томислав јотовски – Kurir.mk

Јотовски триумфираше на ИТФ турнирот во Египет

Бошко Тасиќ — Sun, 09 Jan 2022 07:38:51 +0000

Македонскиот тенисер Томислав Јотовски заедно со Антони Генов од Бугарија се победници на турнирот во двојки кој се одржи во Гиза, Египет. Тие во финалето беа подобри од вторите носители Реј Хо (Тајван) и Григориј Ломакин (Казахстан) со резултат 2:1 (6:1, 3:6, 10:7). отовски на својот Инстаграм профил го сподели успехот заедно со неговиот дубл партнер Генов и освоениот трофеј на ИТФ турнирот вреден 15.000 долари. – Добар старт на годината – напиша Јотовски на Инстаграм. На патот до финалето македонскиот и бугарскиот тенисер славеа уште против четвртите носители М. Буж (Франција) и Цунг-Хао Хуанг (Тајван) со 6:4, 4:6, 10:6, потоа ги совладаа Италијанците Симоне Агостини и Матео Де Винчентис со 6:1 и 7:6 (3) и на претпоследната пречка ја елиминираа руската двојка Иван Денисов и Егор Новиков со 6:2 и 7:6 (10).

Јотовски и Симева најдобри на Мастерсот во Скопје

Ивона Петрова — Sun, 31 Oct 2021 09:06:27 +0000

Томислав Јотовски во машка и Александра Симева во женска конкуренција триумфираа на Мастерс турнирот во Скопје што се одржа на терените на Тенискиот клуб Југ. Во конкуренција на осум тенисери, Томислав Јотовски (ТК Југ) во финалето беше поуспешен од Иван Манасов (ТК Неготино) 6-3, 6-0, а Борјан Стефановски (ТК Југ) го освои третото место. Во женска конкуренција настапија седум тенисерки, а титулата ја освои Симева (Тенис Парк) која беше подобра од Ива Данева (ТК Југ) 2-6, 6-4, 6-3, Ива Кузмановска (ТК Југ) го освои третото место со победа над Симона Ангелова (ТК Југ) со резултат 6-3, 7-5.

Јотовски победник на турнирот „Бовин Неготино опен“

Ристе Здравков — Mon, 15 Oct 2018 07:56:12 +0000

Најдобриот македонски тенисер Томислав Јотовски е победник на „Бовин Неготино опен“ што се играше изминативе денови на терените на Тенискиот клуб Неготино. Тој во финалето вчера попладне, го совлада Стефан Мицов со 2-0, во сетови (6:3 и 7:6(1) во гемови). - Одиграв добар меч. Го дадов својот максимум денес, за да победам. Честитки до организаторот на турнирот, се надевам ќе се видиме и наредната година, изјави Јотовски веднаш по мечот. „Бовин Неготино опен” е турнир со долга традиција. - Првиот турнир го организиравме во далечната 1994 година. Оттогаш наваму, успеавме да изградиме една долга традиција и еве оваа година да ги собереме дел од најдобрите македонски играчи. На турнирот настапија 49 играчи од цела Македонија, изјави Ванчо Лазов, претседател на ТК Неготино.

Јотовски елиминиран во четвртфиналето на турнирот во Нови Сад

Матеја Петровски — Fri, 10 Aug 2018 16:52:16 +0000

Најдобриот македонски тенисер Томислав Јотовски беше елиминиран во четвртфиналето на ИТФ фјучерсот во Нови Сад, Србија. Тој со 2:1 во сетови претрпе пораз од турскиот тенисер Ерги Киркин. Иако Јотовски го доби првиот сет со 6:4, другите два ги освои Киркин со 5:7 и 3:6. Турнирот во Нови Сад е со награден фонд од 15.000 долари. (Миа)

Јотовски избори четвртфинале на фјучрсот во Австрија

Дарко Андоновски — Wed, 11 Jul 2018 13:00:32 +0000

Најдобриот македонски тенисер Томислав Јотовски се пласира меѓу осумте најдобри на фјучрсот во австриски Крамзах. Македонецот кој е втор носител, попладнево за нешто помалку од три часа игра го победи Аргентинецот Ферим Тенти со 2-1, по сетови 6:1, 3:6 и 6:4. Наградниот фонд на турнирот изнесува 15.000 долари.

Јотовски со победа го почна вториот фјучрс во Анталија

Ивона Петрова — Wed, 25 Apr 2018 13:15:20 +0000

Најдобриот македонски тенисер Томислав Јотовски со победа го почна вториот фјучрс турнир во турскиот туристички центар Анталија. Македонецот денеска за еден час и 50 минути игра го совлада домашниот тенисер Ерги Киркин со 6:4 и 6:2. Турнирот во Анталија се игра за награден фонд од 15.000 долари. Во следната рунда Јотовски кој е шести носител, ќе игра со Ник Разборшек од Словенија.

Јотовски елиминиран во четвртфиналето во Анталија

Даниел Василев — Fri, 20 Apr 2018 14:47:37 +0000

Најдобро рангираниот македонски тенисер, Томислав Јотовски, го заврши настапот на турнирот во Анталија (Турција) и не успеа да се пласира во полуфиналето. Јотовски во четвртфиналето убедливо беше совладан од чешкиот тенисер Павел Неједли и загуби во два сета со 6:1 и 6:2. Македонскиот тенисер претходно оствари победи против Марсел Илхан и Давиде Гаполини. Турнирот во Анталија се игра на земјена подлога за награден фонд од 15.000 американски долари. Јотовски со самиот пласман во четвртфиналето ќе добие нови поени со кои ќе направи мал напредок на АТП-листата. МИА

Јотовски без проблеми до четвртфиналето на фјучрсот во Тунис

Дарко Андоновски — Thu, 11 Jan 2018 14:31:48 +0000

Македонскиот тенисер Томислав Јотовски без многу проблеми со 2-0 во сетови денеска во меч од 2.коло го совлада Мохамед Али Белалуна од Тунис и се пласира во четвртфиналето. Тој на противникот му препушти само пет гема (6:2 и 6:3) за 64 минути игра. Утре Јотовски ќе игра против Шпанецот Серхи Перез Контри, кој по три часа игра го победи Јапонецот Шунсуке Вакита со 2-1 во сетови. Шпанскиот тенисер има 19 години и се наоѓа на 1.055 место на АТП листата. Во игра на двојки Јотовски заедно со Милош Николиќ од Србија загубија во меч од 2.коло поуспешни од нив беа првите носители Марко Бортолоти и Јулиан Оцлепо. Тие двата сета ги добија со 7:6 (7:3) и 6:4 во гемови.