Тони Ангеловски – Kurir.mk

За еден час над 60 казни во Делчево и Берово

Ивона Петрова — Sat, 24 Oct 2020 12:01:15 +0000

Министерството за внатрешни работи покрај на територијата на главниот град Скопје, спроведува засилени акциски контроли за санкционирање на непочитувањето на сообраќајните правила и прописи и во другите градови, меѓу кои и Делчево и Берово, соопшти портпаролот на МВР Тони Ангеловски на денешната прес конференција во Делчево. -Се санкционираат сите сообраќајни прекршоци, а особено оние кои што се најчеста причина за сообраќајни незгоди со тешки последици. До сега за помалку од месец дена откако започнаа засилените сообраќајни контроли изречени се над 14.000 санкции, најчесто за возење со брзина над дозволената,нерегистрирани возила, а се санкционираат и возачите на мотори кои не ги почитуваат правилата“, рече Ангеловски. Портпаролот на МВР апелираше до граѓаните на Делчево и Берово да ги почитуваат сообраќајните правила и прописи за да се зголеми безбедноста во сообраќајот. -Само за еден час во денешната акциска контрола во Делчево и Берово се изречени над 60 санкции, пред се за нерегистрирани возила, возење без возачка дозвола и др. “, соопшти Ангеловски, кој потенцира дека акциските контроли продолжуваат и во наредните денови, а целосните податоци од денешната засилена акциска контрола во Делчево и Берово ќе бидат презентирани утре.

Портпаролот на МВР доживеал сообраќајка: Бил пренесен на Ургентен центар, не е сериозно повреден

Ивана Ефремовски — Mon, 15 Apr 2019 16:48:19 +0000

Портпаролот на МВР, Тони Ангеловски беше повреден во сообраќајка која се случила на 14.04.2019-та околу 04:00 часот. Сообраќајката се случила на крстосницата со булевар „Србија“, булевар „Јане Сандански“ и булевар „В.С.-Бато“ во Скопје. М.И. (34) од Скопје, управувајќи патничко моторно возило „Голф“ со скопски регистарски ознаки, изгубила контрола над возилото и излетала од коловозот. Возачот и сопатникот Т.А. (42) од Скопје биле пренесени во Ургентен центар-Скопје. На М.И. и се констатирани тешки телесни повреди, додека кај Т.А. се констатирани телесни повреди. КУРИР стапи во контакт со портпаролот на МВР кој потврди дека се случила оваа сообраќајка во која тој бил сопатник. Ангеловски во изјава за КУРИР вели дека нема посериозна повреда.

МВР приведе петмина членови на криминална група што транспортирала кокаин и марихуана

Даниел Василев — Wed, 16 May 2018 09:56:50 +0000

Македонската полиција во координација со Јавното обвинителство за гонење организиран криминал и српската полиција реализираше случај во кој е идентификувана и сузбиена организирана криминална група составена од шест лица кои биле инволвирани во недозволена трговија со наркотици, кокаин и марихуана, при што уапсени се пет лица, а едно лице од групата е во притвор во Србија. Портпаролот на МВР, Тони Ангеловски, на денешната прес-конференција информираше дека како резултат на криминалните активности на групата, во текот на 2017 година на територија на Република Србија биле запленети 128,67 килограми марихуана, како и 440 грама кокаин и 1.330 грама смеса за мешање фанацетин и манитол. - По низа оперативни мерки и активности вчера врз основа на судска наредба извршени се претреси на неколку локации на подрачје на Тетово и Прилеп. Обезбедени се докази за два транспорти на наркотична дрога и остварена е соработка помеѓу МВР и ЈО на Република Македонија и Република Србија, изјави Ангеловски. Посочи дека во првиот случај е утврдено дека лицето Н.Д. (33) во Прилеп и Б.Е. (43) во Тетово во текот на септември минатата година од лице од Белгија набавиле околу 0,5 килограми кокаин по цена од 25.000 евра и смеса за мешање со намера со автомобил да го пренесат од Белгија во Република Македонија. - На 23.09.2017 година на излез од Република Србија на граничниот премин Прешево од страна на српски полициски и царински службеници сопрено е возило мерцедес со белгиски регистарски ознаки управувано од Н.Д. по што истиот се дал во бегство, илегално ја преминал границата и влегол во Република Македонија. Во возилото пронајдени се два пакети наркотична дрога кокаин и смеса за мешање, рече Ангеловски. Во рамки на вториот случај, рече Ангеловски, утврдено е дека лицето Ј.И. (41) од Тетово набавил наркотична дрога марихуана, ја складирал на територија на Косово, по што заедно со лицето А.М (53) од Тетово ја сместиле во товарно моторно возило и го ангажирале лицето И.И. (70) од Тетово да изврши трнспорт на марихуана за одреден паричен надомест од Косово до Србија. Од МВР ќе биде поднесена кривична пријава против лицата Н.Д., Ј.И, А.М., Е.Б., И.И., за сторено кривично дело „неовластено производство и пуштање во промет наркотични дроги, психотропни супстанции и репрекурсори. МИА