Тони Блер – Kurir.mk

Блер: Климатски проблеми не можат да се решат без учество на Кина

Ивона Петрова — Fri, 28 Jul 2023 11:00:38 +0000

Поранешниот британски премиер Тони Блер изјави дека климатските проблеми не можат да се решат без учество на Кина. Блер ги предупреди лабуристите дека не вреди да се наметнуваат дополнителни трошоци на гласачите за спроведување на „зелените политики“, бидејќи, како што истакна, важни се само емисиите на загадување во Кина. Тој во интервју за „Њу Стејтсмен“ го предупреди лидерот на лабуристите Кир Стармер дека не вреди да се наметнуваат дополнителни трошоци за гласачите бидејќи министерот за клима во сенка Ед Милибанд инсистираше партијата да не биде поделена за намалување на емисиите на штетни гасови.

Поранешен британски премиер: Ерата на доминација на Западот се ближи кон крајот

Магдалена Андонова — Sat, 16 Jul 2022 14:17:40 +0000

Поранешниот британски премиер Тони Блер предупреди дека ерата на западната политичка и економска доминација се ближи кон крајот поради рускиот напад врз Украина и подемот на Кина како „втора суперсила“ во светот. Тој рече дека западните сили мора да ги зголемат трошоците за одбрана за да ја задржат својата воена надмоќ. Според Блер, „бруталната и неоправдана“ инвазија на Владимир Путин врз Украина покажа дека Западот повеќе не може автоматски да очекува големите светски сили да се придржуваат до прифатените меѓународни норми. – Како резултат на постапките на Путин, повеќе не можеме да се потпреме на кинеското раководство дека ќе се однесува на начин што го сметаме за рационален, рече тој. – Не ме сфаќајте погрешно. Не велам дека Кина во блиска иднина ќе се обиде со сила да го заземе Тајван. Но, не можеме да ја засноваме нашата политика врз сигурност дека тие нема да го сторат тоа, нагласи Блер. Тој рече дека најголемата геополитичка промена на овој век ќе дојде од Кина, а не од Русија. – Се приближуваме кон крајот на западната политичка и економска доминација, истакна Блер. (МИА)

Блер: Ковид-19 нема да биде елиминиран

Магдалена Андонова — Fri, 24 Jul 2020 08:12:44 +0000

Поранешниот британски премиер Тони Блер денеска изјави дека вирусот Ковид-19 нема да биде елиминиран и оти Британците мора да научат да живеат со него. Тој, исто така рече дека шансите се половина-половина дека Велика Британија ќе доживее заживување после вирусот во есен, но оти е „апсолутно неопходно“ да се подготви за тоа. Блер ја повика Владата да го ангажира секој дел од инфраструктурата кој може да се обезбеди за запирање на вирусот, за земјата да не се врати во карантин како што беше во март, април и мај. Во најновиот извештај на невладината организација на Блер се препорачува воведување масовно тестирање и задолжителна употреба на маски за лице во сите затворени јавни места. – Ако тестирате само луѓе со симптоми, ги пропуштате луѓето кои се асимптоматски случаи и ги пропуштате пред симптоматските случаи кои се најголем проблем на оваа епидемија, рече Блер. (МИА)

Блер: Одлагањето на Брегзит е неизбежно

Ивона Петрова — Thu, 17 Jan 2019 09:35:24 +0000

Откако британскиот Парламент го отфрли Договорот за Брегзит, неизбежно треба да следи одлагање на истапувањето на Велика Британија од ЕУ, оцени поранешниот британски премиер Тони Блер. – Тоа сега практичено е неизбежно… Да сум јас сега Влада, веќе би разговарал со Европа за условите за одлагање, изјави Блер за Би-Би-Си. Според него, евенталното истапување на Велика Британија од ЕУ без договор за идните меѓусебни односи, би и нанело значителни штети на британската економија. Британската премиерка Тереза Меј синоќа, откако Парламентот и изгласа доверба на нејзината Влада, ги повика лидерите на парламентарните партии на разговори за излез од ќорсокакот по отфрлањето на договорот, нагласувајќи дека политичарите треба да ги остават на страна своите лични интереси. МИА

Тони Блер за советување добива 12 милиони долари

Ивона Петрова — Mon, 23 Jul 2018 08:55:12 +0000

Поранешниот британски премиер Тони Блер ја советува владата на Саудиска Арабија за договор вреден 11,8 милиони долари, објави „Сандеј телеграф“. Претходно оваа година беше постигнат договор меѓу Саудиска Арабија и неговиот „Институт за глобални промени", со цел поддршка на програмата за модернизација, предложена од принцот Мохамед бин Салман. Тоа е прв голем договор на Институтот на Блер, кој беше основан во 2016 година, а договорот е означен како „непрофитен". Институтот добил 10 милиони долари во јануари за работата која ја извршува персоналот од Институтот на Блискиот Исток. МИА