томи кепевски – Kurir.mk

„Додека има стотици дечиња на кои им треба помош и нивниот живот зависи од донации, владата распишува тендер за набавка на лубриканти“

Катерина Бојаџиева — Wed, 10 Oct 2018 09:41:38 +0000

Дали премиерот Зоран Заев и министрите од владата користат лубриканти и за што ги користат е нивна работа. Буџетот и парите на граѓаните се и наша работа. Парите на граѓаните макотрпно заработени не смее да се користат за подмачкување на нечие задоволство. Не станува збор за превенција туку за чист хедонизам и подобро уживање кое го препорачува Заев и неговите министри, истакна Томи Кепевски од ВМРО-ДПМНЕ. -Додека има стотици дечиња на кои им е потреба помош и нивниот живот зависи од донации преку СМС пораки и донации на хумани луѓе владата распишува тендер за набавка на лубриканти. Набавка на овие лубриканти е потпишана лично од премиерот Зоран Заев. Планирано е да се потрошат верувале или не 95 милиони денари (или 1,5 милиони евра) пари на граѓаните. Како за споредба минатата година оваа програма се финансирала со 11 милиони денари, рече Кепевски и додаде: „Уште побизарно е објаснувањето на Владата дека лубрикантите се набавени за да се делат заедно со презервативи. Ова е уште еден доказ дека луѓето кои се во оваа зграда не знаат кај тераат. Би сакале од Владата да ни одговорат каква врска имаат лубрикантите со заштитата од ХИВ и како тие ќе спречат ширење на оваа заразна болест? Или обезбедете бесплатно лекување за сите или одете си од власт доколку мислите да ги расфрлате парите на граѓаните за лубриканти. Македонија веќе не може да ве издржи. Џабе лубриканти“.

Укинувањето на евтините летови е на директна штета на младите- СДСМ декларативно се залага за ЕУ, а прават се за да не влеземе

Катерина Бојаџиева — Fri, 17 Aug 2018 10:41:57 +0000

Власта удира по џебот на младите. Укинувањето на евтините летови на Виз ер е на директна штета на младите луѓе, кои со евтините билети имаа можност да прошетаат низ Европа, да ги посетат своите роднини и пријатели со помалку средства. СДСМ ветуваше подобри услови за младите, а се што прават е да ја враќаат државата назад во минатото. Наместо власта да бара и мотивира и други превозници, кои би отвориле многу дополнителни дестинации таа не бира начин да ги избрка постојните, изјави Томи Кепевски од ВМРО-ДПМНЕ. -Виз ер е компанија која годишно врши превоз на над 1 милион патници во Република Македонија, со евтини билети на голем број дестинации на Европскиот континент. Голем број од тие 1 милион патници меѓу кои повеќето млади луѓе за првпат се возеле со авион токму поради цената на билетите и широката лепеза на летови. Која е причината власта сега да удира по евтините летови, од кои бенефит видоа особено младите луѓе? Несериозни и смешни се и оправдувањата на Сугарески дека тендерот е прекинат затоа што на пликото во кое било ставена тендерската документација не било напишано целото име и адреса на компанијата и тие претставуваат само евтин обид да се залаже јавност, истакна тој и додаде: „Младите од оваа власт за повеќе од година дена колку управува со државата видоа само уназадување. Власта нема направено ниту еден проект за младите, се што ветија излажаа, а го ускратија и она кое што не го ветија.Ускратувањето на можностите на младите не е европска вредност. Уназадувањето на државата на сите полиња не не носи во ЕУ и НАТО. Додека СДСМ декларативно се залага за ЕУ во реалноста прават се за да не влеземе. Евроатлантската перспектива на Република Македонија е сериозно нарушена и за тоа главен виновник е СДСМ. Оваа партија мора да си замине и да запре со штетата која и ја нанесоа на државата и граѓаните“.

Кепевски: Богоев ветуваше брда и долини за карпошани, а откако ја доби власта и изминаа 100-те дена, не мрдна со прст

Катерина Бојаџиева — Wed, 07 Feb 2018 13:50:21 +0000

Карпош и граѓаните на општина Карпош се сведоци на 100 дена лаги, неспособност и неработење на Стефан Богоев. Стефан Богоев овие 100 дена буквално ги преспа и не отпочна ниту еден капитален проект за граѓаните. За да ги добие симпатиите на граѓаните, Стефан Богоев ветуваше брда и долини за Карпошани, а откако ја доби власта и изминаа 100-те дена, не мрдна со прст, истакна Томи Кепевски на денешната прес-конференција на ВМРО-ДПМНЕ. -Ветуваше чист воздух за сите, а дивите депонии растат на секој чекор, особено на потегот над речното корито на реката Вардар. Општината е нефункционална во поглед на одржување хигиена и чистота, а граѓаните се гушат во смог и ѓубре. Ветуваше пренасочување на градежните активности од урбаниот дел на Карпош, во делот на Бардовци и Злокуќани, се со цел развивање на делот на овие две населби, а прекинување на зголемувањето на бројот на згради во урбаниот дел, за пред некое време да бидеме сведоци ние советниците дека Стефан Богоев очекува огромни суми на комуналии во новиот буџет. Сето тоа би било во ред, доколку Богоев не е фатен во лага, а тоа значи дека нема предвидено скоро никаква инвестиција за овозможување комунални услови за градба во Бардовци и Злокуќани, и со тоа уште еднаш се потврдува дека ги изманипулира граѓаните на Карпош и ќе никнат уште многу згради оваа година, рече Кепевски и додаде: „Стефан Богоев како и сите други негови партиски колеги, по насока на раководството на СДСМ избрка 100-тина вработени од општинската администрација. Тоа се луѓе со професионален ангажман со години наназад, кои беа избркани на улица за на нивно место да се вработуваат партиски војници. Нема никакви најави од ветените паркови, базени, градинки и останати проекти. 100-те дена на Стефан Богоев ќе се паметат по загадувањето, дивите депонии, бркањето на луѓе од работа и донирани неколку прочистувачи на воздух во градинките. Многу ветувања, а никаква реализација. Тоа е начинот на работа на СДСМ и Стефан Богоев“.