Тони Јаревски – Kurir.mk

Јаревски до Хасани: Дали некогаш изразивте сомнеж или загриженост за состојбите во Онкологија или пак во другите клиники

Катерина Бојаџиева — Wed, 25 Oct 2023 10:43:03 +0000

Од неколкуте излагање веќе имаме појасна слика што се случувало и какви биле односите во министерството за здравство. И колку е појасна сликата, толку е пострашна, истакна пратеникот Тони Јаревски на денешната седница на Анкетната комисија за скандалот во ЈЗУ Универзитетска клиника за радиотерапија и онкологија. „Беше укажано дека не бил дел од тимот Илир Хасани и дека министерот си ги имал преземено сите ингеренции во однос на комуникација, во однос на поставување, во однос на контрола, во однос на следење, во однос на споделување на информации. И заменикот бил или отстранет или пак го држел во мал круг на луѓе, односно тимот. Можете ли да ни укажете колкава група беше тоа 2, 3 или пет луѓе и кој за што беше задолжен“, Јаревски го запраша поранешниот заменик министер за здравство Илир Хасани. Јаревски посочи дека треба да се знае како доаѓале насоките и директивите од кај министерот за здравство. „Второ, ме интересира, бидејќи можеби немале редовна комуникација, но би требало да ги повикуваат на координации, или на брифинзи. Ме интересира дали некогаш изразил сомнеж или загриженост за состојбите во Онкологија или пак во другите клиники“, праша Јаревски.

Јаревски: Дали власта планира продажба на МЕПСО, по истиот принцип, бонбона бизнис, како ЕВН, во 2006-та?

Тале Кристо — Sat, 21 Oct 2023 10:52:36 +0000

Веќе втор ден како Владата се крие од јавноста, во врска со последните информации кои доаѓаат од Грција, дека се заинтересирани за купување на МЕПСО. Освен штурото соопштение на МЕПСО, каде не соопштија ништо околу информациите и потврдија дека за ваков чекор решава Владата, оправдано се појавуваат сомнежи и загриженост кај македонските граѓани, истакна на денешната прес-конференција пратеникот од редовите на ВМРО-ДПМНЕ Тони Јаревски. Во продолжение интегрален текст и видео од прес-конференцијата на Јаревски: За потсетување, на сличен начин во 2006-та година, исто и како сега, неколку месеци пред катастрофалниот изборен пораз, СДСM и ДУИ, против волјата на народот, ја продадоа ЕВН - капитален државен ресурс. Овој чекор низ годините, многупати се покажа како негативен за државните интереси и за стандардот на граѓаните. Ја прашуваме Владата, предводена од ДУИ и СДСM: - Дали се точни информациите дека планираат продажба на МЕПСО? - Дали се свесни дека со ова Македонија целосно ќе ја изгуби својата енергетска независност како држава, односно ќе зависи во тој дел, од друга странска држава? - Зошто ова се прави во целосна тајност, непосредно пред избори каде повторно, исто како и во 2006 година, се свесни за изборниот потоп кој ги чека? - Дали е ова уште еден класичен пример за корупција, како многу кои ги видовме низ годините, случај на „бонбона бизнис“ и провизии за поединци во државниот врв? - Дали знаат дека додека секојдневно зборуваат за ЕУ, НАТО и Америка, со овој чекор 24% од македонскиот енергетски систем, би припаднал, во сопственост на кинеска државна компанија? Почитувани, На целокупната македонска јавност и е јасно како бел ден, дека СДСM и ДУИ ги интересира само криминал, наместени тендери и провизии. Веќе нема дно кое не се спремни да го пробијат за нивниот личен профит. Спремни се да распродадат се, сите државни добра, сите национални интереси, сите можни ресурси, ама баш СЕ за некој милион повеќе. Ова нема да им помине! На наредните избори народот ќе ги казни и порази! Одговорност ќе има!, порача Јаревски.

Јаревски до Меџити: Доколку имавте таква ситуација како што е скандалот „Онкологија“ дали ќе поднесевте оставка?

