Тони Менкиноски – Kurir.mk

Повторно oдложено рочиштето од процесот против адвокатот Менкиноски поради истакнувањето на знамето од Кутлеш за Водици во Охрид

Тале Кристо — Tue, 26 Sep 2023 09:27:59 +0000

Пред Основниот суд во Охрид и денеска не се одржа рочиштето од процесот што се води против адвокатот Тони Менкиноски. Против него е покренато обвинение за нарушување на јавниот ред и мир со тоа што лично тој ја презеде одговорноста за поставување на знаме со сонцето од Кутлеш во центарот на Охрид, за празникот Богојавление. Денешното рочиште не се одржа, како што беше речено, поради здравствени проблеми на судијата Милчо Клишески кој го води предметот, а наредното ќе биде закажано дополнително. И овојпат не се појавија претставници на Министерството за внатрешни работи, од каде против него е покрената прекршочната пријава за поставувањето на знамето, како дело со кое е истакнато „знаме или грб кој не ги содржи обележјата утврдени со закон“. -Несериозен однос од Судот, прво требаше да не известат дека судијата се разболел, дека нема да се одржи судењето. Второ, воопшто никој не се појавува на судењата од страната која го поднела обвинението... Сега е целта да се калкулира со овој предмет, да не се будат страстите кај Македонците бидејќи не знаат како да се справат во овој предмет. Од една страна сакаат да ме осудат, а според правото треба да донесат ослободителна пресуда бидејќи тој го што иницирал треба да се појави и да образложи. Во спротивно кадијата те тужи, кадијата те суди, рече Менкиноски. Менкиноски, кој инаку ги застапува Македонците во Бугарија пред Судот за човекови права во Стразбур, за медиумите рече дека негова цел е да извојува победа, за знамето со македонското сонце од Кутлеш да може слободно да го вее секој оној кој себеси се идентификува за Македонец како знак што го смета за свое културно историско и национално наследство. -Не смееме да дозволиме пракса да ни биде забрането да го истакнуваме ова сонце. Ќе одиме и до Стразбур и до други меѓународни институции како Обединетите нации итн, рече тој. Адвокатот Менкиноски ја презеде одговорноста за поставувањето на големо 40-метарско знаме со македонското сонце на првиот ред од Самоиловата тврдина во центарот на Охрид, за верскиот празник Водици и во уште една прилика кога беше организиран протестен собир на група граѓани за поддршка на осудените за настаните во Собранието од 27 април 2017 година. Инаку, и денеска како и за време на претходните рочишта по предметот, група граѓани на Охрид се собраа пред Основниот суд во Охрид за да му искажат поддршка на обвинетиот.

Во Судот во Охрид повторно не се одржа рочиштето против адвокатот Менкиноски: Не се појавиле претставници на МВР

Тале Кристо — Tue, 04 Jul 2023 11:35:08 +0000

Пред Основниот суд во Охрид и денеска не се одржа рочиштето од процесот што се води против адвокатот Тони Менкиноски, обвинет за нарушување на јавниот ред и мир со поставувањето знаме со сонцето од Кутлеш во центарот на Охрид. Рочиштето не се одржа поради тоа што пред Судот не се појавија претставници на Министерството за внатрешни работи, од каде против него беше поднесена прекршочна пријава за извршено дело „истакнување знаме или грб кој не ги содржи обележјата утврдени со закон“. - На судењето воопошто не се јавија претставници на МВР. Очигледно е дека МВР бега од средба и пулените на Оливер Спасовски не дојдоа да објаснат како ние сме го нарушиле јавниот ред и мир. Јас воопшто не се чувствувам виновен, горд сум што го истакнав македонското знаме. Не сум го нарушил јавниот ред и мир, не постои ниту еден меѓународен, билатерален или мултилатерален договор што може да ме спречи мене како Македонец да го развијам македонското знаме, изјави Менкиноски. Најави дека ќе бара од Судот да донесе ослободителна пресуда од причина што како и во претходните рочишта не се појавува никој од страната на обвинението, а смета дека ослободителната пресуда ќе значи слобода Македонците достоинствено и гордо да го веат знамето од Кутлеш. - Ова не е битка за мене, туку за нас Македонците, иста како што онаа ја водевме пред Стразбур за Македонците од Пиринска Македонија. Во слободна држава да не смееме да развиеме македонско знаме, нема поголем апсурд, рече Менкиноски кој пред Судот во Стразбур ги застапуваше Македонците од пиринскиот дел на Македонија. И овојпат пред Судот во Охрид се собраа стотици граѓани во знак на поддршка на обвинетиот, кој доброволно ја презеде одговорноста за поставувањето на големо 40-метарско знаме со македонското сонце на првиот ред од Самоиловата тврдина во центарот на Охрид. Знамето беше поставено за верскиот празник Водици и во уште една прилика кога беше организиран протестен собир на група граѓани за поддршка на осудените за настаните во Собранието од 27 април 2017 година.

