Томас Тухел – Kurir.mk

Повредата на Де Лихт го натера Тухел да ангажира проверен фудбалер ?

Бошко Тасиќ — Fri, 03 Nov 2023 05:00:03 +0000

Продолжува драмата околу враќањето на ветеранот Жером Боатенг во редовите на Баерн Минхен. Иако првично беше објавено дека искусниот дефанзивец нема да добие договор од баварскиот гигант, сепак, тренерот Тухел размислува за оваа опција, особено по повредата што ја заработи стоперот Матијс Де Лихт. Боатенг остана без клуб откако му истече договорот со Лион и веќе два месеца тренира со вториот тим на Баерн, но сега конечно може и да се врати во клубот каде мина успешни и трофејни десет години. Германскиот шампион доживеа сензационална елиминација од ДФБ

Тухел разочаран по елиминацијата од Сарбрикен

Дарко Андоновски — Thu, 02 Nov 2023 10:28:22 +0000

Тренерот на Баерн Минхен, Томас Тухел, изрази разочарување по елиминацијата од 1/16финалето во Купот на Германија. Баварците синоќа загубија на гостувањето кај третолигашот Сарбрикен со 2:1. - Нема разумно објаснување, разочарани сме. Баерн не беше арогантен, не се однесувавме како натпреварот ќе биде лесен. Има или сто објаснувања или нема. Тоа е чудно чувство. Сите што велат дека требаше да победиме овде се во право. Навистина сакавме да го освоиме трофејот во ова натпреварување. Но, сега ни преостанува само да му честитаме на противникот, изјави Тухел. Во Бундеслигата, Баерн со 23 бода е на 2. место по девет одиграни кола. Лидер е Баер Леверкузен со 25 бода.

Тензија меѓу Тухел и раководството на Баерн Минхен

Бошко Тасиќ — Wed, 06 Sep 2023 18:43:46 +0000

Крајот на трансфер летото донесе сериозна тензија меѓу тренерот на Баерн, Томас Тухел, и раководството на баварскиот клуб, пишува „Билд“. Коментарите и постапките на стратегот предизвикаа незадоволство кај дел од членовите на управата на германскиот шампион. Неуспешниот трансфер на Жоао Палиња во последен момент ја зголеми тензијата меѓу двете страни. Раководството на Баерн беше незадоволно и од коментарите на Тухел по победата од 2:1 над Борусија Менхенгладбах дека составот на тимот е мал и ограничен. Во текот на летото, Тухел не криеше дека сака да ангажира дефанзивен играч за врска и покрај верувањето на извршниот директор на Баерн, Јан-Кристијан Дрисен и техничкиот директор Марко Непе дека тимот има само мала потреба од таков тип на играчи. Поради тоа, сега кога е затворен преодниот рок, се создава дополнителна нервоза што Тухел продолжува да притиска за дефанзивен играч за врска.

Томас Тухел јавно го понижи Кимих

Бошко Тасиќ — Fri, 04 Aug 2023 03:54:40 +0000

Проблемот настана бидејќи Тухел директно му посочи на Кимих дека не е доволно добар и дека му треба подобар фудбалер на неговата позиција. Тухел изјави дека му треба „нова шестка“, што би значело вистински последен играч за врска, додавајќи дека Кимих не може да игра на таа позиција. Во изјава за германски медиуми Кимих беше запрашан токму за оваа тема по што накратко одговори и веднаш си замина „Јас сум шестка“. Кимих добар дел од кариерата мина на десната бековска позиција, пред да биде префрлен во средниот ред. Научи многу работејќи со Пеп Гвардиола и беше еден од неговите миленици, а претходните години главно играше како играч од средниот ред.

Баерн го победи Јунајтед: Тухел добива нов стопер за 50 милиони евра!

Ристе Здравков — Thu, 29 Jun 2023 09:06:55 +0000

На стартот на месец јуни, Манчестер Јунајтед беше во пол-позиција за ангажман на Ким Мин-Јае од Наполи и добар дел од англиските медиуми пренесуваа дека ќе слета на „Олд Трафорд“ по крајот на задолжителниот воен рок кој го отслужува, но наместо на театарот на соништата, Кореецот сега ќе биде претставен на „Алијанц арена“. Ова утро сите водечки новинари и медиуми од Германија пренесуваат дека Баерн дефинитивно постигнал договор со фудбалерот и решил да ја исплати откупната клаузула, според која 50 милиони евра ќе заминат во касата на Наполи. Иако Јунајтед имал последна намера да ја подобри понудата на Баерн, „ѓаволите“ задоцниле во дадениот случај бидејќи стоперот веќе договорил се со Баерн, а медиумите од Германија веќе откриваат и кога ќе биде промовиран на Забенер Штрасе. Ким го служи воениот рок до 3-ти јули, по што се очекува со авион да пристигне во Минхен и на почетокот на следниот месец да биде претставен како ново големо засилување за новата натпреварувачка сезона. Томас Тухел веќе ги доби Рафаел Гереиро и Конрад Лајмер, но многу брзо ќе смета и на Ким кој беше најдобар стопер во Серија А во сезоната која заврши. Кореецот ќе пристигне во Баерн како директна замена за Лукас Ернандес, кој е на пат кон ПСЖ и за кого баварците исто така очекуваат да инкасираат 50 милиони евра.