Ивана Ефремовски — Tue, 17 Oct 2023 15:49:55 +0000

„Неприфатливо е да седи министер, кај што Вие седите и да каже јас не сум запознаен со ситуацијата. За жал изминативе денови дури и пред Вас имавме таков случај што иритира особено многу. Дополнително на тоа многу ни значеше да се укаже и значењето на КАТО системот од Вас лично. Отстранувањето на КАТО системот создава предуслови за таков хаос што следува понатаму“, истакна пратеникот Тони Јаревски на министерот за здравство Фатмир Меџити на денешната седница на Анкетната комисија за случајот „Онкологија“, Јаревски додаде дека пратениците деновиве укажуваат дека доколку КАТО системот бил во функција не би дошло до таков скандал како што е денес. „Мислев да Ве прашам дали сметате дека може ваков скандал да помине без политичка одговорност“, го запраша Јаревски министерот за здравство Меџити. „Имајќи в предвид сите чекори што ги земате, јас верувам постапувањето во препораките на ДЗР, консултации итн. доколку би биле преземени тогаш јас сум уверен немало да се случи, или не во ваква страшна форма скандал. Така да прашањето ми е следно, хипотетички секакви услови има, доколку не би било преземено ништо, и имаше скандал во време доколку Вие бевте министер со вакви перцепции, не било преземено, со таа ситуација во која што се сите сведоци, Вие сте седум месеци и имавте доволно време дури и пред скандалот како што рековте се презеле чекори, доколку имавте таква ситуација дали ќе поднесевте оставка“, беше запрашан министерот за здравство Меџити од страна на пратеникот Јаревски. Тој посочи дека второто негово прашање за Меџити е дали како министер планира да ја прошири позитивната листа со медикаменти кои се за терапија за болни од рак. „Доколку оваа биолошка терапија беше на позитивна листа во тој случај немаше да го спроведува Онкологија, туку ќе спроведуваше министерството. Имајќи ја в предвид тежината на министерството во преговорите кога се спроведуваат таков тип на набавки на позитивната листа генерално цените што се постигнуваат се многу пониски. Следствено прашањето ми е дали имате намера да ја проширите позитивната листа со оваа терапија и да имаме сериозни заштеди“, појасни Јаревски. Јаревски рече дека третото негово прашање до министерот за здравство е што планира да преземе за да се спречат појавите кои што ги има и по клиниките по други градови.

Јаревски: Законот за амнестија е неприфатлив за ВМРО-ДПМНЕ, Владата упорно работи на промоција на неодговорност и на неказнивост

Ивона Петрова — Mon, 02 Oct 2023 19:27:11 +0000

Ова е една власт, една Влада која што упорно работи на промоција на неодговорност и на неказнивост“, истакна Тони Јаревски, пратеник во гостување во „Топ тема“ на Телма телевизија. Јаревски запраша како Ковачевски може да каже за предлог законот за амнестија доколку нешто опфаќа што не треба, нема да го поддржат во Собрание. Па што дискутирале на владина седница пред законот за амнестија да се достави во Собрание. „Како може да ни каже премиерот доколку е тоа опфатено, ние нема да го поддржиме. Да, треба да го видиме се сложувам, но што правеле на Влада? Како можеме да имаме таква рашомонијада од такви изјави за волку сериозна тема“, праша пратеникот. „Околу 280 лица се опфатени со оваа амнестија и да се каже дека причината е дека сакале да ги растеретат затворите, каде што знаеме дека најмалку 2.000 чекаат за да влезат за издржување на санкциите, тогаш е несериозно“, рече пратеникот. Тој нагласи дека законот за амнестија е неприфатлив за ВМРО-ДПМНЕ. „Овој закон е апсолутно неприфатлив за нас. Укажа и претседателот јасно дека доколку се појави со европско знаменце ќе напуштиме. Доколку не биде со европско знаменце ќе ги искористиме сите можни инструменти и алатки кои што ги имаме на располагање да го спречиме ваквиот закон доколку се опфатени тие дела“, појасни Јаревски.

Јаревски: Ние се изнагледавме од оваа власт се и сешто, имаме серија на закони кои што ќе стапат во сила по влегувањето во ЕУ

Ивона Петрова — Mon, 02 Oct 2023 18:26:44 +0000

Ние се изнагледавме од оваа власт се и сешто, имаме серија на закони кои што ќе стапат во сила по влегувањето во ЕУ. Од власта се изнагледавме само хаос, од газењето врз процедурите, врз Деловникот, врз законите, па дури и врз Уставот“, истакна Тони Јаревски, пратеник во гостување во „Топ тема“ на Телма телевизија. Јаревски додаде дека новата Влада предводена од ВМРО-ДПМНЕ ќе биде доста успешна бидејќи ќе работи за интересите на граѓаните. „Ние бевме сведоци каде што и буквално и функцијата на претседател на Собранието беше узурпирана во многу случаеви. Каде што навистина беше изиграна волјата на граѓаните за издржана дебата, каде што се протнуваа премногу закони со европско знаменце, каде што имавме дури и реакции и од меѓународната заедница. А, сето тоа беше занемарувано од страна на власта“, потсети пратеникот. Тој посочи дека добро да се има еден документ, еден инструмент кој што ќе може тие појави да ги анулира во иднина. „Да почекаме да стигне Деловникот, па да го разгледаме, има власта такво искуство и да едно испраќа до ДКСК, а друго оди до Собранието. Се надевам дека овој пат истото нема да се случи“, рече Јаревски. „Она што како информација го имам конкретно за пратенички прашања и што се радувам е што конечно онаа мерка што власта често ја злоупотребува кај што се доставуваат писмени прашања, а тие беа 20, па 30, а следната седница беа 50, и практично првото прашање опозиционо кога ќе дојде на говорница поминало негде во доцните попладневни часови, и мислам дека сега се изземени. И дека ќе одат на посебен дел и мислам дека ќе бидат ограничени и дискусиите по самото поставување на пратенички прашања“, појасни Јаревски.

