Тони Максимов – Kurir.mk

Иако мал дом, Јованка има големо срце: Прими мајка и ќерка од Украина во куќата во Василево, еве како се запознале (ВИДЕО)

Дарко Андоновски — Mon, 11 Apr 2022 07:44:16 +0000

Кога хуманоста ќе се стави на прво место, тогаш не постојат никакви пречки. Се наоѓа универзален јазик за комуникација, а малата куќа станува голема. Пример за тоа е Јованка Цонева од струмичко Василево која го отворила нејзиниот скромен дом и понудила загрижување на семејство од Украина. Ги споило случајното пријателство од Фејсбук, но тогаш никој не претпоставувал дека тоа ќе биде мост преку кој Татјана и нејзината ќерка Јулија ќе дојдат до сигурен дом додека трае конфликтот во нивната држава, објавува телевизија Сител. Семејството на Јованка брои пет члена, а куќата е мала, но ним тоа не им е проблем. Вели со добра организација има место за сите. Јованка не знае украински, а гостинките македонски, но се разбираат. Татјана и нејзината шеснаесетгодишна ќерка во Македонија се веќе три недели. Патувале четири дена низ шест држави. Кога дошле тука биле прифатени како дел од семејството. - Добро е, луѓето се многу добри и одлично не прифатија, не само баба Јованка, туку и нејзините внуци. Сите не прифатија како свои, вели Јулија. И покрај топлиот прием и на Татјана и на Јулија им недостасува домот. Се надеваат дека состојбата наскоро ќе се смири а тие пак ќе бидат со своите блиски. - Се надевам дека наскоро се ќе се заврши и да се вратиме дома, вели Татјана. - Сакам што поскоро да заврши се и да си одам дома во Украина. Таму останаа сите мои пријатели, вели Јулија. Додека престојуваат во Македонија, Татјана и Јулија освен од семејството Цоневи поддршка добиваат и од волонтерите на Црвениот Крст. Со нивна помош деновиве ќе започнат да го учат и македонскиот јазик.

Максимов до Хоџа: Тоа не е нов момент министре, ние тие пари ги добивавме и од претходната Влада

Тале Кристо — Mon, 29 Mar 2021 17:12:14 +0000

Министерот за земјоделство, шумарство и водостопанство, Аријанит Хоџа во емисијата „24 анализа“ посочи дека оризопрозиводителите со доаѓање на новата Влада имаат нов момент дека добиваат плус 30.000 денари, тогаш Тони Максимов, претставник на оризопроизводители го прекина министерот и рече дека не е точно бидејќи тие пари ги добивале порано и од претходната Влада. -Министерот кажа дека тоа е нов момент, но тоа не е нов момент, ние тие 30.000 ги добивавме и од претходната Влада, нагласи Тони Максимов, претставник на оризопроизводители во гостување на „24 Анализа“. Максимов додаде дека министерот парите ги става по основ на семенски или по основ на штета од град или по основ на штета од суша. Тие пари како земјоделци ги добиваат тие три илјади денари односно 30.000 по декар, 30.000 по хектар ги добиваа.

Максимов: Во моментов е уште полоша цената на оризот, оризопроизводители се заборавени од државата

Тале Кристо — Mon, 29 Mar 2021 17:09:24 +0000

-Во моментов е уште полоша цената на оризот. Откако излеговме ние имавме штрајк т.н. на оризопроизводителите, на земјоделците, наместо работата да оди на подобро таа појде надолу. Во кој смисол? Оризот падна за два денари по килограм доле, а препаратите и вештачките ѓубрива отидоа нагоре дури денеска се очекува цената да се качи од 500 на 600 денари од три петнаески, што е основно за оризот. Зелената нафта ја нема никаде, а другата нафта се качува и ние буквално сме оставени сами на себе, истакна Тони Максимов, претставник на оризопроизводители во гостување на „24 Анализа“. Максимов додаде дека оризопроизводители сите пари што ги имаат настрана веќе ги даваат за оризот што треба да се одгледува оваа година, така да земјоделците што одгледуваат ориз се оставени сами на себе, заборавени се од државата. -Имаме големи проблеми со оризопроизводство, а на прагот сме да започнеме со нова сезона, а уште старото оризопроизводство што го имаме ни стои во амбарите, рече Максимов. Максимов посочи дека се приморани да го дадат оризот за ич пари.