Имаме право да го вееме македонското знаме, истакнато на собирот за поддршка на Тони Менкиноски

Дарко Андоновски — Thu, 15 Jun 2023 18:42:09 +0000

Адвокатот Тони Менкиноски доби пријава затоа што го развеа знамето со сонцето од Кутлеш во Охрид во знак на поддршка на уставобранителите на 27 април годинава. Поголема група граѓани денеска во 18 часот се собра пред Собранието под слоганот „Јас сум Тони Менкиноски“, давајќи му поддршка на адвокатот. „Ние си имаме право да си го вееме македонското знаме. Утре е судењето, па не очекувам ништо друго освен да ме ослободат. Како прво и основно, не постои закон кој може да нѐ спречи да го вееме македонското знаме. Поради таа причина против мене е поднесено обвинение за нарушување на јавниот ред и мир, бидејќи и тие самите не знаеле како да го нормираат обвинението. Со ова сакаат да покажат дека Македонците не смеат да го користат ова сонце“, рече Менкиноски денеска директно од протестот пред Собранието. Инаку, тој е застапник на ОМО Илинден и има добиено десетина судски процеси против Бугарија.

Собир за поддршка на Тони Менкиноски

Ивона Петрова — Thu, 15 Jun 2023 05:37:54 +0000

Собир за поддршка на адвокатот Тони Менкиноски е најавен за денеска во 18 часот. Менкиноски доби пријава затоа што го развеа знамето со сонцето од Кутлеш во Охрид во знак на поддршка на уставобранителите на 27 април годинава. Процесот против него се води по пријава од СВР Охрид од каде што тврдеа дека наредбата за прогон на Менкиноски е дојдена од кабинетот на министерот за внатрешни работи Оливер Спасовски. Менкиноски е адвокат кој без пари со години ги брани Македонците од Бугарија во Стразбур каде учествувал во 16 пресуди против Бугарија. Кога МВР по налог на кабинетот на министерот Спасовски почна да оди по куќите на луѓето што биле со Менкиноски на 27 април, адвокатот се пријави дека тој е одговорен за настанот и побара сам да одговара за знамето со цел да ги заштити другите учесници. Судското рочиште е закажано за 16-ти во Охрид каде во охридскиот суд ќе му се суди за нарушување на јавен ред и мир иако никој во Охрид не пријавил дека е нарушен јавниот ред и мир.

Утре собир за поддршка на Тони Менкиноски

Дарко Андоновски — Wed, 14 Jun 2023 19:00:16 +0000

За утре во 18 часот е најавен собир за поддршка на адвокатот Тони Менкиноски кој доби пријава затоа што го развеа знамето со сонцето од Кутлеш во Охрид во знак на поддршка на уставобранителите на 27 април годинава. Процесот против него се води по пријава од СВР Охрид од каде што тврдеа дека наредбата за прогон на Менкиноски е дојдена од кабинетот на министерот за внатрешни работи Оливер Спасовски. Менкиноски е адвокат кој без пари со години ги брани Македонците од Бугарија во Стразбур каде учествувал во 16 пресуди против Бугарија. Кога МВР по налог на кабинетот на министерот Спасовски почна да оди по куќите на луѓето што биле со Менкиноски на 27 април, адвокатот се пријави дека тој е одговорен за настанот и побара сам да одговара за знамето со цел да ги заштити другите учесници. Судското рочиште е закажано за 16-ти во Охрид каде во охридскиот суд ќе му се суди за нарушување на јавен ред и мир иако никој во Охрид не пријавил дека е нарушен јавниот ред и мир.

