Томислав Гиевски – Kurir.mk

Гиевски: Постојат огромни шанси учебната година да започне со штрајк

Ивона Петрова — Sun, 27 Aug 2023 12:20:29 +0000

Во образованието се незадоволни од тоа што не им се почитува колективниот договор, од ниските плати, од најавените промени кои се против законот, па постои можност учебната година да почне со штрајк, вели за Слободна Европа Томислав Гиевски, претседател на Независниот синдикат на образование и наука. -Апсолутно станува збор за огромно незадоволство коешто преовладува во основните и средни училишта, како резултат на понудените ниски 10 проценти од страна на владата преку општиот колективен договор. Постојат огромни шанси учебната година да започне со штрајк, ние како Независен синдикат за образование и наука активно работиме на окрупнување на силата со цел да можеме да го реализираме тој процес. Се разбира, доколку и побројниот синдикат го искористи тоа право, ние сме тука да се солидаризираме и да ги окрупниме силите за да ја оствариме таа цел. Револтот потекнува од најавените промени во секторот образование коишто не се совпаѓаат со законите. Револтот исто така е поради ниската потпросечна плата, а најголем е револтот на просветните работници поради непочитувањето на колективните договори, вели Гиевски во интервјуто. Тие бараат целосно почитување на колективните договори. -Кај нас во секторот образование се користи најниска плата којашто е за висок процент пониска од минималната плата на државно ниво. На тој начин грубо се крши законот, незаконски се намалува платата на просветните работници и се создава ситуација просветните работници да бидат потпросечно платени, односно живееме во држава којашто е единствената во Европа каде што просветните работници се платени со почетна плата којашто е пониска од републичкиот просек, објаснува Гиевски. Целото интервју може да го погледнете тука.

Гиевски: Секојдневните афери создаваат револт кај луѓето

Магдалена Андонова — Wed, 13 Apr 2022 17:03:28 +0000

- Да имавме овие 30 години наназад чесни политичари, луѓе кое кажале дека ќе прават стратегија, ќе ја прават државата да биде подобра како што има во соседството, каде што немало милион афери – овој украл, оној направил, овој го затвориле, овој е приведен што е македонско секојдневие, тоа создава кај луѓето да има револт. Хипотетички, да беше истата плата, да немаше афери во последниве 10, 20 или 30 години и да излезеше лидер на политичка партија да рече како во Германија ’45 после војната – катастрофа е ситуацијата, ќе работиме во интерес на народот, ама тука не може да се појави таков лидер затоа што секој ден најразлични афери поврзани со незаконски суми за заработка. Ете тука е проблемот, од тука аргументите им се слаби на другата страна затоа што вестите се преплавени со такви работи. Да беше обратно, да речевме дека немало такви ситуации, ако немало такви ситуации големи се шансите да им имало повеќе пари во буџетот ако имало непотребни потрошувања и сега ќе кажеа дека ќе покачат не за толку колку што очекуваат работниците, но работниците со образ ќе речеа дека веруваат во тоа општество и веруваат во тој што ги води, рече Томислав Гиевски, претседател на независниот синдикат за образование и наука во своето гостување во емисијата ,,Што не е јасно” на телевизија Алфа. Гиевски додаде дека кај членството врие затоа што во последните 3-4 месеци со растот на цените добиле милион пораки и коментари од страна на колеги дека нешто мора да се преземе. Токму затоа организирале протести, направиле одредена форма на притисок и заедно со СОНК тргнале во целиот тој процес на штрајк.

Гиевски: Во однос на новиот образовен концепт, независниот кандидат за образование и наука е целосно исклучен

Катерина Бојаџиева — Fri, 22 Jan 2021 18:19:07 +0000

Томислав Гиевски, претседател на независниот кандидат за образование и наука во своето гостување во емисијата „Што не е јасно“ зборуваше за новиот концепт на министерството за образование и наука за спојување на одредени предмети во еден предмет. Гиевски рече дека во врска со оваа тема тие како независен кандидат за образование и наука се целосно игнорирани. -Ние сме за реформи да, но во однос на забелешките за новиот концепт за образованиет ние сме против тоа. Тие средства кои ги планираат за ова нека ги инвестираат во нагледни средства и за само 6 месеци училиштата ќе цветаат и ќе се види невиден раст на воспитно образовниот процес. Тие имаат еден аспект на гледање, просветните работници имат друг аспект на гледање за ова. Како може од добро климатизираниете простории да знаете како му е на наставникот освен ако не го прашате наставникот. Наставниците ги претставува синдикат, јас не знам СОНК колку е вклучен но ние како независен сидикат сме целосно игнорирани во овој процес, потенцираше Гиевски во своето гостување.

