томас милер – Kurir.mk

Томас Милер не крие за кого навива на натпреварот помеѓу Манчестер Сити и Реал Мадрид

Ристе Здравков — Mon, 15 May 2023 13:06:48 +0000

Асот на Баерн Минхен, Томас Милер го избра својот фаворит во полуфиналето на Лигата на шампионите и се надева дека ќе освои уште еден трофеј. Манчестер Сити ќе го пречека Реал Мадрид во реванш полуфиналето од Лигата на шампионите на стадионот „Етихад“ во среда навечер. На првиот натпревар кој се одигра минатиот вторник беше 1:1 во Мадрид. Многу луѓе им даваа подобри шанси на тимот на Пеп Гвардиола пред двомечот, но сепак е јасно дека Реал е едноставно Реал и дека никој никогаш не треба да го отпише. Зборувајќи за медиумите по победата на Баерн во Бундеслигата со 6-0 над Шалке овој викенд, Милер рече дека го поддржува Реал Мадрид и се надева дека кралскиот клуб ќе стигне до финалето на Лигата на шампионите и на крајот ќе биде европски шампион. “Лично, јас сум повеќе со Реал. Тоа е и поради Давид Алаба. Што се однесува до фудбалот, мислам дека и двете екипи се одлични и играат атрактивен и убав фудбал. Во среда ќе биде врвен натпревар, а јас би претпочитаат Реал да помине“, рече Милер, според Кикер. Милер испадна од Манчестер Сити во четврт-финалето на Лигата на шампионите со Баерн, а германскиот претставник се надева дека ќе ја освои Бундеслигата.

Милер: Баерн може да го елиминира Манчестер Сити

Бошко Тасиќ — Wed, 19 Apr 2023 05:03:50 +0000

Искусниот фудбалер на Баерн Минхен, Томас Милер верува дека неговиот тим и натаму има шанси да го елиминира Манчестер Сити во 1/4 финалето во Лигата на шампионите. Сити има 3-0 после првиот натпревар, а реваншот е во среда во 21 часот, со што Баерн ќе мора да триумфира со три разлика, ако сака да го продолжи сонот за 1/2 финале. Милер кажа дека неговиот тим за таа цел ќе мора да постигне еден гол во првиот дел. „Верувам дека имаме шанси да се пласираме во полуфиналето во Лигата на шампионите. Мораме добро да го почнеме натпреварот, можеби да постигнеме барем еден гол во првиот дел. Не мораме после првите 10 минути да водиме 3-0, но мораме да дадеме барем еден гол во првиот дел. Ако потоа постигнеме уште еден до 80. минута, а не примиме ниту еден, ќе имаме уште 15 минути. Верувам дека се е можно“, рече Милер.

Милер го „пецна“ Меси: Работите секогаш одат на добро кога играме против Меси

Ристе Здравков — Thu, 09 Mar 2023 09:46:27 +0000

Томас Милер во минатото има изјавено дека му дава предност на Кристијано Роналдо во споредбите со Лионел Меси поради тоа што го има победено Аргентинецот во многу наврати, а откако ја подобри својата статистика и на вчерашниот меч во Минхен, капитенот на баварците одново ја начнал оваа тема по поставено новинарско прашање. Милер беше избран за играч на мечот од страна на УЕФА во победата која ја оствари Баерн со резултат 2:0, а новата победа која тој и неговиот Баерн ја остварија над Аргентинецот, донесоа и зајадлива изјава. – Против Меси, работите секогаш оделе на добро за нас кога се во прашање резултатите. На клупски план, Кристијано Роналдо секогаш беше наш поголем проблем кога тој беше дел од Реал Мадрид. Како и да е, јас имам максимален респект за она што го направи Меси на Светското првенство, – изјавил Милер во микс-зоната по мечот. Германецот проговорил и за тимската хемија која недостасува во ПСЖ, а која според него многу потешко се создава со толку многу ѕвезди во составот. – Индивидуалните перформанси кои ги покажа Меси на Светското првенство беа неверојатни, тој сам го водеше цел тим. Сепак, не е лесно да играте во тим како ПСЖ. Во тим со толку добри играчи, тешко е да направите потребен баланс, – додал Германецот.

Милер: И понатаму сум му на располагање на селекторот

Бошко Тасиќ — Tue, 10 Jan 2023 05:57:23 +0000

Фудбалерот на Баерн Минхен, Томас Милер најави репрезентативна пензија по неуспехот на СП во Катар, но денеска изјави дека и понатаму му е на располагање на селекторот за националниот тим. Тој по завршување на настапите на Германија на Мундијалот, Милер најави дека се повлекува, меѓутоа, после месец и половина одлучи дека е рано за повлекување. „Тогаш бев воден од емоции, тоа беше тажен момент. Размислив, разговарав со селекторот.Се додека сум професионален фудбалер, ќе бидам на располагање на репрезентацијата“, изјави Милер. Тој со 33 години беше вториот највозрасен играч во германскиот тим на СП, зад 36-годишниот Мануел Ноер. Германија ќе биде домаќин на ЕП 2024.

