тони јакимовски – Kurir.mk

Шест години затвор за екс-началникот на УБК, Тони Јакимовски

Ивана Ефремовски — Wed, 28 Oct 2020 12:50:30 +0000

Поранешниот началник во УБК и во времето на директорувањето на Сашо Мијалков со УБК, Тони Јакимовски е осуден на шест години затвор за случајот „Спец каса на УБК“, објави Кривичниот суд. Затворска казна од четири години за Стево Маџовски, кој бил вработен во УБК доби затворска казна од 4 години, а ослободителна пресуда доби вработена во оваа Управа, Кристина Јосифовска Ова е пресудата од Судечкиот совет во предметот кој се однесува на проневера на пари од спец касата во УБК. -Согласно објавата на пресудата, во текот на кривичната постапка која започна во октомври 2019 година, одржани се вкупно 11 продолженија на главната расправа , а дел од расправите се одржаа во време на вонреда состојба заради пандемијата со ковид–19, при што судот ги обезбеди сите соодветни услови согласно протоколите за заштита. Изведени се предложените материјални и вербални докази и, по предлог на одбраната, сослушан е сведок преку видео конференциска врска со надлежен суд во Букурешт, Р. Романија каде се наоѓал сведокот. Врз основа на сето горе изведено судот утврдил дека обвинетите подигале парични средства за потребите на касата за исплата на средства за посебни намени за УБК, но воедно утврдено е дека евиденцијата за потрошените парични средства се уништени заедно со документацијата за исплата, односно главната книга за евиденција без за тоа да постои посебно одобрение од директорот на Управта и без за тоа да биде формирана комисија за ништење на материјална документација. Против оваа пресуда странките, по приемот на пресудата, имаат право на жалба преку овој суд до Апелациониот суд, велат од Кривичниот суд.

Тони Јакимовски излезе од притвор по една година зад решетки

Ивана Ефремовски — Fri, 14 Feb 2020 15:07:17 +0000

Тони Јакимовски, обвинет во случајот „Спец каса“, по една година помината зад решетни излезе од притвор. Од Кривичниот суд за „Фокус“ потврдуваат дека Јакимовски се брани од слобода од 11-ти февруари. Одлуката за замена на притворот со гаранција ја донел Кривичен совет на Основниот суд Скопје 1, а на Јакимовски му се изречени мерки на претпазливост, односно одземен му е пасошот и има обврска еднаш во неделата да се јавува во судот.

Му се слоши на Тони Јакимовски, со итна помош е пренесен на Клиниката за неврологија

Предраг Кукиќ — Wed, 03 Apr 2019 10:57:12 +0000

Висок крвен притисок од 200 со 120 на обвинетиот Тони Јакимовски, обвинет во случајот за нелегалното прислушување беше причината да се одложи денешното судење за случајот „Таргет Тврдина“. Откако тој во судница како обвинет го испрашуваше сведокот Ѕвонко Костовски, на Јакимовски му се слоши и беше повикана итна помош. Лекарите констатираа висок крвен притисок и со согласност на судијата, кој му одреди притвор на Јакимовски, тој беше пренесен на скопските клиники. Освен висок притисок итната помош констатирала и отежнато движење на левата рака, а лекарите веднаш препорачале тој да биде прегледан и од специјалист. Инаку Тони Јакимовски е во притвор во кумановскиот затвор.

Разбојништва и запалени автомобили насекаде, а шефот на скопската полиција вели дека криминалот е само во главите на граѓаните

Ивана Ефремовски — Tue, 05 Feb 2019 10:15:27 +0000

Тони Јакимовски, шеф на полиција на Скопје, кој вчера гостуваше во Централниот дневник на 1ТВ и беше прашан од страна на водителот за порастот на криминалот во Скопје и во врска со вчерашните настани, за бомбата на Бит пазар и ограбената експозитура на Халк банка, тој сакајќи да ја отфрли одговорноста од себе и раководството на МВР наместо да го признае очевидното, вели дека криминалот е само во главите на граѓаните. - Ние постојано ја брифираме јавноста за тоа што се случува на подрачјето на Град Скопје во област на криминалитетот се доаѓа до перцепција дека во градот се случуваат безброј кривични дела. Во текот на 2018 година на подрачје на град Скопје се регистрирани 12.433 кривични дела, во споредба со 2017 година кога се регистрирани 12.157, нагласи Јакимовски. Според изјавата на шефот на полиција на Скопје, тој сака да ни долови дека криминалот во град Скопје не е во пораст туку е во главите на граѓаните поради нивната голема отчетност.