Гиевски: Срамота е Царовска да вели дека се исплќаат надоместоци за зголемениот двоен учинокот на просветните работници

Катерина Бојаџиева — Fri, 22 Jan 2021 18:05:21 +0000

Томислав Гиевски, претседател на независниот кандидат за образование и наука во своето гостување во емисијата „Што не е јасно“, зборуваше за главниот проблем кој го имаат просветните работници а тоа е дека им е зголемен двојно работниот учинок, а за тоа не им е ништо платено. -Еден од главните проблеми кои ја имаат просветните работници е што им е зголемен двојно работниот учинок на многу наставници од прво до трето одделение и не им се плаќа. Држеа 20 часа сега држат 40 часа и сега бараме тоа да им се плати на наставниците. Зголемувањето на фондот на часови е по насока на министерството за образование и наука. За ова ние имавме мали протести во месец октомври пред МОН дадовме порака. Но министерката не сакаше да разговара да види зошто сме се собрале за да пред 3 дена излезе јавно соопштение од владеачката партија каде што велат дека доколку јас сум се водел од синдикални, а не од партиски интереси ќе знаеше дека министерката за образование и наука во месец октомври испрати писмо до сите училишта дека за наставниците кои извршуваат работни задачи повеќе од полното време треба да се исплати надоместок за прекувремена работа за што обезбедеби се блок дотации од општините. Ова е крајно несериозно, јас знам лично како ми е мене кога огромен број наставници ми се јавуваат мене дека наставниците неколку месеци работат прекувремено и тоа не им е платено. Сега тие го читаа ова соопштение од владеачката партија дека се извршени исплати, а тие немаат денар земено, рече Гиевски во своето гостување.

Гиевски: Кога вработените не се задоволни од реформата, значи реформата воопшто не е добра

Ивана Ефремовски — Thu, 24 Dec 2020 18:23:04 +0000

„Дефинитивно со реформите предвидуваат да оди на некој математички пристап што во образованието е тешко спроведлив. Да речеме дека двојката и петката треба да излегува некоја средина па сега треба да влечат наставниците дали ќе биде помалата или поголемата оценка“, истакна претседателот на Независниот синдикат за образование и наука и професор по географија Томислав Гиевски во „Што не е јасно“. Гиевски додаде дека на пример по предмето географија учениците имаат многу послаби оценки од по историја. Нема начин на тоа како да се спроведе замислената реформа на власта, а учениците да не се оштетени. „На сите вработени во образованието, многу брзо им дојде ова и прерасна во недоверба во системот. Повеќе работи кога ќе се соберат крајниот резултат е „НЕ“. Јас скоро и да не сретнав луѓе што рекоа супер ќе има реформи“, рече Гиевски. Гиевски посочи дека кога ќе се прави реформа треба вработените да се позитивни, но кога се негативни значи реформата не оди во добра насока.

Гиевски: Нема да толерираме трговија со работничките права

Ивана Ефремовски — Sat, 29 Dec 2018 18:33:01 +0000

Трговија со работничките права Независниот синдикат за образование и наука(НСОН) нема да дозволи и нема да толерира, изјави на прес-конференција денеска претседателот на НСОН Томислав Гиевски, во однос на колективните договори на Синдикатот за образование и наука (СОНК). -Се служат со методи дека колективниот договор не важи за нашите членови, дека е нивна сопственост и јасно и гласно од нас на телевизија побараа да им ги откупиме авторските права – изјави Гиевски. Од СОНК вчера на прес-конфернеција го поздрави решението на Уставниот суд со која се потврдува ставот на СОНК дека колективните договори за детска заштита, основно и средно образование важат исклучиво за вработените во овие дејности кои се членови на овој синдикат. Независниот синдикат за образование оспори одредби од овие колективни договори пред Уставниот суд, тврдејќи дека тие се спротивни на Уставот и имаат елемнти на дискриминација.