Томас Милер: Сè правев од љубов за Германија

Бошко Тасиќ — Fri, 02 Dec 2022 06:12:05 +0000

И покрај победата над Костарика европскиот гигант втор Мундјал по ред го завршува уште во групната фаза. Томас Милер, легедната на „панцирите“ и официјално ја заврши својата импресивна репрезентативна кариера. „Ова беше мојот последен натпревар. Задоволството беше големо. Сè правев од љубов. Имавме неверојатни моменти заедно. На секој натпревар секогаш се трудев да го оставам срцето на терен“, изјави од вечерва поранешниот германски репрезентативец. За сениорскиот тим на Германија дебитираше во 2010 година и оттогаш забележа 121 настап и постигна 44 голови.

Милер за Пике: Отсекогаш бил голем спортист

Магдалена Андонова — Sat, 05 Nov 2022 15:04:39 +0000

Играчот од средниот ред на Баерн, Томас Милер ја коментираше одлуката на дефанзивецот на Барселона, Жерар Пике да се пензионира. – Отсекогаш сте биле силен противник и голем спортист. Шампион и легенда на нашиот спорт. Ти благодарам Џерард, напиша Милер на социјалните мрежи. Пике вчера објави дека овој месец ќе ја напушти Барселона и ќе стави крај на професионалната кариера. (МИА)

Баерн без двајца клучни фудбалери во ЛШ

Бошко Тасиќ — Sun, 02 Oct 2022 06:01:32 +0000

Фудбалерите на Баерн Минхен, Томас Милер и Џошуа Кимих се позитивни на коронавирус поради што ќе го пропуштат натпреварот од третото коло во Лигата на шампионите против Викторија Плзењ што ќе се игра во вторник.

– Џошуа Кимих и Томас Милер, денеска беа позитивни на коронавирус. И двајцата немаат симптои и добро се чувствуваат. Тие се наоѓаат во домашна изолација – соопшти баварскиот тим.

Во Баварија, карантинот престанува по пет дена доколку лицето што било позитивно, во последните 48 часа нема симптоми на коронавирус.

Ограбена куќа на играч на Баерн додека играл против Барселона

Ристе Здравков — Wed, 14 Sep 2022 15:05:08 +0000

Куќата на Томас Милер, фудбалер на Баерн Минхен, е ограбена на натпреварот помеѓу минхенскиот клуб и Барселона во второто коло од Лигата на шампионите. Баерн ја победи Барселона со 2:0, а Германецот ги одигра сите 90 минути за Баерн. Неговата куќа во Отерфинг била ограбена околу 22 часот, пренесува германски „Билд“. „Во вторникот вечерта неколку непознати лица ограбиле куќа во Отерфинг и одзеле пари, накит и вредни предмети чија вкупна вредност се проценува на околу 500.000 евра“, соопшти локалната полиција, но не го идентификуваше сопственикот. Сепак, „Билд“ тврди дека играчот на Баерн бил ограбен, а Милер за грабежот дознал по завршувањето на натпреварот, поради што не дал изјава. Најмалку двајца провалници успеале да побегнат пред да пристигне полицијата и „и покрај опсежните претреси“, засега нема никакви траги до провалниците, соопшти тамошната полиција.

Милер се шегува пред дуелот со Барса: Мане десет дена ме потсетува да не му додавам на Левандовски

Ристе Здравков — Mon, 12 Sep 2022 17:27:12 +0000

Томас Милер повторно ќе се најде на теренот со Роберт Левандовски, но сега нема да го носат истиот дрес, и капитенот на Баерн Минхен вели дека на тренинзи добивал предупредувања да не му ја дава топката на Полјакот во дуелот од Лигата на шампиони против Барселона. „Мане на шега барем десет дена ми кажува да бидам внимателен и да не му ја додадам топката на Левандовски. Мораме да ја играме нашата игра и да не се фокусираме на него премногу. Нашата врска на теренот се развиваше во текот на годините, но сега имаме доста флексибилни играчи во нападот, а не само една фиксирана мета“, вели Милер. Тој признава дека обновената Барселона ќе биде вистински предизвик за германскиот шампион. „Мечевите од Лигата на шампионите секогаш привлекуваат повеќе внимание, како меч на ‘Сан Сиро’ или меч против Барселона. Тоа е дополнителна мотивација и сите го даваат максимумот. Кога ќе се сретнат најдобрите европски тимови, сите се мотивирани. Знаеме дека Барса имаа одличен старт на сезоната со многу голови. Ми се допаѓаат, но ќе одиме утре да ги победиме“, додава Милер.

ФОТО: Што ќе им кажат Пипен и Џордан – Милер на посебен начин се прости од Левандовски

Ристе Здравков — Sun, 17 Jul 2022 08:16:34 +0000

Роберт Левандовски и дефинитивно се сели надвор од Баерн Минхен. Работата околу трансферот е завршена, клубовите се договорија на вредност на трансферот во висина од 50 милиони евра, на крајот Баерн Минхен ги доби бараните милиони. Полскиот интернационалец кариерата ја продолжува во дресот на Барселона, а на заминување, неговиот доскорашен тимски колега Томас Милер, од Левандовски се прости на оригинален начин. Тој сподели фотографија на играчи од Чикаго Булс од 1997 година, на која ги има Пипен и Џордан. Милер очигледно дека себеси се смета за Пипен, додека неговиот колега Левандовски за Мајкл Џордан.