Адвокатот што го развеа ,,Сонцето од Кутлеш” ќе биде уапсен од МВР ако не се појави на суд на 16 јуни

Дарко Андоновски — Wed, 07 Jun 2023 07:50:36 +0000

Адвокатот Тони Менкиноски кој е одговорен за тоа што го развеа знамето со ,,Сонцето од Кутлеш” ќе биде уапсен од МВР ако не се појави на суд во процесот што се води против него. Оваа закана стои во документ на судот во Охрид пред кој се води постапката против Менкиноски. Процесот против него се води по пријава од СВР Охрид од каде што тврдеа дека наредбата за прогон на Менкиноски е дојдена од кабинетот на министерот за внатрешни работи Оливер Спасовски. Менкиноски е адвокат кој без пари со години ги брани Македонците од Бугарија во Стразбур каде учествувал во 16 пресуди против Бугарија. Сега МВР на Спасовски го гони затоа што во знак на поддршка на уставобранителите на 27 април годинава го постави огромното македонско етничко знаме познато како знаме со ,,Сонцето од Кутлеш”. Кога МВР по налог на кабинетот на министерот Спасовски полна да оди по куќите на луѓето што биле со Менкиноски на 27 април адвокатот се пријави дека тој е одговорен за настанот и побара сам да одговара за знамето со цел да ги заптити другите учесници. Судското рочиште е закажано за 16 во Охрид каде во Охридскиот суд ќе му се суди за нарушување на јавен ред и мир иако никој во Охрид не пријавил дека е нарушен јавниот ред и мир.

Менкиноски: „Косовскиот пример им дава легитимитет на референдумите во украинските области за приклучување кон Русија!“

Дарко Андоновски — Sat, 01 Oct 2022 15:44:01 +0000

„Кој прв ја прекрши Повелбата на Обединетите нации?! Дали меѓународното право стана заложник на меѓународната политика?“ – овие прашања се поставуваат во анализата со наслов „Повелбата на Обединетите нации како боксерска вреќа“, која ја објави весникот „Нова Македонија“. „Дали се обликуваат повторно меѓународното право и меѓународниот поредок?“ Покрај другото, во статијата пишува: „Едни меѓународноправни експерти тврдат дека меѓународното право и принципите на Обединетите нации, но и Виенската конвенција за дипломатски односи, беа прекршени и нарушени многу пред создавањето на косовската држава, и тоа од страна на големите сили со низа примери на интервенции и покрај ООН, на Блискиот, односно на Средниот Исток.“ „Експертите сега се судираат во своите аргументи, цитирајќи ја Повелбата на Обединетите нации во врска со референдумот во Донецк, Луганск, Херсон и Запорожје дека ‘референдумот е во согласност, односно, оти не е во согласност со меѓународното право и дека има тешки прекршувања’ Светската јавност е ‘бомбардирана’ со информации, со аргументи и контрааргументи, кој ги испочитувал, а кој ги прекршил меѓународниот поредок и меѓународното јавно право.“ „Адвокатот Менкиноски вели дека, ако референдумите поминат позитивно во Донбас и во другите украински области, тогаш тие ќе станат дел од Руската Федерација. ‘Суверенитетот им припаѓа на граѓаните. Тие имаат право да излезат на референдум. Можат да одлучат да влезат во сојуз со Русија, бидејќи косовскиот пример им дава легитимитет.’ – нагласува Менкиновски.“ „Душан Јаневски, претставник на Светскиот македонски конгрес во Србија, вели: ‘Ние, во Светскиот македонски конгрес, во 2016 година со резолуција повикавме на почитување на меѓународното право и на резолуцијата 1244 на Обединетите нации. Но, земјите од Европа ги поставија позициите на силата над позициите на меѓународното право. Со уцени и притисоци ја присилија и Македонија да го признае Косово за држава.“

Менкиноски: Не смееме да дадеме се и обезличени да влеземе во ЕУ како мртва држава

Тале Кристо — Mon, 21 Feb 2022 19:39:27 +0000

Ова што Бугарија го прави е акт на агресија, да бара менување на јазик, историја, влегуваме во небулози. На Македонија и треба лоби и организација за македонското прашање, план и систем. Има многу организации кои го креираат јавното мислење во меѓународната заедница каде може да се лобира, а тоа сега е оставено на тие кои не ни мислат добро и треба да го смениме, изјави адвокатот Тони Менкиноски за „Што не е јасно“ на Алфа Телевизија. Тој додава дека ни треба систем кој можеби ќе потрае, но не треба да дадеме се за да влеземе во ЕУ и да бидеме обезличени како мртва држава. - Вие почнувате преговори, но тогаш почнува процесот кој не е мал. Треба да влеземе спремни во тој процес. Нормално е дека ќе има некои кои ќе бидат против. Потребен е долготрочен систем, а не краткорочен, сега прават краткорочни работи кои се срамота. Не е ова пазар. Ние немаме право сега да се пазариме со малцинства, истакна Менкиноски. Менкиноски додава дека ние сега немаме никој кој би лобирал за нас во светските институции а ниту ја користиме емиграцијата која може да помогне. - Рекламите на Си Ен Ен беа одлични, тоа беше одлична можност за Македонија да се види дека постоиме, истакна тој. Според него, не треба да се откажуваме, и дека треба да создадеме подобра држава за да можеме да се се избориме за македонските интереси. - Мора да направиме држава како што треба. Институциите мора да се вратат на колосек, да го подобриме животот на Македонците и да гледаме многу Македонци да останат во Македонија. Инстититуционално да почнеме да градиме држава, нагласи Менкиноски.