Јаревски: Поддршка за Дафина Стојаноска, однесувањето на Маричиќ не смее да остане без извинување

Ивана Ефремовски — Thu, 28 Sep 2023 13:17:13 +0000

Уште еден доказ дека Владата е дно! Уште еден доказ дека не знаат што му доликува на функционер, реагира Тони Јаревски од ВМРО-ДПМНЕ. „Уште еден доказ дека се срам! Поддршка за достоинствената Дафина Стојаноска! Ова не смее да помине без извинување и одговорност“ - напиша тој.

Јаревски: Власта е очајна и во такви услови превзема очајни чекори, ВМРО-ДПМНЕ е обединета, кохезивна и нема да отстапи од своите принципи и начела

Катерина Бојаџиева — Fri, 22 Sep 2023 17:11:14 +0000

Во вечерашната емисија „Само вистина“ на Канал 5 ТВ гостуваше пратеникот од редовите на ВМРО-ДПМНЕ, Тони Јаревски кој што истакна дека власта е очајна и во такви услови превзема очајни чекори, и се обидува да направи штета но ВМРО-ДПМНЕ е обединета, кохезивна и нема да отстапи од своите принципи и начела. „Она што е суштински важно и што би можело да има импакт врз тековните случувања во Македонија е една многу јасна порака. Не постои ниту случка, ниту причина ниту пак личност што може да го отргне Христијан Мицкоски и ова раководство на партијата од бранењето на националните интереси. Не постои ниту личност ниту причина што би можело да изврши влијание за промена на нашиот став односно да не дозволиме да се извршат уставните измени под вакви услови односно под бугарски диктат“, нагласи Јаревски. Јаревски потенцираше дека власта е очајна и во такви услови превзема очајни чекори, и се обидува да направи штета но ВМРО-ДПМНЕ е обединета кохезивна и нема да отстапи од своите принципи и начела. „Имаме држава која е затрупана во корупција, разградени институции, власт која нема легитимитет и кредибилитет, имаат рејтинг кој што е ист со рејтингот на правосудството. Имаме ситуација на безнадежност и на револт. Во такви услови имаме очајна влада и во такви моменти пристапуваат кон очајни чекори. Од друга страна имаме силна компактна кохезивна, полна со патриотски дух помеѓу себе пратеничка група на ВМРО-ДПМНЕ која што знае што застапува и која што нема намера да отстапи од своите ставови и принципи. Ние нема да отстапиме нема да дозволиме промена на уставот под бугарски диктат“, потенцираше Јаревски.

Јаревски за Груевски: Обидите за поделба на ВМРО-ДПМНЕ се залудни, ВМРО-ДПМНЕ е цврство и непоколебливо

Ристе Здравков — Wed, 20 Sep 2023 08:52:56 +0000

„Имаме ситуација каде ВМРО-ДПМНЕ 6 години е под континуиран атак, не само од надвор, не само од власта, него и од сегменти на платена опозиција и патриоти на батерии кои се многу силни зад тастатура, серија на мали партии, како да ние сме проблемот на сите прашања“, истакна пратеникот од редовите на ВМРО-ДПМНЕ, Тони Јаревски, во гостување на Радио Лидер. Тој кажа дека се говори за ситуација во која ВМРО-ДПМНЕ е јасна и концизна и секогаш е на страна на граѓаните. Јаревски додаде дека ВМРО-ДПМНЕ има цврста поддршка од граѓаните да опстои на патот и позициите по кои оди и кои ги застапува. Тој рече дека раководство и претседателот на ВМРО-ДПМНЕ излегле пред граѓаните и јасно кажале дека можат да веруваат на ВМРО-ДПМНЕ и сите чекори досега што беа направени се во насока дека нивната доверба ќе биде оправдана. „Имаме фактичка ситуација каде ВМРО-ДПМНЕ има најмалку двојно предност на сите релевантни анкети кои сега се во оптек и се разбира дека во таква ситуација нашите политички ривали или непријатели ќе ги искористат и ќе посегнат по сите средства и инструменти со цел таа фактичка состојба да ја променат и да стигнат до нивните лукративни цели. Во тој процес да се обидат да имаат намера или да направат дејанија со кои ќе се обидат да му наштетат на ВМРО-ДПМНЕ или во крајна цел да успеат да го поделат. Тие обиди ќе им бидат залудни, ВМРО-ДПМНЕ е цврство и нашата пратеничка група е непоколеблива, ќе опстоиме на ставот и нема да се случи нешто на што ние сме се обврзале дека ќе го направиме“, вели Јаревски.

