а снимањето сѐ уште не е почнато. Том Круз, инаку, беше наратор на кусиот документарен филм „Вселенска станица 3-Д“ од 2002 година. Доколку отпатува, тој сепак нема да биде првиот глумец на задача на МВС, бидејќи лани таму се снимаше рускиот филм „Предизвик“ што своето прикажување ќе го има во април 2023 година, па глумицата Јулија Перезилд и режисерот Клим Шипенко веќе минаа 12 дена со астронаутите. (МИА)