Менкиноски: Ако некој прифати нешто спротивно на интересите Македонците во Бугарија само ќе изврши предавство, но нема да ги натера тие да се откажат

Тале Кристо — Mon, 21 Feb 2022 18:09:33 +0000

Ако некој прифати нешто спротивно на интересите Македонците во Бугарија само ќе изврши предавство, но нема да ги натера тие да се откажат вели адвокатот Тони Менкиноски во „Што не е јасно“ на Алфа телевизија додавајќи дека македонските политичари морамора да ги бранат интересите на Македонците во соседството и дека Бугарија мора да ги исполни пресудите од Европскиот Суд за човекови права, како и дека мора да има реципроцитет. Тој вели дека во Бугарија има многу Македонци кои се организирани во одредени форми, политички партии кои водат процеси во Европскиот суд за човеовки права, културни друштва и дека неможе да се зборува за македонски народ, а да се изостават Македонците во Бугарија, тоа е една целина која мора да има хармонија. - Според меѓународните стандарди не забрането да им помогнете на Македонците во соседните држави. Сум бил на многу форуми каде македонските делегации ги снемува кога ќе дојде ред да се зборува за македонското прашање, исчезнуваат по ходниците. Македонските граѓани треба да знаат. Тоа не е во согласност со данокот кој го плаќаме како Македонци. Тие треба да ги застапуваат интересите на Македонците. Македонците во соседството успеаја да дојдат до голема победа. Пресудите во Европскиот суд на човекови права се за правото на здружување, Македонците со македонска самосвест се здружиле и формирале културно уметнички друштва и партија. Софија ги забранува и таа забрана не е од денес. Во самите пресуди судот вели Македонците, ги признава како такви и прави јасна дистинкција меѓу Македонците и Бугарите, рече тој. Менкиноски нагласи дека има и други инситутции како Совет на европа и ОН кои велат дека Бугарија треба да го смени Уставот и да ги имплементира Македонците во Уставот, но нивната дипломатија прави замена на тези и бара ние да го смениме Уставот и да ги ставиме Бугарите како малцинство.

Менкиноски: Меѓународната заедница се интерсира за предметот со Орце Камчев

Дарко Андоновски — Mon, 10 May 2021 07:12:08 +0000

Нема никаква причина да го притворат Камчев и да го лишат од слобода, едниствениот начин беше повторно службена белешка, а според Законот став 43 член два од АНБ и тоа неможе да се користи во кривична постапка , значи има сторено злоупотреба на службена положба и овластување, изјави адвокатот Тони Менкиновски во емисијата „Утро со Златев на Радио Лидер, во однос на случајот со преметот на бизнисменот Јордан Камчев кој во моментов се наоѓа во притвор. Тој додава дека Камчев е обичен човек, стопанственик, не треба да биде тоа стигна. Камчев беше предмет на тортура, пет дена беше без вода за пиење и хигиенска вода . Намерата им била многу мрачна и затоа го известив Комитетот, на прес конференцијата на Комитетот за превенција од тортура во странство. Постои динамика во предметот и преговарање со Владата, во моментов се во истрага. Го констатираше и Народниот правобранител. -Меѓународната јавност се интересира за предметот со Орце Камчев . Во предметот на Камчев нема дејстија. Тој си купил плацеви кои биле приватни, биле чисти и не биле државна сопственост. Рускоска излезе и рече дека белешката од АНБ не била доказ, а судот ја прфатил како таква. Побаравме тој доказ да се утврди како незаконит . Правдата е далеку од Македонија. Јордан Камчев е предметот како што не треба да се прави. Тој вработува над 3000 луѓе и е лојален граѓанин на ова адржава. И која е пораката да не откриваме вакви коруптивни дела. Камчев е решен правдата да ја истера до крај , изјави Менкиновски.