Јаревски: Пратеничката група на ВМРО-ДПМНЕ е компактна и нема да подржи Уставни измени!

Ивана Ефремовски — Wed, 20 Sep 2023 07:32:30 +0000

Тони Јаревски, пратеник од ВМРО-ДПМНЕ во своето гостување во радио Лидер потенцираше дека она кое што е најважно за државата, граѓаните е дека Македонија има влада која што е потопена со корупција и влада на национални штетници. -Имам период во кој што добиваме различни пораки, различни информации од различни места, но ако сакаме да сублимираме со што се соочуваме и ние како партија и како држава и како граѓани, се соочуваме со власт, со влада која што е потопена со корупција. Се соочуваме со власт која што ги разградува институциите, се соочуваме со влада на национални штетници, со трговци кои не се двоумат дали да посегнат по елементи, по договори, по работи само за еден ден власт плус. Еден ден власт плус кој што ќе биде обременет повторно со некој скандал, повторно со некој сомнителен тендер, повторно со некое дело на корупција. И тоа го докажаа и претходно, рече тој. Во врска со владата предводена од СДС, Јаревски укажа дека оваа влада е и без идеологија и принципи само за да останат ден плус на политичката сцена. -Имаме крпеница од влада која што веќе не знаеме кој влегува кој излегува, без идеологија, без принципи само за уште еден ден власт. И во таа насока се покажаа дека се спремни на се, вели пратеникот. Пратеникот Јаревски додаде дека иако во јавноста излегуваа секојдневно информации и разни изјави во врска со уставните измени, пратеничката група на ВМРО-ДПМНЕ е компактна и нема да подржи уставни измени. -Овие информации кои што ги имаме деновиве кажуваат на истото. Моментот е она што можеме да укажеме е дека има силни индикации па и нивни јавни изјави дека они бесрамно излегоа во јавност и рекоа разговараат или преговараат или не знам што прават во насока на обезбедување на мнозинство потребно за уставните измени во услови кога е јасно дека групата на ВМРО-ДПМНЕ е компактна и дека никој нема намера такво нешто да подржи, порача тој.

Јаревски до Ковачевски: Зошто дозволивте спојување на концесиите, а знаевте дека со неисполнување на истата давате правна можност Дестани да ја тужи Македонија и да изгуби на арбитражен суд

Катерина Бојаџиева — Thu, 27 Jul 2023 12:11:28 +0000

Владата на СДСМ и ДУИ уште во 2006 година дала одобрение за отворање на рудник во Иловица, а тоа е коренот на проблемот со Иловица. На 27 јуни 2023 година на седница на оваа Влада на која сите биле присутни имале дополнителна точка на дневен ред за спојување на концесиите на рудникот. И по тоа никој не знае што се гласало. Каја Шукова вели не знаела, Оливер Спасовски гласале ама не знаеле за што, и вчера излегува Крешник Бектеши кој вели сите се криви, а тој најмалку и дека другите многу добро знаеле за што се гласале, рече пратеникот Тони Јаревски од ВМРО-ДПМНЕ на денешната собраниска седница посветена на пратенички прашања. Јаревски постави неколку прашања. Прво прашање, до премиерот Димитар Ковачевски да одговори „зошто дозволивте спојување на концесиите бидејќи имавте информација дека граѓаните се против отворање на рудник, односно знаевте дека со одлука за спојување на концесиите и неисполнување на истата и давате правна можност на фирмата на Дестани да може да ја тужи Македонија и да изгуби на арбитражен суд и да треба да му се исплатат над милијарда евра од државниот буџет на Дестани и Еуромакс Ресурсис, и потпрашање зошто не е раскината концесијата дотогаш и зошто ваква лакрдија за спојување на концесиите, а потоа повторно одвојување“. Второ прашање до Каја Шукова, „дали Дестани има поднесено до министерството за животна средина студија за заштита на животната средина со оглед дека Дестани е познат во јавноста како човек близок до ДУИ, кој нема ниту еден ден искуство, ниту некаква експертиза од копање на злато и бакар?“ И трето прашање, во врска со европската организација ОЛАФ која од 36 предмети кои ги истражува 18 биле од Македонија, до вицепремиерката Славица Грковска. „Вие сте задолжена за добро владеење и треба да знае како се движат нашите и странските пари, дали сте до толку неспособна за пред нос да ви се случуваат вакви страшни злоупотреби да се брукаме пред Европа или Артан Груби и Димитар Ковачевски не ви дозволуваат да си ја работите работата“, праша Јаревски.