томаш саторански – Kurir.mk

Евробаскет 2022: Саторански постави нов рекорд според бројот на асистенции

Ивана Ефремовски — Mon, 12 Sep 2022 16:24:07 +0000

Чешкиот репрезентативец Томаш Саторански на осминафиналниот дуел од Евробаскетот 2022 против Грција постави нов рекорд според бројот на асистенции на натпревар на европските првенства. Покрај трите поени и осум скокови Саторански на натпреварот против Грција запиша дури 17 асистенции и го собори рекордот кој и досега беше во негова сопственост. Претходниот рекорд беше стар седум години, кога Саторански на натпревар на Евробаскетот 2015 оствари 15 асистенции. Од 2016 година чешкиот кошаркарски репрезентативец настапуваше во НБА лигата за Вашингтон, Чикаго, Њу Орлеанс и Сан Антонио, а оваа година се врати во Европа во дресот на Барселона. (МИА)

Проблеми за Чешка пред ЕП, Саторански се повреди

Бошко Тасиќ — Sat, 20 Aug 2022 18:09:46 +0000

Новиот кошаркар на Барселона Томаш Саторански се повреди на последниот настап против Германија. Грижа за Чесите, кои ќе бидат дел од претстојното Европско првенство. Не се работи за скршеница на скочниот зглоб, меѓутоа 30-годишникот порано го напушти мечот. Засега нема потврда за сериозноста на повредата, по што ќе се знае дали тој ќе може да помогне на континенталниот собир. Чешката репрезентација ќе игра во Групата Д заедно со Србија, Полска, Финска, Израел и Холандија.

Барселона ќе се засили со уште еден играч од НБА лигата

Бошко Тасиќ — Sat, 30 Apr 2022 14:16:19 +0000

Кошаркарскиот клуб Барселона за наредната сезона ќе се засили со уште еден играч со НБА искуство. Според медиумите Барселона ќе го врати во клубот Чехот, Томаш Сторански. Саторански се афирмираше токму во Барсеона, за која настапуваше од 2014 до 2016 година, а потоа замина во НБА. Тој играше за Вашингтон, Чикаго, Њу Орлеанс и Сан Антонио, на почетокот на оваа сезона се врати во Вашингтон.