Тухел ќе ги брка Мане, Сане, Гнабри, Павар, Сар и Сабицер

Бошко Тасиќ — Thu, 08 Jun 2023 05:05:31 +0000

Баерн Минхен оваа лето реши да направи голем број на промени во тимот. Тренерот Томас Тухел го воведува својот систем на работа, што значи продажба на неколку големи ѕвезди. Листата на заминувања ја предводи Сенегалецот Садио Мане. По само една сезона во Минхен, 31-годишниот фудбалер доби отказ и Тухел не смета на неговите услуги, иако Мане сака да остане. Меѓу оние кои можат да заминат се Лирој Сане и Серж Гнабри. Нивното влијание врз играта во претходните години беше огромно, но Тухел има други планови и не му требаат нивните услуги. Отпишан е и десниот бек Боуна Сар. Тој одамна не е во плановите на клубот и е веројатно најголемиот неуспех на Хасан Салихамиџиќ за време на неговиот престој во клубот, а излезната врата му беше покажана и на голманот Александар Нибело. Тој не сакаше да биде број два во клубот. Тоа јасно го истакна претходната година кога одби да биде замена за Мануел Ноер, па беше позајмен во Монако. Сега конечно може да замине. Марсел Сабицер немаше голема доверба од поранешниот тренер Џулијан Нагелсман. Затоа замина на позајмица во Манчестер Јунајтед, но нема да има место ниту кај Тухел, а може да бара нов клуб. Списокот го завршува францускиот дефанзивец Бенжамин Павар. Тој со месеци сака да го напушти клубот и конечно може да му се оствари желбата. Барселона и Манчестер Сити се на списокот на екипи кои го посакуваат и ќе биде интересно да се види каде ќе заврши сигурниот дефанзивец.

Тухел останува во Баерн

Ивона Петрова — Mon, 29 May 2023 20:03:17 +0000

Германскиот стратег Томас Тухел и следната сезона ќе биде тренер на минхенски Баерн, потврди претседателот на баварскиот гигант Херберт Хајнер, по освојувањето на 11 последователна шампионска титула. „Тухел апсолутно нè увери. Тој е еден од најдобрите тренери во Европа, го покажа тоа на разни нивоа“, објасни Хајнер, уверувајќи дека немало „какви и да е размислувања“ околу продолжување на соработката со Тухел, кој седна на клупата на Баерн на крајот од март. Без функции во Баерн останаа спортскиот директор Хасан Салихамиџиќ и претседателот на Извршниот одбор Оливер Кан, а одлуката за нивното заминување била донесена во четвртокот по средбата меѓу Хајнер и почесниот претседател Ули Хенес. Хајнер додаде дека на средниот состанок закажан за утре во надзорниот одбор на Баерн ќе се врати Карл – Хајнц Румениге, кој му го отстапи место на Кан во летото 2021 година.

Тухел: Баерн не е задоволен ниту од играта ниту од резултатите

Тале Кристо — Sat, 27 May 2023 11:28:22 +0000

Тренерот на Баерн Минхен, Томас Тухел изрази незадоволство од играта и резултатите на Баварците“. - Не сме задоволни со резултатите. Наша задача е да играме подоминантен фудбал, побрзо и послободно, побеспрекорно. Во моментов не сме во можност да го сториме тоа. Не сме задоволни ниту од резултатите, ниту од начинот на кој играме. Нема да престанеме да работиме на подобрување, изјави тренерот на Баерн. Пред последното коло од шампионатот, Баерн е на второто место со два бода помалку од Борусија Дортмунд.

Томас Тухел останува дефинитивно и наредната сезона во Баерн Минхен

Бошко Тасиќ — Sun, 23 Apr 2023 15:06:18 +0000

Хаосот што го предизвикаа првите луѓе на Баерн Минхен, спортскиот директор Хасан Салихамиџиќ и извршниот претседател Оливер Кан, со отпуштањето на тренерот Јулијан Нагелсман и носењето на Томас Тухел, планираат да го средат така што не го обрвзаа новиот стратег да ја освои титулата во Бундеслигата. Баерн досега е елиминиран од Сити во ЛШ, елиминиран е и од Купот на Германија, а со вчерашниот пораз од Мајнц, ја загуби и лидерската позиција на табелата во Бундеслигата. На пет кола пред крајот на сезоната, Баерн Минхен има 59 бода, еден помалку од Борусија Дортмунд. Денеска управата на Баерн предводена од Кан и Салихамиџиќ донесе одлука Томас Тухел да остане тренер на екипата и следната сезона. Според новинарот Фабрицио Романо, на Тухел ќе му биде дозволено во летниот преоден рок да донесе засилувања по негов вкус, а и да се ослободи од прекубројните играчи.

Tухел: Бевме подобри, ни недостасуваше среќа

Ристе Здравков — Thu, 20 Apr 2023 08:01:43 +0000

Стратегот на Баерн Минхен, Томас Тухел очекувано беше разочаран по ремито 1:1 против Манчестер Сити и елиминацијата на неговиот тим од Лигата на шампионите. Иако вкупниот резултат од двата натпревари е 4:1, Тухел смета дека на Баварците им недостасувало среќа, а резултатот не бил реален. „Го надигравме Сити повторно, бевме подобри отколку во Манчестр, но како и во минатиот натпревар ни недостасуваше среќа за работите да бидат во наша корист. Задоволенд сум од настапот на моите фудбалери. Игравме против тимот кој е во најдобра форма во Европа и бевме на исто ниво, сепак сезоната сега продолжува и ќе се фокусираме на Бундеслигата“, изјави Тухел.