Томовски: Скандалозен тендер од 19 милиони евра на ЕЛЕМ, кој се мести да го добие фирма блиска до власта

Тале Кристо — Sat, 22 Feb 2020 10:42:09 +0000

Нови скандалозни тендери на ЕЛЕМ за РЕК и рудниците. Објавена е јавна набавка за огромни 19 милиони евра без претходно објавен технички дијалог, односно без проверка на пазарот. 19 милиони евра е голем тендер кој се договара со низа пропусти и низ процедура која отвора сомнеж дека однапред треба да го добие блиска фирма до власта, истакна на денешната прес-конференција Ивица Томовски од ВМРО-ДПМНЕ. Дополнително станува збор за јавна набавка со краток период за прибирање на понуди од само еден месец, во кој е опфатен периодот на новогодишните и божиќните празници. Заради краткиот период за подготовка на потребните документи и поднесување на понуди компаниите барале пролонгирање на рокот за поднесување на понуди за 10-20 дена, но од страна на АД ЕЛЕКТРАНИ биле дозволени само дополнителни 6 дена за поднесување на истите. Она што следи потоа, односно на 24.01.2020 година на неполни 7 дена пред крајниот рок за поднесување на понудите, АД ЕЛЕКТРАНИ направиле измена на тендерската документација и тоа во девет делови на постапката со кои се направени големи промени во техничките спецификации кои биле првично објавени, открива Томовски. Понатаму селективно е бодувањето кое се бара од најдобриот понудувач што укажува на сомнеж дека се мести тендер за блиска фирма до власта. Од вкупно 20 дела на тендерската документација само за дел 1 и дел 2 е предвидено моторот и хидрауликата да се од еден производител, што значи дека доколку не се од истиот производител понудувачот би добил 0 бодови. Доколку ова барање е битно за да се бодува квалитетот на опремата се поставува прашањето зошто истиот не е поставен и за останатите делови каде што има исто и мотор и хидраулика туку само за дел 1 и дел 2?, прашува Томовски. Симптоматично тоа е што наместо да се бара банкарска гаранција на понудата АД ЕЛЕКТРАНИ на Македонија бараат изјава за сериозност на истата. Она што заслужува посебно внимание е бараниот услов од компаниите да имаат овластен теренски сервис со сервисна служба и опрема во Република Македонија или истиот да го формираат во рок до испорака на опремата но не подоцна од 6 месеци од потпишување на договор. При тоа треба да се има во предвид дека никаде во Законот за јавни набавки не се пропишани вакви одредби за утврдување на техничката професионалност и способност на компаниите, вели тој. Јасно е дека ова е тендер од 19 милиони евра кој се мести да го добие фирма блиска до Заев и власта. Низа пропусти и скандалозни постапки фрлаат темна дамка врз целиот тендер. Затоа бараме итно поништување на тендерот и запазување на сите потребни законски процедури. Бараме да се стопира криминалот, криминалниот тендер и ограбувањето на буџетот на Република Македонија за цели 19 милиони евра, потенцираше Ивица Томовски.

Томовски: Предизборен „бонбона“ бизнис од 2.000.000 евра на фирма блиска до СДСМ

Љупчо Цветаноски — Mon, 27 Jan 2020 12:48:28 +0000

Интегрален текст од изјава на Ивица Томовски од ВМРО-ДПМНЕ: „Власта во заминување е на пат да даде 2 милионски бонбона бизнис на фирма блиска до власта. СДСМ распишува милионски тендер за набавка на оброци за вработените во РЕК Битола и РЕК Осломеј, работа која до сега ја вршеше ЕЛЕМ Турс, фирма ќерка на АД ЕЛЕМ, по цена од 3 евра по оброк. Доколку се земе како основна сегашната цена од 3 евра по оброк, доаѓаме до сума високи од 5.400 евра на ден, или 162.000 евра на месечно ниво, односно 1.944.000 евра на годишно ниво. Тоа се 2 милиони евра кои наместо во државната каса ќе заминат на сметка на некоја фирма блиска до СДСМ. Досега оброкот го опслжуваше ЕЛЕМ Турс, само со една единствена цел да се обезбеди квалитетен и ефтин оброк за вработените во рудниците и термоелектраните на АД ЕЛЕМ, а воедно и обезбедвање плата за вработените во ЕЛЕМ ТУРС. Сега овој бизнис ќе замине во приватни фирма блиска до актуелната власт! Со приватизацијата на производството на оброци се одзема еден приход од кој вработените во ЕЛЕМ Турс вадат плати и е само чекор кон затворање на ова претпријатие и оставање на 200 вработени на улица, тоа се 200 фамилии без леб. Дали приватизацијата на делот со оброците е со цел затворање на ЕЛЕМ Турс и понатамошно раскрчмување на неговиот имот, како скијачкиот центар Попова Шапка, Авто кампот Ливадишта и објектот во Мавровo Анови!? Дали преку ЕЛЕМ Турс се спрема новиот бонбона бизнис на власта во заминување и кој треба да се офајди!? Дали фирмата која треба да го добие тендерот е под директен налог на Васко Ковачески?! Дали таа иста фирма е во сопственост на актуелен советник од СДСМ во Битола? Дали имаме уште еден криминал во најава!? Заев и СДСМ се виновни за поразите, измамите и криминалите. Заев никогаш повеќе!

томовски – Kurir.mk

Томовски: Скандалозен тендер од 19 милиони евра на ЕЛЕМ, кој се мести да го добие фирма блиска до власта

Томовски: Предизборен „бонбона“ бизнис од 2.000.000 евра на фирма блиска до СДСМ