Тома Фила ја открива судбината на Коста Кецмановиќ: Во овој случај тој ќе си оди дома!

Ристе Здравков — Thu, 13 Jul 2023 09:50:21 +0000

Коста Кецмановиќ, 14-годишното момче кое на 3 мај годинава уби деветмина свои врсници и чуварот на основното училиште „Владислав Рибникар“ во Врачар се уште е на специјалното одделение на Клиниката за неврологија и психијатрија за деца. Неговиот татко е во притвор, а на мајка му и е забрането да ја напушти Србија. Познатиот адвокат Тома Фила зборува за тоа каква судбина го чека момчето осомничено за масакрот. – На осомниченото момче му е извршено вештачење. Ќе биде детално и доколку лекарскиот тим утврди дека е ментално болен, остатокот од животот ќе го помине во лудница. Од друга страна, ако се утврди дека нема нарушувања, тој си оди дома – тврди Фила. Познатиот адвокат се осврна и на неговите родители. – Не знам многу факти за неговиот татко за да го предвидам исходот. Се зависи од обвинителството и за што ќе биде обвинет и како тоа ќе се докаже. Што се однесува до мајката, не гледам каков ќе биде резултатот од органот за старателство. Имаше ли злоупотреба на деца – вели Фила по повеќе од два месеци од трагедијата. Момчето кое го изврши масакрот сè уште немало 14 години во моментот на делото и не е кривично одговорно според српскиот Кривичен законик. Поминаа повеќе од два месеци од масакрот, каков што Србија не памети, а во врска со случајот се случија неколку работи – на родителите на момчето им беше привремено забрането да управуваат со имотот, а на 30 јуни притворот на таткото беше продолжен за уште 30 дена. Кога станува збор за забраната за управување со имот, сите оштетени семејства поднеле имотно-правно барање против таткото на момчето во рамки на кривична постапка, додека едно лице тоа го сторило против мајката, но во граѓанска постапка.

Тома Фила: Не постои суд пред кој Курти би можел Србија да ја тужи за геноцид

Ивона Петрова — Tue, 04 Feb 2020 12:08:29 +0000

Познатиот белградски адвокат Томa Фила изјави денеска дека не постои суд во кој косовскиот премиер Албин Курти би можел да ја тужи Србија за наводен геноцид. Како што јави дописникот на МИА од Белград, Фила оцени дека тужба пред Меѓународниот суд на правдата може да поднесе држава која е во ОН, додека Специјалниот суд за воени злосторства е наменет за судење на поединци, а не на држави. Тој потсети дека Косово, според Резолуцијата 1244 на Советот за безбедност на ОН, е територија, а не е држава. Фила за РТС изјави дека Курти ставовите за тужба против Србија ги упатува кон оние кои ја имаат преминато границата на национализмот. -Јас сум националист, ја сакам Србија, но не сум шовинист, не сакам на другите да им биде лошо. Тој (Курти), играјќи се со ова, ќе направи проблем и за својот народ и за Србите во Косово, додаде Фила. Вчера, новиот косовски премиер, Албин Курти, во експозето најави задолжителната воена служба и зголемени инвестиции во војската, како и усвојувањето на „закони за воени злосторства, геноцид и агресија на Србија“.

тома фила – Kurir.mk

Тома Фила ја открива судбината на Коста Кецмановиќ: Во овој случај тој ќе си оди дома!

Тома Фила: Не постои суд пред кој Курти би можел Србија да ја тужи за геноцид